Adonis (kazmuz)
| Adonis | ||||||||||||
|---|---|---|---|---|---|---|---|---|---|---|---|---|
 Üks'vozne adonis (Sügüz'adonis) (Adonis annua / autumnalis) änikoičeb, heimon tipine erik | ||||||||||||
| Tedoklassifikacii | ||||||||||||
|
||||||||||||
| Latinankel'ne nimi | ||||||||||||
| Adōnis L., 1753 | ||||||||||||
|
Adonis (mugažo latinan kelel) om üks'voččiden i äivoččiden heinäsižiden kazmusiden heim. Mülütadas Vesnuhheinižed-sugukundha.
Nimituz libub Amuižen Grekanman Adonis-jumalan nimespäi vai semitižes adon-sanaspäi «jumal». Erased tedomehed erištadas äivoččid erikod Chrysocyathus-heimoks (änikoitas pakuižel).
Leviganduz
[vajehta | vajehtada lähtetekst]Heimon erikod oma levitadud Evropadme i Azijan maiš päiči räkäs klimatas.
Navettäs kaitud päivoikahid tahoid venos klimatas lämänke kezanke.
Ümbrikirjutand
[vajehta | vajehtada lähtetekst]Erikod kazdas 10..40 sm kortte. Lehtesed oma höunhenvuiččed, jagadud henošti.
Adonisan erikoiden änik mülütab 5..30 äniklehtest. Se voib olda rusttan, pakuižen i ruskedpakuižen mujun.
Kävutand
[vajehta | vajehtada lähtetekst]Ištutadas saduiš dekorativižeks kazmuseks, adonis om introduciruidud Pohjoižamerikha.
Kaik viž erikod oma lasktud medicinižeks torhudeks: keväz'adonis, apenninine, volgan, kuldatab i turkestanine adonisad. Ottas unotest i kuivad ekstraktad tüništoitajaks zelläks i abutuseks südäikeran täht. Sihe kacmata, äjad erikod mülütadas morijoid substancijoid.
Valitud erikod
[vajehta | vajehtada lähtetekst]Kaik lugetas 32 erikod heimos, erased niišpäi:
- Adonis aestivalis — Kezaadonis
- Adonis annua (syn. Adonis autumnalis, Adonis phoenicea) — Üks'vozne adonis (vai Sügüz'adonis, Finikijan adonis), heimon tipine erik
- Adonis apennina (syn. Adonis sibirica) — Apenninine adonis (vai Sibirine adonis)
- Adonis chrysocyathus — Kuldatab adonis
- Adonis turkestanica — Turkestanine adonis
- Adonis vernalis — Keväz'adonis
- Adonis wolgensis — Volgan adonis
Homaičendad
[vajehta | vajehtada lähtetekst]
 |
Adonis (kazmuz) Vikiaitas |