Salix alba
Piante | |
---|---|
Tipo de fruta | capsula (it) |
Stato de conservasion | |
Ris-cio mìnemo | |
UICN | 203465 |
Tasonomia | |
Superregno | Eukaryota |
Rènjo | Plantae |
Órdene | Malpighiales |
Fameja | Salicaceae |
Zènare | Salix |
Spece | Salix alba L., 1753 |
Distribusion | |
Al salež da manech (nome sientifego Salix alba) al è na pianta de la fameja de le Salicaceae.
Descrižion
Albero alt infin a 25m, da la ramada verta e le fruscole fine, tendre e forte, scorža su 'l biso. Le foje lanceolade-acuminade le è pelose su tuti doi i fianchi da dovene, quele vece solche sot. I fior co do stami, ovario quasi sessile i è giai binadi in infioressenže slongade ciamadi amenti. I fruti i è capsule che le se verde in do part assando libere le žiess cotonose.
Distribužion e habitat
Al viu inte i posti umidi e drio i ricat de aqua in tuta Europa. In natura al nass da le žiess. Par coltivarlo se inpjanta an ficon (quindi al nass par talea).
Usi
I ran i gnen doperadi par far manech de arte da laorar la tera, cocoi par i tinaž, falcar, teržipè par le scale e qualche altro uso de poca inportanža. I boce i li doperea infin a qualche diesina de ani fa anca par far subiot. La scorža, se se ghe dondea de destacarla polito, se la doperea par far al scertož dintorn de 'l incalm. Sto salež al gnea anca doperà come salvarech par incalmarghe sora quel mestech par far sache e sacolet. Da sto tipo de salež gnea ricavà al acido salicilico che, tratà co anedride acetica, al gnea acido acetilsalicilico, mejo cognossest come aspirina.
Altri progetti
Errore script: nessun modulo "Interprogetto".