KTP Durtlang Branch 1955-2012

Branch Thupui: Puanin zauh Isaia 54 : 2

E-mail : ktpinleng@gmail.com

KTP INLENG
19thFebruary, 2012

KTP Thiltumte: Isua Krista rinna leh Amah anna kawnga thalaite hruai. Kohhran kutke ni tura thalaite buatsaih. Kohhran hnathawh tihpuitlin. Krista Chanchintha puandarh.

VOL 25 ISSUE NO. 7

GROUP NEWS
JOELA GROUP : Dt. 21/2/12 (Thawhleh) zan dar 7:00-ah Nl.Vanlalchawii, Gr. Secyte inah sumtuakna kal mek lehkhabu kawm tuam a hnatlang neih leh tur a ni a. Member-a tam thei ang ber hnatlang a thawkchhuak leh tur in Group hruaitu ten min beisei a ni. Lehkhabu kawm tuam tur neite chuan phal taka an lehkhabute thawhkhawm turin hruaitu ten min beisei a,mamawhte ta lakkhawm sak an nih theih nan heng No.ah te hian inhriattir theih reng a ni e-9774374513/9436198958. JONA GROUP : Dt. 16/2/12 (Ninga) zan khan chhangphut zuarin hnatlang an nei a. Member thawkchhuak pawh an tha thawkhat hle a, member thawkchhuak te leh tlawmngaia lo leisaktu zawng zawngte chungah group hruaitu ten lawmthu an sawi a ni. OBADIA GROUP : Dt. 13/2/12 (Thawhtan) ni zing khan Pu Roliana Chenkual te inah leivung paihin Group sumtuak hnatlang an nei a, hemi zingah hian an zawh hman loh avangin nimin (Inrinni) zing khan an hnatlang leh a. Member thawkchhuak te chungah leh inhlawhna siam saktu te chungah Group hruaitu ten lawmthu an sawi a ni. KTP GENERAL CONFERENCE Dt. 1-4 March chhunga KTP General Conference Thenzawla neih turah kan Branch chhunga member kal tum zawng zawng te chu Naktuk Feb20 (Thawhtan) zan thleng Branch Secretary te hnenah inpek theih a ni dawn a. Member kal tum zawng zawng te chuan inpek hun kan siam chhung ngei a inpe vek turin leh member atam thei ang ber kal turin kan in ngen a ni. Kal lam leh haw lam Bus chuan man mipakhatah Rs.150/- a ni dawn a ni.

ISUA TIHDAN
- Lalrinmawia Pautu Isuan rawng a bawl hunlaia a tihdan phung ni lemlo tunlai kohhran rawngbawlna a kan kalpui ni si hi kan ngaihtuah ngai em?Hetiang zawng hian han thlir chhin teh ang.Isua kha a thawhleh hnu khan leiah la awmin tunlai kohhran ang hi din a,Pastor hna kum sawmthum lai thawk angin han mitthla ta ila.Chawlhni tuktin kohhran pakhat ah thu sawi ziah angin han ngaihtuah chhin ila.Chutia Isua thusawi lai chuan Petera,Jakoba leh Johana te chu tlarhma ah kum sawmhnih vel lai chawlhni tin a an thutna ah thu thin angin han suangtuah ta zel ila.Petera chuan Johana hnenah,He thu hi vawi sawm lai a sawi kan ngaithla tawh,ti a a va phun sur sur a rinawm.Mahse chu chu Isua leh a zirtirte chuan an tih a rinawm lo hle bawk si.Thu ngai sawi leh ngaihthlak hrim hrim hi thil pawi tak chu a ni hauh lova.Pathian thu kan ngaihthlak thin hi ngaithla liam mai lovin zawm zel ta ila vawi tam sawi angai lo tur ka tihna a ni.Isuan mite zirtira siam tura a lo kalin tihdan phung neiin a hunbi neih chhung khan a thawk a,kum thum chhung vel khan Petera,Jakoba,Johana leh midangte kha zirtirah a siam a.Biakin a chawlhni tina thuhrila zirtir ziah kher lovin an hmuh theih tur khan a nun in a entir a,an zawhna te chhangin an rawngbawlna turin huntha a siamsak a,a tihtur a tih zawhin a kalsan ta kha a ni a.He thu ka sawi avang hian Pathian be tura inkhawm leh thuhril ngaihthlak ka ngainep tihna a ni lo. Engvangin nge Isuan a tih ngailoh thilte tih a tul thin le?Pathian duhzawng tihlawhtling tura engatinge mi pangngai rengte hnenah kum tamtak thu ngai kan sawi reng thin?Engtik ah nge rawngbawltute hian hmunkhata kan hna hi kan zawh ang?Engatinge rawngbawl tura kan chherchhuah te hian kum hnih khat hnuah kal a midangte zirtira siam tura an beih loh?He zawhna chhang tur hian rawngbawltute leh rawngbawl sak a te kan inenfiah a tul ngei ang.Isua rawngbawl dan ang diak diaka rawngbawl turin kan inphut tihna ani lova,theih pawh a theih hek loh.Pathian meuh tluk tum phei chu sualna vawrtawp a ni lawi si.Hei erawh thil chiang tak a ni,Pathian malsawm tlak rawngbawlna ah chuan rawngbawl sak a te khan zirtir reng an mamawh loh
Cont..next page

TUNHMA CHUAN THAL LAIIN NULA - TLANGVAL TEN INKAWMHLIM PAHIN HLIM TAKIN TUIKANG AN NGHAK THIN

THAWHLAWM IP CHHIAR HUN

Vawiin hi Durtlang Kohhran Pathian Ram Ip chhiar hun a lo ni leh ta reng mai. Kohhran chhungkaw tin ten ngaipawimawh in, Ip te kim taka a luh theih nan tan ila thar zel ang u. KTP Thawhlawm Ip chu Feb 20 (Thawhtan zan) inkhawm ban hian Primary Inkhawm naah chhiar a ni dawn a, Group hrang hrang a thawhlawm ip khawntu ten hnawhsarum lutuka ip khawn lo tur leh kim taka ip a luh theih nan tan la thar leh theuh ang u.
> > Kristian Thalai Pawl : Durtlang Branch

KTP Inleng 2012

KTP INLENG KARTIN CHHUAK VOL 25 ISSUE NO 7

Editorial Board
Editor Samuel Lalzahawma Joint Editors C. Zoremsanga C.L. Biakhlua K.Lalfakmawia Lalnunmawia Dr Lalliansanga 9862375500 9612297009 9856878819 9862358727 8732081426 9612241873

hun alo thleng ang a,anmahni ngei pawh midangte rawngbawl sak turin an penchhuah hun alo thleng ang.Chu chu rawngbawltu tha kan tehna tur pawh niin a lang.Kohhran ah pawh hruaitu thar chherchhuah reng kan mamawh angin mi tamtak te tana penchhuak thei tura mi hmantlak chherchhuah hi rawngbawltu tihtur leh rawngbawlna neitu duhdan chu a ni. Rawngbawltu puitling siam tur a zirtir kawnga hlawhtlinna atana pawimawh em em chu tumna dik neih hi ani an ti.Tunlai kohhranah hian zirtirna diklo leh khingbaiin bu khuar a tum fo thin a,hemi laka kohhran a fihlim theihnan rawngbawltute hian mawh an phur nasa hle.Rawngbawltuin a rawngbawl chhan lam ai a lansarh leh larna lam chauh a ngaihtuah chuan mite hmuh ah hlawhtling angin lang mahse Pathian hmuh ah chuan a tlu der tawh.A duh larna te,mi ngaiha rawngbawltu tha anga lante chu nei thei mahse Krista rorelna hmaah a duh berte chu pholanin a la awm ang.Chutih hunah chuan a lawmman chu khawvela a dawn tawh thu hrilh ala ni ang.Vanram chu a luh ve phalsak lo ni hlauh pawh nise a chhunga awmte chuan tunge anih anlo hre mai dawn si a.Lawmman reng a neih lohzia leh Pathian ram a chanvo a neih lohzia chu tihlan a la ni thovang.Krista thupekte zawma zittirtu erawh chuan mahni mawina dah thain Isuan a hnena a tiam tawh rawngbawlna avanga a tawrhtur chu a tuar ngei ngei thin.Mi hrang hrangin tawrhna an hmachhawn thin leh an hmachhawn dan erawh a inang thei lo.Rawngbawltu puitling chuan Pathian fiahna leh setana thlemna pawh an thliar hrang thiam ngei ngei thin.Hetiang rawngbawltute hi chuan an lawmman tur beiseiin hna an thawk lova,an thawhthat avanga an lawmman dawn tur erawh laksak anni lovang. LOCAL COUNCIL IN THLANA KTP DUTY TURA RUATTE
GROUP-I(Zing dar 7:00-11:00)GROUP-II (Dar11:00-atanga a tawp thleng) 1.Nl.Lalnuntluangi Ralte 1.Nl.C Lalthanpari 2.Nl.H Hmingthansangi 2.Nl.Vanlalchawii 3.Nl.Janet laltlansangi 3.Nl Lalrinzuali 4.Nl.Lalliankimi 4.Nl.Vanlalchhuani 5.Pu H Lalhmangaiha 5.Pu PC Zonunmawia 6.Tv.C Lalthasanga 6.Pu Vanlalpeka Kawlni 7.Tv.Samuel Lalzahawma 7.Tv. Lallawmkima 8.Tv.K Lalfakmawia 8.Tv. C Zoremsanga 9.Tv.Lalbiakmawia 9.Tv. Zairemmawia 10.Tv Lalrinmawia Pautu 10.Tv.K Lalremmawia (Duty tur te hian kim hun Dar 7:00 leh Dar 11:00 te hi ngaihpawimawh nise )

Correspondent C. Lalthanpari 9615492737 Vanlalchawii 9774374513 H.Hmingthansangi 9856344441 Circulation Managers Lalbiakmawia 9862340399 R.Lalengkima 9612862398 Benjamin Rosangzuala 9862494499 Lalremruata 9862614326 Joseph Vanlalremruata 9862360748

INTHLAN THIAM A PAWIMAWH

Mihringte hi a huhova awm a, cheng ho tur leh nung ho tura Siamtu in a duan kan nih avang hian, huho nun min khaikhawm turin Pawl hrang hrang, kohhran leh ram thlengin hruaitu thlan hi kan tihmakmawh ala ni zel lo thei lova. Mizote hian hruaitu leh roreltu thlan kan thiam viau tawh rual hian, A bikin Politics a kan inthlan boruak hi chu tun aia ngun zawka ngaihtuahna sen a hi a tul in, mi tinte hian hruaitu kan thlan dawna kan rilru put hmang hi kan inbihchian zel hi kan hmasawn zel na tur pawimawh tak a ni ngei ang. Inthlang ram kan nih avangin, kan hma lawka Local Council inthlan kan hmachawn turah pawh hian rilru fim leh ngaihtuahna tak tak hmangin, Pathian rawn chunga inthlanna thianghlim leh felfai nei thei tura mimal tin lo inbuatsaih lawk hi a tha khawp mai. Synod leh Central K.T.P chuan kan ram inthlanna muanawm leh thianghlim kan neih theih nan Inthlan Kaihhruaina te pawh Branch hrang hrang te zir turin a lo buatsaih tawh thin a. Hma pawh kan sawn hle tawh mai. Chutihrualin, hma kan sawn kan tih lai hian, kawng thenkhatah erawh chuan nasa taka tan lak a ngaih na lai pawh tam tak a la awm a ni. Mipuite hian ram hruaitu/ khawtlang hruaitu thlan kawnga ngaihtuahna tam zawk sen a hun em em tawh a. Kan ram hian Pathian rawn chunga ram hruai hna thawktu tur, Pathiana innghat chunga a taka hnathawk mi a mamawh em em lai hian, mahni hmakhaw ngaia Vote thlak mai ching kan nih chuan Ram tan nasa takin thil kan tisual a ni tih i hre nawn leh theuh ang u.

19.02.2012 (Pathianni) S.S Tantu : Pi Lalngeni (B-3) Chawhnu : Pu H.Zathuama Zan : Upa Zasiama Ralte 22.02.2012 (Nilaini zan) Tantu : Pi Thansiami (B-6) Thupui : Kristian Chhungkua chu Chanchintha hrilna hmun a ni Hawngtu : Pi H.Lalsawmliani 25.02.2012 (Inrinni zan) Tantu : Pi Rothuami (B-7) Thuhriltu : Pu Eddie Lalzidinga 21.02.2012 Kohhran Hmeichhia Chairman : Pi Liankungi Tantu : Pi Thangpuii (Pi Hruaii Gr.)
Thusawitu : Pi Lalropari Special Item : Pi Feli Group

20.02.2012 KTP Inkhawm Hruaitu : Pu C.Lalfakzuala, Secretary Tantu : Nl.R.Lalnuntluangi, Secy.

Receptn & Ushering Sub Comt.

Thusawitu : Pu Lalnunchama ,Treasurer

Thilpek lakhawmtu tur :

1. Tv C.Lalrintluanga, Joela Group 2. Tv David Malsawmtluanga, Joela Group 19.02.12 Pathianni Tlai Fellowship A hmun : Pu R.Lalkhuma (L) In,Mel-5 Hruaitu : Tv.Lalbiakfima, Leader Tantu : Nl. R Lalhmingmawii, Obadia Gr Thuchah tawi : Pu K.Lalbiakthanga,Br. Commt. 19.02.2012 Masihi Sangati Hruaitu : Pu Sapramthanga Tantu : Pi Bensari Thuchah : Upa Lalhmuaka 20.02.12 Pavalai Pawl Inkhawm A hmun : Centenary Hall Hruaitu : Pu Lalchawimawia Tantu : Pu Lalramnghaka (B-6) Thuchah : Pu F.Sangthanga
Thilpek lakhawmtu tur :

INCHHIARNA (Feb 13)

Thawhtan Nilai Inrin

ZING TAWNGTAI INKHAWM (20 -26 FEB.) Thawhtan Thawhleh Nilai Ninga Zirtawp Inrin Pathiani - Pu Rualchhinga - Pi Kaptluangi - Pu Vaizinga - Pi Lalropari - Pi Dotawni - Pi Kapthangpuii - Upa Dr.K.Lalrintluanga

1.JEREMIA 2.JOELA 3.JONA 4.NAHUMA 5.OBADIA 6.ZAKARIA Midang TOTAL

17 21 18 22 18 23 3 122

11 6 11 14 6 12 60

5 5 7 10 5 9 41

Pangpar khawitu ( 26.02.2012) Nl Vanlalchawii leh Nl Lalzuitluangi Kawn Veng

1. Pu Lianhmingthanga 2. Pu Ramhuapliana > > Kristian Thalai Pawl : Durtlang Branch

KTP INLENG KARTIN CHHUAK VOL 25 ISSUE NO 7

SYNOD NEWS
PRESBYTERY THAR HAWNG
February 8 - 13 chhung khan Manipur Area Committee leh 2011 Synod Inkhawmpui-in a rel angin Presbytery thar hawnna neih a ni a, hetah hian Synod Moderator Rev. Thangzauva, Upa D.P. Biakkhuma, Synod Secretary; Rev. Dr. Lalhmangaiha, Member; Rev. Dr. Lalchhuanliana, Member; Rev. C. Vanlalhruaia, Member leh Upa C. Lalmuankima, Member te an tel. February 9-ah Manipur Area Committee, Churachandpur-ah neih a ni a, February 10-ah Manipur Area hmun hrang hrang tlawh kualin February 11 khan Group 3-ah inthenin Imphal West Presbytery thar Synod Moderator Rev. Thangzauvan Kwakeithel, Imphal-ah a hawng a, Sangai Presbytery thar Rev. Dr. Lalchhuanlianan Moirang-ah hawngin Lamka South Presbytery, Lamka North Presbytery, Tanggam Presbytery, Phaipi Presbytery te chu Hill Town Churachandpur-ah Rev. C. Vanlalhruaian a hawng bawk. SYNOD BOOK ROOM A LEHKHABU THAR TE : Ka thlarau zawkin le By Rev. Dr. Lalsawma Rs. 100/Muslim pachal hmachhawn rawh le By Evan. Lalramzauva Ralte Rs. 120/Fianrial By Rev. K. Lalpiangthara Rs. 100/Phuldungsei harhna ropui By Upa Rochhunga Rs. 30/Mi anglo sulhnu Rs. 100/Chawhchawrawi By Chhuanliana BVT Rs.100/Mizo pi pute khawvel By Pu R. Chaldailova Rs. 100/Thih leh dam By David Lallawmawma Rs. 80/CRUSADE PANDAL February 16-19 chhunga Joint YMA Field, Vaivakawna Will Graham Crusade chu tluang taka neih chhoh zel a ni. Crusade neihna tur Jt. YMA Field, Vaivakawna pandal sak hna hi January 24 atang khan tan a ni a, he Crusade Pandal hi CYMA structure hmanga sak a ni. Pandal len zawng chu 288 ft x 165 ft. a n. Pandal ah hian mi 11,000 an leng thei.Pandal stage hi 1530 sq.ft a zau niin mi 50 an thu thei a, stage hnung lamah hian Green Room leh toilet siam a ni bawk, Pandal sakna senso atan hian Rs.7,45,000/- ruahman a ni.

KTP GEN. CONFERENCE

KTP General Conferece vawi 54-na, March 1 - 4, 2012 a neih tur thlengtu Thenzawl inbuatsaihna tluang takin a kal zel a. Central KTP Committee pawh he inkhawmpui atana inbuatsaih nan February 15 khan zing dar 6:30 atangin Synod Committee Room No. 1-ah nilengin an thu khawm.Central KTP Committee thu ngaihtuah pawimawh zualte chu : 1. Bial 55 atangin Agenda 78 lai lut a awm a. heng agenda lo lutte hi Floor-a chhawp chhuah tur, Dan leh Inkaihhruaina lam khawih, inhrilhfiah tur leh bawhzui remchang lo tih tawp mai chi te thliar fel a ni. 2. Kum 2014-a KTP General Conference vawi 55-na thlen dil pathum, Kolasib, Khawzawl leh Darlawn te an awm a. Thlengtu tur chungchang hi ngaihtuah a ni a, General Conference rorelna hmunah la puan chhuah tur a ni. 3. Kum 2012 - 2014 chhunga Central KTP Committee member atana thlan awm mi; Aizawl khawpui chhung Bial 34 atangin Bial tinin mi 3 theuh an theh lut a. Bial tin atangin mi pakhat theuh Nominee atan Committee-in a thlang leh a, nomination a tel mi 34 te atang hian Inkhawmpui rorel palai ten mi 18 Secret Ballot-in Central Committee member tur an thlang chhuak leh ang a, thlanchhuahte atangin Office Bearers chanvo insiamrem leh a ni ang. Heng bakah hian General Conference inbuatsaihna atana tul engemaw zat leh thil dangte ngaihtuah a ni bawk.

Financial Training
February 13, Pathianni kal ta, chawhnu inkhawm ban khan M Suaka Hall ah Branch sum enkawltu ten group Treasurer leh Fin.Secretary te Sumvawn dan training an neih pui a, hruaitu te an tel tha in training a tel te hian
KOHHRAN OFFICE TAN HUN

Kohhran Office tan hun Zing dar 9:30 ni thin chu February 16 atang khan dar 9:00 a.m a sawn hma a ni ta.
ZAIPAWL PUI NEI THEI

February 17, Zirtawp zan khan Durtlang Pastor Bial-a Kohhran pathumte infinkhawm zaipawl te chuan Will Graham Crusade neih mek ah Zaipawl an nei thei a member 150 lai an tel thei a ni.
M. SUAKA HALL BUL TAN

February 16 (Ningani) atang khan M.Suaka Hall thar tur sak hna chu bul tan a ni ta a. Tunah hian ADA lamah pawh sak phalna lak tawh niin Architect pawh in a tih tur ang leh thil tul tur te a rawn zo fel thawkhat tawh a. Hall hi hma taka zawh fel anih theih nan chak taka hma lak chhoh mek a ni.
BIAL SCHOOL TAN BUDGET

HNATLANG NEI
K.T.P Durtlang Branch Reception & Ushering Sub Commitee te chuan February 15, (Nilai zan inkhawm ban) khan an sub committee bungrua te en felin, chhinchhiah ngaite chhinchhiah leh tihfai ngaite tifaiin hnatlang an nei a, member pawh an thawkchhuak tha hle.
LEHKHA CHHIA KHAWN DAWN

Durtlang Pastor Bial Kohhran Hmeichhia Khawmpui chuan Bial School zun in leh ekin sak nan Rs.35,000/- pek nise ti in a rel a, Bial KTP te pawhin PA Set leina turin Rs 15,000/- budget ah an dah tawh bawk a ni. Tunah hian School office building thar tur sak mek a ni a,hun reilote ah luah theih a zawh a ni dawn a. Kumin hian bial School ah Class - IX hawn thar niin, zirlai pawh an pung hle mai a. Tunah hian zirlai 480 bawr ven an awm a ni.
KTP LIBRARY HAWNG

KEIMAHNI
KTP Inleng min hlutsak tute zawng zawng chungah lawmthu kan sawi a, he chanchinbu hi KTP chauh ni lo Kohhran mi zawng zawng te tana Kohhran chetvelna hrang hrang kan in hriattirna hmanraw tangkai tak a nih zel theih nan Committee peng hrang hrang hruaitute leh mimal ang te pawhin kan rawngbawlna leh kan hmalak mekna te in hrilh hria a, chhenfakawm lehzual a nih theih nan in mi finchhuahna kan ngen a che u. He chanchinbu in hma a lo sawn zel theih nan engtik lai pawhin in thurin kan nghak reng bawk e.

Ramthar Committee chuan March thla tirah hian kohhran huam chhungah sumtuaknan lehkhachhia hralh theih awm chi te khawn khawm leh an tum a. Kohhran chhungkaw tin ten, lehkhachhia kan tihral mai tawh turte lo dahtha hram hram turin min ngen a ni.

KTP Library chu February 13 (Thawhtan) zan atang khan hawn tan a ni leh ta. Member ni duh tan membership fee Rs. 10/- peiin a nih theih a. Library-ah hian lehkha bu 1000 chuang lai mai awm tawh in, tunhnaiah pawh lehkha bu tha tak tak lei thar niin, mi thahnemngai te atangin lehkha bu tam tham tak dawn a ni bawk.

> > Kristian Thalai Pawl : Durtlang Branch

KTP INLENG KARTIN CHHUAK VOL / 9436197303 7 9856878819 / 9862363844 25 ISSUE NO

LEI HI

- Dr.Lalliansanga

WILL GRAHAM CRUSADE SUNDAY PROGRAMME

PATHIANNI CHAWHNU (1:30 pm) Tan hun : 1:30 PM Chairman : Rev. Thangzauva Synod Moderator Thupuan : General Secretary Organising Committee Zaipawl : 1) Chaltlang BZP Lian 2) Dawrpui BZP Lian 3) Baptist Choir (Aizawl Area) Thilpek Lakkhawm leh Hlan Solo : Mr. Mark Christian (BGEA) Thuhriltu : Rev. William Franklin Graham IV (Will Graham) Hla sak ho : Banna : PATHIANNI ZAN (6:30 pm) Chairman : Rev. Vanlalzuata E/S Sr Thupuan : G/S Org. Committee Zaipawl : 1) Mizoram Synod Choir 2) Bungkawn BZP Lian Thilpek lakkhawm leh hlan Solo : Mr. Mark Christian (BGEA) Thuhriltu : Rev. William Franklin Graham IV (Will Graham) Banna : (Inkhawm ban apiangin Councelling Class atul angin neih a ni ang)

Khaw daifema thlanlung hlui tawh takah hian fiah lo takin he thu hi a inziak a. HE THLANLUNG HNUAIAH HIAN VAIVUT ATANGA SIAM ARABELLA YOUNG CHU MAY NI 24 HIAN A DUHTHU ENGMAH SAWI TAWH LO TURA A LEI HRENBEH SAKIN ZALH A NI. Lei kan tih hian kan hmelhriat dan a inang lo tlang hle. Mithiam te tan chuan tisa hlawm gram 50 vela rit, tihrawl leh hriattna thazam inhlawmkhawm, kan thil ei thialnan te, a tui leh tuilo hriatna te leh kan thil ei lemna atan a min puitu a ni an ti a. A pawimawh hle mai. Chu bakah chuan kan inbiakna atan a aw ri pawimawh chi hrang hrang siamtu a ni bawk a ni. Lei tello chuan nau awmtu ten nau an awi tlei thei lovang. Ram aiawhtu ten palai hna an thawk thei lovang a, zirtirtu ten zirlaite suangtuahna thiltithei tak an kaihruai thei lovang. Dan hremi ten rorelnaah thudik an hailing thei lovanga, pastor leh rawngbawltuten kut uaithla leh khupzawi te leh puih ngai te an tanpui thei lovang. Buaina harsa tak tak te sawi ho leh chinfel a ni thei lovang a, kan chenna khawvel hi buaina chhumpui kara leng kan ni zual zel ringawt mai dawn a ni. He ta tang ringawt pawh hian he tisa hlawm te tak te pawimawh ziahi kan hre thei awm e. Chutiang khawpa pawimawh a nih rual chuan he kan lei hi khuahkhirh a nih loh chuan hlauhawm tak a ni lawi si. Washington Irving chuan, Lei hriam tak chauh hi hman nasat zawh poh leh a bil thei lo, hriam zel awm chhun a ni a ti a. Lal Isua unaupa Jakoba pawh in, Tin, lei hi mei a nithihna hlova khat, sual awm hle hle thei lo a ni (Jakoba 3:6,8) a ti hial a. Thihna tur, hremhmun tih kan, kan taksa peng te zinga khawlohna hlawm chu lei hi a ni a. Chutiang khawpa thihna tur chu a landan atang ringawt chuan zuamawm tak a ni. Rinawm taka siam ha leh khabe ruhrel chhung lamah nalh leh rem takin a awm a. Inzial khawrin faifuk, saisik changtum leh rimawi dang bakah mutchhuak tih hriattir turin in ham ri te a siam thei. Kan thil ei kawr eng ilo te phuhchhuahnan a tha a, khawsik enna thermometer dahnan te hian a tha hle bawk. Kan unau sipai pawl ho ten tho leh Krista an hriatpuina tawtawrawt pawh hi lei tello chuan a ri thei lo. Amaherawhchu fimkhur luat hi a awm thei lovang. Lei hi thunun loh a ni satliah mail ova, thunun htheihloh a ni zawk. A mak a ni. Mupui te chu kuta fu turin an enkawl theih a, parva te hi thu thawnnan an vulh fin theih bawk. Ui fing nei te kan awm a, sail eh sakei te pawh hi ennawm siamnan an khawi fing thin. Mahse lei hi chu tuman an thunun thei lo. William Norris chuan lei chungchangah tluk a hlawuhawmzia hriain hetiang hian kan fimkhurna tur kawng panga a tarlang a. Tu hnenah nge thu ka sawi ; eng chungchang nge ka sawi; engtiang takin nge ka sawi; engtikah nge ka sawi ang; khawiah nge ka sawi? Hengah te hian kan fimkhur hle tur a ni. Greek mifing Publius-a chuan, Ka tawng avanga inchhir chang ka nei thin a, ka ngawih avanga inchhir hi ka la nei ngai lo a lo ti hial reng a ni. Sam 39 ah lal Davida chuan hetian a sawi a, Ka lei hian thil ka tihsual lohna trin Ka awm dante hi ka veng tha ang a: Mi suaksualte ka hmaa an awm chhng zawng Ka ka hi hmui phuarnain ka phuar ang, ka ti a. Chu chu a ni, laipui mu hlauhawm tak thihna tur puak mai thei hi kan ka chhungah hian kan pai reng a. Chutiang khawpa hremhmun tih kan hlauhawm chu venghim tur chuan Pathian Thlarau hruai ngaihtuahna fim tak kan mamawh em em a ni. Chu Thlarau hruaina tello chuan he lei hi nang leh keia thunun rual ani love. Lal Davida thu zawmin, kan tihsual lona turin heng kawng te hi zawh tum ila: 1.Ngaihtuah hmasa rawh- Thu i sawi hma in second 10 tal ngaihtuah hmasa rawh. Kan thusawi tur chu a dik em? A tul kher em? Mi rilru tidam thei nge hliam thei? Chhutchian a dawl em? etc. 2.Tawng tlem la 3.Ngawih hlen a tullo, vawiin atangin thu tha, nunna thu chu sawi zawk ang che.

CRUSADE AH BUS KAL DAWN

Will Graham Crusade Jt. YMA Field Vaivakawn a neih mekah vawiin (Pathianni) chawhnu leh zanah hian kohhran mipui a duh apiang kalna turin Kohhran chuan Bus 2 a hmang dawn a. Bus chhuah hun tur chu hetiang a ni. Chawhnu : 12:30 p.m Zan : 5:30 p.m Bus hi Dawrkawn atanga chhuak tur anih avangin kal tum zawng zawng te chuan Dawrkawn hi pankhawm mai nise, kal man chawi angai lovang. Kohhran mipui atam thei ang ber kal turin kan in sawm a ni.

INLENG PIKS!!!
KUM 1999 A DURTLANG KOHHRAN IN PYF INKHAWMPUI KAN THLEN TUMA REFRESHMENT LAM BUAIPUITUTE

L-R : Pu Zuia, Tv. Sama, Tv. Zorammawia, Tv. Zodinthara, Tv. Huliana > > Kristian Thalai Pawl : Durtlang Branch