Synfocity 308

2nd September, 2010
Synfocity=308 www.mizoramsynod.org
1 Synod Moderator-in Media Ministry a hawng

August 31 khan Synod Moderator-in Synod Mission Board Media Ministry rawngbawlna programme thar Susamachar
Prasaran a hawng.
Media Ministry programme hawnna leh hlanna inkhawm hi Synod Conference Centre-a Pi Zaii Hall-ah neih a ni a,
Synod Mission Board Secretary, Media Ministry Chairman ni bawk Rev. Lalchhuanmawian kaihruaiin hunserh a hmang
a. Synod Mission Board Coordinator Upa R. Lalmalsawman Media Ministry member-te leh mi sawmbik kalkhawmte
inhmelhriattirna hun a hmang a, Synod Moderator Rev. C. Chawnglianan Media Ministry rawngbawlna thar hi hawngin
Pathian hnenah a hlan a, thuchah tawi a sawi bawk.
Rev. C. Chawngliana chuan, Synod Mission Board rawngbawlna hrang hrangte fakin, Ramthar Ni (August 31)-ah tak
rawngbawlna hmachhawp thar hawng thei dinhmuna a ding chu lawmawm a tih thu a sawi a, “Media rawngbawlna
lamah hian a bul kan tan chauh a, hmalakna tur tam tak kan la nei a, he lama mawhphurhtu Synod Information &
Publicity (Synfo) hi tihlen a, chak zawka kalpui a tul hle a ni”, a ti a. rawngbawlna programme hrang hrang, mipuite lo en
theihna hmanraw fung chelhtu Local Cable TV-te inhawnna fakawm a tih thu a sawi bawk.
Pu Lalvena Hnamte, Media Ministry Programme Director-in report pein Media Ministry tobul, a thiltum leh programme
ruangam te a sawi a. Susamachar Prasaran TV programme hi September thla atanga tanin Pathianni tlai dar 5:00 velah
Local TV atanga tihchhuah thin a nih tur thu a sawi. Tunah hian Hindi tawnga rawngbawlnain a bul tan phawt a ni ang a,
tawng dang danga programme siam chhoh theih zel pawh an inbeisei thu a sawi bawk. Mizoram Synod Choir, Mission
Veng Masihi Sangati Zaipawl, Nl. Meena Vanlalrovi (Ramhlun Venglai) leh Pu Vanlalringa (Khatla) ten Pathian fakna hla
sain kalkhawmte an awi a, Executive Secretary, Ramthar lam changtu Rev. Lalzuithangan tawngtaina hun hmangin
malsawmnain hun a khar a ni.
1 Synod Finance Committee vawi 93-na
Vawiin (Sept. 2) hian Synod Finance Committee thutkhawm vawi 93-na Pi Zaii Hall, Synod Conference Centre-ah neih
a ni.
Synod Finance Committee thukhawm hi Synod Moderator Rev. C. Chawnglianan a kaihruai a, hming lamna te neih
zawhah Finance Secretary leh Finance Officer Report ngaihthlak a ni . Synod Finance Committee Secretary,
Finance Officer ni bawk Rev. Zosangliana Colney chuan report pein, Kum 2009 -2010 Synod sum Audit report chu
Finance Committee-in a en hnuah bawhzui ngaite bawhzui fel a niin Synod Accounts Audit Report leh Statement of
Account te Synod aiawhin Synod Executive Committee (SEC)-in a pawm tawh thu a sawi a, “Chartered Accountant
pawhin enfel hna a thawk zo tawh a, report nghah mek a ni”, a ti. Bial leh Kohhran mal atanga sawmna hmuh bawhzuiin
Thuampui Pastor Bial, Zote Pastor Bial, North Vanlaiphai Damdawi Veng Pastor Bial leh West Lungdar Kohhranahte
Finance Campaign & Accounts Training te pek a nih thu a report bawk.
Tun tum Synod Finance Committee vawi 92-naah hian thu ngaihtuah tur chhawpchhuah 8 a awm a, Synod sum tun aia
renchem zawka hman dan tur ruahmanna te, Cash Retention Limit leh Budget punna (percentage) Ceiling hman lai
enthatna leh Auditor atan Account thiam rawih chungchangte a tel.
Finance Officer report atanga a lan danin kum 2010 April – 2010 August chhungin –
w Pastoral-ah Rs. 125,215,802 hmuh a ni a,
w Pastoral budget pumpui la phak lohna chu Rs. 166,408,198 (57.06%) a ni a,
w Mission lamah hmuh zawng zawng Rs. 98,981,625 a ni a,
w Mission budget pumpui la phak lohna chu Rs. 202,292,075 (67.25%) a ni.
w April – August, 2010 chhunga sum hmuh tawh zawng zawng hi Rs. 224,197,427
w Nikum (April – August, 2009) aiin Rs. 36,405,715-in a tam zawk a
w Kumin chhungin Rs. 284,629,412 hman chhuah tawh a ni a,
w Nikum aiin sum hmanchhuah Rs. 48,747,974-in a tam zawk bawk a ni.
Meeting-ah hian committee member 47 zinga 30 an tel thei a ni.
1 Social Front
w Synod Social Front chuan Pledge Card (Intiamna Card) an buatsaih a, Nu leh Pa te tan kawppuite laka rinawm tura
intiamna leh Nula leh Tlangvalte tan nupui/pasal neih hmaa invawng thianghlim tura intiamna a ni. August 28 & 29 khan
Ruantlang Bial KTP Musical Meet-ah Pledge Card hi sem a ni a, nu leh pa 80 leh nula leh tlangval 230-in hemi hmang
Synfocity=308 1
hian intiamna an nei a ni. Greenland Higher Secondary School, Chaltlang zirlai mi 500 laiin he Pledge Card hmang hian
an lo intiam tawh bawk.
w August 25-a PCI General Assembly Working Committee thukhawm chuan Dr. Robert S. Halliday, Social Front
Coordinator chu Monitoring Team of the General Assembly member atan a ruat thar a, Monitoring Team of the General
Assembly hian PCI General Assembly leh Synod hrang hrang hnuaia Project awm zawng zawngte an enkawl ang.
September 10 (Zirtawpni) tlai dar 4:00 hian Presbyterian Assembly House, Shillong-ah a vawikhatna atan Monitoring
Team-te hian Meeting an nei ang.
1 Zin
w September 3 - 11 chhung hian Karbi leh Tripura Mission Field Committee-a tel turin Rev. Lalzuithanga,
Executive Secretary, Rev. C.M. Zalenthanga, Field Committee Member leh Upa B. Lalrinliana, Field Committee
Member-te an kal ang. September 6 (Thawhtanni) hian Karbi Mission Field Committee meeting, Diphu-ah neih a ni ang
a, September 9 (Ningani) hian Tripura Mission Field Committee meeting, Agartala-ah an nei leh ang.
w September 3 - 5 chhung hian Cachar Tlangram thawktute Retreat, Winchester Boarding School-ah neih a ni dawn
a, retreat neihpui tur hian Synod Mission Board Office atangin Upa Ngurkhuma, Mission Promoter leh
Pu Lalhmingthanga, Mission Promoter te an kal ang.
1 Music
Synod Music Committee-in Kristian Chhungkaw Hla leh Inneih Hla inphuahsiak a buatsaihah hla thehlut an thahmen hle
a, Kristian Chhungkaw Hla (Hla pui) - 43, Kristian Chhungkaw Hla (Vantlang Hla) - 364, Kristian Chhungkaw Hla (Solo) -
155, Kristian Chhungkaw Hla (Hla chham chi) - 289 leh Inneih Hla (Vantlang Hla) - 454 te thehluh a ni a, a vaiin hla
1,305 a ni.
Hla inphuahsiak hi September 25 (Inrinni) ral hma-in endik zawh tum a ni a, September 30 (Ningani) ah Results puan
leh lawmman sem a ni ang. Results puan hma hian TV leh Chanchinbu-ah progamme hi tarlan tum a ni a, hla
phuahtuten lo ngaihven tur a ni e.
1 Synod Mission Board chanchin ziahna lehkhabu tlangzarh
August 28 (Inrinni) khan Calvin Study Center-in Khawpui chhung Seminar a buatsaihah Rev. Dr. Vanlalchhuanawma
lehkhabu ziah ‘Synod Mission Board Chanchin’ chu Synod Moderator, Rev. C. Chawngliana’n a tlangzarh. He lehkhabu
hi M.Th. Thesis behchhana Saptawnga ziak a ni a. Ramthar (Mission) hmalakna leh Mizo hnam leh nihna insingsak dan
inthlawp thuizia chhuina a ni a. Thuhmahruai ziaktu Dr. F.S. Downs-a chuan, “He Mission hna atana mi tinin sum leh
mihring tana an thawh anga nasa thawh ve hi khawvel hmun dangah an la awm lo vang,” a ti. Synod Ramthar Board
Chanchin chipchiar taka ziakna, a bu-a chhuak hmasa a ni.
1 Beihrual
Presbyterian Kohhran chuan September 1 atang khan Beihrual thla an hmang mek a. September 1 -7 chhung hian
‘Ramthar Hapta’ hman a ni a, September 20 – 29 hian ‘Kristian Chhungkaw Hapta’ hman a ni bawk ang, September 30
ah ‘Beihrual Kharna leh Rilru sawi (sharing)’ neih a ni ang. Beihrual hi kum 1918 June thla atanga hman tan a ni a, kum
1925 atangin September thlaah neih thin a ni ta a, kum 1947 atangin Nilai Zan Thupui Bu leh Beihrual Thupui hi bu
khata siam tan a ni.
1 Moderator Programme
Synod Moderator Rev. C. Chawngliana chuan tun kar tawpah Kohhran hrang hrang a tlawh leh dawn a, kar lehah
Chhim Bial Committee meeting, Lungleiah a tel bawk ang.
w September 3 (Zirtawpni) Zan - Khawruhlian Vengthar Kohhran
w September 4 (Inrinni) Chawhma - Khawruhlian Biak In thar hawn
Zan - Hmunnghak Kohhran
w September 5 (Pathianni) Chawhma - Lailak Kohhran
Chawhnu - Khanpui West Kohhran
Zan - Khanpui Kohhran
w September 7 & 8 (Thawhlehni & Nilaini) - Chhim Bial Committee, Lunglei
ADMISSION NOTICE
Kum 2011 Session atan September 1, 2010 atangin Class ‘A’ leh Class ‘B’ tur tan Rs. 150/- kengin School Office-ah
Admission tih theih a ni e.
Headmistress,
P.C. Girls’ School
Synfocity=308 2
H R I A T T I R N A
Aizawl Theological College-a B.D.emaw, M.Th (Christian Theology; New Testament; Missiology; History of Christianity)
emaw, BCS – Bachelor of Christian Studies(Mizo tawngin) emaw, Dip.C.S.- Diploma in Christian Studies (Mizo tawngin)
emaw zir duhte tan dîl a hun leh ta a. A zir duhte chuan Office hun chhûngin College Office-ah dîlna form hi Rs. 100/- a
lei theih a ni. Dîlna form hi kim taka dahkhatin College Office-ah thehluh tur a ni a. Dîltute tana hriattur a hnuaiah hian
kan han târlang e. Ruih theih thil leh zûk leh hmuam tite tan leh Tatoo neite tan dîl buai a ngai lo ang.
Dîl thei chin :
M. Th. tan (i) B.D. Second Class B Grade chin; an zir tur subject-ah B.D. an zirlaiin Paper 3 ah 60% an hmu tur a ni.
(N.T. leh Theology subject atan Biblical language requirement pawh a tel)
(ii) B. Th. zo tawh B.D. zo tawh bawk chuan an zir tur Subject-ah B.D. an zir laiin Paper 2 ah 60% an hmu
tur a ni. (N.T. leh Theology subject atan Biblical language requirement pawh a tel)
B.D. tan (i) Graduate leh a chung lam emaw
(ii) B. Th. (English papers 72 & 73 passed)
B.C.S. tan (i) Graduate leh a chung lam emaw,
(Mizo tawngin) (ii) B. Th. emaw, Dip.C.S. Second class passed emaw, (English Paper 72 & 73 passed chin)
(iii) Senate pawm theih rawngbawlna kum 2 thawk tawh kum 25 chin chung lam Senate of Serampore
College Mature Candidate examination passed tawhte emaw tan
Dip. C.S. tan (i) Kum 18 chin Class XII passed emaw,
(Mizo tawngin) (ii) Class X passed Senate of Serampore College pawm theih rawngbawlna kum 5 thawk tawh te
emaw,
(iii) Class X passed kum 2 Theology emaw Secular Institution emawa zir tawh emaw, rawngbawl hna lo
thawk tawhte emaw tan
Dîl theih hun chhûng :
BCS/Dip. CS : November 15, 2010
B.D./M.Th. : January 5, 2011
Entrance Test :
M.Th. : January 25, 2011
B.D. : February 16, 2011
Interview :
M.Th. : January 26 & 27, 2011
B.D. : February 18, 2011
Dîlna form (Application form)-ah hengte hi thil tel tur a ni :
1) HSLC leh a chunglam Certificates leh Marksheets
2) Mahni awmna Kohhran lehkha
3) Medical Fitness Certificate (Church Mission Hospital atangin)
- Principal
Aizawl Theological College, Durtlang
MSSU Hriattirna
Kumin 2010 Khawvel Sunday School Ni Zirlai Thupui zir tur chu peih fel a ni tawh a, Bial Sunday School Secretary-
ten Synod Office, MSSU Department-ah lam theih a ni.
REV. ZOSANGLIANA COLNEY

Executive Secretary
………………………………………………….............................................................................................................................
2nd September, 2010
Mail us at -
synfo@sancharnet.in; synfo@yahoo.com
Synod Information & Publicity; Aizawl, Mizoram. India
Phone: 0389 2314648
Fax : 2316598 Website – www.mizoramsynod.org
Synfocity=308 3

Synfocity 308

Uploaded by

Copyright:

Available Formats

Synfocity 308

Uploaded by

Document Information

Original Description:

Original Title

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Synfocity 308

Uploaded by

Copyright:

Available Formats

2nd September, 2010

1 Synod Moderator-in Media Ministry a hawng

REV. ZOSANGLIANA COLNEY

You might also like