Thüringen

Dat artikel es geschreevn in 't Kustwestvlams.

---

Vrystoat Thüringen Freistaat Thüringen
Liggynge in Duytsland
Hoofdstad	Erfurt
Ippervlak	16.202,33 km²
Inweuners Bevolkiengsdichtheid	2.120.237 (2020) 131 inw./km²
Minister-president	Bodo Ramelow (Die Linke)
Coaliesje	Die Linke-SPD- Grüne
ISO-code	DE-TH
Website	www.thueringen.de

Thüringen (officieel de Vrystoat Thüringen, Duyts: Freistaat Thüringen) is e deelstoat in 't midn van Duytsland. Den hoofdstad is Erfurt. Vo de Duytsche herenigynge in 1990 was Thüringen deel van de DDR.

Geografie

Thüringen grenst an de deelstoatn Hessen, Beyern, Saksen, Saksen-Anhalt en Nedersaksen. In 't noordn zyn der uytlopers van 't Harzgebergte en heuvels lyk de Kyffhäuser, 't Ohmgebergte en de Hainleite. In 't centroal en noordwestelyk deel van de deelstoat ligt 't Thüringer Bekn, e leegvlakte met de belangrykste riviern van de deelstoat: de Saale en heur zyriviere de Unstrut. In 't Thüringer bekn lign belangryke steedn lyk Gotha, Erfurt en Weimar. 't Zuydn van Thüringen wordt gedomineerd deur 't Thüringer Bus mè 't hoogste punt van Thüringen de Großer Beerberg van 982 meter hoge. In 't zuydwestn van Thüringen ligt e deel van 't vulkanisch Rhöngebergte. Deur 't heuvelachtig westelyk grensgebiëd mè Hessen stroomt de riviere de Werra, de langste bronriviere van de Wezer.

Administratieve indelynge

Thüringen is oenderverdeeld in 17 Landkreise en zes Kreisfreie Städte.

Landkreise

Atenburger Land Eichsfeld Gotha Greiz Hildburghausen Ilm-Kreis

Kyffhäuserkreis Nordhausen Saale-Holzland-Kreis Saale-Orla-Kreis Saalfeld-Rudolstadt Schmalkalden-Meiningen

Sömmerda Sonneberg Unstrut-Hainich-Kreis Wartburgkreis Weimarer Land

Kreisfreie Städte

1. Eisenach
2. Erfurt
3. Gera
4. Jena
5. Suhl
6. Weimar

Ofbeeldiengn die ier by passn ku je vien in de categorie Thuringia van Wikimedia Commons.