Lård
Li lård, c' est del cråxhe di pourcea.
Li cråxhe di boû si lome li saeyén.
Motlî
[candjî | candjî l’ côde wiki]On cwåré d' lård k' on pleut voyaedjî avou si lome ene «bague» di lård.
Ene trintche di lård cût al paile, c' est on kerton.
Li boird d' ene pîce di lård, ki c' est l' pea do pourcea, c' est l' coyene.
Sôres di lård
[candjî | candjî l’ côde wiki]
- crås lård : les gros pourceas did divinltins, touwés a 150 kilos, end avént ene fele coûtche.
- maigue lård ou trelårdé : lård avou des royes di tchå dvins (respondant å musse del pea).
li lård dins l' amagnî
[candjî | candjî l’ côde wiki]Li lård a stî li soûmint di l' amagnî waitî come li meyeu, do tins k' les ptitès djins ni fjént nén rosti-boli tos les djoûs.
On meteut fonde do lård dins ene paile, po cure ene fricassêye d' oûs, ritchåfer les canadas. On fjheut rivni do lård dins on tchôdron po kimincî on cujhaedje pus rilever.
On l' eployive eto po fé des spessès vôtes. N aveut nén ddja dandjî d' dire "vôte å lård", ça s' compindeut tot seu.
Cwand les djins n' ont pus bouté tant fizicmint, li lård a stî veyou evi, pask' i fjheut groxhi.
Compôzucion
[candjî | candjî l’ côde wiki]Come les ôtes cråxhes di biesses ås tetes, n a k' des crås seurs bôrés dins l' lård. Did la li ricmandåcion di n' nén tofer magnî des cråxhes di grossès biesses, mins eto des ôles di plante ou del poytreye.