Kipumkhatna in Gualzawhna hi.

(Late 133)
Contact Address
Halelujah Building Ph: 0933565003
Tat Oo 4/51, (Pinlong 8) Email: tuailai@gmail.com
Yathana St., Kalaymyo Web.: www.zomiyouth.org
25 April 2014 - Lom 4 na, Hawm 17na
Pa_____________________
_____________________
Govt. Regd. No.2172
ZOMI LAI GELHGELH TE TAWM KIDAWM DEUH NI
Tulaitak Zomite adingin imailam adingin itha ngah huai laitak leh i lamet ding a om laitak ahih
manin netsung khawnga ilaigelhte tawm khat kidawm siam deuh leng denciangin i lung hong dam
mahmah ding hi.
KI DOP DEUH DING THUTE:
1. Mimal thu peuhmah tamgen kei leng hoih mahmah ding hi, (asialam thute), 2. I khasiatna khawng
limgen naikei leng, 3. I lungzinna khawng limgen naikei leng, 4. I thangpaihna khawng limgen naikei
leng, 5. Mi imuhkhelhna khawng limgen naikei leng, 6. Ei bek athupi danin kilimgen naikei leng, 7.
Internet pen thukhen zum dan in ngaihsun naikei leng, 8. Kammal kilawmlo asimte adingin alungnop
lohding thute gelh naikei leng, 9. Zomite adingin step masa azo pan ihih manin pilvang takin laigelh
thei leng, 10. Mimal/ innkuan/ pawlpi/ biakna kipawlna leh minam leh gam kipawlna khat peuhpeuh
gensia leh langpanna lai gelh naikei leng.
TULAITAK NETSIM TEN AZAKNOP THUTE:
1. Zomite khantohna ding thu, 2. Zomite kipumkhatna ding thu, 3. Zomite cidamna ding thu, 4.
Zomite lametna ding thu, 5. Zomite kalthak suanna ding thu, 6. Zomite sepkhopna ding thu, 7.
Zomite hangsan nading thu, 8. Zomite kilapsangna ding thu, 9. Zomite daupaina ding thu, 10. Zomite
gualzawhna ding thu ahi hi.
ZOMITE PHAWK HUAI THU MASA:
1. Laigelh lo teng pen thukhen hiden pian zaw hi. 2. I laigelh dan in ilungsimpuak zia lak ahih manin
min hong tel pah uh hi. 3. I laigelhna sangin inasepna tawh miten hong muang zaw ding uh hi. 4. Ei
minngah nop manin midangte agensiate midang te'n muanglo zaw hi. 5. Ngaklah lo inngaksiam dih
ni. 6. Kipawlna khat peuhpeuh a nasem makaite thupi simin pahtawi liailiai phot dih ni. 7. Ei leh ei
kiniamkhiatin midangte pahtawi sawmleng ei hong kipahtawi thei zaw ding hi.
ZOMITE PHAWKHUAI THUNIHNA:
1. Thusia uk a thupha ngah omlo zaw ding hi. 2. Migensia a mimuanhuai omlo zaw ding hi. 3. Vision
lian nei in mission lian sem zaw ni. 4. Sepkhop theih ding a om leh sem khawm phot ni. 5. Nasep
kituh in panmun kikhiat thei ni. 6. Pahtawiding a om leh midangte pai in, thuakding a om leh ken
thuak ning cisiam ni. 7. Nasep kipatteh utlo napin gualzawhun ding teh a sem penin kingaihsun kei ni.
ZOMI TE NEIHDING LUNGSIM
1. Minam pi lungsim nei ni. 2. Angsung lungsim hemkhia ni. 3. Thuakzawh ding kisin ni. 4. lungdamna
ah lungdamdan siam in, hehna ah hehdan siam ni. 5. Biakna ah lungsim khauh nei ni. 6. Minam vai
ah lungsim khauh nei hi. 7. Gam vai-ah lungsim khauh nei ni. 8. Minam dangte itbawl in ei leh ei
kihuai bawl ni. Zomite adingin tulaitak kalthak isuan sawm laitak ahih manin kampau kidawmlai
photni, nasep tampitak sepsawm phot ni. Topan Zomite alamdangin thupha hong pia tahen.
Lungdamna leh lunggulhna tawh, Rev. Pau Khan Khai, Southern Baptist Theological Seminary, Louisville, Kentucky, USA
KAWLGAMBUP I NNKUAN 11 MI LLI ON
KIMTUNG SAZIAN KILA: 2014 Kawlgam bup
mi kisimna a nuai-a bangin kipulak hi. Innkuan bup
10719887 kila hi. Kachin gamah innkuan 251824,
Kayah ah 57866, Kayin ah 304251, Chin State ah
83621 Saggaing ah 1100482, Taninthayi ah
283668, Bago (E) ah 631703, Bago (w) ah 506213,
Maguay ah 921982, Mandalay ah 1327244, Mon
ah 414661, Rakhaing 459217, Yangon ah 1591878
Shan (E) 126273, Shan (s) 514809, Shan (N)
398422, Ayeyawady ah 1483131, Naypyidaw
Council ah 262642 cih in pulak a mimal phazah pen
a sim khit uhteh hong pulak to laiding uh hi. (MMAL
April 23, Pg. 3)
MAN U MANAGER PA KI KHAWLSAK :
England gam football club minthang khat ahi
Manchester United Football club in manager pa
David Moyes pen club panin kikhawl sak a ama mun
ah kum bei dong a len dingin Rayan Giggs in sem
ding hi. David Moyes sep sung gualzawhna
bangmah omlo banah Man U Football club zong
kiatlam manawh lua ahih manin a kikhawlsak hi.
(Ref. Internet)
MALAYSIA VANLENG MANG KIZONG LAI:
March 8 ni a vanleng MH 370 Malaysia-te vanleng
mang pen tuni ciang dong bangmah muhzawh in
om nailo hi. Austrilia kumpi vaisai ten April 21 ni
ciang tuinuai lam a zonna uh seh 3 suah seh 2 bang
kizo khin in kimu zo nailo hi, ci hi. Mihing 239 apua
Boeing 777 vanleng pen leitung, tuisung hahkat
takin a kizonzon hang bangmah muhzawhna om
nailo hi April 21 ni ciang tuisung a zonna uh
kilometer 49491 kimkot phata hi ci hi. Malaysia
leh Sengam tung Austrilia gam in a genna ah
vanleng mang zonna in sumbei pen tamtung
mahmah taleh hih a khasiat huai mahmah thupiang
tung huh nopna lungsim siangtho tak tawh hong
huh hi ung ci hi. (Ref: Planet Myanmar Network)
Editorial
ZOMI CONGRESS FOR DEMOCRACY(ZCD)
SAGGAING DIVISION MAKAI TENG:
w dki f; t q i fh
President: 1. Pu Kham Khan Thang,
2. Pu Suan Khan Khai (a u smfc dki f)
Secretary:1. Pu Khup San Thang
2. Tamu pan mizong lai
Treasurer:1. Pu Lian Za Mung
2. Pu Thang Khaw Pau
Auditor: 1. Pu Dai Sian Lian, 2. Pu Khen Za Cin
3. Pu Kham Do Dal
c dki ft q i fh
President: 1. Pu Lian Sian Suang
2. Pu SK Gin Khan Pau
Secretary:1. Pu Kam Sian Mung
2. Pu Pau Khan Thang (Pyidawtha)
Treasurer:1. Pu Gin Khen Kham
2. Pu Mung Sawm Lian (Munlai)
Auditor: 1. Pu Kham Khan Thang (Tahan)
2. Pu Langh Do Khup, 3. Pu Sawmno
Nr dKUe , ft q i fh
President: 1. Pu Khual Za Nang,2. Pu Do Cin Thang
3. Pu Hang Lian Khup
Secretary:1. Pu Pum Suak Thang
2. Pu Kam Suan Mung
Treasurer:1. Pu Thawng Khan Mang
2. Pu Khup Deih Tung
Auditor: 1. Pu Gin Khan Sing,2. Pu Vungh Cin Khup
3. Pu Thang Lian Khai
ZOMI I NNKUAN USA: March 29, 2014
(Saturday) ni-in, A (2) Veina Zomi Innkuan USA
Board of Directors (2013-14) Meeting (Video
Conference) lawhcing takin kibawl zo a, Meeting
sungah thukimna/khensatna akinei-te pawlkhat
tawh kizui-in, a nuai-a bangin thu pulakna kong
nei uh hi.
1. Myanmar Census 2014: Kaihkhopna mankhit
ciangin, Zomi Innkuan USA kipawlna in Zomi
Movement maban kizomto suak ding hi.
2. Zomi Khawmpi USA 2014: July 4-5, 2014
(Independence Day Weekend) ni sung teng in Tulsa
Khuapi, Okalahoma State ah Zomi Khawmpi USA
2014 bawl dingin khensatna kinei hi. Khawmpi
bawldan ding tawh kisai-in a hunhun in mailam ah
hong kipulak beh kik ding hi.
3. Zomi Innkuan USA Genvai: Thu khunpom thak
(Genvai a kihel thak) sanna kum khat in January,
April, July, October kha teng bekin sanna kinei
tading hi. Zomi innkuan kipawlna (12) pan leh Zomi
Innkuan Kipawlna a om nai lohna khua leh tui pan
mimal a kihel Zomi Innkuan USA Genvai
thukhunpom tengin a khiat uh piakkholh kivuina
sum (Thukhunpom khat a sihteh a kipia zawh ding
sum) US$8,910 (Tul giat leh zakua leh sawm khat)
(March 29, 2014 ni-ciang) cingta a, a sawt loin US$
10,000 (Tul Sawm) cingta ding in kilamen hi.
(From-Internet)
REV. GO ZA NANG EUROPE GAMAH: EU
Zomite ading Pasian hong deihsak natawh, AMC,
Kalaymyo Senior Pastor. Kawlgambup AG Vice
Superintendent. Rev. Go Za Nang EU sung Gospel
pai kawikawi dingin, Denmark hong tung ta hi. Sia
Pa EU Zomite kiang Gospel pai nading (Program)
hih a nuai-a bang hi. Pasian Kha Siangtho in hong
makaihsak nading thungetna tawh hong na phawk
tek un. 1. 22 April-1 May Denmark a om ding. Zomi
Christian Church (ZCC) Esbjerg 25-27 May LST
thusinna nei ding. Hun lem bangin, Zomi Christian
Fellowship Fyn Denmark, 2. 29 April 1 May
Frankfurt Germany Zomite kiang,3. 2-5 May
Sweden Zomite kiang, 4. 5-11 May Lillehammer
Norway Zomite kiang, 5. 12-18 May Stavanger
Norway Zomite kiang,6. 19 May Norway pan
Denmark lam zuan kik ding,7. 22 May Denmark
pan Kawlgam zuan kik ding. (From Zonet)
ZOMITE PAN KHOP ETLAWM: 1. Kawlgam uk
Kumpite in gam sungah Zomi a kicite om mah hi
cih ciamteh na le kipsakna 2012, March ahi hi.
2. Leitungbup a om ZOMI te kipawlna ahi GZA
makaipite in i minam min eimin takpi tawh hong
kilawh ding utna tawh 2010 Singapore le 2011
Tedim ah mipite thukimna tawh ZOMI cih kipsakna
kinei khin zo hi. 3. 2014 mi kisimpina ah zong i ZOMI
ah kigawm ni i beh min leh i khua min nusia phot in
kamphen kullo teng tutung Zomite kipumkhat
nading kihanciam ciat hi. ZBCM gambup meeting
ah ZOMI mah cih kim ciat dingin thukimna tangko
uh hi. 4. ZYA makai khempeuhin sun le zan aneih
sa uh le hunbup phial in an nangawn ne man lo
liangin ma hong pan na hang un i lungdam mahmah
hi. 5. Tu laitak a Kalaymyo khua sunga om ZOMI
hausa khempeuh le Zogam aom hausate le Sang
Sia Siamah in kipumkhat in ma i pan khop nate i
muh manin kipawlkhawm a mapanna ama sapen
hi, ci lehang i khial keiding hi. 6. Gamdang mun
tuamtuam gam tuamtuam a om u le naute
khempeuh in amau nektang mah neih sunsit loin
Zomi le Topa min tawh nong kipiakkhiat nate
khempeuh Topa Pasian in a zah tampi tawh hong
thukciat hen la hih kipawlkhop ii man phatna gah
tukum bei main Topa in hong musak lai tahen. Hih
zah a nasep hahkat a Topa mai a zong ZOMI makai
khempeuh a muanhuai a zuihtak makaipi cing le
gam makai siam zunsiam dingin Topa Pasian in
hong lamto semsem tahen. ZOMI te kihel khakna
khempeuh ah nopna le daihna hong om tawntung
ta hen. by: P. H. Khual Za Nang
HEALING CRUSADE OM DING: 28-30 April
2014 sung Bethel Zomi Baptist Church ah Healing
Crusade om ding ahih manin thungai in hong pai
tek un.
LUNGDAMKOHNA: Pr. Cin Ngaih Lian-te nupa
Korea pan hong ciah a 23-4-2014 ni ZYA Zumah
kimuhkhopna kinei a, ZYA nasep nading Ks.
50000/- hong piakhia ahih manin ZYA Weekly
News pan lungdamna i pulak hi.
VANMANG KI MU: Tg. Lal Sian Tlaung
( ) NRC kimu ahih manin a nei, a
thei kha te'n ZYA Zum ah hong kan un.
DAHPIHNA: ZYA Weekly New Editor Sia Kham
Do Dal i a ni ahi Rev. Cin Khan Suan zi Nu Don En
Cing in Kansauzang khua-ah 23-4-2014 ni-in hong
nusia ahih manin ZYA Weekly News pan dahpihna
i pulak hi.
Oxygen tawh nasepna (Friday - Friday)
Date Min Biakna/Pawlpi/Khua Theih ding
21-4-2014 Berean EBC, Kalay Bung 1
Oxygen Nu Cing Sau
Sisan (Thawl) Mawtaw (Vial) Oxygen (Bung)
1396 429 397