By

Edison HABIYAREMYE
Family Ministries
0788549539 & 0738829694
 Umusogongero w’ijuru:
Urugo rugomba kuba ruhuje neza n’icyo
iryo jambo rivuga. Rugomba kuba ijuru
rito ku isi, aho urukundo ruganje
hatarangwa umwiryane. Umunezero
wacu ushingiye mu kwimenyereza
urukundo n’impuhwe kandi tukagirirana
urugwiro nyakuri. Umusogongero w’ijuru
ni urugo ruyobowe n’Umwuka w’Imana.
Igihe ubushake bw’Imana buzasohozwa,
umugabo n’umugore bazubahana kandi
bimenyereze urukundo no kwiringirana.
Urugo rwa gikristo, P.10 2
 Umunezero ugose
imitima y’ababyeyi
b’abagabo n’abagore
ukwira inzu yose
kandi ukumvikana mu
byiciro byose
by’abagize urugo.
Umwinjizo
• Abahungu n’abakobwa
benshi hari ubwo bisanga
bageze mu rushako
rutameze nk’urwo
batatekerezaga.
• Nyamara akenshi ibintu
bizadusenyera byinshi
ntabwo biza nyuma yo
gushyingirwa ahubwo
tubyinjirana ku munsi
w’ubukwe bwacu
4
 Ubukwe bwiza cyangwa
bubi?
• Niba abagamije gushyingiranwa batifuza kuzagira imibereho
y’ubuhanya, kwicuza n’amaganya nyuma yo gushyingiranwa,
bagomba kubyibazaho mu buryo bwimbitse mbere y’uko babana.
• Gutera iyi ntambwe utabitekerejeho ni bumwe mu buryo bwangiriza
ukuba ingirakamaro kw’abasore n’inkumi. Ubuzima buhinduka
umutwaro n’umuvumo.
• Nta muntu ushobora gusenya umunezero n’umumaro w’umugore no
kurwaza umutima we ngo ageze ku rugero nk’urw’umugabo we;
kimwe nk’uko nta wushobora gukonjesha ibyiringiro n’ibyiyumviro
by’umugabo, ngo bice intege imbaraga ze kandi ngo birimbure
icyitegererezo cye n’ahazaza he nk’umugore we.
5
Urugo rwa gikristo, P.35
Ku bagabo n’abagore benshi intsinzi
mu mibereho yabo no gutsindwa
kwabo n’icyizere gihamye cy’ubuzima
bw’ahazaza bitangirira ku munsi
w’ubukwe bwabo.
Nifuzaga kugaragariza no kwereka
abasore akaga kabugarije
by’umwihariko agakomoka mu
kubaka ingo zitarimo umunezero.

Urugo rwa gikristo, P.35 6

 Mbese iyi nkota umuntu
ashobora kuyitwaza atabizi?
• Icyaha cyishe ibyiyumviro byacu
• Inyinshi mu mpamvu zidutera kubaka urugo n’uburyo
turwinjiramo ni zimwe mu nkota tuba ducura zizadusenyera
urugo.
• Ikintu cyose twubakiraho urugo rwacu kidashingiye ku rukundo
nyakuri no kwizerana burya icyo kintu ni inkota tuba twitwaje
kugira izabage, kandi isenye ubugingo bwari bwiteguye
guhurizwa hamwe bukazahora mu gahinda kadashira.
• Dukeneye kuba maso rero
7
 Umurimo wa Satani ni ukwimura Imana
mu mutima no guhindura kamere muntu
mo ishusho ye yangiritse. Abyutsa
imyitwarire mibi yose, akabyutsa ibyifuzo
n'imigambi bitarangwamo kwera. Aravuga
ati: Ubu butware bwose n'icyubahiro
cyose, n'ubutunzi bwose n'ibinezeza byose
by'ibyaha ndabiguha', ariko ibyo Satani
asaba ni uko ubudahemuka burekwa,
n'umutimanama ugacogozwa. Uko ni ko
asigingiza ubushobozi bwa muntu maze
akabugira imbata y'icyaha,

Ubutumwa ku basore, ch.11, p.45

 Icyegeranyo gikurikira cyerekana impamvu zinyuranye
zituma abantu bashaka abagore cg abagabo zikaba zimwe
mu nkota bitwaza zizabasenyera:
 Iyo umuntu akiri
umusore cyangwa
umukobwa, ahora afite
inzozi zo kuzagira urugo
rwiza, rwubakitse kandi
rufite amahoro. Bijya
bibaho umuntu akisanga
yageze mu rushako
rutamunejeje, mu yandi
magambo, rutameze
nk’urwo yifuzaga. None
se biterwa ni iki?
10
Inkota 1: Kwirarira kw’abasore
Hari ubwo umusore cg umukobwa yiyereka
mugenzi we uko atari. Maze usabwe
urukundo akabyakira neza kandi vuba
kuko abona bisa neza neza n’inzozi zari
muri we ku birebana n’uwo yifuza
kubakana na we. Kuri iyi ngingo,
biyerekana nk’abafite amikoro akenewe,
nk’abafite ubukristo bukenewe, nk’abafite
impano zikenewe, nyamara bamara
gushakana ugasanga uko yiyerekanaga mu
irambagiza atari ko ari.
Kwirarira biba mu buryo butandukanye:
11
Kwirarira ku mikoro (Kugaragaza ko ufite amikoro nyamara
ubeshya)
Kwiyerekana nk’umukristo nyamara ubeshya
Kwiyerekana nk’ufite ubumenyi runaka nyamara ntabwo ufite
Kwiyerekana nk’uvuka mu muryango runaka nyamara ubeshya
 Kwiyerekana nk’ukora ahantu runaka hifuzwa na buri wese.
 Ingaruka zishobora kubaho ni uko iyo uwirariraga amaze
kumenyekana neza uwo ari we nyakuri, ata agaciro kandi na we
agahorana ipfunwe n’ikimwaro. Urugo nk’urwo rero rubura
ibyishimo n’umunezero.
12
Inkota 2: Guhubukira urushako
Ibi bikunze kuza bikurikiranye n’ihagarara
ry’urukundo umwe yabagamo maze yabona
atandukanye n’uwo bakundanaga agahita
abana n’undi mu rwego rwo kwihimura
cyangwa kwerekana ko yari afite n’abandi.
Bishobora guterwa na none no guhurirwaho
n’impamvu imusaba gushyingirwa byihuse
(Kuba imfubyi bitunguranye, kubona akazi
kamusaba kuba yubatse, gutera cg guterwa
inda itarateganijwe, gufatirwa mu cyuho
cy’ubusambanyi bakamusaba kugumana,
kwakira umurengera w’amafaranga
atunguranye maze agahita yishora mu
gushaka,…)
13
 ❖ Urushako rufatiweho
si kenshi ruramba kuko
buri wese ahorana
ingingimira
z’ibyamubayeho maze
agahorana kutanyurwa
muri we !

14
Inkota 3: Kurohwa mu rushako n’ababifitemo inyungu

Benshi bihindura abaranga ndetse bagahuza

abasore n’abakobwa mu gihe gito cyane.
Birababaje ko benshi babikora babifitemo
inyungu zitandukanye. Muri izo nyungu
twavugamo:
 Kubaka izina (ni igihe umuntu ahuza abasore
n’abakobwa kugira ngo agire isumbwe kuri bo
bajye bamufata nk’umubyeyi)
 Gukorera ibihembo (ni igihe umuntu ashakira
uwamutumye uwo bubakana maze
akabihemberwa)
 Gushimangira ubushuti ufitanye n’umuntu (ni
igihe abantu aba basanzwe ari inshuti maze
umwe akarangira undi uwo bubakana)
15
Urukundo rucishijwe ahandi (ni igihe umuntu wubatse cyangwa
utiteguye gushaka, akunda umukobwa cg umuhungu maze nubwo
atari we babanye, nibura akishima amuhuje n’uwo amuhitiyemo
(“replacement appropriation”)
Inyungu inyuze mu kugwishamo abandi (ni igihe abantu baba bafite
umuntu wananiranye ufite imico iteye inkeke maze bagahitamo
kumushakira uwo babana w’umutima mwiza cyangwa w’imfura muri
byose ngo azamubahindurire. Ibi rero bisa no gutamba ubuzima
bw’abandi)
Kwikuraho umuntu (ni igihe umugabo wubatse aba aryamana
n’umukobwa maze kugira ngo amwikureho, akamurangira
umuhungu akamumushimira birenze ukwemera ndetse akaba
yanabafasha ku mikoro ngo babane. N’umugore ashobora kubikora
ku musore baryamana)
16
 Kumugumisha hafi

Ni igihe umuntu aba afitanye ubushuti n’umukobwa

cyangwa umuhungu maze agahitamo kumurangira uwo
bashakana ku buryo bizajya bimworohera gukomeza ku
mubona. Amwangisha abandi akamuhitiramo abo abona
batazabangamira urukundo rwabo. Ibi bishimangirwa no
kumurangira utifashije, cyangwa udatinyitse cyangwa uciye
bugufi ku buryo urugo bubatse byoroshye kuruvogera. Aba
bagereranwa n’abaharanira kurya agatama k’umukene
nka Dawidi, ubu bugizi bwa nabi bakora Imana
ntizabubababarira.
• Obadiya 1:15 “……….Uko wagenje
ni ko uzagenzwa, ibyo wagize
bizagusubira ku mutwe”
• Inama itangwa ni uko muri ibi bihe
abantu biyoberanya kandi
bagahinduka nk’igicu, aho ubasize
si ho ubasanga, ndetse n’uko
ubasize si ko ubasanga, guhagarika
kugira uruhare mu kubana
kw’abasore n’abakobwa byaba ari
icyemezo cy’indashyikirwa ku
muntu wese ujijutse.
 Icyitonderwa:
• Abahuza abasore n’abakobwa bose si ko baba bafite umugambi
mubisha kuri bo.
• Hari ababikorana umutima mwiza ndetse bifuriza ibyiza abo bahuje.
Bigaragarira mu isano musanzwe mufitanye. Haracyariho abafitanye
isano ya kibyeyi baharanira kandi bifuriza abasore n’abakobwa
iterambere n’imibereho myiza.
• Kristo yahamije ko muri bene abo ntawakwifuriza uwo areberera ikibi.
Mu magambo ye ati “Ni nde muri mwe umwana yasaba ifi, akamuha
inzoka?”
• Imana igumishe mu mibereho y’abasore n’abakobwa abantu nk’aba
nubwo ari bo bake cyane mu isi. 19
Inkota 4: Inkota ziturutse ku basore n’abakobwa ubwabo:

Nkubu koko iyi ndayerekeza kwa

nde ko n’umusore twaryamanye
adashaka kwemera ko ari iye!

Duterana inda
Hari ubwo abakundana baba batarafata neza icyemezo
cyo kubana nyamara hagati mu rukundo rwabo
bagakorana imibonano mpuzabitsina bikabaviramo
guterana inda. Ibi bishobora kurangira bibafatishije
icyemezo cyo kugumana nyamara wenda hari ubwo umwe
yashoboraga kutazaguma muri urwo rukundo iyo ibyo
bitaza kubaho.
 Kwanduzanya indwara
Hari ubwo banduzanya indwara runaka
bikabaviramo guhitamo kwisungana. Iyo Wigiraga ibiki
Ibi bishobora guterwa n’uko buri wese utanyandu se?
Naragushoboye
muri bo yiyiziho gukora imibonano za ntitwari
kubana
mpuzabitsina n’abandi bantu
batandukanye, maze igihe bisanze
bombi banduye, buri wese mu mutima
we akishinja ko ari we nyirabayazana
w’iyi ndwara, ibi bishobora gutuma
babana batarabiteganyaga.
❖ Ingorane zishobora kubaho ni uko
iyo habaye gushakana muri ubu buryo,
buri wese ashobora kubaho yivovotera
ko atari byo yifuzaga, kabone n’ubwo
bitaba kuri bose.
Inkota 5: Guhendwa ubwenge
Kwanga gutaha no kugerekwaho inda
Umukobwa ashobora gukora uko ashoboye
akaryamana n’umuhungu maze akanga
gutaha cyangwa se akamuhenda ubwenge
ko yasamye inda, bityo mu gutinya kwishyira
hanze, hari abahungu mu bumuntu bwabo
bahitamo kubana n’uwo mukobwa.
Nyamara si bose.
Biratangaje ko umukobwa ashobora
kubikora gutya atanatwite cyangwa se
atwite inda y’undi muhungu nyamara ufite
amikoro make cyangwa adashaka.
22
 Gusezeranirwa ibintu runaka
nuramuka ushakanye n’uyu
cyangwa uyu!
Ingaruka zishobora kuba ni
iy’uko nyuma yo guhumuka no
kubona ko habayeho
guhendwa ubwenge, umwe mu
bashakanye abaho atanyuzwe
n’urushako ndetse akarwita
ibyago yahuye na byo.
23
 6. Gukurikira imitungo
•Ibi bikunze kubaho igihe umwe mu
bagiye kubana arehejwe n’imitungo
iri ku ruhande rw’uwo bagiye
kubana. Ibi ntibyitwa urukundo
ahubwo byitwa ubucuruzi.
• Ingaruka zishobora kuba ni uko
iyo uwo mutungo utabonetse mu
buryo bwifuzwaga, hashobora
kwaduka amakimbirane
n’umwiryane muri uwo muryango
.
ADD A FOOTER 24
 7. Inyigisho z’ibinyoma n’abiyita
abahanuzi baza bashuka abakobwa
n’abasore ngo “Imana yavuze ibi
cyangwa ibi, yakurokoye urupfu rwari
kuguhitana kugirango ubane na
nyiranaka cg kanaka”
(Yeremiya 23:25 Numvise ibyo abahanuzi
bavuze, bahanurira ibinyoma mu izina
ryanjye ngo ‘Nareretswe, nareretswe.’ 26
Ibyo bizahereza he kuba mu mitima
y’abahanuzi bahanura ibinyoma,
abahanuzi bahanura ibihimbano
by’imitima yabo ibeshya?)
25
 Abazakubwira ko Imana yabagutumyeho
uzabahakanire kuko aho uba irahazi. Ni yo
ikubeshejeho kandi ni yo ikurindisha Ubuntu
bwayo. Ibyakozwe 17:27 “………kandi koko ntiri kure
y’umuntu wese muri twe,…….”
Iyo umuntu ayobejwe n’izi nyigisho z’ibinyoma
bikamuviramo kwisanga mu rushako atifuzaga,
arabirinduka agatuka Imana ndetse akazinukwa
abantu bose basenga n’abavugabutumwa.
26
8. Kubura andi mahitamo bitewe n’ibihe urimo:
Benshi bagwirirwa no gufatiranwa mu bibazo
barimo maze bakisanga mu rushako rutameze
nk’urwo bifuzaga. Hari inkuru nyinshi zivuga
neza ukuntu abantu bamwe na bamwe bagiye
bahungira ahantu bikabaviramo gushakana
n’abo muri uwo muryango bahungiyemo
cyangwa muri ako karere. Mose yashakanye
n’umugore w’umwiraburakazi wo kwa Yetiro
ndetse na Yozefu yashakanye n’umukobwa ufite
se wari umutambyi w’bigirwamana bya Falawo.
❖ Nubwo bitaba kuri bose, ariko urushako
rukozwe muri ubu buryo rukururira abarurimo
mu mwiryane no kutishima.

27
 ESE IGIHE WISANZE MU
RUSHAKO UTIFUZAGA
BITEWE N’INKOTA WITWAJE
WOWE UBWAWE CYANGWA
IYO WAHAWE N’ABANDI
WAKWITWARA UTE?

28
 1) Rekeraho kwamamaza akababaro kawe mu bantu
bose, ahubwo ubimenyeshe abafite ubunyangamugayo
bwo kukumva no kugufasha gusenga.
• 2 Abakorinto 1:8 “Bene Data, ntidushaka yuko mutamenya
amakuba yatubereyeho muri Asiya, ko twaremerewe cyane kuruta
ibyo dushobora ndetse bigatuma twiheba ko tuzapfa,”
• Urebye neza iri somo, bishoboka ko mu mizo ya mbere abantu
bose batamenyeye rimwe ibibazo intumwa za Kristo zagize muri
Aziya. Bishoboka ko habayeho kwibaza impamvu abantu
babihishwe. Nibwo Pawulo yabahishuriye ati “Bene data,
Ntitwashatse kubibahisha…….” Ijambo bene data rihishura ko
yabibwiye abo aziko bafitanye amabanga menshi bahuriyeho
29
 2) Baza Imana umugambi
igufiteho muri urwo rushako
• 2 Abakorinto 4:8 “Dufite amakuba impande zose ariko
ntidukuka umutima, turashobewe ariko ntitwihebye”
• Tugendeye kuri iri somo kudakuka umutima no kutiheba
ni ibimenyetso simusiga bihamya ko ugifite ibyiringiro ku
Mana.
• Aho gusenya urugo wamaze kugeramo, baza Imana
impamvu yabonaga ko ugiye kugwa mu mutego,
ntibihagarike.
30
Mbese Imana yemeyeko winjira muri urwo rushako,
ni umutwaro yakugeretseho ngo wikorere cyangwa
ni umuhamagaro yaguhaye ngo uyikorere? (Kubera
imiryango, imyumvire ya Labani yo kudashyingira
umukobwa muto mbere, Leya yisanze yashakanye
na Yakobo batarigeze bakundana, kuko Yakobo
yakundaga Rasheli. Ariko Leya yakomotsweho
n’imwe mu miryango itanu ya Isirayeli)

31
 Icyo dukeneye si akanya gato
twafata turi imbere ye, ahubwo
buri wese ku giti cye akeneye
kwibonanira na Kristo, akicara
ahasi agashyikirana nawe.
Ntitugomba gusengana
gushidikanya, umutima ufata impu
zombi, ahubwo tugomba
gusengana ibyiringiro bishyitse
twizeye. Nituyisanga muri ubwo
buryo, Yesu azumva gusenga
kwacu, maze adusubize ariko
nidukomeza igicumuro mu mitima,
nidukunda icyaha, tumenye ko nta
migisha tuzahabwa nk’igisubizo
cy’amasengesho yacu, The Bible
echo, September 24, 1894
 Nabonye uko umuntu ashobora guhabwa ubu buntu. Jya
ahiherereye mu cyumba cyawe, maze uri aho wenyine winginge
Imana uti: "Mana, undememo umutima wera: unsubizemo
umutima ukomeye," Sengana umwete kandi ntugire icyo usiga.
Gusengana umwete bitsinda byinshi. Kora nka Yakobo maze
ukirane mu isengesho. Shengurwa n'umubabaro. Mu gashyamba
Yesu yavuye ibyuya by'amaraso; nawe ugomba gushyiraho
umwete. Ntukigere uva mu cyumba cyawe utarumva ko ukomeye
mu Mana, Bityo, ba maso, kandi uko uba maso ukanasenga
ushobora gutsinda bitero ugabwaho, kandi ubuntu bw'Imana
buzagaragarira muri wowe.

Ubutumwa ku basore, P.115 33

 3) Igira ku ba kera
• NABALI NA ABIGAYIRE 1 Samweli 25:3 “Uwo mugabo yitwaga Nabali,
n’umugore we yitwaga Abigayili. Uwo mugore yari umunyabwenge
kandi w’uburanga, ariko umugabo we yari umunyamwaga w’inkozi
y’ibibi, yari uwo mu muryango wa Kalebu.”
• *(umugore w’uburanga kandi w’umunyabwenge n’umugabo
w’umupfapfa kandi w’inkozi y’ibibi ikirushijeho kuba kibi ngo yari uwo
mu muryango wa Kalebu wa muntu w’Imana)*
• Nta gushidikanya uru rugo rwari rwubatse mu manegeka nyamara
Abigayile ntiyarusenye agendeye ku Mwuka wari muri we. Imigani 14:1
“Umugore w’umunyabwenge yubaka urugo rwe, nyamara umupfapfa
ararusenya” 34
 4) Hitamo kutazasubira inyuma
• Umurongo wa 36: Abigayile amaze guhosha
uburakari bwa Dawidi, yisubiriye kwa Nabali mu gihe
ab’iki gihe ahita yahukana. Yasanze yakoze ibirori
nk’iby’Umwami kandi ari umuturage wo hasi;
abagabo b’abapfapfa ntibatana no kwifata uko batari.
• Mu bwenge bwe yakomeje kumwihanganira kugeza
igihe Imana ubwayo yahagaritse ubuzima bwa Nabali
kuko yari ikigoryi.
35
 5) Itegure kwakira imigisha
myinshi
• Umurongo wa 42: Kwihangana kwatumye
amaherezo Abigayile ahinduka umugore
w’Umwami Dawidi (Hano sinkubwiye ko
umugabo cyangwa umugore mubi azapfa,
ahubwo ndakubwira ko kwihangana ari ko
kuzaguhesha kuba umugeni w’Umwami
w’abami ari we Kristo)
36
 • Benshi mu basore
n’inkumi bagiye
bakururwa n’ibyo
babonesheje amaso
yabo ku bakunzi,
amagambo aryoshye
n’ibindi maze
biragenda byitekera
mu bitekerezo byabo.
• Uburanga nibwo
bwagiye bureshya
imitima ya benshi mu
guhitamo abakwiye
kubabera abafasha
 • Ariko kuko
itabaza ry’umubiri
ryacuje umwijima
ryatumye
urugendo rwabo
rusoza nabi maze
imibereho yabo
isaya mu mwijima
w’icuraburindi.
 • Nicyo gituma
tubona
imiryango
isenyuka buri
munsi.
• Ubwicanyi mu
miryango
bukiyongera.
• Abana bakabura
kirera.
• Ibyo ubona byose siko
ari zahabu.
• Amagambo ubwirwa
buri munsi siko yose
mu kuri avuye ku
mutima ugukunda koko.
• Shishoza urebe
wongere ugenzure
wibaze niba aho
uhagaze ariho ijuru
rikwifuriza
 “TURAGOSWE”
Duhora dukirana n'imyuka mibi ifite
uburambe n'ubunararibonye bw'imyaka
myinshi mu bibi no kuyobya.
Kandi akazi kayo ni ako, amanywa
n'ijoro kugira ngo bemeze neza ko
baguhejeje mu mwijima kuzageza ku
munsi wa nyuma.
 Nyamara uko byakomerera
umuntu kose, gucumura ni
igikorwa cyacu ubwacu. Isi ndetse
n'ikuzimu nta mabaraga bifite zo
guhatira umuntu uwo ari we wese
gukora Ibi. Satani adutera aturutse
aho dufite intege nke, ariko
ntabwo dukwiriye gutsindwa. Uko
twaterwa bikomeye cyangwa
bitunguranye kose, Imana
yaduteganyirije ubufasha kandi
Ubutumwa ku basore, p.51 mu mbaraga zayo dushobora
kunesha.