Suvon
| Valdkund | Korejan Tazovaldkund |
| Eläjiden lugu (2019-01-31) | 1,241,311 ristitud |
| Pind | 121,04 km² |
| |
| Pämez' | Jom Thejon (heinku 2010—) |
| Telefonkod | +82−31 |
| Aigvö | UTC+9 |
Suvon (kor.: 수원 / 水原 [su.wʌn]) om lidn Korejan Tazovaldkundan lodehes. Om Köngido-agjan administrativižeks keskuseks.
Istorii
[vajehta | vajehtada lähtetekst]Eländpunktan aluz om pandud 1. voz'tuhal meiden erad. Vspäi 1413 om olmas nügüdläiženke nimenke. Hvasonan lidnuz om saudud vozil 1794−1796 sirdamha Korejan pälidnad sihe (onetomašti), mülüb UNESCO:n Mail'man jäl'gushe.
Vl 1949 Suvon sai oficiališt lidnan statusad. Vl 1969 «Samsung Electronics»-kompanijan aluz om pandud neche lidnha. Nügüd' nece korporacii da sen «tütred» oma kaikiš suremb radonandai Suvonas, niiden päfaterad sijadasoiš lidnas.
Geografijan andmused
[vajehta | vajehtada lähtetekst]Reljef om kukhikaz. Lidn sijadase 30 km suvhe Seulaspäi, 66 m ü.m.t. keskmäižel korktusel. Kvangösan-mägi om kaikiš korktemb čokkoim.
Klimat om mussonine. Paneb sadegid 1312 mm vodes, sidä kesken pol' (650 mm) heinkus-elokus.
Suvon jagase 4 ümbrikho (edel 2003 vot niid oli 3). Ned alajagasoiš 42 rajonha.
Eläjad
[vajehta | vajehtada lähtetekst]Vl 2005 eläjiden lugu oli 1 106 000 ristitud, korejalaižed — 99%.
Kaik 11 universitetad, 2 kolledžad da 33 korgedškolad ratas lidnas. Mail'man futbolčempionatan-2002 üks' stadionoišpäi sijadase Suvonas.
Transport
[vajehta | vajehtada lähtetekst]Lidn ühtenzoitase Seulanke manpäližel metrol (1nz' jono «indigo», 4 stancijad). «Seul — Pusan»-kiruhraudte da kiruhavtote läbitadas lidnad.
Lähembaine rahvahidenkeskeine lendimport sijadase Inčhonas. Suvikorejan sodavägiden aviabaz om lidnas, severz'-se AÜV:oiden personalad jäb siš tähäsai Korejan sodan jäl'ghe.
Irdkosketused
[vajehta | vajehtada lähtetekst] |
Suvon Vikiaitas |