Estd

1.2.1998

An Official Organ of YMA : Nursery Veng Branch

KUMPUAN : Ram leh Hnam humhalh THUVAWN: YMA chu anpui ngaite anpuitu a ni
VOL - XV I SSUE N O 34

nurseryaw@gmail.com

MOTTO: Hunawl Hmanhat Zofate hmasawnna ngaihtuah Kristian nundan ha ngaihsan

PATHIANNI 02.09.2012

Editor: Lalsawmliana Renthlei (9436150110) Joint Editors: B Lalmalsawma (8974773066) Lalsangmawia Colney (9436350683) Laltlanthianghlima (9856569628) Romalsawma (8575180980)

BRANCH NEWS 1. Ni 23.08.2012 aanga chin hriatloha bo Pu. H. Lalzawmliana (Kum 34), Maubawk veng a mi, an Branch YMA-in an zawn mek chu NYMA O/B ten va ngaihven puiin ni 28.08.2012 (Thawhlehni) zanah Maubawk YMA/VC Information-ah va kal a ni a, thingpui lumna atan NYMA hmingin Maubawk Veng Branch YMA hnenah Rs 500/- pek ve a ni. Ni 14.09.2012 (Zirtawpni) zanah Branch YMA Executive Committee Meeting neih tum a ni a, Committee Member te loin ring lawk tura ngen leh beisei an ni. Nimin (01.09.2012) nileng khan thlanmual samfai hnatlang Branch YMA huapin neih a ni a, member hahnem tak thawh chhuah a ni. Association for Voluntary Blood Donation chuan Central YMA hriatpuina in ni 13.09.2012 (Ningani), 10:00 AM 05:00 PM ah I&PR Auditorium-ah Training of Blood Donor Motivators a buatsaih dawn a, hetah hian kan Branch YMA aanga member 2 tel tura ngen kan nih angin ruahmanna siam mek a ni. Bungkawn, Nursery leh Bungkawn Vengthar Thlanmual Committee chuan Pu Vanlalsawma, Zonuam Veng chu Thlanmual Chowkidar atan a la fel ta a. Chowkidar thar atana lak hian ni 01.09.2012 aia tlai lovah chowkidar hna hi thawk an tura tih a ni. Central YMA chuan 25th, September, 2012 aangin Volleyball (Men & Women) Tournament an buatsaih dawn a, hemi atan hian players tur te inbuatsaih chhohmek a ni a, Branch YMA Executive Committee Meeting neih hunah aul anga rel chhunzawm tum a ni. CYMA vekin ni 06.10.2012 aanga an tur Marathon (Men & Women) a buatsaih turah a tui mite kan awm chuan hruaitute hnenah inhriattir tura ngen kan ni. JAC NEWS Ni 31.08.2012 zan khan Nursery Veng JAC te chu Nursery Veng VC Hall ah Committee pawimawh tak an nei a, tunlai kan veng chhunga thilbo tam lutuk leh ruihtheihthil hluar leh ta deuh chungchang ngaihtuahin hma nasa taka lak an tuma, chhungtin ten Nursery Veng JAC hmalakna te theihtawpa awiawm zel turin an inngen. Sporting Club Ni 1st, September, 2012 nileng khan Nursery Veng Basbetball cum Volleyball Court-ah Volleyball Court line marking hnatlang neih a ni.

Naupang thunun tim suh, Tiangin

Thufingte 23:13
3. Branch Hnatlang: Thlanmual Committee-in alo rel tawh angin, thlanmual thar samfai hna chu branch pathum ten 4. chan insem chu, kan branch huan samfai hna hi 01.09.2012 khan nilengin neih a ni a, member kan thawkchhuak ha hle a, hnatlanga thawkchhuak zawng zawngte 5. chungah Branch chuan lawmthu an sawi e. Khawhar: Pu R. Hlychho (Kum 74), Y- 6. section chu ni 01.09.2012 zing khan lungphuchawlin a borala, aruang hi an khua Saiha lamah phurh phei a ni a, khawhar chhungte kan tawrhpui hle a ni. Ni 30.8.12 (Thu) khan Pi Chhingi te dawr, Nursery Veng kawn (Sikul tlang) a mi chu rawk a ni a, pawisa fai leh bungrua Rs. 50,000-60,000 man hu lak a ni. Tun lai in veng chhungah thil bo neuh neuh a tam hle mai a, chhung tinte fimkhur tur kan in chah rualin hetiang rukruk thil kaihhnawih anga in hnamhnawih kan hria a nih chuan veng chhung hruaitute a rang thei ang ber a hrilh hre tur in kan in ngen.

www.nurseryveng.x10.mx

02.09.2012

Nursery Aw : Mimkut Thla

Phk 2-na

NURSERY VENG BRANCH YMA OFFICE BEARERS 2012

MAN LEH MUAL Hmasang atangin Mizo Dana nupui pasala inneihnaah chuan, mipain a nupui man a pek thin chu Man leh mual a ni. Man leh mual hi mihringte inleina a ni lo va. Nupui pasala innei turte leh an chhungte ve ve, chhung leh khata insuihkhawmna tura inremna entirna a ni. Chuvangin kawngro nei taka siam a ni. Man teltu chu pa ber a ni a. Pa ber a awm tawh loh chuan, a aiawha pa chan chang apiangin an tel thin. Man teltu chuan Mo chu a theih angin a lawi ang a, mak chhiat a tawh pawhin a tuam hlawm tur a ni. Man leh mual hi tangkaa bithliah a nih hma chuan ro thil, thi leh dar te leh sial te an lo hmang thin a. Tin, bel leh hriamhrei thleng pawha hman a ni bawk thin. Hetiang huna an pawm dan tlangpui chu Se puitling hi Sial an ti a. Se puitling lo hi Tlai an ti a; chu chu Sepui chanve anga ngaih a ni. Mizovin Tangka kan hman tantirha a hlutna an chhut dan tlangpui chu : Sial - Cheng sawmli Tlai - Cheng sawmhnih Tlai Sial - Cheng sawmhnih Tin, Tlai tih hi Se puitling lo tihna a ni a, Sial hming a lo put ve avang hian Man leh Mual thuah hian Tlai nga an lo ti ber thin. 1) Man bi : Pain a fanu pasal nei tur manbi a thliah ang ang hi Manpui a ni. Manbi thliahna chu Tlai a ni a. Tlai chu Rs.20/- hua ngaih a ni. Sailo man chu Tlai 10 a ni a, hnamchawm man tlangpui chu Tlai 4 a ni a, a tawng san theih ber chu Tlai 5 a ni. Pain a fanu pasal nei tur manbi a thliah bakah amah leh lainate eitur chi hrang a siam hi Mantang a ni. Nun dan leh khawsaknate a lo danglam zel a, tun hnua manbi atana hman tlangpui ni deuh bera lang chu. Manpui leh Mantang Rs.420/- a ni.Man teltu Pa-in man eitute hnena Mantang a sem dan pawh a tlangpuiin a hnuaia bithliah ang hi a ni. a) Sum hmahruai - Cheng 60/- (Sawmruk) aw) Sumfang - Cheng 50/- (Sawmnga) b) Pusum - Cheng 40/- (Sawmli) c) Palal - Cheng 30/- (Sawmthum) d) Ni-ar - Cheng 20/- (Sawmhnih) e) Naupuakpuan - Cheng 20/- (Sawmhnih) 2) Man eitute: Mizo inneihna chungchanga man eitute hi Palal eitu tih chauh lo chu laina bul tak tak an ni vek a, Palal erawh hi chu khualkhuaa pasal nei tan phei chuan hmelhriat tha deuhte zawn chawp a ni fo thin. 3) Mantang : Mizo inneihnaah hian hmanlai chuan tangka van avangin man pe tla thei hi an vang thei hle thin a. Chuvang chuan hmeichhe lam chhungte hian Manpui chu pe thei lo mah sela, Mantangtal hi chu pe thei turin an phut deuh hram thin. Chuvangin Mizo Inneih danah hian Mantang hi a pawimawh em em tih a lang thei a ni. Mantang eitute chu a hnuaia tarlan ang hi ani : a) Sumhmahruai: Sumhmahruai chu Mantang zinga mi, pasal nei pa chanpual a ni a, ani chuan a unaute emaw a fapa indang tawhte emaw a teltir thin. aw) Sumfang : Sumfang pawh Mantang zinga mi, pasal nei pa chanpual a ni a; ani chuan a unaute emaw a fapa indang tawh emaw a teltir thin. b) Pusum : Mo pu. (Mo hringtu nu pa) ei tur a ni. A pu chu lo thi

Editorial Ber thla kan lo thleng leh ta reng mai! Kan tan hun duhawm tak min herchhuahpuitu ni thei se a duhawm hle. Hun leh tuilianin tumah a nghak lova Kum 2012 thla tawp lam hnaihin Ber thla kan lo kai leh ta. Hun kan hman liam tawh zawng zawngte kha han thlir kir ta ila, engtin nge kan lo hman ve le?? Hun kan hman liam tawh zawng zawngte kha kohkir theih anni tawhlova, kan lo hmang thain midang tan malsawmna thlentu kan lo ni anih chuan hun hi malsawmnaah kan chantir tihna a ni a. Hun hmang thalova midang tana harsatna thlentu kan lo ni anih erawh chuan hun hlutna hi kan hre tawklo ani thei ang. Mitin tan hun ruat ani a, pian hun leh thih hun pawh kan tan vawikhat ruat ani. Kan pian tawh chuan thi tura inbuatsaih hi kan tih makmawh leh mitin chunga hun ruat kan pumpelh theih hauhloh a ni. Hun hian min liampui zel anga kan thih hun tur chu minla hruaithleng ang, chutih hunah chuan khawilam kawng zawhin nge hun hian min herliampui ve ang le? Mizote hi Kristian vek kan nih angin kan thih hnuah Hremhmunah emaw Vanramah emaw kai tura inbuatsaih vek kan ni a. Hremhmun emaw Vanram emaw kai tur hian kan tun hun hian awmzia a nei thui bera, kan hun hman dan azirin kan panna tur kawng chu a hriat vek theih thin a ni. Tumah hian Hremhmun lam pan chu kan duh hauhvin a rinawm lova. Amawerawhchu Pathian bel silova hun kan hman hian chu hmun chu min hruai thleng tho tho dawn a ni! Tun Hun hmang thaa, sual kalsana Pathian beltute chuan an hun hman that rah sengin Vanah thlamuang takin an chawl anga, Pathian hriatna neilo tute erawh chu Hremhmun lamah hnuh luhin an awm ang. Vawiina kan hun hman hian kan Chatuan hun tur a hlir anih tih hriaiin kan hun hman hi uluk ila; Nang i vawiin hun hman khan khawi lamtluang nge a zawhtir ve dawn che le???

Tuia hml ngai ngai a lang angin Mihring thinlung chu mihringah a lang.

02.09.2012

Nursery Aw : Mimkut Thla

Phk 3-na

Y Section

SECTION REPORT
M Section

A Section
Section huamchhungah zu leh ruihtheih thildang rawn zuar thinte kha man innih chuan inchungah eng pawh thleng se inmawh a ni ang. Zanrei tak tak a mi kawtlaia thukhawma bengchheng siam thinte kha sim turin kan in ngen e. Pu C. Lalbiakmawia chuan FZ Bike anei thar a, kan lawmpuii hle mai, khawtlang tana angkai taka ahman ngei kan ring.

Pi R. Thanzuali chu Asthma avangin New Life Hospital-ah Vengchhungah thilbo atam hle enkawl mek a ni a, ahatchhuah mai a, chhungtinte fimkhur thar leh thuai an duhsak hle mai. leh turin an in ngen. Pu R. Hlychho f/o Tv. Pu Zorema damlo chu inlamah Mazawma, 01.09.2012 zinga boral enkawl mek a ni a, adam leh thuai chu khawkhar chhungte an an duhsak e. tuarpui hle. Bawlhhlawh paih motor Nimin thlanmual samfai Tlawng Road a atlan tawh avangin hnatlanna a thawkchhuak zawng Luikawr vela Bawlhhlawh paih zawngte chungah lawmthu an mai mai lovin, Bawlhlawh paih sawi. motor ah chauh paih thin turin an in ngen.

tawh mah sela, a pi (a pu nupui) a la dam phawt chuan a pasal la dam tluka ngaih a ni a, ani chuan a ei tur a ni. Anni nupa an thih taswh chuan an rokhawmtu ziding ber chuan a ei ang. Pu dik tak ten pusum an tel lo a nih chuan, a pu dik tak chuan Pu ban man Sial a thing thei. Pusum teltu tur dik ber a thih tawh chuan, a fate zinga mi pakhat aia tamin pusum an tel thei a, chu chu Pu phir an ti. Chu bak chu Mantangah phir a awm ngai lo (Mantang eitu zingah pusum teltu chauh hian lawi a kham thei a ni). d) Palal : Khualkhuaa pasal nei chuan an va innghahna tur Thlen in an tih thin atan hmelhriat tha leh bul deuh an zawng thin a, mi tu pawh thisen zawmpui kher lo pawh an zawng thei. Chu chu Palal an ti a, pasal nei khan duh duha chaw a lam ngamna tur a nih avangin Chawthing zenna an ti thin. Nu leh pa biak phak loh leh biak hman loh thil engpawh lo thleng sela, pa hminga thil ti thei a ni. e) Ni-ar : Ni-ar hi a pa farnu (a ni) ei tur a ni. Ni dik an awm loh pawhin a aiawh zawn chawp mai theih a ni. f) Naupuakpuan : Mo laizawn a u ei tur a ni. A nausen laia lo pawtu leh awmtleitu a nih avanga eitir a ni. U a neih loh pawhin zawnchawp theih a ni. Note : Pa chuan heng sumhmahruai leh sumfang teltu turte hi a tul a tih loh chuan a siam lo thei. Mantang dang eitu turte erawh hi chu a tlangpui chuan siam ngei tura ngaih a ni. Inneih buatsaihnaah Palai pahnih aia tlem lo tirh tur a ni. Palaite chuan innei turate thuthlung tih fel leh man hlan hi an tih tur a ni. HUTPHAH : Hmeichhe pasal nei chu, a lo upat a, harsatnain a tlakbuak hunah, amah a intunnun nana hman tur thlaveng a neih theih nan leh a pasal nena inthen thulhah pawh a thuam a lakkir theihna tura man hlan laia man dawngtuin Rs.20-(Tlai) a pek kir leh chu Thutphah a ni. Thutphah leh Thuam inzawm dan chu hetiang hi a ni : Hmeichhia pasal neiin Thutphah a neih loh chuan, lo inthen pawh ni se, a thuam a la kir thei lo va, a pasal emaw a fate emaw chan tur a ni. Thuam a lakkir dawn chuan thuam manah Cheng Sawmhnih (Rs.20/-) a pe tur a ni. Hmeichhia pasal nei, thutphah nei chu, a pasalin a mak chuan, a man ba zawng zawng, thutphah nen lam a pasal chuan a pe tla vek tur a ni a, (chhunzawm tur....) ALL INDIA KARATE CHAMPIONSHIP (Junior & Senior) 18 21, August, 2012 1. 4. Lalnunfima 35 Kgs 1. Lalhmangaihsanga 32 Kgs s/o Nosailova (M Section) s/o Lalroliana (A Section) Bronze Medal Silver Medal 5. Lalruatkima 34 Kgs 2. Francis Vanlalhruaizela 30 Kgs s/o Nosailova (M Section) s/o Lalthangdela (A Section) Bronze Medal Silver Medal 3. Nicky Zodinsanga s/o Malsawma (M Section) Silver Medal 33 Kgs (An coach, kan veng pa Pu David-a chu he hunah hian Third Dance nihna pek thar a ni bawk. Heng kan veng ti hmingha tute hi kan chhuang tak zet a ni)

02.09.2012

Nursery Aw : Mimkut Thla

Phk 4-na

YMA GENERAL CONFERENCE Ni 3.8.2012-a CEC meeting chuan, YMA General Conference Vawi 67-na Ni 22-25 October chhunga Kawrtethawveng a neih tur atan, a hnuai a mi ang hian Detail Programme Committee a din. Chairman : Pu R.L. Rindika, Asst.Secy CYMA Secretary : Pu Roneihthanga, CEC, (V.Pre. NYMA) Members : Tv.Lalhmachhuana Pu Lalrinmawia Pu Lalnunmawia Pu Lalhmingmawia CEC CEC CEC CEC

India
India hi khawvela civilization lianber, upaber leh awmreiber a ni. India hi khawvela mipui rorelna ram lianber a ni. India hian kum 1000 chhung eng ram mah ado tawh lo. Number kan hmanlai hi India hmuhchhuah a ni a, Zero (0) hi Aryabhatta hmuhchhuah a ni. Mosolman biakin (Mosque) hi 300000 chuang India ramah hian a awm, Muslim ram tihlohah chuan atamna ber a ni. Chess (Shataranja or AshtaPada) hi India rama hmuhchhuah a ni. India hi tharum tellova zalenna sualchhuak ram tlemte zingah atel. India ah hian Scientist leh Engineer tamna ber dawttu a ni. India hi khawvela Post Office nei tamber a ni. Indian Railway hian hnathawktu maktaduai chuang neiin khawvela hnathawktu ngahber a ni. Kum zabi 17 na vela British in India a awplai thleng khan khawvela ram ram hausa ber a ni. Christopher Columbus khan tihpalh thilthua America a hmuhchhuah khan India ram hausakna avangin tuipui kawng a zawng nghal a ni. The Baily Bridge hi khawvela leihlawn sangber niin, Ladakh ah a awm a, Himalaya tlang a Dras leh Suru lui inkarah dawh a ni a, India sipai ten August 1982 a an siam a ni. Tirupathi khua a awm Vishnu Temple hi kum zabi 10 na lai vela sak a ni a, sakhaw lam thila khawvela tlawh tamber niin Rome leh Mecca ai pawhin a lian zawk a ni. Nitin tlawhtu mi 30,000 chuang neiin heng mite hian thawhlawm $6 Million chuang an thawh ziah thin. Varanasi, Benaras tia hriat bawk hi The Ancient City tia sawi a ni a, Buddha in kum 500 BC a atlawh atang khan tun tlenga mihring la chenna khua upa ber a ni. Martial Arts hi India rama hmuhchhuah a ni a, Asia ram hmun hrang hrangah Buddhist puithiam ten an thehdarh ta a ni. Yoga pawh hi India ramah kum 5000 hmalam vela hmuhchhuah a ni.
Copies - 415

Hmawng kung nge i nih Balhla kung? - Rev. L.H. Rawsea Hmawng kung i hria, balhla kung pawh i hria e; heti zawng hian i la ngaihtuah ngai lo mai thei. In bul keh dai fem vela Hmawng kung kha han mitthla la. A zar awih bum mai si a, a mawi teh e. A kung a lian si a, a hnah a hring ha si a, a hmawm (chawr no) lai phei chuan lung a ti leng thei teh asin! Chutah rah an chhuah, an hmin chho, sava chi tinreng leh theihlei te nen lam a rah tlanin an zi tak ang liai liai a. A hnuai lamah vahrit nufa zain a rah tla an lo char ve zat zat a. Hmawng kung awih tha tak leh upa tawh lam hi chuan buh tin chanve hmun dawn thaw hial a awh thei a, a va hlim nuam tak em! Chhun nisat vanglaia Hmawng kung hnuaia han thut chawlh der der mai chu nuam ve tak a ni. Mahse, Hmawng kung hnuaiah thing dang a to thei lo. A dal tlat! Thing dang chu rawn to ve pawh nise a dip hlum thak zel! Amah chu ropui teh mah se a thih hunah chu hmun chu thlaler ram ro la chang mai tur a ni. Balhla kung ve thung. Balhla kung lian tak, hmun awh zau tak i hmu ngai kher lo vang. A hang uak uak a, a vui a, a lo ro va, a ral leh mai thin. Kum chanve a dam chuan tar thih a hnaih tih i hre thei. Amah chu lo ro ral ta pawh nise a bulah a kung dang tam tak a lo mawm i hmu ang. Chungte chu kar lohvah an rawn hang ang a, an lo sei lian ve leh dawn a ni. Chuti ang chuan Balhla hung lian tak ral thei reng reng lo i hmu hin a ni. Hmawng kung hnuaiah generation thar i beisei thei loh laiin Balhla hungah erawh chuan englai pawhin a tuai thar i hmu. Hmawng kung nge i nih a, Balhla kung zawk chu le? I leadership quality kha han inchhut ve mai mai teh khai!
Printed at JL Publication

Published by Nursery Veng Branch YMA