Juto:Voxe da controłare

Ndando de ramengon infrà łe pajine de vec.wiki xe posibiłe catar voxe che contien informasion no acurae e che łe gapia bixogno de coresion.

L'asion consejà xe intervegner diretamente, ixołando i erori e łe inprecixion e eliminandołi suito. Par exenpio:

co na fraxe xe sbałià e no ghe xe modo de corejerla, scansełała
se 'l testo da sistemar el xe longo, te poi scondarlo metendoło infrà . In sto caxo segnała ła roba o so ła pajina de discusion de ła voxe o al projeto de riferimento in modo che altri utenti i posa darte na man a sistemarlo co calma.

Varda anca Wikipedia:Verifegabiłità par saver come verifegare l'atendibiłità.

Ghe pol esar voxe masa conplese o spesałisteghe, che no tuti pol corejere diretamente. In sti caxi xe oportun almanco segnałar el problema co'l avixo da controłar (modèl {{C}} .

– Sporteło informasion

Cuando che se dopara el modèl

Par piaser segnała na voxe "da controłar" soło che se te se che łe informasion contegnue no łe xe corete o acurae ma no te si bon de sistemar diretamente ti el problema. Verifegar ła coretesa de na informasion no xe de sołito difisiłe:

Te poi far na riserca in rede
Se, anca se co ła riserca in rede no te ghe catà conferme, te ritien isteso che el testo el gapia erori, te poi segnałarlo doparando el avixo.
Se 'l eroro el xe soło che so na picoła parte de ła voxe, basta scansełar el toco o scondarlo (come spiegà sora). In sto caxo no ghe xe bixogno de metar 'l avixo.

Varda Wikipedia:Verifegabiłità par 'ver pì detaji.

Cuando che NO se ga da doparar el modèl

Ocio: ła Categoria:Da controłare no ła xe un parchejo par tute łe voxe de cui "no se sa cosa far". Segnała na voxe "da controłar" soło che cuando xe veramente nesesario. In tanti caxi defati existe avixi pì apriopiai (varda Juto:Avixi). Eco i prinsipałi:

Se ła vo xe xe poco neutrałe e ogetiva, dopara pitosto el modèl {{P}}

e łasa un comento inte ła discusion

Par segnałar na viołasion de copyright, dopara el modèl {{controlcopy}}

Se i erori i xe de gramatica o sintasi, dopara {{corejere}}

; se invese xe da sistemar ła formatasion uxa {{W}}

Se ła voxe no ła ga vałor ensiclopedego no exitar a proporla par la scansełasion! Sarà ła comunidà a desidare (se nesesario co na votasion) se ła voxe ła ga i recuixiti par restar. Se invese xe mejo discutarghine ełora segnała ła voxe co 'l avixo {{E}}

Se ła voxe ła xe sta pena inseria e ła xe soto i standard anca pa' un aboso, cioè no ła sodisfa tuti i criteri de łe linee guida ma el contegnuo el xe coreto, meti el avixo {{A}}

(che'l fornise 10 xorni de tenpo al autor par conpletar ła voxe, finii sti diexe dì se no ghe xe sta mejoramente ła voxe va proposta par ła scansełasion)

Anca se manca łe fonti, na voxe no ła xe sbałià: in sti caxi dopara {{F}}

(o {{Citasion nesesaria}}

se'l problema el xe soło che so calche fraxe)

Nota ben: Se 'l avixo "da controłare" el vien meso in uno de sti caxi cuà sora el vien cavà e canbià co 'l avixo pì adato.

Xe posibiłe corejere diretamente łe informasion, fało ti!
Se te vui senplisemente sotopor ła voxe al atension de chi che se ocupa de chel argomento segnała ła voxe inte ła pajina de discusion del projeto pì apropià
Xe inportante łasar inte ła pajina de discusion de ła voxe in cuestion comenti detajai che descriva el problema che te ghe riscontrà

Come se dopara el modèl

El "modèl:C el permente de inserir un comento curto che'l giustifeghe ła nesesità de na revixion. In pì el inserise automategamente ła voxe inte ła Categoria:Da controłare.

Par contrasegnar na voxe "da controłare", scrivi inte ła prima riga de ła voxe:
{{C|motivo|argomento|mexe ano}}

NOTE:

Inte el motivo xe nesesario spesifegar che informasion xe sbałiae e parché. Xe bona abitudine łasar anca un comento pì detajà inte ła discusion de ła voxe.

Segnałasion a i utenti

Te poi avixar 'l autor de ła voxe in modo che'l posa darghe un ocio.

Se te vedi che un utente no'l ga rispetà ste linee guida, metindo el C invese de un avixo pì apropià, dopo 'ver coreto te poi avixarlo.

Pajine ligae