Santi Ana e Joachin

Santi Ana e Joachin

Nome orizenałe	(he) חַנָּה (grc) Ἅna (ar) حنة
Biografia
Nasimènto	55 v.C. Betleme
Mòrte	12 d.C. (65/66 ani) Nazaret (it)
Liogo de sepełimento	chiesa dell'Assunzione di Maria (it)
Dati personałi
Grupo ètnego	Ebrèi
Rełijon	Ebraìsmo
Atività
Laóro	casalinga (it)
Atività	(Ativo inte i ani: seculo I )
Ełevasion
santo
Festività	26 de lujo (Catòłego roman) December 9 (en) (Ortodosia orientałe)
Fameja
Spoxa	Joachin
Fiołi	Maria
Mare	Emerenzia (it)
Fradełi	Sobe (it) e Esmeria (en)
	visione (it)

Masaccio, Sant'Ana, Firense, Gałaria dei Ufisi

Icona rafigurante Sant'Ana, San Joachin e ła Madona da putina

I Santi Ana e Joachin, ancha se no i vien mìa mensionà inte i testi biblici, i xe venerà da ła devosion popołare che ła risałe al II secoło come spuxi, mare e pare de Maria e noni de Gesù.

Ła só storia ła vien cuntà par ła prima volta inte el Protovangelo de Giacomo, apocrifo atribuio al "fradeło del Signore", e dal Vangeło del Pseudo-Matteo.

Secondo ła tradision, Ana ła zera fioła de Achar e soreła de Esmeria, mare de santa Ełisabeta e nona del Batista. Prima de maridarse co Joachin, Ana ła zera sta spoxà do volte: da ła só prima union zera nata Maria, mujere de Cleofa e mare de Giacomo el Minore; da ła secónda Maria Sałomè, mujere de Zebedeo e mare dei apòstołi Giacomo el Magiore e Giovani.

El só matrimonio co Joachin, omo virtuoxo e sior de ła tribù de Giuda e de ła stirpe de Davide, no el gaveva prodoto fiołi, a cauxa de ła steriłità de só marío.

Giotto, L'incontro de Ana e Joachin a ła Porta Aurea, Padova, Capeła dei Scrovegni

Mentre i zera separà, on anxeło el saria aparso a Ana e ghe gavaria dito che presto ła gavaria 'vù on fioło e in contemporanea l'angeło el saria aparso in sogno anca a Joachin. I du i se saria incontrà a ła porta aurea de Gerusałeme e i autori medievałi i vede inte el só casto baxo el momento de l'Imacołata concesion de Maria.