Leotychidas

Hi Leotychidas (ha Kinatsila: Leotíquidas , puyde liwat igsurat nga Leotychides, Latychidas, Leotikhidas o Leotikidas) (c. 545 BC–469 BC) usa nga namuno han Sparta 491 BC-476 BC. Hiya an namuno han mga Spartano nga mga puwersa dida han Persyano nga mga Gyera tikang han 490 BC tubtob 478 BC. Diri hiya angay iglipat han anak (ha gawas kuno) ni Agis II, nga amo gihapon an ngaran.

Natawo hiya ha Sparta dida han harani han 545 BC. Hi Leotychidas usa nga gin-anak ha dinastiya nga Eurypontida ngan inmabot hiya ha poder pinaagi han bulig ni Cleomenes I ha pag-ato kan Demaratus para han trono han Sparta dida han 491 BC. Ha urhe nga bahin hadto nga tuig, inmapi hiya han ikaduha nga expedisyon ni Cleomenes ngadto ha Aegina, nga diin napulo nga mga bihag gindakop ngan ginkadto ha Atenas. Pero katapos han kamatay ni Cleomenes dida han tuig 488 BC, hi Leotychidas harapit liwat ginbihag ngadto ha Aegina.

Dida han primavera han 479 BC, hi Leotychidas an namuno hin Griyego hin puwersa ha kadagatan nga an kadamo 110 ka barko ha Aegina ngan ha urhe nga panahon ha Delos. An iya puwersa an nagsuporta han Griyego nga mga rebelyon ha Khios ngan Samos patok han Persia. Ginpirde ni Leotychidas an militar ngan puwersa ha kadagatan han mga Persyano dida han pag-awayan ha Micala (Mycale) ha labnasan han Asia Minor dida han verano han 479 BC (posible ha harani han butnga han Agosto). Han 476 BC, namuno hin expedisyon hi Leotychidas ngadto ha Thessalya patok han Aleudae nga panimalay tungod han ira pag-ugop han mga Persyano, pero inmiwas hiya katapos hiya baydi han pamilya. Pag-uli niya ha Sparta, ginkasohan hiya hin pangurakot, ngan kinmalagiw hiya ngadto han templo ni Athena Alea ha Tegea. Ginsirotan hiya ha exilio, ngan an iya balay ginsunog. An iya apo nga hi Archidamus amo an nagin diarka o namuno han Sparta. Namatay hi Leotychidas katapos hin pira ka tuig, dida han mga harani han tuig 469 BC.

Dugang nga barasahon

• Andrew R. Burn, Persia and the Greeks: The Defense of the West 456-478 B.C., New York, 1962
• Peter Green, The Year of Salamis 480-479 B.C., London, 1970
• Simon Hornblower, The Greek World, 479-323 B.C., 3rd ed., London 2002

Gin-unahan ni: Demaratus

Eurypontida nga Hadi han Sparta c. 491 BC– 469 BC

Ginsundan ni: Archidamus II