Russisch

Gebruuk van 't Russisch weireldwyd██ Landn mè Russisch ols officiële toale██ Landn woar da Russisch vele gesprookn wordt

Russisch (русский язык; roeski jazyk) is 'n Ôost-Sloavische toale, die surtout in Rusland gesprookn wordt. 't Makt dêel uut van de Indo-Europeesche toalfamilie.

Russisch was de facto d' officiële toale van de vroegere Sovjet-Unie. 't Bluuft 'n officiële toale in Rusland, Wit-Rusland, Kazachstan en Kirgizië en 't wordt nog assan algemêen gebruukt ols lingua franca in Oekraïne, de Kaukasus, Centroal-Azië en in mindere moate in de Baltische stoatn.

Russisch hè weireldwyd e goeie 258 miljoen sprekers. 't Is de mêest gesprookn Sloavische toale en de mêest gesprookn moedertoale in Europa. 't Is d' achtste mêest gesprookn toale ter weireld en êen van de zes officiële toaln van de Verênigde Noaties.

Russisch wordt geschreevn mè 't Cyrillisch schrift. 't Russisch cyrillisch alfabet telt 33 letters:

А а	Б б	В в	Г г	Д д	Е е	Ё ё	Ж ж	З з	И и	Й й
К к	Л л	М м	Н н	О о	П п	Р р	С с	Т т	У у	Ф ф
Х х	Ц ц	Ч ч	Ш ш	Щ щ	Ъ ъ	Ы ы	Ь ь	Э э	Ю ю	Я я

Ofbeeldiengn die ier by passn ku je vien in de categorie Russian language van Wikimedia Commons.