市谷（日本語寫法：市谷、市ヶ谷，假名：いちがや），是來在東京都新宿區箇一塊場許。從前，在1878年（明治11年）照都區町村編制法箇劃法，東京15區成立，到1947年（昭和22年）箇地方自治法出臺擔渠劃入23區爲止，屬於牛込區。
地鐵棧市之谷驛西面有得一塊高出箇臺地，靖國通、外苑東通、大久保通、牛込中央通（相應箇鐵路棧頭則是市之谷驛、曙橋驛、牛込柳町驛搭牛込神樂坂驛）各條大道繞牢著渠箇昰塊地方，替之靖國通箇外苑東通到外苑西通段範圍合起來，差弗多便是整個市谷。臺地丄向搭邊丄有得交關笡過來箇土地，沿牢臺地箇住宅區原本是大名屋敷，明治後叫作元祖山之手，到乃朝也仍舊是豪宅街。
