Kamala Harris
Kamala Harris | |
|---|---|
 Opisyal nga ritrato, 2021 | |
| ika-49 nga Sugbong-Mangulo han Estados Unidos | |
|
Nag-asumir hin puwesto Enero 20, 2021 | |
| Mangulo | Joe Biden |
| Gin-unahan ni | Mike Pence |
| Senador han Estados Unidos tikang ha California | |
|
Ha puwesto Enero 3, 2017 – Enero 18, 2021 | |
| Gin-unahan ni | Barbara Boxer |
| Ginsundan ni | Alex Padilla |
| ika-32 nga Attorney General han California | |
|
Ha puwesto Enero 3, 2011 – Enero 3, 2017 | |
| Gobernador | Jerry Brown |
| Gin-unahan ni | Jerry Brown |
| Ginsundan ni | Xavier Becerra |
| ika-27 nga District Attorney han San Francisco | |
|
Ha puwesto Enero 8, 2004 – Enero 3, 2011 | |
| Gin-unahan ni | Terence Hallinan |
| Ginsundan ni | George Gascón |
| Personal nga mga detalye | |
| Natawo |
Kamala Devi Harris[lower-alpha 1] Oktubre 20, 1964 Oakland, California, U.S. |
| Partido nga politikanhon | Demokrata |
| (Mga) Asawa | Doug Emhoff (k. 2014) |
| Mga anak | 2 stepchildren |
| Mga kag-anak | |
| Mga kaurupdan | Pamilya ni Kamala Harris |
| Urukyan | Number One Observatory Circle |
| Edukasyon | |
| Okupasyon |
|
| Pirma |
 |
| Websayt | |
Hi Kamala Devi Harris (/ˈkɑːmələ/ KAH-mə-lə;[2][3] natawo Oktubre 20, 1964) usá nga Amerikana nga polítiko ngan abogado nga nagsisirbe nga ika-kap-atan-kag-siyam (ika-49) ngan yanâ-nga-nalíngkod nga sugbong-mangulo han Estados Unidos. Usá nga api han Partido Demokrata, nag-alagad hiyá nga senador han Estados Unidos tikang ha California tikang han 2017 kutob 2021, ngan an attorney general han California tikang 2011 kutob 2017.
Nagin sugbong-mangulo hi Harris dida han pag-inaugurar han 2021 upod kan Mangulo Joe Biden, katapos han pagpire han naglingkod-nga-mangulo nga hi Donald Trump, ngan sugbong-mangulo nga hi Mike Pence, didâ han 2020 nga pinili-ay. Hiyá an syahan nga babaye nga sugbong-mangulo han Estados Unidos, an gihataasi-in-ranggo nga nga napili nga opisyal nga babaye ha kaagi han Estados Unidos, an syahan nga sugbong-mangulo nga Afrikano-Amerikano in katulinan, ngan syahan nga Asyano-Amerikano nga sugbong-mangulo.[4][5]
Usá nga natawo ha Oakland, California, naggradwar hi Harris tikang ha Howard University ngan ha University of California, Hastings College of the Law. Nagtikang hiyá han iya karera ha Opisina han District Attorney han Alameda County, ugsa hiya ginrecruit ngadto han San Francisco District Attorney's Office ngan ha urhe han opisina han City Attorney of San Francisco. Han 2003, napili hiyá nga district attorney han San Francisco. Napili hiyá nga Attorney General han California dida han 2010 ngan na-utro hin ka-elihir han 2014. Nag-alagad hi Harris nga junior nga senador han Estados Unidos tikang ha California tikang han 2017 kutob 2021. Ginpirde ni Harris hi Loretta Sanchez dida han 2016 nga pinili-ay ha Senado nga diin hiya an nagin ikaduhá nga Afrikana-Amerikana nga babaye ngan syahan nga Salatan nga Asyana-Amerikana nga nagsirbe ha Senado han Estados Unidos.[6][7] Komo senador, nagbandilyo hiya para hin reporma ha healthcare, pagtanggal-ha-schedule nga federal han cannabis, paagi nga magin-bungtohanon para hin mga waray papeles nga mga innimgrante, an DREAM Act, paghimo nga ilegal hin mga armas nga pansalakay, ngan reporma hin progresibo nga buwis. Nagkaada hiya hin pagkakilala ha nasod tungod han iya makusug nga pagpakiana han mga opisyal han adminstrasyon ni Trump dida hin mga hearing han Senado, upod an ikaduha nga ginnominar ni Mangulo Trump ha Korte Suprema nga hi Brett Kavanaugh, nga gintahapan hin sexual assault.[8]
Nagkandidato hi Harris para han pagnominar han Partido Demokrata para hin pagkamangulo han 2020, kundi gin-undang niya an iya pagkandidato ugsa han mga primary.[9] Hi anay sugbong-mangulo Joe Biden nagpili kan Harris nga iya kapadis hin pagkandidato han Agosto 2020, ngan an Biden–Harris nga pagkandidato nagdaog han Nobymebre nga 2020 nga pinili-ay. Ginhurar hiya nga Sugbong-Mangulo han Enero 20, 2021.
Mga tigaman
[igliwat | Igliwat an wikitext]Mga pinambasaran
[igliwat | Igliwat an wikitext]- ↑ Debolt, David (Agosto 18, 2020). "Here's Kamala Harris' birth certificate. Scholars say there's no VP eligibility debate". The Mercury News. The MediaNews Group Inc.
- ↑ Thomas, Ken (Pebrero 15, 2013). "You Say 'Ka-MILLA;' I Say 'KUH-ma-la.' Both Are Wrong". The Wall Street Journal: 1.
- ↑ "Tucker Carlson doesn't pronounce Kamala Harris's name correctly, and doesn't seem to care". National Post. Agosto 12, 2020. Ginkuhà Agosto 12, 2020. "The correct pronunciation, however, is “Comma-la,” with the first syllable instead being emphasized..." (An sakto nga pagluwás, udog, "Comma-la," [o "Kama-la"] nga an syahan nga laton-tiringgan amo lugod it papakusgan...)
- ↑ Horowitz, Juliana Menasce; Budiman, Abby (2020-08-18). "Key findings about multiracial identity in the U.S. as Harris becomes vice presidential nominee". Pew Research Center (ha English). Ginkuhà 2020-11-08.
- ↑ "Kamala Harris Makes History As First Female, Black, Asian American Vice President". Forbes. 2020-11-07. Ginkuhà 2020-11-13.
- ↑ "Kamala D. Harris: US Senator from California". United States Senate. Ginhipos tikang han orihinal han 2020-10-14. Ginkuhà Hulyo 29, 2020.
In 2017, Kamala D. Harris was sworn in as a United States senator for California, the second African-American woman and first South Asian-American senator in history. (Han 2017, nahurar hi Kamala D. Harris nga senador han Estados Unidos para han California, an ikaduha nga Afrikana-Amerikana nga babaye ngan syahan nga Salatan nga Asyana-Amerikana nga senador ha kaagi)
- ↑ Weinberg, Tessa; Palaniappan, Sruthi (Disyembre 3, 2019). "Kamala Harris: Everything you need to know about the 2020 presidential candidate". ABC News. Ginkuhà Agosto 10, 2020.
Harris is the daughter of an Indian mother and Jamaican father, and is the second African-American woman and first South Asian-American senator in history. (Hi Harris anak-nga-babaye hin Indyana nga iroy ngan Jamaicano nga amay, ngan ikaduha nga Afrikana-nga-Amerikana nga babaye ngan syahan nga Salatan nga Asyana-nga-Amerikana nga senador ha kaagi)
- ↑ Viser, Matt (Enero 21, 2019). "Kamala Harris enters 2020 Presidential Race". The Washington Post. Ginkuhà Enero 22, 2019.
- ↑ Herndon, Astead; Goldmacher, Shane (Disyembre 3, 2019). "Kamala Harris Is Dropping Out of 2020 Race". The New York Times. Ginkuhà Disyembre 3, 2019.
