BMA AW

An Official Organ of The Bangalore Mizo Association Registered Under Societies Act of Karnataka No. BLU-S188-2007-08 Date 7 May 2007
Vol. XVII Issue No. 21 Bangalore Mizo Association Pathianni Tin Chhuak Chanchinbu Date: 4th September 2011 Phek Khatna

TUALCHHUNG
&& Kan Treasurer Nl. Thaarie Hnamte pawh Hyderabad lamah International Machine Tools Exhibition neihnaah business meeting neiin a kal. A tum anga a awm theih chuan tukin hian a lo thlen beisei a ni. Finance Secretary Nl. Jenny Vanlalpari pawhin a chenna hmun a sawn. Assistant Secretary Tv. Carey pawh Mizoram lamah chawlh hmanga a haw hnuin tluang takin a lo haw thla leh ta.

Vangpui Kut 2011

Ropui Taka Hman Tum A Ni!
Kumtina kan lo hman chhoh thin Kutpui nuam tak Vangpui Kut chu kumin hian hman leh tura ruahman a ni. Kumdangah pawh nuam tak leh hlim takin kan lo hmang tawh thin a, kumin pawh hian chuti ang aia nuam leh hlima hman tum a ni. Vangpui Kut chu October ni 6 (Ningani) leh ni 15 (Inrinni) ah hman tura ruahman a ni a, a buaipuitu sub-committee te an tang nasa tan hle ani. 6th October hi Ningani a niin chawlh a ni a, 15th October ah hian Kut Ni hman tum a ni. Hengte hi kan infiamna tura ruahman chin te an ni e - Volleyball, Basketball, Tug of War, Balloon Shot-put, Football Passing, Lawngkar, Arm Wrestling, Insuknawr, TT/Badminton, Water Race, Inkhawibah, Opposite Shotput, Slow Motion Race, etc. Vangpui Kut kan hmanna tur atana items chi hrang hrang ruahman lawk te ilo thlir teh ang Cultural Items: 1. Essay Writing Thupui: Mizote leh Thianghlimna. Thehluh hun hnuhnung atan October ni 9, 2011 a ni. 2. Solo Mipa: A teuh lo mai (Sanglura hla) Hmeichhia: Aw Zoram nuam suihlung phang lo la (Daduhi hla) 3. Hla phuah: Sual dona lampang hla Essay leh hla phuah a pakhatna te hi Chhinglung Magazine-ah dah telve an ni ang a. Tin, Chheih lam intihsiak hlimawm tak mai kha a awm leh anga. Kan la neih ngailoh Comedian Search pawh Section tin atangin pahnih theuh neih theih tura ruahman a ni. Heng bakah hian chanchin chiang zawk chu remchang veleh kan rawn tarlang dawn nia. ----------------------------------------------------------------------------------Bangalore: Tunlai Ganesh festival lai a ni a. Bangalore-ah pawh Hindu sakhaw bia ten an pathian Ganesh milim chu tuiah paih a ngaih avangin kawng zawhin nasa takin an ti a. Vawiin Pathianni pawh hian Ulsoor lama kal turte tan chuan traffic a tawt deuh dawn avangin kalkawng danga kal a him hle ang. Hetih laiin an milim pathian paih chuan Bangalore a tui (a bikin dil tui) te a ti bawlhhlawh nasa hle mai a. Tunah pawh heng an pathian cheimawina atana an rawng leh hlo chi hrang hrang an hman chuan pollution a siam nasa hle ani tih BBMP chuan an sawi. An sai pathian hi Sankey tank ah leh Ulsoor dil ah an paih tlangpui a, heng an paihna hmun te hi tunah chuan lead tuia awm thei chin bak let 4 laiin a tam phah tih MES College a Chemistry zirtirtu Proffesor C. Anantha chuan a sawi.

Article a ziah theih e!

Kuminah Chhinlung magazine tihchhuah leh tum a ni. Zofate leh hriselna tih chu thupui a ni dawn a. Ziak theuh turin kan sawm a che u. Article te chu chhinlung2012@gmail.com ah emaw kan hruaitute hnenah emaw kan pe dawn nia. && K.L.E. College-a Mizo Zirlaite chuan 30th August 2011 khan Fresher Social hlimawm tak hman an hmang. College thenkhat pawhin freshers day an hmang nual a, chutih lain kar kalta chho khan Farewell party hmang pawh an awm nual.

BMCF INKHAWM
11th September 2011, 3:00pm
Hruaitu: Rev. H. Lalthlamuana Tantu: Tv. Lalawmpuia Zote Thawhlawm: Pu James Lalnunhlua Special No.: Nl. Lalrokimi Pachuau Thuhriltu: Rev. LH Rawsea Changvawn: Galatia 6:15 Siamthar lehna chauh lo chu

Vol. XVII Issue No. 21 Bangalore Mizo Association

Editor Mdawnga Hauhnr Joint Editors Dr. Lalhmingmuana Sailo MC Zirsangzela Contributor Amos Lalremtluanga Circulation Managers Lalnunfeli A.Hmingthanzuala BMA AW lak man: Thla khat Thla thum Thla ruk Thla sawmpahnih Rs.20 Rs.50 Rs.90 Rs.180

Pathianni Tin Chhuak Chanchinbu

Date: 4th September 2011 Phek Hnihna

Kan Hruaitute Chanchin tlem

- BMA News Network

President: Rev. H. Lalthlamuana

Kum 1966, June ni 29 ah a piang a, an khua chu Tawipui South a ni. Baptist Church of Mizoram hnuaia Pastor hna thawk a ni a. Tunah hian United Theological College ah D.Th (Christian Ministry: Counselling) a zir mek a, S. Vanlaiphai a mi nula hmeltha tak Laltlansangi chu nupuiah neiin tunah hian an fate 4 nen an chhungkuain Nandidurg lama UTC quarter ah an khawsa mek a ni. Kan ram leh hnam hmasawnna tura thil pawimawh ni a a hriat thenkhat chu Ngaihtuahpeihna, Thawhrimna leh dikna te hi an ni a ti a. Heng hi a bul tanna atan an pawimawh ber niin a hria. Hmasawnna tur kawng hrang hrangte sawi tur tam tak zingah heng thil pathum atang lo chuan engmah tihpuitlin theih an ni chuang lovang tih hi chu a rindan deuh a ni. Tin, majority Christian kan nih tlat avangin Kohhran kalphung leh hmalakna a fuh loh chuan hmasawn dan dikin hma kan sawn theihin a ring lo a. Kohhran hian mihring dik tak buatsaih a Pathian Ram tinzawna rawngbawlna kan kalpui a tul hle ani tih hi a ngaihdan a ni bawk. Bangalore Mizote tana a thuchah duh pakhat chu "be positive" tih hi a ni a; chu chu Paula'n hmangaihna chung changah (1 Kor. 13) "sual lamah a ngaihtuah lova" a tih ang kha a ni ang chu a ti ani.

E-mail: bmanews@gmail.com Website: www.bangaloremizo.info

I mobile-ah khan JOIN BloreMizo tih type la, 567678 ah thawn rawh. Bangalore Mizote tana Hriattirna leh thutharte ilo dawng thin dawn nia.

Editorial

Mi dawihzep ka ti
Mizote hi hmanlai chanchin kan hriat danah chuan mi rinawm, mi huaisen, tlawmngai leh thian chhan tih ngam ni a hriat kan ni, hei hi kan hnamzia ni hiala sawi thin a ni. Tun dinhmunah hian heti ang zia hi Mizote hian kan la nei reng em, a la tangkai hle em tih hi ka ngaihtuah thin. Mi rinawm mi huaisen niin kan in hria em? Pathian tana huaisen leh rinawm nilo hian kan mihring pui tute emaw tan thil dikloah pawh rinawm leh huaisen kan nih theihna a tam ka ti. Tlawmngaihna hi kawng tam takah kan tlawmngaihna neih hian min ti hmasawn lo. Kan tih theih leh thiam thil te chu khawiah pawh aw ka ti thei i ti ngam ang. Hnamdang karah ngat phei chuan kan tlawmngaihna thenkhat hian mi dawizepah min chhuah thei. Awle, mi hausa leh thil ti thei zawk te hmaah kan inzuar a ni ta deuh ber ta thudik tan ngam, duhloh zawng a nih chuan sawi kual mai mai loa a sawipui tur dik takte sawipui ngam i ni ang.

Rev. R. Lalthanmawia hi 4th May 1962 khan Lunglei khuaah a lo pianga. Serkawn nula hmeltha tak Lalthanpuii chu nupuiah neiin tunah hian fa 5 an nei a, Nandidurg lama UTC quarter ah an chhungkuain an khawsa mek. United Theological College ah D.Th a zir mek a. Ani hi Baptist Church of Mizoram hnuaia Pastor niin, chu mai bakah Speaker te niin rawngbawlna vawi tam tak Zoram hmun hrang hrangah a lo nei tawh a ni. Infiamna lam a tui em em mai a, chumai niloin rimawi lam te hla phuah lam te pawh tui leh thiam tak a ni bawk. Kan ram leh hnam hmasawnna atana thil tangkai leh pawimawh ni a a hriat tam tak zinga pakhat chu Pathian tihna Dik hi a ni a ti. Mizote hi a hu ho chuan Pathian thu duh leh buaipui fo tute kan ni a, a huho chuan kan tha fu in a lang. Mahse Pathian tihna tak tak nun mahni nun theuhva lantir kawngah kan hniam hle in ka hria a ti a. Midangte hmuh phak leh hriat chinah kan lang mam pur a, mimal nun hmuh loh chinah (Pathianin min hmu vek si!) chuan Pathian tihna nunin min hneh lo hle niin a hre bawk a ni. Bangalore Mizote a thuchah duh tam tak zinga pakhat chu Inpumkhatna ani a. Hemi tichhe thei tur zawng lakah hian fimkhur theuh i la, Inpumkhatna tichhe thei tu hmanrua (phek thumnaah chhunzawm a ni)

Vice President: Rev. R. Lalthanmawia

The great hope of Society is Individual Character

Vol. XVII Issue No. 21 Bangalore Mizo Association Pathianni Tin Chhuak Chanchinbu Date: 4th September 2011 Phek Thumna

(phek hnihna chhunzawmna) hrang hrang lakah chuan inthiar fihlim theuh bawk ang u tiin, Pathianin Mizo hnam tlemte hi Amah chauh ringa Inpumkhatna tha tak neia cheng ho tur leh a ram (mimal/pawl ram zauna ni lovin) zauna atan chauh Thawkho turin min duh tih i hre reng ang u tih chu a thu min chah duh a ni. ******************************************

China in hetiang an siam hma fe hian Roman ho khan Italy ah pasta hi an siam tawh thin an ti bawk. Engpawhnise, an mahni ram ve ve ah hian an siam ve ve niin a lang ta ber. ---------------------------------------------------------------

Dan leh Hrai

K. Remruatfela, KLE

Anticipatory Bail
Ignorantia Juris non excusat, dan hriatloh hi chhuanlam a tling lo kan lo tih fo thin tawh angin mitin hian kan dikna leh chanvo/tih tur hriat hi khua leh tui kan nihna anga kan mawhphurhna a ni a. A zavaiin kan hre vek seng lo pawh a ni thei. Amaherawhchu, a tlanglawn leh Chanchinbu vela kan hmuh ngun zual thenkhatte hi chu kan hriat ve zul hi a tha. Chuvangin, tun tumah pawh, mi tam takin VIP te hamthatna bik ti-a an lo sawi fiam hial thin, Anticipatory Bail chungchang hi a awmze tlangpui a tawi famkim thei ang bera tarlan ka lo tum ve ang e. Thil tisualtute (misualte ni lovin) hrem dan tur chipchiar tarlanna Cr.P.C. an tih mai Sec. 438 chuan man hmaa bail theihna an tih mai, Anticipatory bail dil phalna khua leh tute hnenah a pe a. Chutianga miin an dilna tur chu Sessions Court-ah emaw High Court-ah emaw an theh lut tur a ni. Chutianga miin dilna a theh luh chuan Court khan a lo register ta a, Public Prosecutor kha hriattirna pein engvangin nge an dil anga anticipatory bail pek a nih lohna tur chhan hrilh turin a ti a. A rei lo berah chawlhkar khat tal Public Prosecutor kha Court chuan hun a pe tur a ni. Tin, dilna kha ngaihtuah a nih hma chuan a diltu kha khami case-ah khan man rih loh tur tiin Court chuan thuchhuah a siam thin a, chu chu interim bail an ti bawk thin. Kan chanchinbu thenkhatten hetianga interim bail Court-in a siam hian, bail-in an chhuah, bail an phal, tia sawi ta mai tawk an awm fo thin, an hriat sual palh vang niin a lang. Court pawhin a dilna zawng zawng pek ngawt chi a ni lo va, a diltu kha dik lo taka an puhin emaw dik lo deuha thubuai an siamsak emaw, a diltu kha tlan bo tur chi ni lo leh thubuai an chhui lo tibuai thei tur ang chi-a a ngaih loh chauhin anticipatory bail hi pek tur a ni thung. He bail lo dil lawk theihna hi mi rethei bakberh te te te chuan an hmang tangkai lo khawpin, mi lian leh mi challangte chanpual chauhah kan ngai ta emaw ni a tih theih rum rum ta a. Hei kan legal system ziarang pawh a tarlang chiang hle awm e. Mitinte chanpual a ni si a ##

Science/Technology, etc
Aigupta miten thih hnu nun an ngai pawimawh. Aigupta mite khan thih hnu a nun awm leh tih hi an ringnghetin an ngai pawimawh hle mai a, chuvangin mi an thihin an taksa chu tha taka vawn tur niin an ngai hmiah mai a, chuti anga vawn that chu an thih hnu a an nun kawng atan a pawimawh niin an ring tlat bawk. Mitthi an vawn dan mummification hi hmanlai a Aigupta mite bul tan a ni a, heti anga mitthi an sawngbawl chhung hi a rei thin hle a, ni 70 chhung a ni tlangpui thin a ni. Chuti anga mitthi dahthat tura an siam chu Mummy an ti. Mummification hi an puithiam ten an ti ber a. Mi an thihin an bualfai vek a, chumi hnuah an kawchhung a mi lung(heart) tih loh chu an la chhuakin an paih vek a. An taksa chu an hnawhpuar ta a, taksa hnawng lo hip reng thei tur eng thil emawin pawn lam chu an tuam bawk a. Chutia an tih zawh atanga ni 40-50 velah chung thilte chu an tifaiin an paih leh vek a. An kawchhungah chuan thingzai nawi an dah a, pawn lam chu puan nem takin an tuam ta bawk thin a ni. Chuti anga an tuam zawh chuan lung kuang an siamah an dah ta a. Chuti anga an tih chuan mitthi khuaa tha taka zin turah an ngai. Aigupta mite hian thih hnua nun chu nuam takah an ngai a. An rindanah chuan mitthi chuan Nile lui a kal tlang a, chu Nile lui kaltlang nan chuan lawngah chuan a ngai a, an dam laia thil tha ti leh mifelte chuan thutna (seat) an chang bik thin a ni tiin an ngai. Khawi nge awm hmasa ang? Khawi zawk nge lo awm hmasa ang Italian spaghetti nge Chinese chow mein? Mi thenkhat chuan noodle siam dan thuruk hi Marco Polo khan China atangin Italy ah a hawn e an ti a, a then chuan

Vol. XVII Issue No. 21 Bangalore Mizo Association Pathianni Tin Chhuak Chanchinbu Date: 4th September 2011 Phek Lina

NGENNA
Synod Higher Secondary School, Aizawl chuan nakum 2012 May ni 12 hian Golden Jubilee ropui taka lawm a tum a. Hemi ni denchhena Golden Jubilee Souvenir-a chhuah turin he sikula lo pass chhuak tawh zawng zawngte hming, a theih chin chin tarlan duh a ni a. Bangalore Mizote zinga he sikula lo lut tawh kan awm a nih chuan khawngaihin Tv. K.Remruatfela (Mob.9036515569) hnen-ah kan hmingpum/batch/zirlai/hnathawh etc. thawnin September thla ral hma ngei hian kan inhriaittir theuh dawn nia.

title hum ngei tum in Athletico Madrid goal keeper David de gea, Ashley Young, Phil Jones te an la lut a, season hmasa a loan a Sunderland a khel Danny Welback pawh an la let bawk. Tun summer ah hian 57.7 million an seng ve thung a ni. Kum dang ngaihtuah a thawm nei em em lo Chelsea chu ngawi reng in pawisa hmang tam ber pawl an ni leh tho. Juan Mata, Romelu Lukaku, Raul Mereilles, Oriol Romeu, Lukas Piazon, leh goalkeeper Thibaut Courtois te lei nan 88.7 million an seng ani. Tin, kum 1992 atanga English Premier League tih hming a put tak hnu a la champion miah lo Liverpool chuan team hlauhawm ber pawl ni tur in, Charlie Adam, Henderson, defender Sebast Coates, Brazillian keeper Doni, leh an player hlui Craig Bellamy te lak luh nan 69.1 million an seng bawk ani. Abhu Dhabi United football club ti a an koh fiam, kum 2008 a Abhu Dhabi group in an lei hnu a sum chelek tam ber la ni deuh ziah Manchester City chuan tun tum a sum seng tam ber ni turin, Sergio Aguero, Samir Nasri, Gael Clichy, Stefa Savic te la lut in 82 million an hmang ral ve thung. Romanian goalkeeper Costan Pantilimon leh Owen Hargreaves te pawh loan leh free transfer in an la lut. Tottenham Hotspur pawn an key player Luka Modrid leh Van der vaart te la hum thei in Scot Parker chu Wes Ham atangin an la lut bawk ani. MC Zirsangzela English Premier League: 10th September 2011 a inkhel tur thenkhatte: Arsenal vs Swansea 7:25pm Manchester City vs Wigan 7:25pm Sunderland vs Chelsea 7:25pm Wolves vs Tottenham 7:25pm Bolton vs Manchester United 9:30pm English Premier League point dinhmun:
(as on 4th September 2011, 08:00am)
Position 1 2 3 4 5 6 7 8 9 10 Club Manchester United Manchester City Liverpool Chelsea Wolves Newcastle Aston Villa Wigan Athletic Stoke City Bolton Played 3 3 3 3 3 3 3 3 3 3 GD +10 +9 +4 +3 +3 +2 +2 +2 +1 +1 Point 9 9 7 7 7 7 5 5 5 3

Kan Incheina
Thufing pakhat chuan a man is known by his dress a ti. (Man hi mihring sawinaah lo ngai ta ila ). Kan inchei dan hian kan nihna tam takin a sawi tih hi mithiam te hriatdan a ni. Kan incheiin a hun leh a hmun a zirin inchei ila, a boruak awmdan a zir te in ngaihtuahna hmang thiam ila kan incheina chu a mawi a lo ni mai ni. Chumai niloin Hmelthatna leh finna tluka in kawm ngaih tur an awm chuang dawn em ni!!

INFIAMNA
Last hour transfer drama: EPL Report
Anih dan pangai te in European football transfer market window an han khar dawn tak meuh chuan club lian ho an che nasa leh hle mai. Kan en tam ber leh sum tam na ber English premier league han thlur bing ila. (Kar hmasa a kan lo tarlan tawh ho kha tel lo in.) Tun summer transfer market a EPL clubs hrang hrang te pawisa hman zat chu 485 million (US$786 million) vel an seng a chhut ani. India pawisa chuan Rs 3600 crore dawn thuak ani e. F.A in Club tin te tualchhung players te la lut tam tur a dan angreng deuh a siam EPL home grown players rules tih chu a hlawhtling thawkhat viau a ni ang tun transfer chhunga English players bik lei nan 165 million hman ral ani. Club langsar zual bik te ho han tarlang ila. Pawisa hman an huai loh vang leh, established world class player an lak luh thin loh avanga sawisel leh dem hlawh Arsenal chuan a last minute ah players pali lai an la lut. Andre Santos leh defender ft 66 lai a sang Per Mertesacker an la lut a, Chelsea atangin Benayoun chu loan-in an la lut bawk. Tin, an player lak luh tum thin Mikel Arteta chu Everton atangin an la lut bawk. Tun summer ah hian arsenal hian a pumpui ah 60.7 million a seng ani. Season hmasa a champion Manchester United chuan an