阿方索十三世
阿方索十三世（西班牙文：Alfonso XIII de España，1886年5月17号-1941年2月26号），诨号非洲人(el Africano),是20世纪初统治西班牙个西班牙国王。伊是阿方索十二世个儿子，西班牙波旁第二趟复辟之后个第二位，也是挨末一位国王。伊1902年开始亲政。统治当中，顶顶大个功绩是避免西班牙陷入第一次世界大战。弗过，西班牙国内个对立弗断加重。到1920年代，为维持稳定，伊任命军人独裁人物大里维拉（Primo de Rivera ）作为自家个政府首脑。弗过到1920年代末，里维拉畀推翻，伊控制弗牢局面。终于让议会拿伊废脱。伊接受迭个结果，流亡到意大利。
复辟梦
[编辑]虽然流亡，弗过阿方索十三世一直想回国复辟。1936年西班牙内战爆发。伊心中欢喜，让自家个大儿子胡安王子回国，参与战斗。弗过，迭个举动受到国家主义者，邪气是西班牙长枪党个抵制。弗朗哥将军拿迭胡安王子遣送回意大利。之后，1939年，西班牙内战结束。右翼上台，宣布执行君主立宪制。但同时嘸任何让阿方索十三世回国个举动。伊彻底心灰意冷，弗过也接受自家个后代可以复辟个现实。1941年，阿方索十三世立在意大利王国个首都罗马死脱。1980年，伊个灵柩畀自家已经复辟个孙子胡安卡洛斯一世运回西班牙，运到艾入扩烈修宫，搭自家个祖先安葬勒一道。