Email : dawrpuinews@gmail.

com
MOTTO 1. Hunawl hman\hat 2. Zofate hmasawnna ngaihtuah 3. Kristian nun dan \ha ngaihsan

Visit us at www.dawrpuiveng.com

YMA chu \anpui ngaite \anpuitu a ni

Vol Vol : XXI Issue No 35 Dawrpui News Kartin Chhuak Pathianni 2011 Aug 28, 2011

TUALCHHUNG
DAMLO : Dr. C. Zarzoliana kan Br. Senior Adviser, Civil Hospital-a a rilphir zai chu that lam a pan zel niin kan lo hria, dam taka a lo chhuah theih kan duhsak e. u Vanlalmuana (Muantea), P Dawrpui S chu Mta lungte awm vangin in lamah enkawl mek a ni a, Hospital-ah in admit an tum niin kan lo hria. Pu Rothangpuia, Bazar Bungkawn, chu Aug. 20 (Inrinni) zan khan Civil Hospital a admit leh ani. ( Hengte hi damlo kan hriat theih chin a ni a, chhung tin ten i tawngtai pui thin ang u. Tin, News-ah hian veng chhunga damlo te a kim thei ang bera tarlan kan duh thin a, kan thenawm hnai te emaw, kan chhungte dam lo kan hriat chuan Editorial Board member te hnenah i hriattir thin ang u. Editor) PHD HMU : Pi Rosangliani w/o Pu Lalkhumtira (Patea) Zion St., tuna Aizawl West College lecturer ni mek chuan MZU, Education deptt-ah PhD a hmu thar. Kan chhuangin kan lawmpui hle. PASSED : Lalrammawii d/o K.Liantuala, Jail Veng chuan M.Lib. 2nd Class-ah a passed. Kan lawmpui hle. S A R EP Z UAR D AWN : Taitesena Sec. chuan Sept. 3 (Inrinni) hian an section huam chhungah sum tuak nan Sa rep an zuar dawna, tlawmngaih chhuaha lo leisak turin section huam chhunga chhung tin te an ngen. I : Veng chhunga Ui vulhtu U zawng zawng ten kan hriat atan, thenawm khawvengte tan bengchheng an siam em, an hnawksak em, inleng kan neih loh phah fo em tih inen ila. Tin, vantlang tana hnawksak leh tenawm zawngin ek an thlahdah em tih inen ang u. .

INTODELH LEH TAIMAK

- J. Lalsailova, Fin. Secretary, CYMA Intodelh zahawmna a ni. Ei leh bara kan intodelh miau loh avangin kan hawi Champ thei lo. Mizoram leilung hi thlai thar nan ala tha tawk a, a la zau tawk bawk. Mizo tlemte ei leh bar tur hi a tam lo. Kan eizawn theihna kalsan a, khawpuia kan in ek beng vak pawh hi a dik lem lo. Hmasawn beiseia mahni thiam zawng Lo neih kalsana khawpui lut, retheihnain tih loh loh tur a tih tir tak sawi tur kan awm ta nuk mai. Lo neih, huan ram enkawl lama mi paukhauh, hralh tham hralh chhuah tuma thlawhhma zauh ngam YMA Member hi lo pung zel rawh se. Kut hnathawh tur hrang hrang a tam, hnamdang mikhual kan ngah em emna chhan hi chung hnate chuan a kokhawm a ni. Heng hnate hi mizo thalaiten mahni inlum atanga kan thawh theih vek a ni a, hnamdang thawh atan ui nachang i hre teh ang u khai. Mamawh tih tlem leh inrenchem thiam kawngah thalaiten rahbi thar kan kai a ngai. Kan intodelh lohna chhan hi kan mamawh lutuk loh neih kan tum vangte pawh a ni fo. Kan mamawh aia tam silh leh fen, thawmhnaw hak tur kan neih lai hian a dang itin kan rilru kan ti hah thlawn fo thin. Ba neih reng nun hi a sim theih, lakluh aia tam hman loh hrim hrim hi intodelh nan a tul a, lakluh aia tlem hman chu changkanna a ni nghal bawk. Nihna anga nung ngam nih hi zahawmna a ni. Kan pi leh pu, British khua leh tui lo ni pha tawh ho chuan British made nih hi an chhuang thin. Hnathawhnaah hun an vawng dik a, tan hun, ban hun vawnah leh hnathawh taimakah kan tluk ta lo. Hnathawhna hmun hi a zahawm a, Officer dawhkan bial a ni emaw, peon thutna Stool a ni emaw, ramdaiah sadai ek leh tangtial rilin a bawhna a ni emaw, kawng sira dawr te a ni emaw a lem chuang lo, eizawnna hmun a ni. Chu hmun chuan kan rilru luah se, i zelthel san lovang u. Mahni eizawnna hna taima tak leh rinawm taka thawktute hi ram leh hnam lungphum, ngawi renga Pathian rawngbawltute leh khawtlang nun siam thatute an ni. Zep rual a ni lo, tunlai thalaite hi kan taima ta lo. Mut hi kan thlahlel ta lua a ni lo maw! Mu chunga TV en, handset khal neuh neuh chunga lehkha zir, awmpui tel lova khawsa thiam tawh lo nula tlangval, Gas bur ruak pu zo lo tlangval te kan ni ta nawk mai. Thalai awlthawng thawveng bawk si inpelh suau suauna ramah hian retheih zel mai loh chu hmabak a awm lo a ni e. Intodelh tur chuan nun dan thlak phal a ngai. Thatchhiatna hi thawhsan thut ngam a ngai. Kan ngam dawn em YMA memberte hian?

BRANCH COMMITTEE KOHNA

A hnuaia hun leh hmun tarlanah hian Dawrpui Branch YMA Executive Committee Meeting pawimawh tak koh a ni a, member te kim taka kal tura hriattir kan ni e. A hun A hmun : : August 30, 2011 (Thawhlehni) Zan dar 7:30 YMA Committee Room Dawrpui School Building.

Dawrpui

News

chhuak Kartin chhuak

Pathianni Pathianni

2011 Aug 28, 2011

Editor Co Editor Jt. Editors News Editors

: Ziakkima Pachuau 9436141408 : Kapchhunga Pachuau 9862399954 : H.Dingluaia Lalngaihawma (Angaiha) : Lalhlimpuia Khiangte Lalrinsanga(Asanga) David Lalhlimpuia(SKA) Members : Vanlaldiki Sailo Lianzama Pachuau Lalnunmawia (Mawia) Rosangliana H. Lalchhanhima James Thanmawia Columnists : Dr. Thangchungnunga Vanhmingliana Aldrin Lallawmzuala Cir. Manager Cir. : Vanlalhuma Correspondents: Jonathan F.Zomawia Ramherliana P.C. Lalrinchhana 9612225812 9862404739 9862357024

HRIATTIRNA
Health Department hnuaia Health Care Scheme ah BPL chhungkua nilo leh Sorkar hnathawk awm lohna chhungkua te tan in register theih reng a ni a, Health Sub Centre, Saron vengah in register tur a ni a, a la ti lo te tan ngaihven ran chi a ni ang. A kalhmang chu hetiang hi a ni. 1. Rs.500/- a in register te tan Rs. 1,00,000/- thleng bill theih a ni anga, hei hian chhungkaw member panga(5) chin a huam anga, chhungkaw member panga(5) aia tam kan nih chuan, member pakhat zelah Rs. 100/- chawi belh tur a ni ang. 2. Rs. 750/- a in register te tan Rs. 2,00,000/- thleng bill theih a ni anga, hei hian chhungkaw member panga(5) chin a huam anga, chhungkaw member panga(5) aia tam kan nih chuan, member pakhat zelah Rs. 200/- chawi belh tur a ni ang. 3. Rs. 1,000/- a in register te tan Rs. 3,00,000/- thleng bill theih a ni anga, hei hian chhungkaw member panga(5) chin a huam anga, chhungkaw member panga(5) aia tam kan nih chuan, member pakhat zelah Rs. 300/- chawi belh tur a ni ang. Tin, in register tur ten chhungkaw lu ber Photo ID Card leh Ration Card ken ngei ngei tur a ni bawk e.

RUIHHLO
Khawvel hnam hrang hrang zingah hian Mizote tluka ruihhlo buaipui leh ruihhlo-in a tihbuai hnam hi an tam bik vakin a rinawm loh. Mizo chhungkaw tin hi ruihhlo avangin kan buai ti ila kan ti suam tam awm lova. Keini chhungkua chu kan fihlim thak e ti thei kan tlem hle awm e. Ruihhlo-in mimal leh chhungkua a tihchhiat zia, thihna tam tak thlentu, mi tam tak piangsual a siamtu, chhungkua tichhetu leh ti kehdarhtu, khawtlang tiraltitu leh sualna chi hrang hrang thlentu leh khawtlang nun tichhetu a nih zia chu kan hre chiang hle tawh a ni. Heti chung hian ruihhlo hi kan la do hneh lo hle mai a, nasa lehzuala tan lak chu a ngai a ni. A bik takin kan veng hi kan sawi fo tawh thin angin, mitin luhkhawmna, ruihhlo zuarte pawh an tal tamna veng kan ni. Heti anih mek lai hian, kan chhungkua min tibuai ve ti a inkuangkuah mai lovin tan i la thar teh ang u. Khawtlang nun siamtha tur chuan ruihhlo hi kan do a ngai a ni. Kan YMA kumpuan Committee te hmalakna hi chhungtin ten i thlawp zel ang u.

BAWLHHLAWH TLA
Aug. ni 23 (Thawhlehni) zing kar khan Dawrpui W Dr. Thangchungnunga building chhak kawngpuiah Civil Hospital compund atangin an bawlhhlawh paih khawm chu rawn min thla in, kawngpuia lirthei kal theih lovin a hnawh a. Hnatlanga kuta thenfai ngam a nih loh avangin a tukah Dept. lamin an rawn thianfai ni a hriat ani. Fur lai anih avangin tunlai hian Dawrpui Wa lirthei leh kea kal thinte fimkhur a ngai hle. Kum dangah pawh leimin te a awm fo tawh avangin i fimkhur tlang ang u.

Hospital bawlhhlawh tla (Dawrpui W)

Dawrpui

News

chhuak Kartin chhuak

Pathianni Pathianni

2011 Aug 28, 2011

JOINT MEETING
August 22, 2011 (Thawhtanni) zan khan Dawrpui Local Council te kaihhruainain veng chhung NGO hrang hrang YMA, MHIP leh MUP hruaitute Joint Meeting neih a ni a. Hetah hian veng chhunga thil pawimawh hrang hrang sawiho a ni. Mutipurpose Centre hmuna Assam Type a In sak mek chu zawh fel anih hnuah a hawnna ropui taka neih tum a ni a. Hemi rual hian Multipurpose Centre Lungphum min phum sak turin Chief Minister Pu Lal Thanhawla chu beisei niin, hma lak mek a ni. Tin, 26th Assam Rifle ten an chhuahsan tur ram, kan veng chhung Area hi mipui vantlang tana tangkai tur leh chhenfakawm tak tura siam a nih theihna tura Sorkar ngen nise, he hmun hi mimal hnena pe darh lo tur leh mimal Building sakna hmun atana hman anih lohna turin Sorkar ngen ni se ti a rel ani.

HRISELNA

DAMDAWI EI DAN
- Dr. Thangchungnunga, MS (Ortho) Mizote hi common sense kan nei tha hle a, kan nei lutuk hian mahni ngaihdana thil tih mai kan ching a. A bikin, In sak te, damdawi lam te, zirna nei miah lova mahni ngaihdan thu dik ber anga sawi leh ti hmiah hmiah mai thin kan ni. A thatna tam tak awm mahse a that lohna, thiam thil zir ngai deuh bikah hi chuan mithiamte thu hi ngaihchan thiam a tha hle. A bikin, damdawi ei chungchangah hian a ni. khua a sik emaw, pum nuam lo emaw, lu na emaw hlekah mahni hriat hriat, Ampicillin, Tetracycline, Dependal M, Paracetamol te kan ei nghal zel a. Vawihnih khat kan ei a, a lo nuam deuh a, kan ei zawm leh lem hlei lova. Hetiang deuh hian Malaria nia kan rin chuan Chloroquin emaw Quinine mum vawi hnih khat kan ei tir a, khawsik a reh deuh a, kan tawp leh mai thin a, helai tak hi a pawi lai chu a ni. Eng natna pawh chu lo ni se, kan damdawi (Allopathic) mum ho hi chemical (Damdawi hrang hrang remkhawm) a siam vek a ni a, side effect a nei vek tih hi hria ila. Malaria damdawi Chloroquin te ni hnih khat kan ei zeuh a, kan tawp mai a, Antibiotic te pawh vawi hnih khat kan ei a, a lo nawm deuh chuan kan tawp leh mai avang hian Aizawl velah phei chuan Malaria resistant (Engmah haw tawh lote) kan ngah ta mai. Hei hi a course ei kim loh vang a ni ber. Ampicillin te phei chu hman chi pawh a ni tawh lo, a tello chuan natna hrik hi an dam theilo zawk tawh hial ang. Chuvangin antibiotic te kan ei a, kan ngeih anih chuan a course full, a tlem berah ni nga tal hi ei tum hram hram tur a ni. TB damdawi te thlengin, a course kan ei zo lova, chu chuan ei leh pawhin sawtna a nei tawh lo ta thin a ni. Nachhawkna zawng zawng hi pum tina thei vek an ni tih hriat tur. I ei a nih chuan pumpui venna, Ulgel te, Digene, etc ei tel thin tur. Hetiang pum damdawi tui phei hi chu a chhin hnih lek leka ei chi an ni vel lova, vanvadaka ka khat pawrh a buna lem tur, chu chu a ei dan dik ber chu a ni mai. Hritlang damdawi te pawh lung lam khawih buai chi a tam em em a, hengah te hian fimkhur ve deuh a tha. Tuna a nachhawkna kan han ei mai te hi chu a reh chuan a tha mai a, mahse tui tam deuh nena ei hram hram tur. Tul lovah pumpui na kan insiam chawp a. Ruhseh nei ho phei chu nachhawkna an ei tlut tlut a, hei hian pumpui a tina-in nghawng thalo a siam thin a ni.

NGAIHDAN
Tunlaiin ruah a sur duh hle mai a, lei min, In chim tih te TV ah kan lo hmu a. A chhan leh a vang tam zawk chu, tuihawk kawng bo leh kan tui chhe paihna kan fimkhur tawk loh vang a ni. Tun ruah surah pawh khan sawi tur tam tak Dawrpui veng chhungah pawh a awm nual a ni. Tunah pawh inchung sang tak atangin tui khawhthla pawhin kawng a tichhia a, mipuite leh thenawm khawveng tan harsatna a siam a, a pawi hle a ni. Tun hnuah chuan kawngpuia Motor sil te leh tui chhe paihte hi i sim ang u. - Laltana Pu Kumpuan Duty thawm a va reh leh ta ve, tan han la leh deuh teh se. - Dawrpui Nu New Market-ah hian bawlhhlawh chhek khawm a tam leh ta hle mai, kan khawtlang hruaitu ten ngaihven sela a va tha em! - A bul vela chengte veng chhunga Gas sem dan kalhmang hi tih danglam Kan a va tha tawh em! Veng dangte tih dan ang hian Number System hi hmang ve tawh ila. Rei tawk in tlar ve a chang leh ta si lo kan tam thei e mai. Tin, tlangau au hma hauha intlar tam thei em em mai hi eng vang nge? Kan Local Council ten Gas Card an siam hi chhungkaw khatah card pakhat zel nei tur ni awm tak a nih laiin, chhungkaw khatin tum khatah Gas pakhat aia tam an la thei fo mai te hi enge a chhan ni ang le? - Ngaimawh-a

TUITION

TUITION

ADMISSION OPENS
Class XII Physics, Chemistry, Mathematics, Accountancy Class timing : 4:00 6:00 PM Class tan hun : 5th Sept, 2011

WINTER SPORT
Kan hma lawk October thla tir lam hian Branch Rising Day denchhenin Winter Sport neih tum a ni a, Section hrang hranga member-te i lo inbuatsaih lawk ang u. He Sport hi ruahman lawk ang chuan ni hnih chhung neih tum a ni a, a hmun atan AR Ground beisei a ni a, AR Ground kan hman ngei theih nan hma lak mek a ni. Sport Sub Committee chuan inelna tur Item hrang hrang pawh duang vek tawhin, hei hi Branch Committee hmasa berah sawiho a ni anga, pass ngei beisei a ni bawk.

ZoCareer Solutions A/77 Near Axis Bank Chanmari, Aizawl Ph: 2306789 / 9436193526

Dawrpui

News

Kartin chhuak chhuak

Pathianni Pathianni

Aug 28, 2011 2011

INFIAMNA

SKA

F ootball khawvela League ngaihsan leh ngaihven hlawh, sum vir vel tamna ber Champions League draw chu tunkar khan neih a ni a, English club-te group khatah an awm lova, han en vang vangin Man. City group hi hmuhnawm ber pawl tura ngaih an ni. Arsenal awmna pawh hi a khirh ve viau bawk ang. Group A - Bayern Munchen, Villareal, Man City, Napoli Group B- Interal, CSKA Moscow, Lillie, Trabzonspor Group C- Man United, Benfica, FC Basel, Otelul Galati Group D -Real Madrid, Lyon, Ajax, Dynamo Zagreb Group E - Chelsea, Valencia, Leverkusen, Genk Group F - Arsenal, Marseille, Olympiacos, B.Dortmund Group G - F.C Porto,S. Donestsk, Zenith, Apoel Group H - Barcelona, AC Milan, Bate Borisov Viktoria Plzen

PRESBYTERIAN
Aug 28, 2011 Sunday School
|antu : Pi Biaktluangi, B-I

Chawhnu Inkhawm
Baptisma leh Lalpa Zanriah Sacrament Buatsaihtu : Pastor R. Vanlalnghaka

Zan Inkhawm Thusawitu : Pastor R. Vanlalnghaka

K.|.P.
Aug 28, 2011

vawi khatna atan European Playerof the Year A chu Ninga zan khan sem ani a, Top 3-ah Xavi, C. Ronaldo leh Messi te chhawpchhuah anni a, audience-te vote lak a ni a, Barca playmaker Messian chawimawina hi a dawng ta a ni. FIFA ranking thar berah a vawikhatna atan Netherland chu No. 1 an ni. Hetiang hian top 10 te : 1. Netherland, 2. Spain, 3. German, 4. England, 5. Uruguay 6. Brazil, 7.Italy, 8. Portugal, 9. Argentina, 10.Croatia. India chu No 153 atangin 158 na ah a tla thla. Asia atanga sang ber chu Japan niin 15-na anni. Gunners a kum khat chiah contract nei tawh Samir Nasri chuan hun rei tak atanga thu lengvel titawpin Manchester City ah kum 4 chhung atan contract a ziak. Nasri hi 2008 khan Arsenal hian France club Marseille atangin an la lut a ni. Man City hian tun transfer bazar ah maktaduai 70 ngawt an hmang tawh! Aguero, Savic, Clichy Costel leh Nasri lak nan. Chelsea chuan Tottenham(Spurs) atanga Modric an beisei viau laiin club hotu ten an chhuah phal lawk loh avangin playmaker tha an mamawh miau bawk nen Valencia atangin Juan Mata chu 26 in an la lut der mai. Mata hi Real Madrid Academy chhuak niin kum 2007 khan Valencia zawmin Mastella ah hian a khel tha hle a, season liam ta phei kha chuan captain ah hial an hmang nghe nghe. Valencia tan hian game 129 khel tawhin goal 39 a thun tawh bawk. Cameroon strker Etoo chuan Russian club thangduang tak Azhi ah kum 3 chhung atan contract a ziak. Eto hian kumkhat ah Euro maktaduai 10 vel hlawh tura ngaih niin kar khat-ah 170000 a hlawh ang. Etoo man ah hian Inter Milan hian Euro maktaduai 15 an dawng phawt a, a khelh that dan a zir in Euro mkt. 21 thleng an pe dawn a ni. Azhi hi Russian Oil Tycoon-in leiin players hraw tak tak a la lut nual tawh a, Brazil player Roberto Carlos leh Chelsea player hlui Zhirkov te pawh chung zingah chuan an tel nghe nghe. Arsenal player hlui Tongolese striker Adebayor chu a awmna club Man City lamin an mamawh vak lo a ni ang, loan bawkin London club Tottenham-ah a lut. Ade hi season liam ta khan Real Madrid lamah loan-in a chhuak a, Real hian chhawr zui an tum loh avangin a club lamah a kir leh a mahse City hian Aguero, Dzenko, Balotelli leh Tevez te tlar hma ah an nei bawka an mamawh lutuk lem lo a ni.

|awng\ai Inkhawm

A hmun : Fellowship Hall Hruaitu : Tv. Lalrinawma, Hmangaihna Gr. |antu : Nl. Lalrinawmi, Chhandamnaa Gr. Thuchah tawi : Nl. Zirnunsangi, C/m Bible chhiar rual tur : II Timothea 1 : 9-11

Aug 29, 2011

Thawh\anni Zan

GROUP NITE (Chhandamna & Junior K.T.P.)

Faith Promise Hlantu : Tv. Lalruatfela, Fin. Secy. Hmangaihna Gr. Bible chhiar rual tur : Matthaia 28 : 18-20 (Damlo pual thilpek bawm hun a ni ang)

SALVATION ARMY
Aug 28, 2011 SAY Bial Meet Hruaitu : Pu Lalliansangpuia, Leader Thusawitu : Pu Laltleipuia, Missionary, Rangvamual

Fakna Inkhawm (1:30 pm)

Hruaitu Thusawitu : Nl. Judy Lalfakzuali, Treasurer : Pu Lalchhandama, Asst. Leader, Hunthar

Chhandamna Inkhawm
Hruaitu : Pu S.Laldingliana, Asst. Secy. Thusawitu : Maj. Vanlalhuma, Co. Bazar. (Items benglut tak tak a awm ang.)

S.A.Y.
Aug 29, 2011 Thawhtanni zan (Maj. P.C. Thansanga Brigade Nite) Hruaitu : Tv. Lalhruaitluanga Tlau Thusawitu : 1) Brigade Zaipawl 2) Brigade Brass Band 3) Band - The Mintoos 4) Solo - Nl Vanlaldiki Sailo Bible Chhiar rual : Tv. David V.L.Malsawma |awng\ai rual : Evangelism i/c hlantu: Thilpek hlantu : Tv. Reuben C.Zochamliana

Published by Y.M.A., Dawrpui Branch, Printed at G.S. Offset Printers, Treasury Square