免税

免税解豁免税項；然而，由之衍生出嚟嘅詞語，往往有特定嘅附加意思。

零售

正規

免税店賣嘅多數係奢侈品以及煙仔同酒，通常開喺少數指定位置，以出入境建築物之中居多，而嗰啲交易，按規則唔使被打適用於該司法區域其他地方嘅某啲税，因此嗰啲叫免税貨嘅商品，往往會平啲。

大把船之中會有另外一種免税店，當位於公海，就會打開門做生意。

仿冒

有啲小販興將佢哋賣嘅逃税貨雅稱為「免税貨」。

唔少香港同澳門嘅舖頭會將「免税」一詞擺上招牌甚至嵌入店名嚟做招徠，意思其實平平無奇——喺當地任何一處買賣嗰啲嘢嘅時候，都唔使交銷售稅或／及關稅等；對於嚟自中國大陸同台灣等地嘅旅客嚟講，即係有啲佢哋喺家鄉要交嘅税項，會喺嗰度慳咗；有意見批評呢招係誤導伎倆。