Eddy Merckx

**Eddy Merckx**
Eddy Merckx in 1966
Persoonlikke informoatie
Noame	Eddy Merckx
Bynoame	De Kanniboal
Gebortedoatum	17 juni 1945
Geborteplekke	Meensel-Kiezegem, Belgie
Lengte	? cm
Specialisoatie	koste olles goed, ozowel op de boane als op de piste
Ploegen
Ploeg van nu	koerst ni mi
Ploegen van toun
1978 1977 1971-1976 1970 1968-1969 1966-1967 1965	C&A Fiat Molteni Faemino-Faema Faema Peugeot-BP-Michelin Solo-Superia

Portoal Sport

Edouard Louis Joseph baron Merckx (Meensel-Kiezegem (Vlams-Broabant), 17 juni 1945) is een Belg die coureur wos van 1961 tot 1978. Merckx wordt algemêen aanzien als de bestn coureur oller tydn. In ze leven eit 'n 525 koersn gewon.

Carrière

Merckx begost te koersen in 1961. Drie joar d'rachter wostn weireldkampioen by de liefebbers.
In 1966 wontn z'n êerstn Milaan-San Remo. Die koers etn zeevn keirs ewonn, en da's e record.
In 1967 wos'n weireldkampioen. In 't hêel wostn drie keirs weireldkampioen by de profs.
In 1968 woun Merckx de Giro (de Rounde van Itoalië). In 1969 wos Merckx betrapt op doping en e wos utgeslootn van de Giro. Merckx zei datn niet gepakt adde en da ze nem bedrôogn addn. Merckx goat in 't hêel vuuf keirs de Giro winn.
1969: Merckx woun de Tour (de Rounde van Vrankryk). E woun zes etappn, de geeln boai, (olgemêen klassement), de groen boai (puntnklassement) en de bolletjes (bergklassement). In dezen tour voerde Merckx e byzounder sterk nummertje op. In de beklimming van de Tourmalet kost er niemand mei. Moa Merckx rêed deure - solo, 140 kilometers: over de Soulor, de Aubisque en op 't platte. An de mete atn 8 minuutn vôorn op 'n twiddn. Sedertien klappn ze va "Merckxisme" en va de "Kanniboal".

Palmares (een dêeltje d'rvan)

5x de Rounde van Vrankryk (1969-72, 1974), en 96 dagen de gilven boaj
5x de Rounde van Itoalië (1968, 1970, 1972-74)
1x Weireldkampioen by de liefebbers (1964)
3x Weireldkampioen by de profs (1967, 1971, 1974)
1x de Rounde van Spanje (1973)
1x de Rounde van Zwitserland (1974)
2x de Rounde van België (1970-71)
1x Bels kampioen (1970)
34 etappn in de Rounde van Vrankryk (6x in 1969, 8x in 1970, 4x in 1971, 6x in 1972, 8x in 1974, 2x in 1975)
3x puntenklassement Rounde van Vrankryk (1969, 1971-72)
2x bergklassement Rounde van Vrankryk (1969-70)
3x Parys-Nice (1969-71)
12 jaar weirelduurrecord (49,431 km, 1972-84)
1x Critérium du Dauphiné Libéré (1971)
1x Rounde van de Middellansche Zêe (1973)

32 klassiekers, woarounder:

7x Milaan-San Remo (1966-67, 1969, 1971-72, 1975-76)
2x Omloop 't Volk (1971, 1973)
2x Rounde van Vloandern (1969, 1975)
3x Gent-Wevelgem (1967, 1970, 1973)
3x Parys-Roubaix (1968, 1970, 1973)
3x Woalsje Pyl (1967, 1970, 1972)
5x Luuk-Bastenoakn-Luuk (1969, 1971-73, 1975)
2x Amstel Gold Race (1973, 1975)
1x Rund um den Henninger-Turm (1971)
1x Grand Prix des Nations (1973)
1x Parys-Brussel (1973)
2x Rounde van Lombardeye (1971-72)

(Bordeaux-Parys en Parys-Tours zyn d'ênigste belangryke êendagskoersn da Merckx ni koste winn).

17 Zesdoagsches.
3x Weireld Sportman van 't Joar - (1969, 1971, 1974)

Achter de koers

Achter dat 'n estopt wos me koersn, isn begunn mi koersevilloos moakn in ze fabrieke in Sint-Brixius-Rode, e parochie binn Meise. 'n Dag va vadoage rydt va profploegn ollêne nog Topsport Vlaanderen mi zyn villoos. Vroegerder e Lotto der oek nog mei ereen.