KTP Durtlang Branch 1955-2012

Branch Thupui: Puanin zauh Isaia 54 : 2

E-mail : ktpinleng@gmail.com

KTP INLENG
26thFebruary, 2012

KTP Thiltumte: Isua Krista rinna leh Amah anna kawnga thalaite hruai. Kohhran kutke ni tura thalaite buatsaih. Kohhran hnathawh tihpuitlin. Krista Chanchintha puandarh.

VOL 25 ISSUE NO. 8

GROUP NEWS
JOELA GROUP : Dt. 21/2/12 (Thawhleh) zan khan Gr. Secy Nl.Vanlalchawii te inah sumtuak hnatlang nei in lehkhabu kawm an tuam a. Member thawkchhuak zawng zawngte chungah leh lehkhabu kawm tuam tur phal taka lo petu te chungah Gr. hruaitu ten lawmthu an sawi tak meuh meuh a ni. OBADIA GROUP : Pu Roliana Chenkual te leivung paiha sumtuakna an neih chu Dt. 21,February (Thawhlehni) zing khan chhunzawm leh in hemi zing hian an zo thei a. Hnatlang hi zing karah neiin tum thum ngawt an hnatlang a, member thawkchhuak an tha thin hle. In hlawhna siam saktu Pu Roliana Chenkual te chhungkaw chungah leh member tlawmngaia thawkchhuak zawng zawng chungah Group hruaituten lawmthu an sawi a ni.

AMAN ENGKIMAH MIN HRIA

-V. Lalhmingliani Lalpa thlarau hnen ata hi Khawiah nge ka kal ang, Tuifinriat chhungril lamah te Vansang leh seoul lam ah te pawh,Pathian ram ri khamna reng a awm lo Ama hriatloh reng a awmlo. arsat mangana karah leh hlim leh lawmna niah pawh Aman engkimah min hria ani.Kan chetna lam apiangah Aman min hmu reng si a, kan ngaihtuahna tinrengte pawh min hriat sak si, kan suangtuahna leh duh zawng zawng pe thei tu chu Amah a ni. Kan hma hun pawh A ta a ni. A tello chuan engmah lo mai kan ni. Malsawm na kan dawn ve te chu, kan tih vak avanga nei ni lovin Ama min pek vang chauh a ni a, kan hlim leh lawm na pawh min pek vang a ni. Nimahsela, engngatinge kan tah a engatinge kan lungngaih thin, chu chu khawi atanga lokal nge nita kan tih chuan chung pawh chu kan thatna tur a min pek a lo ni leh thin. Min hmangaihna hi kan hre phak lo a ni, min hriatfiah vek na nen hian, Setana sal kan tanna lak atanga min hruai chhuah hun a nei tih kan hre ngai em? I chhut ngai em? Hrefiah tur in Pathian hi i bel chiang tawh em? Setana sal kan nihna atang hian min hruai chhuak satliah a ni mai lo, Nangni thawk rim leh phurrit phur te u, ka hnenah lo kal ula, keiman ka chawlhtir ang che u, ka nghawngkawl chu a nuam a, ka phur pawh a zang a ni Lal Isuan a ti a ni. Kan phurrit te kan lungngaih na te chawlhna tur Lal Isua Krista kan nei a ni. Mahse kan va la hah em, kan phur a va la rit si em? Chu chu alawm, chawlhna ah chuan a lawm min hruai luh a tum ni, mahse chawlh na chu engnge ni? chu chawlhna chu a awmzia kan hriatfiah thin loh avang chuan chawlh ngaihna a awmlo reng a ni. Kan thih hunah Vanramah thlamuangin kan chawl ang, chu chu ringtu tan chuan chiang sa a ni. Mahse he lei a kan dam chhung ngei ah pawh hian chu chawlhna nun thlamuanna chu Lalpan nang leh kei hi min pek a duh a ni. Israel fate Aigupta sal atanga a hruai chhuah khan Kanan ram khawizu leh hnute tui luanna ramah hruai luh a tum a ni. He a hruai dan chanchin hi i ngaituah chiang ngai em? Keinin a kan zawh ve mek nun nen hian a inang a ni. Israel fate khan engvangin nge kanan ram chu an luh mai theih loh? Ni tlemte a thleng thei khan kum tam tak hnu ah an thleng thei chauhva, chu pawh thleng phalo tam tak an awm a nih kha. An thlen theih reng reng lohna chhan kha enge ni? Hruai chhuah an nih tirh kha chuan tuipuisen ropui takin Lalpan a kaitir a, an hlim a, an lawm a, chhum ding leh meiin
Cont..next page

KRISTIAN THALAI CHANCHINBU

Central KTP atanga thla tin chhuak Kristian Thalai Chanchinbu chu kum 2012 chhunga la duh tan a lak theih a. Lak man hi kum khatah Rs 50/- chauh a ni a, member te bakah kohhran chhungkaw tin te tan chhiar manhla tak a nih avangin in tinah la theuh thei ila a lawmawm ngawt ang. Copy zat 90 kan lak thin kha copy 200 ah tih pun a nih tak avangin thahnem ngaia la theuh turin member te bakah kohhran chhungkaw tin te kan inngen a ni e.

KTP GENERAL CONFERENCE KAL TUR TE HRIATTUR

KTP Gen. Conference (Bus leh Private) a kal tur zawng zawng te Dt.29.2.2012 (Nilaini Zan) inkhawm banah Centenary Hall ah kim taka kal khawm tur a ni a. Member kal tum zawng zawng te chuan ngaipawimawh a, kal vek turin kan in hriattir a ni.

M.SUAKA HALL THAR SAKNA TURIN CHAK TAKA HMALAK A NI

BRANCH EMERGENCY COMMITTEE Thu pawimawh tak ngaihtuah tur a awm dawn avangin KTP Durtlang Branch Committee member zawng zawng te vawiin Pathianni tlai Fellowship banah hian Emergency Committee neih tur a ni e.
> > Kristian Thalai Pawl : Durtlang Branch

KTP Inleng 2012

KTP INLENG KARTIN CHHUAK VOL 25 ISSUE NO 8

Editorial Board
Editor Samuel Lalzahawma Joint Editors C. Zoremsanga C.L. Biakhlua K.Lalfakmawia Lalnunmawia Dr Lalliansanga 9862375500 9612297009 9856878819 9862358727 8732081426 9612241873

Correspondent C. Lalthanpari 9615492737 Vanlalchawii 9774374513 H.Hmingthansangi 9856344441 Circulation Managers Lalbiakmawia 9862340399 R.Lalengkima 9612862398 Benjamin Rosangzuala 9862494499 Lalremruata 9862614326 Joseph Vanlalremruata 9862360748

hma a hruai tir a, an chak a, an hlim a ni. Mahse an kal zela, thlaler ramah te eitur awm lohna hmunah khan Aigupta sabel ngaiin an rum leh si a, an nawmsak zawk na ni a an hriatna lam an hawi a. Lalpa an theihnghilh a ni. keini pawh hi kan nawmsak zawk na ni a kan rinna lamah kan nitin nun hi kan hmang mek zel a. Nawmsak loh hi kan hlau va, keimahni hi kan in hmangaih em em ringawt mai a ni. Chu chu Lalpa`n a duh tlat lo. Ama nun nen lama huat loh chuan ka mi ni tlak a nilo tiin Lal Isuan min hrilh a ni. Mahni nun in hmu a inngaitlawm apiang hnenah Lal Isua a cheng thei thin a ni. Mahni inhumhim zel kan duh a, mahse mahni nun humhim duh apiang in a chan zawk thin a ni. Lungawi taka Lal Isua zui a khawvel ropuina leh mawina hnuchhawn a Lal Isua zui a khawvel ropuina leh mawina hnuchhawn a, Lal Isua dah hmasa ngam zeltu ten chu chawlhna chu kan chang thei a ni. Huatna, khakna, tauhna leh mahni hmasialna thinlung pu ran ten chawlhna an chang theilo. Min kotu leh min hruai chhuaktu hian a ti mai mai lova, min hruaichhuak ta sa sa a, kawng lakah kir leh mai rawh min ti dawn lo a ni. Chuvangin, Lal dang ngaitheilo kan Pathian hian amah chauh kan nun pum a kan neih theihna tur hian kawng hrang hrangin kan chungah harsatna a thleng thin a ni. Kan chunga harsatna lo thleng thin, kan nun ti hrehawm a, dam pawh min thlakhlelh tir lova chhungkua a buaina leh harsatna kan tawh thin hi kan thuawih loh vang a ni. Chu chu huai takin kan sawi ngam a ni. Mi, Lalpa tana a nun zawng zawng hlan a thinlung thianghlim tak a mihring pui te laka pu a, Lal Isua`n a tih awm ang reng a nun hmangtu ten chawlhna an chang dawn a ni. Sual khawih nat theih lohna hmun ralmuangah Lalpa`n min dah a, min ti hrehawmtu te chu kan do ngai lovin aman min do sak a, min hneh sak thin a ni. Lalpa hian kan ding leh kan thu, kan kal leh kan awmna hmun apiangah min hruai a. Aman engkimah min hria a ni. Kan harsatna tawh hi kan sual vang a nilo, ruihtheih thil engmah ka ti lova, kan piangthar tawh a, rawngbawlte pawn ka feh chhuak a kan ti maithei, mahse han in lipse deuh teh, Lal Isua hmaah saruak a ding angin awm ta la, ringtu awmdan tur a tih ang chuan kan awm reng em? I chenpui te lakah te, i thenawm khawveng lakah te hian i zak ru veng veng ve lo maw? Mihring kan nih chhung chuan a theih loh alawm , a har em a ni i ti ru maithei. Chu tak chu a lawm Setana aw chu, chu chuan a chawlhtir thei lo che a ni. Buaina in a um leh che a i rum leh ringawt a, chawnghei tawngtai i ti leh ngawt a, emaw tu te tawngtai sak emaw i beisei leh ngawt a. Mahse Lal Isuan tawngtaina dik a tih chu mahni nun in hmu a sim te chauh a ni. Kan tawngtaina chhang se kan ti a, mahse keimahni lam chu siamthat kan tum der silo, chhantlak in kan nung leh si lo. Mi nun kan teh pheta, mahni nun lam chu kan hre duh der si lo, chung te chu kan mu tan a ni a. Mi ah dam tum lovin Lal Isua ah dam tum na chang hria ila, keimah leh Lal Isua karah engmah tla zep lova Amah en tlat a kan nun chuan, chauh chang te awm ve thin mah se Lal Isuan min kai chhuak zel thin a, Aman chawhna min pe thin a ni. Lal Isua hian a angchhung a lut tur hian misual leh tawmkailo ber te pawh a pawm a, a duhtui lo a ni, mahse a angchhung a kan luh tawh erawh chuan a duhtui em em a, a duh anga nung te tan damna leh malsawmna a nih rualin a duh anga awm lo te tan erawh chuan hremna leh tawrhna a thleng fo thin a ni. Aman engkim a hrefai vek a, hmuh hmaih reng a nei silo. Aman engkimah min hria tih i hre thar leh ang u. Lalpa ropui rawh se, AMEN.

Pathian hruaina in Kum 2012 KTP GENERAL CONFERENCE Vawi 54- na chu kan lo thleng leh dawn ta reng mai.He hun hi keini thalai te pual ani tih hria in kan Branch atang pawh hian member a tam thei ang ber kal tum tlang ila a tha awm e. Conference kan hman hnuhnung ber, kum 2010 Mamit ah khan Bus pakhat hmang in kan kal anih kha kan la hre vek awm e. Kumin ah hian Thenzawl ah nghat in Member engzat nge Conference ah hian kal thei ang le...?? Thenkhat chu Conference kal in ti ve si, Conference chhung zawnga Pandal vawikhat mah thleng lo te pawh sawi tur an awm nawk zel nia! Heng mi te hian eng nge Conference ah an tih ve a, eng nge Conference an kalchhan ni ang le?? Engpawhnise Branch aiawh a kal, palai kan ni tih inhria in kaltur zawng zawng te mi zing a kan awm dan ah te, thlenin lam ah te pawh, khawihmun ah pawh awm ila Branch hmel lanna kan ni dawn ani tih in hria in midang te mit tikham zawng leh midang te tana hmuh hrehawm zawng a awm lo tur in kan nun uluk tlang ila. In awmdan chu Krista Chanchintha nen inmawitawn rawhse tih thu kha kan thinglung ah vawng reng thei ila a lawmawm hle ang. Conference kalthang apiang in nuam an ti tiin an sawi thin a. Adikna chen te pawh a awm awm e. Engpawhnise KTP Conference hi ila kal ngailo anih pawh in a nuam hle tur ah ngai phawt mai la. Thalai tam tak Pathian fak a theihtawp chhuah a an lam lai hmel hmuh te hi a nuam in a ropui hle a ni. Conference hlawkthlak tak leh hlimawmtak kan hman vek theih nan KTP Inleng Editorial Board te chuan Duhsakna kan hlan vek a che u.

26.02.2012 (Pathianni) S.S Tantu : Pi Zolawmi (B-6) Chawhnu : Pi Sangkhumi (B-1) Zan : Upa Lalbiakkima 29.02.2012 (Nilaini zan) Tantu : Pi Lalkulhpuii (B-2) Thupui : Chhungkua a mipa leh hmeichhia Hawngtu : Pu Lalramsanga 03.03.2012 (Inrinni zan) Tantu : Pi Lalrintluangi (B-4) TAWNGTAI INKHAWM 28.02.2012 Kohhran Hmeichhia Chairman : Pi Lalnunmawii Tantu : Pi Lalsangzuali (Pi Muani Gr.)
Thusawitu : Pi Zosangzuali
Special Item : Pi Puii Group

27.02.2012 KTP Inkhawm Hruaitu : Pu PLC Lallawmkima Tantu : Tv. C. Lalrammawia

Evangilical Sub Comt.

Sharing & Hla thlan hun atana hman tur a ni

Thilpek lakhawmtu tur :

1. Nl Ramdinthar (Jeremia Grp) 2. Nl MS Dawngliani Ralte (Jeremia Grp) 26.02.12 Pathianni Tlai Fellowship A hmun : Centenary Hall Hruaitu : Tv Lalremruata Tantu : Tv Vanlalawmpuia Pautu
Evangelical Sub-Com kaihhruaina in tlai 4:30 a tan turin Biak In-ah Sharing leh Tawngtai rual neih tur a ni

INCHHIARNA (Feb 19)

Thawhtan Nilai Inrin Fellowship(OB)

1.JEREMIA 2.JOELA 3.JONA 4.NAHUMA 5.OBADIA 6.ZAKARIA Midang TOTAL

25 23 20 25 26 25 2 146

11 10 9 10 8 10 58

7 8 9 7 6 9 46

9(5) 6(3) 6(1) 10(5) 7(4) 9(5) 47

Pangpar khawitu ( 04.03.2012) Nl R.Laldawngliani leh Nl Lalduhawmi Suaka Veng

26.02.2012 Masihi Sangati Hruaitu : Pu Tlangthanga Hnamte Tantu : Pi Pi Lallawmthangi Thuchah : Pi C.Chalmawii > > Kristian Thalai Pawl : Durtlang Branch

KTP INLENG KARTIN CHHUAK VOL 25 ISSUE NO 8 DURTLANG KOHHRAN PATHIANAM FE UAR 2012 DUR ANGKO AN PATH RRAM FEBRUARY 2012 TL HHR IAN BR Y BIAL NO LUT LO IP OTLO THAWHLAWM BIAL NO. IPIP LUT IPLUT LLUT LO TH AWH M LAW Rs. 67570 1 34 11 Rs. 44170 2 35 7 3 37 7 Rs. 51050 Rs. 49160 4 31 4 Rs. 79513 5 40 8 Rs. 54790 6 37 6 Rs.103280 7 34 9 8 34 5 Rs. 57825 Rs. 45770 9 28 19 10 40 6 Rs. 98450 Rs. 55965 11 35 3 Rs. 56130 12 38 7 Rs. 43960 13 35 0 14 31 2 Rs. 46120 15 29 3 Rs. 103660 16 25 4 Rs. 105600 Rs.1063013 TT Buhfai tham Rs. 54975 Rs. 55000 Missionary C hawmna Rs. 47910 Krismas & Kumthar S acrament Rs. 3023 Grand Total Grant total Rs.1223921

AWLIMPIK TUR RUAHMANNA SIAM

BAPTISMA SACRAMENT
March 4,(Pathianni) chawhnu inkhawmah Baptisma Sacrament neih a ni dawn a. Nausen Baptisma chantir tur nei te chuan 3rd, March (Inrinni) Kohhran committee-a an ngaihtuah hman turin hriattir tur a ni e.
KTP MEMBER LOCAL COUNCIL-AH

KTP AWLIMPIK 2012 chu hlimawm taka neih a ni leh dawn a. Tunah hian programme Sub-Committee te chuan a hun tur te leh kan inelna tur item hrang hrang ruahmanna a siam tawh a. Heng ruahmanna an siam te hi March thla Branch Committee chuan a ngaihtuah tha leh dawn a ni.

ARTICLE IN ZIAH SIAK

Literature Sub-Committee chuan Branch member pum huap Article in ziah siak a buatsaih dawn a. Hemi atan hian sponsorship te pawh a zawng chho mek a. Thu leh hla lama tui mi zawng zawng te lo inbuatsaih theuh turin kan in sawm a ni.

HALL SAK HNA TAN TA

M.Suaka Hall sak that tur chu chak taka hma lak mek niin tunah hian lei laih ngai pawh zawh fel thawhkhat a ni tawh a. Hun reiloteah a ban khur tur pawh laih tan a ni dawn a ni. Tin, Kohhran Committee room extention leh committee room toilet siam tur pawh chak taka kalpui mek a ni a bawk.

February 23-a Local Council in thlanna neih chu tluang tak leh felfai taka neih a ni a. Hemi ni hian KTP Branch Committee te MPF in duty tura min ngen angin zing dar 6 atangin duty tanin a tawp thlengin kan duty thei a ni. Local Council member tur kan thlan chhuah zingah KTP member nilai pahnih Pu H. Zarzokima (MNF) leh Pu C. Lalremruata (MNF) te chu thlan tlin an ni a. Hetianga member zinga Local Council member tur thlantlin an ni hi kan lawmpuiin, khawtlang atana ro an rel na turah Pathian an hriat reng theih nan duhsakna kan hlan nghal e. MISSIONARY IN KAL Kan member Nl. Lalhruaizeli d/o Pu Khuma, Kawnveng chu Missionary turin nimin Dt. 25.2.2012 khan Lunglei pan in a chhuak ta. Lungleiah hian amah tirtu kohhran ten vawiin hian thlahna hun an hmang ang a, naktuk Dt. 27.2.2012 hian a awmna hmun tur Hruitezawl (Lawngtlai Dist) pan in a chhuak leh ang. Hetianga member Pathian tana inpe kan nei hi kan chhuangin, a rawngbawlna turah duhsakna kan hlan a ni.

BD ZIR DAWN
Obadia Group Asst. Secy nilai Tv. Lalropianga chu ATC -ah BD zir tura lak a ni a. June thlaah hian Class an tan dawn a ni. Hetianga Pathian thu zir tur member kan nei hi kan lawmpuiin kan chhuang takzet a, a zir na turah duhsakna kan hlan a ni.

February thla Pathian Ram Ip chu chhiar a ni leh ta a. January thla ai chuan thawhlawm pawh a lut tam a, a lawmawm hle mai. Mahse, Ip lut a that viau rual in Ip lut lo 101 lai mai a awm leh a. Kohhran chhungkaw tin te tan kan lak thar zel a pawimawh awm e. Bial No. 13 na te ip a lut kim vek theiin Bial 9 naah erawh ip lut lo 19 lai mai a awm thung a ni.

SYNOD REVIVAL SPEAKERS RESIDENTIAL RETREAT

February Ni 27 atanga 29 chhung hian Synod Revival Camping Centre, Neihbawihah neih a ni dawn a. Thupui leh a sawitu tur te:Thupui : Kohhran enkawlna leh thuhril tute Sawitu : Upa C.Sangzuala Thupui : Pathian thu hril/ sawi dan tha Sawitu : Rev. H. Lalchhanhima, Comt member Thupui : Thuhriltu tan Theology pawimawhna Sawitu : Rev.Dr. Tlanghmingthanga, ATC. Thupui : Thuhriltu nun leh mawhphurhna Sawitu : Rev.K.Lalhmingliana, i/c Chanmari Bial Thupui : Kristian Chhungkua pawimawhna Sawitu : Rev. Zothansanga, i/c Luangmual Bial Thupui : Media hmanga rawngbawlna Sawitu : Upa Bony Lalrindika, Ramhlun vengthar

TANPUINA PE
Kan member Dr. Jenny L. Ralte d/o Lalthuamkunga chuan KTP General Conference kan kalna tur senso phuhrukna turin Rs. 500/- lai min rawn pe a. Kum hmasa lamah pawh hetiang tanpuina hi min lo pe tawh thin a, a chungah kan lawm em em a ni.

FINANCE CAMPAIGN
Zanin hian Durtlang North Kohhranah Bial Finance Campign neih a ni dawn a. Upa C. Vanlalzama Bial Treasurer in thuchah a sawi ang.

COMMITTEE
# February 26 (Thawhtanni) zingah Presbytery Sub-Pastoral Committee Durtlang Kohhran Committee room ah neih a ni ang. # Ni 28.2 (Thawhlehni) ah Kohhran Music Sub-Committee te Committee Room committee neih a ni dawn a, member te kim taka kal vek tur a ni. # March 3 (Inrinni) chhun hian Kohhran Committee neih a ni ang.

LOCAL COUNCIL IN THLAN NAAH KTP HRUAITUTE DUTY IN AN BUAI HLE

> > Kristian Thalai Pawl : Durtlang Branch

KTP INLENG KARTIN CHHUAK VOL / 9436197303 8 9856878819 / 9862363844 25 ISSUE NO

TUHRAH SENG
- K. Lalfakmawia
Tuhrah Seng tih hi a awmzia chu kan hre tlangpui awm e. Zirlai chuan a zirlai ah taima taka a zir chuan result chhuah hunah hlim takin a zirlai tuhrah a seng thin a ni. Lo neitu pawhin buh a tuh a, a buhtuh chu seng a hun chuan hlim takin a seng mai thin. Buh tuh lo chuan sengtur a nei ve ngailo. Galatia 6:7-8 a kan hmuh ang in he Khawvel a mihring cheng te hian kan thiltih man, kan tuhrah hi kan la seng vek dawn ani tih hi kan hriatnawn fo a tul in ka hria. Bible ah ngei pawh kan hma a muhuai kal hmasa te khan an lo tawng ve nasa mai a. Tun hunah hian tawite in Davida nun atang in han chhui dawn ila atha awm e. II Samuela bung 11 ah chuan Davida chuan Uria nupui Bethsebi mutpui in a uire tih kan hre theuh awm e. Chumai duhtawk lo in Bethsebi pasal Uria pawh chu indona hmun ah kaltir in hmun hlauhawm lai ber ah a awmtir a. A thih ngei na tur in thang a kam ta a ni. A thangkam chu a hlawhtling ching ngei mai. Chu Indona ah chuan Uria pawh chuan a nunna chan in a boral ta ani tih kan hmuh kha. Helai ah hian kan chhinchhiah tur point hnih a rawnlang ta a. Pakhatna chu Davida hian Hurna chi a tuh a. Adang leh chu Tualthahna chi a tuh ta a ni. II Samuela bung 12 ah chuan Davida thiltih vanga Pathian thinur zia leh a thil tihsual hriattir tur in Zawlnei Nathana lo lan thu kan hmu a. Davida chuan fa te a nei a. Bung 13 ah lutchho ta ila. A fapa Amnona chuan a farnu Tamari chu namen lo in a ngaizawng ta a. Chhuanlam siam in a damlo der ta a. Tichuan a farnu chuan Amnona damlo chu rawn tlawh in a pindan chhungril berah an awm dun a. Remchang a hmuh veleh Amnona chuan a farnu chu a mutpui a. A hlawhtlin hnuah a hma a a hmangaih em em kha huat namen lo in a hawzui ta anih kha. Tamari rilru na chu pawn ah vaivut inphul in a tap a. A nuta Absaloma lo lang in a ni chuan a in ah a hruai haw a, thil awmzia engkim a hrethiam ta a. Absaloma chuan Amnona thah tumin remchang a zawng ve reng a. Apa Davida hnenah kal in an unau puala chawhlui buatsaih sak a dil a. Davida chuan alo remti a. Tichuan Absaloma chuan a hun te ruat in chaweikhawm ni chu alo thleng ta a. Absaloma chuan an farnu Tamari mualpho taka siam tu Amnona tihhlum dan ngawt a ngaihtuah a. Hun remchang a hmuh veleh a tum lawk ang chuan Amnona chu a tihlum ve ta ani tih thu kan hmuh kha. Vawiin ah hian i tuhrah hi seng dawn ta la i seng ngam angem? Davida pawh hian a damlai ngei in a tuhrah a seng ani tih a langchiang ngei mai. Engpawhnise kan damchhung in kan seng lo anih pawh in kan thih hnu ah chuan lohtheihloh in kan seng dawn ani tih hi i theihnghilh lo ang u. MAHNI TISA LAMA THEHTU CHUAN TISA AMI CHHIATNA A SENG ANG A... THLARAU LAMA THEHTU ERAWH CHUAN THLARAUVA MI, CHATUAN A NUNNA A SENG BAWK DAWN A NI.

TAWNGTAINA CHHANGTU PATHIAN..(Testimony)

C. Lalnghakhleli Arunachal West
Kum 2006, October thla khan ka pu (ka nu u) nen Doctor-in min refer- avangin, Kolkattaah kan kal a. . . Mizoram House Room No -11 ah kan innghat a. A tuk atangin Hospital-ah Investigation- te kan tifel a, chuan, a tuk tuk leh ah ka mit khinghnih chu Laser-in an tifai a. Pawl kua ka nih lai atanga khaw hmufiah mang tawh lo ka ni a. . . Chuan, doctor-in min khawih zawh chuan, kan thlenna lamah kan haw leh ta a. Haw lampang chuan engtinmah a awm lo. . . Mahse. . .zan a lo thleng a. . .a na tan ta. . .ka lu bur chu a keh dawn amaw ka ti a. . . Ka tap nasa hle. . A tuk ah doctorhnenah kan va kal leh a. .. . Ka pu a mangang bawk, doctor mangang bawk. . .ka mangang bawk, a chhan chu maw, kumkhuaa khaw hmu thei tawh lo tur, MITDEL, ka ni tlat. . Ni 2 chhung chu ka belh tur neihchhun, Engkimtithei Pathian chu ka au tawp. . Ka mu lo reng reng. . . Ka khua a har ngawih ngawih a,"Emau kawng daireh. ." tih hla chu ka tawngtai loh laiin ka sa reng bawk a. . A ni 3-na zanah chuan, . .khum bula thingthi a ka tawngtai laiin Thlarau Thianghlim chuan min rawn chenchilh a. . .ka va hlim tak em. .ka dam leh dawn. .tih ka hria. A tuk tuk leh zinga ka mu tho ka han harh chu maw, . . KA HMU LEH THEI TA. .. anih chu. . Pathian chu fakin awm rawh se. Kan haw dawn ni chuan kan Room No-11 chu chhuahsan ka van hreh em. . . Pathian a awm tih ka hria. . Kum 2007 ah ka training- laiin kan warden-chuan Kolkatta-a kal a tum thu a sawi a. .rang tawkin lehkhathawn ka ziak a, ka pe, Room No11 a dah tur chu. Kan Warden-chuan a dah a,a dah lai chuan awm an awm lo. Mahse, tun thleng hian kha ka lehkhathawn, Pathianin ka chunga a thiltih ropui tak leh, tuna i luah mek room-ah khan Thlarau Thianghlim a awm, nang pawh i rin chuan i dam ang ti a ka ziahna lehkha kha tunge lo dawng ang le. . !. ? ..tih hi ka hriat chak ber a la ni. . . - He Testimony Ropui tak hi Facebook a Thungaihnawm Huang Group atanga a ziaktu phalna la a copy chhawn a ni. Amah hi tunah Synod Misson Board hnuaiah Arunachal West ah Missionary Teacher in a awm mek a ni.

FEBRUARY THLA KTP THAWHLAWM IP LUH DAN

GROUP J EREMIA J OEL A J ONA NAHUMA OB ADIA ZAK ARIA TOTAL GENERAL MISSION PROJ ECT TOTAL IP SEM IP L UT IP L UT L O

INLENG PIKS!!!

1728 2482 2039 1815 2116 2233 12,413

1822 2025 1845 1790 2283 2 15 9 11,924

1685 2038 1891 1730 2166 1913 11,423

5,235 6,545 5,775 5,335 6,565 6,305 35,760

100 113 102 109 111 105 640

95 111 97 108 107 102 620

5 2 5 1 4 3 20

February thla thawhlawm ip chu chhiar a ni leh ta a, Sum lut lamah pawh January thla Rs 260/- laiin kan khum thei a. Tin, ip sem chhuah pawh January thla aiin a tam zawk a, Group tin te inpekna avangin kawng hrang hrangah hma kan sawn a a lawmawm hle a ni. Nahuma Group ten Ip lut lo 1 an nei a, hetih lai hian Jeremia leh Jona ten Ip lut lo 5 ve ve an nei thung a. Thla thar ah chuan Ip lut kim vek thei turin Group member te tan la thar leh ila, chutih rual chuan a lakhawmtu Group te pawhin tan i la zel ang u.

HE THLALAK HI LOCAL COUNCIL INTHLAN NI A MPF DUTY ZING A MI NIIN A THLALAK HI SIAM DANGLAM A NI TA LO > > Kristian Thalai Pawl : Durtlang Branch