蘇州軌道交通11號線
苏州轨道交通11号线（老早叫蘇州軌道交通S1線），是中国江苏省苏州市一条轨道交通线路。本线从勒拉苏州工业园区个苏州轨道交通3号线唯亭站出发，向东进入昆山市境内，最终到达上海轨道交通11号线花桥站（地铁）。本条线路个定位是昆山东西交通个大走廊，联络苏昆沪三地[1]。
本线勒拉2018年11月27号开工。2023年6月16号-20号，11号线开展万人免费试乘活动[2]。2023年6月24号上半天11点钟，伊正式开通运营[3]。工程总投资约莫294.51亿元。
11号线车站报站有普通言话、苏州言话搭英语，是苏州轨道交通头一条使用地方言语报站个线路[4]。
运营
[编辑]无感换乘上海地铁
[编辑]
本线开通以后，乘客勒拉花桥站好通过三座换乘通道进行换乘。箇当中，两侧个通道有无感换乘通道搭仔出站换乘通道，均弗用再次安检（除开重大活动），用“苏e行”或“Metro大都会”软件扫码乘车个乘客好通过站内个专用通道进行无感换乘，弗需要先出站再重新进站；使用其他票卡个乘客要出站换乘。中间通道是非付费区，畀进出站乘客专用[5][6]。虽然讲苏州搭仔上海两地个地铁好一票同乘哉，但两個地铁网络是分别算钞票个[7]。
大站快车
[编辑]本线首班车采用“多点同时投入”个运营模式，去花桥方向个首班车勒拉6:00个辰光会得从唯亭、共青同时发车；去唯亭方向个首班车勒拉花桥站5:40发车。末班车会得勒拉22:30个辰光从两端个终点站双向发车。本线还会得勒拉首班车之前、末班车以后开首末班大站快车，去花桥方向个快车勒拉5:25搭仔5:45从共青站发车，往唯亭方向个快车勒拉22:53搭仔23:10从花桥站发车，只停10個站头[8]。
同3号线贯通运营后，每天早夜个快车运行交路西面延长到东方之门站，东面终点站还是花桥站，同时取消部分停靠车站，当中只停靠唯亭、祖冲之公园、江浦、昆山城市广场同神童泾[9]。
同3号线贯通运营
[编辑]
勒拉2023年年底，伊好同3号线贯通运营，也就是车子好从11号线开到3号线个站头浪[10]。
2023年12月16号到22号，为咾配合3、11号线贯通工程，唯亭站、草鞋山临时停运，只挺下来阳澄湖东到花桥个单一交路运营，取消脱夜到头个大站快车，而唯亭站到阳澄湖东站配备免费个公交接驳服务[11]。
2024年6月29号，3/11号线完成全线贯通改造并运营。平峰个辰光，全线全车站贯通运营；高峰个辰光，3号线会得开行苏州新区火车站到葑亭大道站个小交路[12]。
参考文献
[编辑]- ↑ 苏州市城市轨道交通第三期建设规划获批复 建设6、7、8号线及S1线总长137公里. news.sina.com.cn. 访问日脚2018-08-15.
- ↑ 仲茜, 作者：陈梦娜 (2023-06-16). 从上海坐地铁去苏州！苏州轨道交通11号线万人试乘活动展开-新闻-上海证券报·中国证券网 (zh).
- ↑ 苏州轨道交通11号线将于6月24日开通运营 (2023-06-22).
- ↑ "【苏州】当AI“小娘鱼”开口讲“倷好”". 苏州日报 (江苏国际在线). 2023-08-17.
- ↑ 潘文 (2023-03-02). "苏州11号线6月载客运营-昨起试跑，与上海轨交11号线免安检换乘，目前需重新刷卡购票". 新闻晨报. Retrieved 2023-03-02.
- ↑ "苏州地铁11号线“保姆级”攻略！". 苏州发布 (我苏网). 2023-06-17. Retrieved 2023-06-22.
- ↑ "苏州地铁11号线启动“万人试乘”，正式开通后沪苏可“无感换乘”". 界面新闻. 2023-06-16. Retrieved 2023-06-22.
- ↑ "苏州轨交11号线首末班车、大站快车、无感换乘全知道！". 苏州发布. 2023-06-23. Retrieved 2023-06-23.
- ↑ "刚刚！正式贯通运行！". 苏州交通广播. 2023-12-23. Retrieved 2023-12-24.
- ↑ 地铁S1线拟更名为11号线 预计2023年底与3号线贯通运营.
- ↑ "从东方之门到东方明珠 地铁11号线、3号线年底单向贯通运营". 引力播移动端. 2023-12-09. Retrieved 2023-12-09.
- ↑ 苏州轨道交通11/3号线正式贯通运行.
| |||||||||||||||||||||||||||||||||||||||||||
