ასტიგმატიზმი
ასტიგმატიზმი — თოლიშ სინთემატახუ აპარატიშ დეფექტი, ნამუთ გჷმოჭანაფილი რე ქაბაკანიშ დო უმოსი ოშა-გოშათ, ბროლიშ ჟიპიჯიშ ვაწორწი სიღულანეთ. ართ თოლს ამეტროპიაშ შხვადოშხვა სახეშ, ვარ-და ართი სახეშ ამეტროპიაშ შხვადოშხვა ხარისხიშ მესვარუა[1].
ასტიგმატიზმი რე ჟირი თარი ურთიართპერპენდიკულარულ მერიდიანს არძაშე ჸონიერი დო არძაშე დაღარი გინმატახალი უნარი. თეშ შედეგო თოლიშ ბადეს მიღებუაფუ ბარჟღილი დო მოლანდღვე ემნახანტეფი. კანკალეშა ასტიგმატიზმი ივითარებუ ოპერაციაშ, ქაბაკანიშ ლახარეფიშ, თოლეფიშ ღამაკუეფიშ უკული. გიშმართჷნა ასტიგმატიზმიშ გეჸვენჯი სახეეფს: უკაჭული ასტიგმატიზმი: – ართ–ართ თარ მერიდიანს ემეტროპია, მაჟირას – მიოპია ვარ-და ჰიპერმეტროპია; რთული ასტიგმატიზმი – ჟირხოლო თარ მერიდიანს ართნერი სახეშ ამეტროპია, მარა შხვადოშხვა ხარისხიშ; მესვარილი ასტიგმატიზმი – ართ–ართ თარი მერიდიანს რე მიოპია, მაჟირას – ჰიპერმეტროპია[2].
მახორობაშ ართ ნაანთხალს რე თ.ჯ. ფიზიოლოგიური ასტიგმატიზმი (0.5 D), ნამუთ ვათხულენს ინოკათუას, მარა ასტიგმატიზმიშ დონე 1.0D-შე უმოსი ქორე-და, თენა გაულას იღვენუას თოლსინთეშა დო ოხვილური რე კორექცია. ასტიმატიზმიშ დიაგნოსტირება შხირას ხვადუ ბაღანეფს დოხოლაფირო ჟირი წანაშ ხანს თოლსინთეშ პროფილაქტიკური გოჯინაშის.
სიმპტომეფი
[რედაქტირაფა | წყუშ რედაქტირაფა]ასტიგმატიზმიშის უჩქჷ თოლს რკება, კანკალეშა მეკონეფიშ მოლანდღვ ძირაფა, მუშობაშის თოლიშ მალასიანი შულადა, დუდიშ ჭუა. გიმორკვიაფაშის რე თოლიშ გინმატახალ ნძალეფს გინორთი შხვადოშხვა მერიდიანეფს. დიაგნოზი გეპონუ რეფრაქციაშ გოთანჯუაშის თარ გინმატახალ მერიდიანს.
კურნალუა
[რედაქტირაფა | წყუშ რედაქტირაფა]შხირ შვანს ასტიგმატიზმიშ სიმპტომეფი თიშნერი უნიშული რე, ნამჷ-და კურნალუას ვახვილჷ. ასტიგმატიზმიშ კორექციაქ მუში ბორჯის ვამოხვადუ-და, თინა პროგრესირებას აგჷნძორენს დო სერიოზული გოუფრაშაფა შილებე გიმიჭანუასჷნ. კორექციაშ არძაშე მოდვალირი ფორმეფი რე: ოთოლე, ლინზეფი, ლაზერული კორექცია, ქირურგიული ოპერაცია დო შხვა.
დიაგნოზირება
[რედაქტირაფა | წყუშ რედაქტირაფა]ასტიგმატიზმიშ დიაგნოზირება თოლსინთეშ რუტინული გიმორკვიალათ შილებე. თე გიმორკვია თოლეფიშ ფოკუსირებაშ უნარს ამოწმენს დო ძალამ შანულამი რე არძაშო, ანდანე კანკალეშა ასტიგმატიზმიშ დიაგნოზირება წანეფიშ გოძვენას ვემიხუჯინუაფუ, ნამუქჷთ შილებე კითხირიშ დო კონცენტრაციაშ უნარშა უარჸოფურო გაულა იღვენუასჷნ.
რესურსეფი ინტერნეტის
[რედაქტირაფა | წყუშ რედაქტირაფა]- ასტიგმატიზმი
- მუ რე ასტიგმატიზმი
- [1] Archived 2007-06-28 ვებ-ხასჷლას Wayback Machine.
- [2]
სქოლიო
[რედაქტირაფა | წყუშ რედაქტირაფა]- ↑ Facts About Astigmatism (October 2010). დოარქივაფილი რე ორიგინალშე 2 October 2016-ს. კითხირიშ თარიღი: 29 September 2016.
- ↑ (June 2009) „Development and treatment of astigmatism-related amblyopia.“. Optometry and Vision Science 86 (6): ხს. 634–9. DOI:10.1097/opx.0b013e3181a6165f. PMID 19430327.