Kiat-ha̍p-khí

Kiat-ha̍p-khí (Hàn-jī: 結合齒, Eng-gí: concrescence) sī chiâⁿ hán-kìⁿ ê chit-pēⁿ, hoat-seng tī khí-kin oân-choân hoat-io̍k liáu-āu 2 khí chhùi-khí ê khí-kin kan-tāⁿ khò khí-kut-chit sio-liâm chò-hóe, gōa-siong sī siāng khó-lêng ê goân-in. I hoat-seng kòe-têng kám-chhái sī khí-kin chi-kan ê khí-chô-kut khip-siu, 2 ki khí-kin chiâⁿ chiap-kīn, tì-sú khí-kut-chit chēng-seng thîm-chek kā 2-ki khí-kin liâm-liâm chò-hóe.