ESTATUTU NO REJIMENTU INTERNAL MUSA

MOVIMENTU UNIVERSITÁRIU SACHAL (MUSA) ESTATUTU TINAN 2012 REVIZAUN Nú 01/2017 Loron 27, Fulan Dezembru, Tinan 2017 MOVIMENTU UNIVERSITÁRIU SACHAL (MUSA) ESTATUTU KAPITULU I: NARAN, TEMPU NO FATIN Artigu 1: Naran Artigu 2: Tempu Artigu 3: Fatin KAPITULU II: BAZE FUNDAMENTAL Artigu 4: Baze Fundamental KAPITULU III: OBJETIVU, FUNSAUN, PRINSIPIU, MODELU, NO NATUREZA Artigu 5: Objetivu Artigu 6: Funsaun Artigu 7: Prinsípiu Artigu 8: Modelu Artigu 9: Natureza KAPITULU IV: VIZAUN NO MISAUN Artigu 10: Vizaun Artigu 11: Misaun KAPITULU V: LEMA NO SÍMBOLU Artigu 12: Lema Artigu 13: Símbolu KAPITULU VI: ESTRUTURA ORGANIZASAUN Artigu 14: Estrutura Artigu 15: Fundamentu Estrutura KAPITULU VII: MUDANSA, ALTERASAUN, NO REGULAMENTU ADISIONAL Artigu 16: Mudansa no Aliterasaun Artigu 17: Regulamentu Adisional KAPITULU VIII: TAMA IHA VIGOR Artigu 23: Tama iha Vigor PREÁMBULU Iraonu, naran ne’ebé la foun iha Laú-Teinu (Lautém) oan futar tilun, hahú Sékulu XV, bainhira koloniál portugés tama Timor iha 1515, Timor oan hotu sei primitivu no reside hela iha ida-idak nia knua, no moris nakfahe hanesan ema seluk let ida, iha rai Iraonu, diferente tebes kompara ho rai no/ka fatin sira seluk, Iraonu oan hamutuk uma lisan sanulu resin forma ona rezidénsia koletivu ida ho naran Sarak Iraonu, maski rezidénsia uma lisan ida-idak ketak maibé hamahon aan hamutuk iha mahon kulturál ida mak, “Lukun Teinu, Hopon Teinu” ne’ebé hakesir metin Iraonu oan sira hotu bá hun ida de’it no abut ida de’it. Istória Ida ne’e sai hanesan inspirasaun boot Ida bá jerasaun Iraonu tomak atu kontinua iha era miléniu 21 ida ne’e, liu husi dalan oin-oin, Iraonu oan sempre tane aas nafatin, valoriza nafatin no konsidera nafatin hanesan sistema ida ne’ebé nunka haketak Iraonu oan tomak, to’o inisiativa koletivu ida mosu hodi lori Movimentu Universitáriu Sachal “MUSA” mai iha Iraonu oan tomak nia let. Movimentu Universitáriu Sachal “MUSA” bá dahuluk, mosu husi inisiativa ema Ida bá rua, to’o sai barak, no lori hanesan mehi ida atu iha tempu ruma mahon ida bele eziste hodi hakesir Iraonu oan sira iha dalan akadémiku, no mehi ne’e realiza duni iha Loron 25 Fulan Dezembru Tinan 2012, iha ne’ebé, Universitáriu Iraonu oan sira ho vontade koletiva ne’ebé di’ak hodi harii duni Movimentu Universitáriu Sachal “MUSA” liu husi reuniaun Ida iha Kapela São José Pitiléti. Hafoin harii, iha korpu Movimentu Universitáriu Sachal “MUSA” eziste konsellu balun ne’ebé hili ona liu hosi vontade no responsabilidade atu hala’o dispozisaun ne’ebé atribui ona liu husi forum no mós konsellu Ezekutivu no membru sira. Durante tinan Lima nia laran, Movimentu Universitáriu Sachal “MUSA” eziste formal tebes no nafatin sempre iha reuniaun boot hodi hili no eleje nia Estrutura ezekutivu sira, maibé sistema organizasaun la halo mudansa no aliterasaun tuir prosesu normal ezisténsia organizasaun nian, ho nune’e, atu konvense lealdade parte hotu, mak hamosu inisiativa foun ida no hamosu Assembleia Jerál iha Loron 27 Fulan Dezembru Tinan 2017, ina ne’ebé, Movimentu Universitáriu Sachal “MUSA” konsege konvoka duni Assembleia Jerál Ida ho legal no formal hodi haforsa sistema organizasaun no Lori duni Movimentu Universitáriu Sachal “MUSA” bá dalan ne’ebé verdade ho sistema organizasaun ne’ebé hakesir tebes. Assembleia jerál hotu ne’ebé MUSA hala’o Durante nia ezisténsia konsidera legal no sagradu hanesan reuniaun ne’ebé monu iha Loron 25 Fulan Dezembru Tinan 2012, iha ne’ebé Universitáriu Iraonu oan sira ho vontade koletiva ne’ebé di’ak hodi harii Movimentu Universitáriu Sachal (MUSA). Iha parte seluk, Assembleia jerál ne’ebé monu iha Loron 27 Fulan Dezembru Tinan 2017 konsidera sai hanesan tomada desizaun ida ne’ebé legal no sagradu mós bá Movimentu Universitáriu Sachal (MUSA), tanba iha loron ne’e rasik, ajente intelektuál Iraonu ne’ebé assume pozisaun hanesan universitáriu lori Movimentu Universitáriu Sachal (MUSA) bá dalan legalidade ida no formal hodi sai organizasaun formal ne’ebé hamahon Estudante, Universitáriu no Juventude Iraonu, Pitiléti no Etépiti. Ho istória sira ne’e, ezisténsia Movimentu Universitáriu Sachal ne’ebé ho abreviatura “MUSA” mai hanesan organizasaun independente Ida ne’ebé eziste hodi hamahon estudante, universitáriu no juventude sira ne’ebé mak pertense iha aldeia tolu hanesan Iraonu, Pitiléti no Etépiti, inklui mós ema external sira seluk ne’ebé hakarak inkilina-an. Tanba Movimentu Universitáriu Sachal (MUSA) iha nia baze fundamental ne’ebé bazeadu Konstituisaun RDTL ne’ebé vigor hela iha Timor Leste, ho Objetivu atu Produz Universitáriu potensiál ne’ebé nakonu ho dedikasaun, Kapasidade organizasionál, ativu, kriativu, no mós nakonu ho espíritu solidariedade no umanidade, atu Produz mós Universitáriu ne’ebé independente, neutru, moderadu no transparente, inklui mós Atu Prepara universitáriu ne’ebé nakonu ho espíritu patriotizmu no nasionalizmu. Movimentu Universitáriu Sachal (MUSA) mós nafatin kaer metin bá prinsípiu inisiativa, responsabilidade, transformativu, onestidade, solidariedade, umanidade no demokrátiku, tanba hakesir ho funsaun Ida hanesan órgaun independente Ida ne’ebé mak atu hamahon estudante, universitáriu no juventude sira ne’ebé mak pertense iha aldeia tolu hanesan Iraonu, Pitiléti no Etépiti no mós ema external sira seluk ne’ebé hakarak inkilina-an. Prinsípiu no funsaun sira ne’e la sees husi vizaun MUSA nian ne’ebé iha mehi bá Transformasaun moris Sosiál, Moral, Intelektuál, Edukasaun no Organizasaun hodi halo Sosiedade Ida ne’ebé Justu, Unidu, Prósperu no Forte, no la sees mós husi lema ida ho naran “Unidade no Serbí”. Iha parte seluk mós MUSA mai ho modelu organizasaun ne’ebé aberta, voluntáriu, non-profitu no non-partidária, no mós ho natureza Ida ne’ebé independente atu sensibiliza no estimula estudante, universitáriu no juventude Iraonu, Pitiléti no Etépiti, inklui ema external sira, hodi kontribui bá dezenvolvimentu Timor Leste, liu-liu aldeia Iraonu, Pitiléti no Etépiti, Suku Com, Postu Lautém, Munisípiu Lautém. Pitileti: 27/Dezembru/2017 Assembleia Jerál MUS ESTATUTU MOVIMENTU UNIVERSITÁRIU SACHAL (MUSA) KAPITULU I NARAN, TEMPU NO FATIN Artigu 1 Naran Movimentu ida ne’e hanaran “Movimentu Universitáriu Sachal” ho nia abreviatura “MUSA”. Artigu 2 Tempu Movimentu Universitáriu Sachal (MUSA) harii iha Loron 25, fulan Dezembru, tinan 2012. Artigu 3 Fatin Movimentu Universitáriu Sachal (MUSA) harii iha Suku Cóm, kompostu husi aldeia Iraonu, Pitiléti no Etépiti. KAPITULU II BAZE FUNDAMENTAL Artigu 4 Baze Fundamental Movimentu Universitáriu Sachal (MUSA) nia baze fundamental mak konstituisaun RDTL ne’ebé vigor hela iha Timor-Leste. KAPITULU III OBJETIVU, FUNSAUN, PRINSIPIU, MODELU, NO NATUREZA Artigu 5 Objetivu 1. Prodús poténsia universitáriu ne’ebé nakonu ho dedikasaun integral, organizasionál, ativu, kriativu, no mós nakonu ho espíritu solidariedade no umanidade; 2. Prodús Universitáriu ne’ebé independente, neutru, moderadu no transparente; 3. Prepara universitáriu ne’ebé ho espíritu nasionalizmu no patriotizmu; Artigu 6 Funsaun Movimentu Universitáriu Sachal (MUSA) hanesan organizasaun independente ida mak atu hamahon estudante, universitáriu no juventude sira ne’ebé mak pertense iha aldeia tolu hanesan Iraonu, Pitiléti no Etépiti, no mós ema external sira seluk ne’ebé hakarak envolve-an. Artigu 7 Prinsípiu Movimentu Universitáriu Sachal (MUSA) kaer metin ba prinsípiu inisiativa, responsabilidade, transformativu, onestidade, solidariedade, umanidade no demokrátiku. Artigu 8 Modelu Movimentu Universitáriu Sachal (MUSA) nia modelu organizasaun, aberta, voluntária, non-profit no non partidária. Artigu 9 Natureza Movimentu Universitáriu Sachal (MUSA) ho nia natureza mak independente, demokrátiku atu sensibiliza no estimula estudante, universitáriu no juventude Iraonu, Pitiléti no Etépiti, inklui ema external sira, hodi kontribui ba dezenvolvimentu Timor Leste, liu-liu fatin harii MUSA ne’ebé hatuur ona iha Kapítulu I Artigu 3. KAPITULU IV VIZAUN NO MISAUN Artigu 10 Vizaun Movimentu Universitáriu Sachal (MUSA) nia vizaun mak; “Transformasaun moris Sosiál, Moral, Intelektuál, Edukasaun, no Organizasaun hodi halo Sosiedade ida ne’ebé Justu, Unidu, Prósperu no Forte” Artigu 11 Misaun 1. Promove no dezenvolve programa organizasionál liu-husi kapasitasaun sistemátika, akadémika, organizadu no orientadu; 2. Promove no dezenvolve programa ne’ebé ho instrutiva edukativu, liu husi atividade ba abilidade moris, edukasaun síviku no moral; 3. Promove, sensibiliza no aplika prosesu organizasionál iha ambiente sosial ho sistemátika, akadémika, organizadu no orientadu; KAPITULU V LEMA NO SÍMBOLU Artigu 12 Lema Movimentu Universitáriu Sachal (MUSA) nia Lema mak “Unidade no Servi” tuir nia Símbolu ne’ebé define iha Kapítulu V, Artigu 13. Artigu 13 Símbolu 1. Símbolu Movimentu Universitáriu Sachal (MUSA) sai hanesan refleksu husi objetivu, funsaun no prinsípiu, modelu no natureza MUSA; 2. Símbolu Movimentu Universitáriu Sachal (MUSA) maka sírkulu ne’ebé ho nia sentidu sistema, livru ne’ebé ho nia sentidu abilidade no koñesimentu, loro-matan ho sentidu motivasaun, inisiativa, kriatividade, voluntarizmu no ssivizmu, lapizeira ho nia sentidu transformasaun no prátika no mós fitun ne’ebé ho sentidu unidade no pás; 3. Símbolu ida ne’e, kompostu husi kores: a) b) c) d) e) Xokolate reprezenta Familiaridade; Matak reprezenta Ekilíbriu; Mutin reprezenta Liberdade; Metan reprezenta Korajen no aten barani; Kinur reprezenta Enérjiku no Otimista; KAPITULU VI ESTRUTURA ORGANIZASAUN Artigu 14 Estrutura Estrutura Movimentu Universitáriu Sachal (MUSA), kompostu husi: 1. Assembleia ne’ebé sai nu’udar reuniaun ne’ebé iha kompeténsia másimu hodi foti desizaun sira tuir liña komandu estruturál; 2. Prezidente no Konselleiru sira ne’ebé sai nu’udar responsavel másimu hodi responsabiliza, organiza no orienta desizaun reuniaun nian ba Vise Prezidente, sekretáriu no Administrasaun Finansas sira tuir liña komandu no liña koordenasaun estruturál; 3. Vise Prezidente, sekretáriu no Administrasaun Finansas sira ne’ebé sai nu’udar responsavel ba desizaun ne’ebé komanda husi prezidente, no aselera ba membru no divizaun no sub-divizaun sira tuir liña komandu estruturál; 4. Membru, Divizaun no Sub-Divizaun Sira ne’ebé sai nu’udar ezekutador desizaun bazeia ba liña komandu estruturál; Artigu 15 Fundamentu Estrutura 1. Estrutura kompeténsia, Estrutura Ezekutivu no Estrutura sira seluk sei forma bazeia ba nesesidade MUSA no la kontradís ho Estatutu MUSA Kapítulu VI, Artigu 14; 2. Kompozisaun no funsaun Estrutura Kompeténsia, Estrutura Ezekutivu no Estrutura sira seluk sei esplika kle’an iha Rejimentu Internal MUSA; KAPITULU VII MUDANSA, ALTERASAUN, NO REGULAMENTU ADISIONAL Artigu 16 Mudansa no Aliterasaun 1. Estatutu la fó dalan ba MUSA atu halo mudansa, aliterasaun no revizaun ba Estatutu MUSA; 2. Mudansa, aliterasaun no revizaun Estatutu MUSA sei espesifika ba de’it falla redasaun, ortografia no fraze sira. bainhira iha mudansa, aliterasaun no revizaun Kapítulu, Artigu, kláuzula, Alínea no Definisaun ida, MUSA sei disolve bazeia ba Kapítulu VII, Artigu 16, Alínea 1; 3. Mudansa, aliterasaun no revizaun falla redasaun, ortografia no fraze sira iha Estatutu MUSA sei hala’o de’it liu husi Assembleia Jerál MUSA; Artigu 17 Regulamentu Adisional Buat hotu ne’ebé mak seidauk define iha estatutu ida ne’e sei define hamutuk iha Assembleia Jerál MUSA, no la kontradís ho Estatutu MUSA. KAPITULU VIII TAMA IHA VIGOR Artigu 23 Tama iha Vigor 1. Estatutu MUSA tama iha vigor, iha loron Domingu, 27 Fulan Dezembru, tinan 2017, liu-husi Assembleia Jerál; 2. Kualkér aspetu ne’ebé seidauk regula iha Estatutu MUSA sei regula depois iha regularizasaun no provizaun organizasaun ne’ebé adapta ho situasaun no kondisaun; Responsavel Partisipante Assembleia Jerál Estatutu MUSA tama iha vigor Loron 27, Fulan Dezembru, tinan 2017 Presidente Meza I Natalino Monteiro Konselheiru Artur Ximenes Presidente Meza II Argelio Bernardino Vilela Notulensia 1. Lidvida Dos Santos 2. Constantino De Jesus Fernandes MOVIMENTU UNIVERSITÁRIU SACHAL (MUSA) REJIMENTU INTERNAL TINAN 2012-2017 REVIZAUN Nú 02/2023 Loron 26, Fulan Marsu, Tinan 2023 REJIMENTU INTERNAL MOVIMENTU UNIVERSITÁRIU SACHAL (MUSA) PARTE I: MEMBRÚ SIRA KAPITULU I: MEMBRÚ Artigu 1: Membru Sira Artigu 2: Membru Ativu Artigu 3: Membru Pasiva Artigu 4: Membru Onoráriu Artigu 5: Kritériu sai Membru Artigu 6: Lakon Estatutu Membru nian Artigu 7: Direitu Membru Sira Artigu 8: Devér Membru sira PARTE II: ESTRUTURA ORGANIZASAUN KAPITULU II: ESTRUTURA KOMPETÉNSIA Artigu 9: Assembleia Jerál Artigu 10: Assembleia Estraordinária Artigu 11: Eleisaun Artigu 12: Sansaun KAPITULU III: ESTRUTURA EZEKUTIVU Artigu 13: Estutura Ezekutivu Artigu 14: Mandatu Estrutura Ezekutivu Artigu 16: Direitu Estrutura Ezekutivu Artigu 17: Devér Estrutura Ezekutivu Artigu 18: Reuniaun Estrutura Ezekutivu KAPITULU IV: FUNDUS Artigu 19: Fonte Fundus Artigu 20: Utilizasaun Fundus KAPITULU V: MUDANSA, ALTERASAUN, NO REGULAMENTU ADISIONAL Artigu 21: Mudansa no Aliterasaun Artigu 22: Regulamentu Adisional KAPITULU VI: TAMA IHA VIGOR Artigu 23: Tama iha Vigor REJIMENTU INTERNAL MOVIMENTU UNIVERSITARIU SACHAL (MUSA) 1. 2. 1. 2. 1. 2. 1. 2. 1. a) PARTE I MEMBRÚ SIRA KAPITULU I MEMBRÚ Artigu 1 Membru Sira Membru MUSA mak estudante, universitáriu, juventude no antigu alunu sira, ne’ebé mak pertense iha aldeia tolu hanesan Iraonu, Pitiléti no Etépiti, no mós ema external sira seluk ne’ebé hakarak inkilina-an iha MUSA; Membru MUSA kompostu husi Membru Ativu, Pasiva no Membru Onoráriu sira; Artigu 2 Membru Ativu Membru Ativu mak membru sira ne’ebé partisipa ativa iha programa servisu MUSA nian; Membru Ativu mai husi universitáriu ne’ebé pertense husi aldeia tolu hanesan Iraonu, Pitiléti no Etépiti, ne’ebé prienxe rekizitu MUSA nian tuir Rejimentu Internal haruka; Artigu 3 Membru Pasiva Membru Pasiva mak membru sira ne’ebé envolve-an hodi tuir programa no atividade MUSA, no la fó direitu atu eleje ka eleitu iha topo estrutura ezekutivu MUSA, hanesan prezidente no vise-prezidente, maibé bele envolve iha estrutura MUSA aleinde pozisaun rua ne’ebé mensiona tiha ona; Membru Pasiva mai husi estudante no juventude sira ne’ebé pertense husi aldeia tolu hanesan Iraonu, Pitiléti no Etépiti, no mós ema external sira seluk ne’ebé hakarak envolve-an iha MUSA, ne’ebé prienxe rekizitu MUSA nian tuir Rejimentu Internal haruka; Artigu 4 Membru Onoráriu Membru Onoráriu mak membru sira ne’ebé ho estatutu antigu alunu sira no mós iha kontribuisaun direta bá MUSA, ne’ebé hatuur husi MUSA no hetan aprovasaun iha Assembleia MUSA; Membru Onoráriu mai husi antigu alunu universitáriu ne’ebé pertense husi aldeia tolu hanesan Iraonu, Pitiléti no Etépiti, ne’ebé prienxe rekizitu MUSA nian tuir Rejimentu Internal haruka; Artigu 5 Kritériu sai Membru Membru Ativu Deklara-an ho kometimentu no prienxe rekizitu no formuláriu ba membru nian; b) Konkorda ativa hodi tuir kritériu sira ne’ebé determina husi MUSA iha estatutu no Rejimentu Internal; c) Hatuur ho legal husi estrutura ezekutivu MUSA no mós iha devér atu kontribui kuota; 2. Membru Pasiva a) Korkora hodi partisipa hala’o programa servisu MUSA, ho insisténsia ka la-ho obrigasaun; b) Sempre ativu no fornese ideia, aspirasaun no kritika ne’ebé ho objetivu di’ak ba MUSA; c) Hatuur ho legal husi estrutura ezekutivu MUSA no mós livre atu kontribui kuota ho insisténsia ka la-ho obrigasaun; 3. Membru Onoráriu a) Konkorda fornese ideia, aspirasaun no kritika ne’ebé ho objetivu di’ak ba MUSA, só de’it liu-husi topo estrutura ezekutivu MUSA, hanesan prezidente no vise-prezidente; b) La fó permite atu konfigura diretamente programa servisu MUSA; c) Hatuur ho legal husi estrutura ezekutivu MUSA no mós livre atu selu atu kontribui kuota ho insisténsia ka la-ho obrigasaun; Artigu 6 Lakon Estatutu Membru nian 1. Membru MUSA sei lakon nia estatutu membru nian bainhira nia destinu iha mundu remata no/ka mate tiha ona; 2. Membru MUSA sei lakon nia estatutu membru nian bainhira rezigna-an husi MUSA; 3. Membru MUSA sei lakon nia estatutu membru nian bainhira hasai husi MUSA tanba kontra Estatutu, Rejimentu Internal no mós regulamentu seluk ne’ebé aplika ona; Artigu 7 Direitu Membru Sira 1. Membru hotu-hotu iha direitu ne’ebé hanesan iha korpu MUSA nia laran; 2. Membru hotu-hotu iha direitu baá ideia, aspirasaun, sujestaun, kritika liu husi liafuan ka hakerek no ko’alia iha Assembleia MUSA; 3. Membru hotu-hotu iha direitu atu partisipa iha programa no atividade MUSA nian; 1. Membru hotu-hotu iha direitu atu kestiona responsabilidade estrutura ezekutivu MUSA iha Assembleia Jerál no mós Assembleia Estraordinária; 4. Membru hotu-hotu iha direitu atu eleje no eleitu, bazeia bá kritériu ne’ebé hatuur tiha ona, exetu membru pasiva no membru onoráriu sira mak lae; Artigu 8 Devér Membru sira 1. Membru hotu-hotu iha devér atu kumpre Estatutu, Rejimentu Internal no Regulamentu sira seluk ne’ebé aplika iha korpu MUSA ; 2. Membru hotu-hotu iha devér atu hamorin no tane-as naran, onra no valor MUSA; 3. Membru hotu-hotu iha devér atu partisipa ativa iha programa no atividade hotu ne’ebé hetan ona aprovasaun husi MUSA iha Assembleia Jerál no mós Assembleia Estraordinária; 4. Membru hotu-hotu iha devér atu forma no asegura relasaun ne’ebé di’ak entre membru sira, espesikamente iha internal MUSA no mós jeralmente ba elementu external hotu ne’ebé hasees-an husi korpu MUSA; 5. Membru hotu-hotu iha devér kontribui kuota, disensaun livre atu kontribui kuota exetu bá de’it membru pasiva no membru onoráriu sira ma lae; PARTE II ESTRUTURA ORGANIZASAUN KAPITULU II ESTRUTURA KOMPETÉNSIA Artigu 9 Assembleia Jerál 1. Assembleia Jerál sai hanesan reuniaun ne’ebé ho kompeténsia másimu iha MUSA; 2. Assembleia Jerál sei hala’o dala ida iha tinan haat (4); 3. Partisipa pelumenus 2/3 husi membru no ezekutivu sira; 4. Husu responsabilidade ezekutiva estrutura ezekutivu tuan; 5. Hili no hatuur prezidente foun no mós demite (hapara funsaun) estrutura ezekutivu tuan; 6. Halo mudansa, aliterasaun no revizaun Rejimentu Internal bainhira la relevante ona ho situasaun MUSA nian; 7. Desizaun Assembleia Jerál vincula (kesi) ba membru MUSA tomak; Artigu 10 Assembleia Estraordinária 1. Assembleia Estraordinária sai hanesan reuniaun ne’ebé ho kompeténsia másimu iha MUSA; 2. Assembleia Estraordinária sei hala’o bazeia ba tempu ne’ebé konsidera presiza husi estrutura ezekutivu no hetan partisipasaun pelumenus 2/3 husi membru no ezekutivu sira; 3. Partisipa husi estrutura ezekutivu no membru MUSA; 4. Desizaun bele válidu no/ka pasa bainhira hetan konkordánsia pelumenus 50%+1% husi membru sira ne’ebé marka prezensa; 8. Desizaun Assembleia Estraordinária vincula (kesi) ba membru MUSA tomak; Artigu 11 Eleisaun 1. Eleisaun MUSA la’o ho sistema demokrátika no hala’o hodi, hili, no hatuur prezidente MUSA nian; 2. Eleisaun MUSA sei hala’o tinan haat (4) dala ida hodi, hili, no hatuur Prezidente MUSA foun; 3. Partisipante pelumenus 2/3 husi membru sira; 4. Iha tempu urjente bele halo Assembleia Estraordinária hodi hili emerjente prezidente MUSA foun hodi responde situasaun emerjénsia no partisipante pelumenus 2/3 husi membru sira; 5. Organiza, lidera, no kontrola husi komisaun assembleia ne’ebé forma husi estrutura ezekutivu; Artigu 12 Sansaun 1. Sansaun sei aplika ba membru hotu-hotu no mós estrutura ezekutivu hotu-hotu bainhira kontra ona Estatutu no Rejimentu Internal; 2. Membru hotu-hotu no estutura ezekutivu sira sei hetan sansaun bainhira la tuir Assembleia MUSA másimu dala tolu (3) la ho razaun ne’ebé klaru; 3. Aplikasaun bá sansaun nian sei regula no autoriza iha reuniaun asembleia estraordinária; KAPITULU III ESTRUTURA EZEKUTIVU Artigu 13 Estutura Ezekutivu 1. Estutura ezekutivu mai husi membru ativu MUSA ne’ebé eleitu tuir nia vontade no responsabilidade iha eleisaun; 2. Kumpre devér membru ativu durante tinan ida (1); 3. La apropriadu ba membru ativu ne’ebé mak finalista (livre teoria) hanesan universitáriu; 4. Kandidatu prezidente sei aprezenta ho votu konfiansa husi membru sira iha assembleia; 5. Kandidatu prezidente tenke kumpre kritériu hanesan: a) Membru ativu ne’ebé ativu iha MUSA durante tinan ida (1); b) Mínimu Semestre ida (1) to’o tolu (3), másimu semestre lima (6); c) Ho identidade klaru, nasionalidade Timor-Leste; 6. Prezidente tenke hili liu husi Assembleia Jerál MUSA; 7. Reuniaun dahuluk mandatu prezidente MUSA mak sei hili nia vise prezidente no membru estrutura ezekutivu sira seluk durante iha loron sanulu resin-lima (15) nia laran; 8. Estrutura ezekutivu ne’ebé hili ona sei aprezenta ba komisaun asembleia jerál iha reuniaun dahuluk, kláuzula anterior haruka; Artigu 14 Mandatu Estrutura Ezekutivu 1. Mandatu estrutura ezekutivu MUSA nia durasaun mak tinan haat (4); 2. Estrutura ezekutivu eleitu iha rejime espesiál ba mandatu, bainhira finaliza ona estudu maibé nia mandatu seidauk remata. Kláuzula ne’e la kontradís ba kapítulu I artigu 2, no artigu 7; 3. Prezidente períodu tuan sei labele eleje-tan iha períodu tuir mai; 4. Prezidente, Vise Prezidente no membru estrutura ezekutivu sei troka mandatu bainhira; a) Mandatu hotu; b) Mate (destinu iha mundu remata); c) Rezigna-an tuir hakarak rasik; d) Hetan demisaun no ezonerasaun husi proposta membru mínimu 2/3, bainhira la hala’o programa servisu iha durasaun teste no avaliasaun durante fulan tolu (3); Artigu 16 Direitu Estrutura Ezekutivu 1. Prezidente a) Lidera, organiza no kontrola membru estrutura ezekutivu sira hodi kumpre Estatutu, Rejimentu Internal no mós regulamentu no sabedouria hirak ne’ebé atribui no aplika ona iha MUSA; b) Lidera, organiza no kontrola membru estrutura ezekutivu sira hodi hala’o programa servisu MUSA nian; c) Husu responsabilidade membru estrutura ezekutivu sira iha implementasaun programa servisu MUSA nian; d) Hili, hatuur no hapara nia konselleiru mínimu na’in ida (1) no másimu na’in rua (2) hodi fó konsellu durante mandatu; 2. Vise-Prezidente a) Ajuda no koordena ho prezidente iha knaar hotu ne’ebé haknaar-an ba; b) Reprezenta prezidente hodi hala’o servisu ne’ebé mak relevante bainhira prezidente laiha fatin; 3. Konselleiru a) Observa programa servisu MUSA, no fó ideia no aspirasaun ba prezidente hodi hato’o iha Assembleia MUSA; b) Servisu hamutuk ho prezidente hodi planeia, prepara no konsetualiza programa servisu inklui halo kontrolu indireta; 4. Prezidente Divizaun a) Lidera, organiza no kontrola nia membru sira atu hala’o programa servisu iha ida-idak nia area (terenu); b) Atribui regulamentu no sabedouria ida ne’ebé hasees-an husi Estatutu ka Rejimentu Internal hodi kesi membru hotu-hotu iha programa servisu ne’ebé valida ona iha Assembleia Jerál no Assembleia Estraordinária MUSA; Artigu 17 Devér Estrutura Ezekutivu 1. Dezenvolve, implementa no mós responsabiliza Programa Servisu ne’ebé atribui ona husi Assembleia Jerál no MUSA; 2. Responsabiliza regulamentu no sabedouria ne’ebé atribui ona husi Assembleia Jerál no Assembleia Estraordinária MUSA; Artigu 18 Reuniaun Estrutura Ezekutivu 1. Estrutura Ezekutivu bele konvoka reuniaun tuir tempu ne’ebé presiza no tenke hetan partisipasaun husi 2/3 konsellu ezekutivu MUSA; 2. Desizaun reuniaun sei konsidera válidu no/ka lejítimu bainhira hetan konkordánsia pelumenus 50%+1% husi estrutura ezekutivu ne’ebé marka prezensa; 3. Estrutura Ezekutivu tenke halo aprezentasaun ba Assembleia Estraordinária MUSA hodi aprezenta rezultadu reuniaun; KAPITU LU IV FUNDUS Artigu 19 Fonte Fundus 1. Kuota husi Membru MUSA; 2. Apoiu no kontribuisaun husi entidade external; 3. Rezultadu negósiu MUSA; Artigu 20 Utilizasaun Fundus 1. Kualkér aspetu ne’ebé iha relasaun ho utilizasaun fundus MUSA, tenke ezekuta tuir prosedimentu finanseiru MUSA ne’ebé prepara husi prezidente no tenke iha relatóriu narrativa no finansas husi estrutura ezekutivu no aprezenta iha Assembleia Estraordinária, Reuniaun estrutura ezekutivu no mós Assembleia Jerál. 2. Mal jestaun no mal ezekusaun orsamentu sei prosesa iha Assembleia Estraordinária no tenke multa husi pesoál ko-metidu, no sei prosesa tuir prosesu judisiál kuandu la multa; 3. Auditoria interna mak sei kontrola ezekusaun orsamentu kuandu iha irregularidade. Ekipa auditoria interna sei hili iha Assembleia Estraordinária; KAPITULU V MUDANSA, ALTERASAUN, NO REGULAMENTU ADISIONAL Artigu 21 Mudansa no Aliterasaun 4. Rejimentu Internal fó dalan ba MUSA atu halo Mudansa, aliterasaun no revizaun ba Rejimentu Internal MUSA; 5. Mudansa, aliterasaun no revizaun Rejimentu Internal MUSA sei hala’o bainhira Kapítulu, Artigu no Alínea balun la kondús no la relevante ona ho situasaun no kondisaun MUSA; 6. Mudansa, aliterasaun no revizaun Rejimentu Internal MUSA sei hala’o de’it liu husi Assembleia Jerál MUSA; Artigu 22 Regulamentu Adisional Buat hotu ne’ebé mak seidauk define iha Rejimentu Internal sei define hamutuk iha Assembleia Jerál MUSA, no tenke kondús no relevante ho situasaun no kondisaun MUSA. KAPITULU VI TAMA IHA VIGOR Artigu 23 Tama iha Vigor 1. Rejimentu Internal tama iha vigor, iha loron Domingu, 27 Fulan Dezembru, tinan 2017 liu-husi Assembleia Jerál; 2. Kualkér aspetu ne’ebé seidauk regula iha Rejimentu Internal sei regula depois iha regularizasaun no provizaun organizasaun ne’ebé adapta ho situasaun no kondisaun; Responsavel Partisipante Assembleia Jerál Rejimentu Internal tama iha vigor Loron 27, Fulan Dezembru, tinan 2017 Presidente Meza I Natalino Monteiro Presidente Meza II Argelio Bernardino Vilela Konselheiru Artur Ximenes Notulensia 1. Lidvida Dos Santos 2. Constantino De Jesus Fernandes Aprova Revizaun Rejimentu Internal Nú 02/2023 Loron 26, Fulan Marsu Tinan 2023 Oras 17:27 Oras Timor-Leste Presidente Meza I Argelio Bernardino Vilela Konselleiru 1. Artur Ximenes 2. Albeni Openi Monteiro Presidente Meza II Bonciano Ego Da Costa Notulensia Novli Januario da Cruz