Pang-chān:中華人民共和國

遮介紹个是1949年由中國共產黨建立、這馬一般講个國家中國，若含糊个「中國」概念請看「中國」；若以前統治中國大陸、這馬徙去臺灣个政權，請看「中華民國」

中華人民共和國

中華人民共和國（簡化字：中华人民共和国；英語：People's Republic of China），簡稱中國（簡化字：中国）是踮佇東亞洲一个中國共產黨領導下个社會主義國家,佇1949年10月1日成立，中國佇亞洲个東部，土地面積大約是960萬平方公里，首都佇北京市，是亞洲土地上蓋大个國家，佇世界上是排佇第四名。

中國有34个一級行政區，包括23个省、5个自治區、4个直轄市佮2个特別行政區。

中國个人口超過14億，是目前世界上人口上濟个國家。中國嘛是一个多民族國家，有56个民族，其中漢族人口上濟，佔上無9成。

中國个官方語言是普通話 （華語），伊使用个文字是規範漢字，嘛叫做簡化字。

中華人民共和國目前是世界第2大經濟體，2021年中國个GDP有17.7兆美金，按照國際匯率計算，排世界第二，干焦輸美國，按照購買力平價來計算，是世界第一。1978年改革開放後，中華人民共和國是經濟成長上緊个一个主要經濟體，伊个GDP成長率訂定是世界頭20名經濟體之中上懸个。

國名

中華人民共和國國名中，「中華」代表中華民族，「人民」代表工儂、作穡儂、小資產階級佮民族資產階級，「共和國」代表伊个國體。

中華人民共和國有時會予儂叫做「新中國」，這是卜和 (hām)新民主主義革命時期个「舊中國」做區分。毋過1949年到1971年之間，中華民國政府移徙去臺灣了後，猶原予國際社會當作是中國政府，而且佇聯合國中閣佔有中國个席次；這个時陣个中華人民共和國予儂叫做「紅色中國」（英語：Red China）抑是「共產中國」（英語：Communist-controlled China），總是伊原仔堅持伊家己是代表中國个唯一合法政府。

1971年10月，聯合國大會通過聯合國大會第2758號決議，中華人民共和國對彼時開始取得「中國」个席次佮相關地位，「中國」即个詞嘛漸漸成做國際社會對中華人民共和國个稱號。「中」抑是「華」遮个簡稱嘛定定攏是咧指稱中華人民共和國，像講「中日關係」、「駐華大使」等等。

1949年以後，控制臺灣地區个中華民國政府到今猶𣍐佇憲法層級主張伊家己佮中華人民共和國是無仝个兩个主權國家，所以伊無愛用正式國名來稱呼中華人民共和國，顛倒是共伊叫做「中國大陸」、「大陸」、「大陸中國」、「北京當局」抑是「中共」等等。是講，民主進步黨執政時期，中華民國政府有時嘛會直接講「中國」抑是「中華人民共和國」。

地理

Siông-sè chhiáⁿ khoàⁿ: Tiong-kok tē-lí

領土

中國个法定疆域北至烏龍江省漠河縣个烏龍江河川航道中心點，東至烏龍江佮烏蘇里江合港个Heixiazi島，西至新疆Uyghur自治區Ulugqat縣西方个Pamir懸坪，南至海南省管轄之下、 南沙群島个曾母暗砂。東西距離大約有5,200 km (迒過5个時區)，南北距離大約有5,500 km。

中國个海岸線有18,000 km，倚近渤海、黃海、東中國海、南中國海，其中渤海是中國个內海，內海佮邊海水域面積大約470萬km²。沿海島嶼有5000偌个。中國閣有3个主要个海峽：渤海海峽、烏水溝、瓊州海峽。

中國个邊界線攏總有22000偌km，雖然猶有眾議，猶原是世界上長。伊有14个陸上鄰國，世界上濟，佮露西亞平濟。

中國个地形圖

地形佮氣候

中國个地勢是西懸東下，會使分做三岑岑仔。第1岑是西南部个青藏高原，嘛予人叫做「世界厝脊」。

歷史

國共內戰

1917年露西亞十月革命成功，共產主義傳入去中國。1921年中國共產黨佇上海成立，𪜶 (in)个目標是卜建立一个無產階級專政个政權。一開始，𪜶 (in)加入共產國際接受指導，閣佮中國國民黨合作，參與北伐戰爭，毋過1927年蔣介石做頭个中國國民黨實施「清黨」，兩爿煞關係破裂，紲落來10年个時間就不時咧相戰。1930年代，以毛澤東做頭个本土派搦權，建立第一个由共產黨執政个政權：中華Soviet共和國。中國抗日戰爭時期，共產黨閣再和 (hām)國民黨合作，此時共產黨个勢力沓沓仔楦大。1945年中國抗日戰爭結束了後，國共之間个衝突演變成做第二次國共內戰，落尾，中國共產黨領導个中國人民解放軍拍敗中國國民黨个中華民國國軍，推翻中華民國，佔領中國大陸，啊蔣介石佮伊个政權渡海流亡到臺灣地區。

政治

北京長安街中央个天安門城樓佮廣場是中華人民共和國个國家佮政治象徵。

天安門面前个大幅毛澤東畫像是畫家王國棟佇1967年畫个。相片个前景是一sian北京皇城个suanni（狻猊）雕像，強強所有个政府機關頭前攏有suanni，伊是國家權威个象徵之一。

國體佮政體

按照中華人民共和國憲法，中華人民共和國國體是由工儂階級領導个，以工農聯盟為基礎个，人民民主專政个社會主義國家。中華人民共和國嘛是世界上少數由共產黨執政、而且宣揚共產主義个國家之一。中華人民共和國个國家意識形態是馬克思主義，閣有中國共產黨佇馬克思主義个基礎上提出个毛澤東思想、鄧小平理論、三个代表、科學發展觀、習近平新時代中國特色社會主義思想等等理論。國政方針包括人民民主專政，中國特色社會主義佮[社會主義市場經濟]]。

政府結構

全國人民代表大會是國家最高權力機關；主要行使立法權，並選出國家元首（國家主席）、行政機關（國務院）、司法機關（最高人民法院）、檢察機關（[中華人民共和國最高人民檢察院|最高人民檢察院]]）、軍事機關（中央軍事委員會）、監察機關（國家監察委員會）等等个。

行政區

Siông-sè chhiáⁿ khoàⁿ: 中華人民共和國个行政區

中華人民共和國行政區圖	層級	番號、名、簡稱、省都/首府
省 (23个)   自治區 (5个)   直轄市 (4个)   特別行政區 (2个)   實際控制，但是有爭議个地區   主張有主權，但是無實際統治、有爭議个地區	省	1) 河北省 (冀，石家莊市) 2) 山西省 (晉，太原市) 3) 遼寧省 (遼，瀋陽市) 4) 吉林省 (吉，長春市) 5) 烏龍江省 (黑，Harbin市) 6) 江蘇省 (蘇，南京市) 7) 浙江省 (浙，杭州市) 8) 安徽省 (皖，合肥市) 10) 江西省 (贛，南昌市) 11) 山東省 (魯，濟南市) 12) 河南省 (豫，鄭州市) 13) 福建省 (閩，福州市) 13) 湖北省 (鄂，武漢市) 14) 湖南省 (湘，長沙市) 15) 廣東省 (粵，廣州市) 16) 海南省 (瓊，海口市) 17) 四川省 (川/蜀，成都市) 18) 貴州省 (貴/黔，貴陽市) 19) 雲南省 (雲/滇，昆明市) 20) 陝西省 (陝/秦，西安市) 21) 甘肅省 (甘/隴，蘭州市) 22) 青海省 (青，西寧市) 23) 臺灣省 (臺，臺北市) (有爭議)
	自治區	24) 內蒙古自治區 (內蒙古，Hohhot市) 25) 廣西壯族自治區 (桂，南寧市) 26) 西藏自治區 (藏，Lhasa市) 27) 寧夏回族自治區 (寧，銀川市) 28) 新疆Uyghur自治區 (新，Ürümchi市)	省佮自治區下跤通常會劃分地級市（包括副省級市)、地區行政公署、自治州、盟等等地級行政區，地級行政區下跤劃分縣、自治縣、縣級市、旗、自治旗、市轄區等等縣級行政區（閣有林區佮特區各一个特例），縣級行政區下跤劃分行政建制鎮、鄉、民族鄉、sumu（蘇木）、街道辦事處等等鄉級行政區。 直轄市下跤無設地級行政區，直接劃分縣級行政區（包括副省級市轄區）。 港澳特區依一國兩制原則，根據港澳特區个基本法照原用舊个行政區分。 臺灣省佮福建省个金門、馬祖、烏坵等等地區攏是由中華民國政府實際統治。
	直轄市	29) 北京市 (京，通州區) 30) 天津市 (津，河西區) 31) 上海市 (滬，黃埔區) 32) 重慶市 (渝，渝中區)
	特別行政區	33) 香港特別行政區 (港) 34) 澳門特別行政區 (澳)

經濟

能源佮礦產

中國是世界上𠢕開能源个國家，嘛是能源生產上濟个國家。2016年生產電力5.883兆度電，消磨5.564兆度電。

交通

Siông-sè chhiáⁿ khoàⁿ: 中國个交通

中國有鐵路系統、公路系統、航空系統、航運系統佮pipeline運輸構成个交通運輸網。

國際貿易

中國是世界貿易組織个成員，伊是佇2001年加入去个。

科技

資訊科技

中國有華為、Lenovo集團、小米科技、OPPO等等個人電腦佮手機仔公司。

人口

族群

: 中華民族 kap 中華人民共和國个民族

中華人民共和國个法定民族有56个，合稱中華民族，其中个主體是漢族。除去漢族掠外个55族攏予人叫做「少數民族」。

語言佮文字

Siông-sè chhiáⁿ khoàⁿ: 中國个語言

Chham-oa̍t: 現代標準漢語, 普通話, 規範漢字, kap 漢語拼音

中國个語言真濟，會使分做5个語言家族：漢藏語系、Altai語系、[南島語系]]、南亞語系、印歐語系，漢藏語系下跤个漢語是中國內底使用人口上儕个，嘛是世界上使用人口上儕个。漢語下跤包含7个大分支：官話、吳語、粵語、閩語、湘語、贛語、客家語，𪜶 (in)予中國个語言學家當做是漢語个「方言」。

中華人民共和國佇2000年通過中華人民共和國通用語言文字法，依法將普通話佮規範漢字定為國家通用語言文字，以便全國各族人民溝通交流。 政府允准佇特定情形下保留繁體漢字，而且予各民族會使去使用佮發展家己个語言佮文字。 國家通用語普通話是「以北京語音為標準音，以北方話為基礎方言，以典範个現代白話本著作為語法規範。」

中國个少數族群嘛使用𪜶 (in)家己个語言，比論講蒙古語、藏語、Uyghur語、Kazakh語、朝鮮語、彝 (î)語、壯語等等。

雖然中國佇法律上寫講會保障所有語言，實際上不時咧打壓普通話掠外个語言。比論講佇少數民族地區，中國政府漸漸限制少數民族使用民族語言來教冊、出版，像蒙古語、藏語、Uyghur語攏有受害个記錄，即款情形嘛不時咧受著人權人士个批評。

宗教信仰

Siông-sè chhiáⁿ khoàⁿ: 中國个宗教

中華人民共和國个官方立場是無神論，無設置法定宗教，政府支持並執行反宗教運動。雖然憲法保證宗教自由，閣有[國家宗教事務局]]管理國內宗教事務，但是無予政府批准个宗教組織个受著壓制甚至破害。

• 
  Hëytgah清真寺
• 
  Potala宮
• 
  莫高窟
• 
  法輪功

閣看

• 中國（用語）
• 中國儂
• 中華民族
• 中華民國

外部連結

• 中華人民共和國中央人民政府門口網站
• 中國網