O͘-ji̍t-khu
O͘-ji̍t-khu (烏日區) sī Tâi-oân, Tâi-tiong-chhī ē-kha ê 1-ê khu.
Tē-lí
[siu-kái | kái goân-sí-bé]O͘-ji̍t-khu tī tong-keng 120.38-tō͘, pak-hūi 24.07-tō͘. Tâi-tiong-chhī ê se-lâm kak, pak-pêng sio-chiap Lâm-khu kap Lâm-tūn-khu, tang-pêng sī Tāi-lí-khu kap Bū-hong-khu, lâm-pêng sī Hun-hn̂g-hiong, sai-pêng sī Tōa-tō͘-khu kap Chiong-hòa-chhī.
Tang-se ū 8.4 km, lâm-pak ū 10.4 km. Chóng-bīn-chek sī 43.3 km².
O͘-ji̍t chē hô-chhoan. Tōa-tō͘-khe, O͘-khe kap in ê hun-ki chhng kòe O͘-ji̍t. Ū chò tōa-chúi ê gûi-ki, chóng-sī mā sī chá-chêng ê keng-chè ki-chhó͘ chi it.
Lí
[siu-kái | kái goân-sí-bé]Hiān-tāi ê O͘-ji̍t-khu ū 16 lí:
- Chiân-tek
- Êng-chôaⁿ
- O̍h-chhân
- Kiú-tek
- Jîn-tek
- Kong-bêng
- Khe-bóe
- Khe-pà
- Lâm-lí
- Lê-thâm
- Ngó͘-kong
- O͘-ji̍t
- Ô͘-ji̍t
- Pak-lí
- Sam-hô
- Tang-hn̂g
O͘-ji̍t tī 1946-nî siat hiong, 2010 nî 12 goe̍h 25 ji̍t siat khu.
Keng-chè
[siu-kái | kái goân-sí-bé]Tī Khiân-liông sî-tāi, O͘-ji̍t tē-khu ê hàn-jîn ná lâi ná chē. Khí Ông-chhân-chùn (王田圳) liáu-āu, tùi Tâi-tiong ín--lâi ê chúi-gôan chı̍t-ē ún-tēng, jîn-kháu tō tōa cheng-ka. Ke-ê tiū-bí thàu-kòe hô-chhoan hē-thóng tùi Ô͘-ji̍t-káng ūn kàu Lo̍k-káng. Khiân-liông 50-nî chìn-chêng, seng chóan-ūn kaù An-pêng-káng, chiah tùi hia chài kòe hái-kiap bē khì Hok-kiàn. Khiân-liông 50-nî í-āu, tō ti̍t-chiap tùi Lo̍k-káng ūn khì Hok-kiàn.
Ko-sok-thih-lō͘ ê Tâi-tiong chām beh khí tī Sam-hô-lí.
Siā-hōe
[siu-kái | kái goân-sí-bé]Tùi O͘-ji̍t ê chi̍t-kóa kū tē-miâ (chhin-chhiūⁿ Hoan-á-hn̂g) ē-tit liáu-kái O͘-ji̍t tē-khu gôan-pún sī lâm-tó pêⁿ-po͘ cho̍k-kûn ê o̍ah-tōng tē-pôaⁿ.
Kin-kù 1926-nî (?) ê tiau-cha, O͘-ji̍t ê jîn-kháu ū 8,500-lâng, kî-tiong 94% chó͘-chek sī Hok-kiàn Chiang-chiu.
O͘-ji̍t ê sîn-bêng pau-koat Kóng-hūi Chun-ông, Thian-siōng Sèng-bó, Hiân-thân Gôan-sòe, Khai-chiong Sèng-ông.
Chham-khó chu-liāu
[siu-kái | kái goân-sí-bé]- 烏日文史協會[íng-íng bô-hāu ê liân-kiat] 烏日文史匯編第一集[íng-íng bô-hāu ê liân-kiat]
- 中縣烏日鄉公所 烏日鄉志文化篇 Archived 2003-12-13 at the Wayback Machine.
Chām-gōa chu-gôan
[siu-kái | kái goân-sí-bé]- O͘-ji̍t Khu-kong-só͘ Archived 2013-05-18 at the Wayback Machine.
- O͘-ji̍t Kok-bîn Sió-ha̍k Archived 2009-03-28 at the Wayback Machine., O͘-ji̍t Kok-bîn Tiong-ha̍k Archived 2012-08-02 at the Wayback Machine.
- O͘-ji̍t Siau-hông Hun-tūi Archived 2006-04-24 at the Wayback Machine.
- O͘-ji̍t Bûn-sú Hia̍p-hōe Archived 2006-12-19 at the Wayback Machine.
| |||||||||
|
Chit phiⁿ bûn-chiuⁿ pún-té khan tī holopedia.net. |