თანაფა

თანაფა
ქირსეშ თანაფა, ანდრია რუბლიოვიშ 1408—1410 წ.წ. ჭარილი ხატი.
ტიპი	ქირსიანული, კანკალე ქიანას — სახენწჷფო
ოფიციალურო	ქირსეშ თანაფაშ მაბარჩხალე დღახუ
შანულობა	ქირსეშ ჯოჯოხეთშა დინულა დო ღურაშა გერჯგინა
მიშაღალირი რე	ქირსეშ თანაფაშ გეშა
იშინუანა	ქირსიანეფი
თარიღი	თუთაგოფშაშ უკული მაართა ჟაშხა დღა, ნამუთ ცას მიოხე უკინოხაშ პიჯოფონ აფუნიშ დღა დო სერიშ გომანგაფას, 21 მელახის
2024 წანას	მართლმადიდებელეფი: 22 პირელი, 5 მესი კათოლიკეეფი: 31 მელახი
2025 წანას	მართლმადიდებელეფი: 7 პირელი, 20 პირელი კათოლიკეეფი: 20 პირელი
ზეიმობა	სერით ვარდა ოგოთანეს ღორონთიშნინალა ოხვამეეფს, ოფანიე შუმ-ჭკომი, ოკათე ართუაფა
მერსხილი რე	ჸველიერი, ალობაშ ჟაშხა, დიდპიჩვანი, ბაიობა, ვნებაშ შკვითული, მაბარჩხალე შკვითული, ამაღალება, სუნთობა, პეტრეპავლეშ პიჩვანი

ოთანაფე მარქვალეფი

თანაფა — უკაბეტაში ქირსიანული დღახუ, ნამუთ იშანუაფჷ ახალი სტილით 4 პირელს დო 8 მესიშ შქას იოსე ქირსეშე ღურაშა გერჯგინაშ გეშა. თანაფას წჷმი უწორუანს 40–დღამი პიჩვანი, ოხვამე ოზადუ, აღსარება დო ზიარობა, ვნებაშ მარა. ქირსიანეფშო თენა რე ზეიმეფიშ ზეიმი, ნამუთ მესიაშ მოლინას იშანუანს, ნამუშეთ მოსეშ კათა ეგვიპტეშ ჭკორალუაშე დუდიშ გიშაღალაშ უკული ორცებენდესჷნ, ნამუსჷთ ბიბლიური წჷმიმორაგადეეფი ქადაგენდეს დო ნამუშჷთ სინედრიონიშ ნებათ ჯვარსეგაფილჷ ქირსეშ სახეთ გჷნხორციელჷნ.

დუდმაართაშე ხვალე ვნებაშ მარაშ დღალეფს ზეიმენდეს. ხვალე IV ოშწანურას მიაჩჷ თანაფაშ დღახუს თეხანურ სახექ. ნიკეაშ მაართა მოსოფელიშ ოხვამეშ კათუაქ, 325 წანას დადგინჷ დღახუშ ეშანუა აფუნიშ ბუნობაშ გემაჸვენჯ მარას, იუდევალეფიშ პასექიშ ბოლოს, უთურეთ თიშე გიშაკერძაფილო დო მარაშ ბოლოს. თე შკაფონი უხვადუ ახალ სტილით 4 პირელშე 8 მესშახ. თეშნერო, თანაფა მაყარე დღახუეფიშ კატეგორიას ორხველჷ.

ქორთული სხუნუეფიშ ენციკლოპედიაშ მეჯინათ, თანაფაშ ზეიმი, უჯვეშაშ მეჩხოლარეეფიშ დო უკულ დიხაშმახანდეეფიშ ოაფუნე, ართამი გოახალაფაშ დღახუ რე, ნამუშ უშორაშ ჯინჯეფით აჯამურ რელიგიეფს არსხუაფუდას-ოკო, სოდე თინა ორთაშ ღურას დო თანაფას შანულენს.

თანაფაშ დღაშ გჷმოკოროცხუა

რჩქინელი გერმანალი მათემატიკოსიშ კარლ ფრიდრიხ გაუსიშით გიშაჸონაფილქ იჸუ ფორმულეფქ, ნამუშ მეჯინათ ქირსიანული პასექიშ დღა (ჯვ. სტილით) თეშნერო გითმითანჯუ:

კალენდარული წანაშ რანწკით ნომერქ $(N)$ ოკო გირთას $19$-შა; $4$-შა დო $7$-შა, ნორთიშე მეღებული ნოსქილედეფი თეშნერო $a$,$b$ დო $c$-თი ქიმვორჩქინათ. უკულ სიდიდაქ $19a+15$ ოკო გირთას $30$-შა, ნოსქილედი ქიმვორჩქინათ $d$-თი, მუშ უკულ გიმოქიმინელქ $2b+4c+6d+6$ ოკო გირთას $7$-შა, ნოსქილედი მივრჩქინათ ოკო $e$-თი. საბოლოოთ მიბღენთ, ნამჷ-და თანაფაშ დღა რე 1 რცხუს) თუ $d+e<10$, ინწკჷმა თანაფა მელახიშ თუთას იჸუაფუ დო $A=22+(d+e)$ ვარდა 2) თუ $d+e>10$, ინწკჷმა თანაფა პირელიშ თუთას იჸუაფუ დო $A=(d+e)-9$.

სამანგაშო 2015 წანაშ თანაფაშ თარიღი თაშ გჷმიკოროცხუ:

$2015/19=106$ ნთელი $1/19$ ანუ $a=1$

$2015/4=503$ ნთელი $3/4$ ანუ $b=3$

$2015/7=287$ ნთელი $6/7$ ანუ $c=6$

$d=(19*a+15)/30=(19*1+15)/30=1$ ნთელი $4/30$ ანუ $d=4$

$e=(2b+4c+6d+6)/7=(2*3+4*6+6*4+6)/7=8$ ნთელი $4/7$ ანუ $e=4$

$d+e=4+4=8<10$ თანაფა მელახიშ თუთას იჸუაფუ.

$A=22+(d+e)=22+8=30$

ე. ი. 2015 წანას თანაფაშ დღა მუხვადუ 30 მელახის (ჯვ. სტილით). თანაფაშ გჷმოკოროცხუა „იროიანი რცხით“ ხოლო შილებე.

თე რცხიშ გჷმორინაფაშ ბორჯის, მოჩამილი კალენდარული წანაშ ნომერქ (N) გირთას ოკო 28-შა დო 19-შა. მეღებულ ნოსქილედეფი ოკო ვძირათ ომანგე ჰორიზონტალურ დო ვერტიკალურ ველეფს.

2015/28=71 ნთელი 27/28 ანუ ჰორიზონტალურ ველს 28-შ გჷნართიშ ნოსქილედის ოკო დოვგორათ რიცხუ 27.

2015/19=106 ნთელი 1/19 ანუ ვერტიკალურ ველს 19-შ გჷნართიშ ნოსქილედის ოკო დოვგორათ რიცხუ 1.

ეშანილი ცირფეფი „27“ დო „1“, რცხილს ართიანს გინმოჭკირუნს 30 მელახიშ (ჯვ. სტილით) აბანს, მუთ ომანგუ ჟილე გჷმოკოროცხილს.

ქირსეშ თანაფაშ მა-16 ოშწანურაშ რუსული ხატი.

ლიტერატურა

• ქორთული სხუნუეფიშ ენციკლოპედია, ტ. 1, ქართი, 1975 წანა.

რესურსეფი ინტერნეტის

ვიკიოწკარუეს^? რე ხასჷლა თემაშენ:

თანაფა

• ქირსეშ თანაფა (ბაღანეფშო) Archived 2011-05-04 ვებ-ხასჷლას Wayback Machine. ;
• წიმინდე იოანე დამასკელი თანაფაშენი;
• „მოველი აღდგომასა მკვდრეთით“ - გაზეთი „საპატრიარქოს უწყებანის დამატება ბავშვებისათვის“ Archived 2008-03-27 ვებ-ხასჷლას Wayback Machine. ;
• რატომ არის აღდგომა და მასთან მიმართებაში მყოფი დღესასწაულები მოძრავი? www.tveni.ge;
• გეგშაკოროცხით თანაფაშ თარიღი მოჩამილ წანაშო Archived 2016-03-05 ვებ-ხასჷლას Wayback Machine.

თანაფაშახ მეძჷ

176

დღა

ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.