Daniel Ortega

Mayda impormasyon hini nga artikulo nga aada han Iningles nga bersyon nga angay ighubad ha Winaray

Hi José Daniel Ortega Saavedra (natawo Nobyembre 11 1945) amo an yana nga Presidente han Nicaragua. Han dako nga bahin han iya kinabuhi, usa hiya nga importante nga namuno han Frente Sandinista de Liberación Nacional o FSLN.

Katapos hin popular nga rebelyon nga nagresulta han pagpa-iwas ngan exilio kan Anastasio Somoza Debayle han 1979, hi Ortega nagin miyembro han namumuno nga multipartisan nga junta ngan ha urhe na-elihir nga presidente. Nagsirbe hiya komo presidente tikang han 1985 tubtob 1990. An iya syahan nga panahon ha poder natigamnan hin sosyalista nga mga polisiya, interno nga pagpatok, pagkaaway tikang han Estados Unidos, ngan armado nga rebelyon han mga Contra nga ginpaluyo han Estados Unidos.

Napirde hi Ortega ni Violeta Barrios de Chamorro dida han 1990 nga pinili-ay hin pagkapresidente, pero nagpabilin hiya nga importante nga tawo ha politika han oposisyon ha Nicaragua. Dinmalagan hiya pagkapresidente dida han 1996 ngan 2001 pero waray hiya magdaog. Han 2006, nagdaog hiya han pinili-ay hin pagkapresidente. ^[1]

Mga reperensya

↑ Ortega wins Nicaraguan election: Nicaragua's former leader, Daniel Ortega, has won the country's presidential election 8 November 2006

Gin-unahan ni: Junta de Gobierno de Reconstrucción Nacional	Presidente han Nicaragua 1985–1990	Ginsundan ni: Violeta Barrios de Chamorro
Gin-unahan ni: Enrique Bolaños Geyer	Presidente han Nicaragua 2007–present	Ginsundan ni: Nakapot han puwesto

An Wikimedia Commons mayda media nga nahahanungod han: Daniel Ortega

[1] Ortega wins Nicaraguan election: Nicaragua's former leader, Daniel Ortega, has won the country's presidential election 8 November 2006

[1]