ნოღა
| შილა
|
გერბი
|
|
|
|
ბრემენი (ოფიციალური ჯოხოდვალა — დუდიშული ჰანზაშ ნოღა ბრემენი; გერმ. Stadtgemeinde Bremen) — გერმანიაშ არძაშე მორჩილი ფედერალური დიხაშ ნანანოღა. VIII ოშწანურაშ დალიას, მაფა კარლოს დიდიქ ქჷდარსხუ ნოღა, მუჭოთ ეპისკოპოსიშ რეზიდენცია. XIII ოშწანურას, ბრემენქ ქაკათჷ ჰანზაშ რსხუს დო მიღჷ დუდიშული ოიმპერიე ნოღაშ სტატუსი. არძა ადამიერი, ნამუთ ნოღას 1 წანას დო 1 დღას ქჷდოდირთჷდნჷ, დუდიშული მენოღალეთ იკოროცხუდჷ. ბრემენი დჷთმოჸუნდჷ ხვალე წიმინდე რომიშ იმპერიაშ იმპერატორს. XVII ოშწანურას, ბრემენქ ქაკათჷ შვედეთის, XVIII ოშწანურას, ნოღა გეჭოფუ ჰანოვერქ, 1810 წანას ქჷდიჸუნუ საფრანგეთიქ, ნაპოლეონ ბონაპარტიშ ჯარეფშე ნოღაქ გედუდიშულჷ რუსეთიშ ჯარიშ გერმანალი გენერალიშ ბარონ ფრიდრიჰ კარლ ფონ კეტენბორნიშ დუდალათ. მაჟირა მოსოფელიშ ლჷმაშ ბორჯის, ნოღას ნაცისტეფიშე წიმინდანდეს ამერიკაშ ოურდუმე დჷნართეფი. 1955 წანაშახ, ბრემენიშ ონომრე შანეფი რდჷ ასოეფი HB (ჰანზაშ ნოღა ბრემენი). ნოღას ჸუნს დორხველი სენატი, სენატიშ პრეზიდენტი, მინისტრეფი დო ბურგერშაფტი (პარლამენტი). ბრემენიშ ართ-ართი თარი ოქინაფუ რე - წიმინდე პეტრეშ ოხიდა, ნამუთ გინმაჯინე ბრემენიშ თარ მოედანს ვითოჟირ ოშწანურა რენ, ქუაშ ოხიდაშ აკოგაფაქ 1042 წანას დიჭყჷ, მორო თეიშახ ხოლო გედგჷდჷ ჯაშ მორჩლი ზჷმაშ ოხვამე. ბრემენიშ ცენტრალურ შოშეს 600 წანაშე უმოსი რე გედგჷნჷ ბრემენიშ დუდიშულაშს სიმბოლო - აიარი როლანდიშ ნოჭახნაკუ. როლანდი რდჷ კარლოშ დიდიშ ართ-ართი ლეგენდარული აიარი, მიარე შხვადოშხვა თხობელუეფიშ დო არიკეფიშ გერგეზი. ბრემენს გედგჷ თიშ ვითმეტრიანი ნოჭახნაკუ. ბრემენიშ მახორუეფშო როლანდი ოჸოროფე გერგეზი რე, ნამუთ ობურჯუდჷ ეპისკოპოსის დო გჷნირთჷ ნოღაშ დუდიშალაშ სიმბოლოთ. როლანდიშ ნოჭახნაკუშ ფარს ეხანტილი რე წიმინდე რომიშ იმპერიაშ გერბი - ჟირდუდამი არწი, ცაშფერი ანგელოზი ნამუშ ორტყაფუს რე თიში თავადობაშ შანია. როლანდიშ კუჩხეფს შქას გოძვენა ონამგუდჷ 1 ბრემენულ ელს. ბრემენიშ მერიაშ დგჷმილს, ნამუქჷთ მავითოხუთა ოშწანურას აკიგჷნ, დუდშე ვითოჟირი მოჩქვაფირიშ ნოჭახნაკუ რდჷ, უკული ნოჭახნაკუეფს მუკნაჭარეფი გუკეთეს დო მოჩქვაფირეფიშ ჯოხოეფიშ მანგიორო ქემკაჭარეს საბერძნეთიშ ორატორეფიშ დო ფილოსოფოსეფიშ ჯოხოეფი.
ვიკიოწკარუეს
? რე ხასჷლა თემაშენ:
