北美巨杉
（學名：Sequoiadendron giganteum），又叫世界爺、美國巨杉、惠靈頓巨樹、華盛頓巨樹、加利福利亞松、加州松；係杉科巨杉屬嘅常綠大喬木，原產地喺美國加州嘅內華達地區。而家喺美國、加拿大，澳洲、紐西蘭同歐洲先至搵到。呢樖樹係世界上體積最大嘅植物。
19世紀中葉，人類喺北美地區發現咗呢樖嘢。由於佢啲枝葉好古怪，所以一直嗌「加州松」。1859年，英國人發現咗呢樖嘢之後改佢名做「惠靈頓巨樹」嚟紀念滑鐵盧戰役嗰時，惠靈頓將拿破崙打沉咗，但呢個名激嬲咗好多美國佬而嗌成「華盛頓巨樹」。後嚟植物家研究咗佢之後改名做「北美巨杉」或「美國巨杉」。
樹幹直而粗兼高到入雲，平均有100m高，最高可以到115m，直徑12m，樹幹周長37m，要廿幾位大人嘅手先至攬得實。樹幹下邊同檳榔科或桉屬嘅植物一樣，冇分岔，凈得樹頂有好多側枝；樹底可以開個窿嚟通車都得，加上樹莖係空心。樹葉個樣比較短，似鱗狀鑽形。果係細嘅蒴果品種，有25~40個籽鱗；籽比較細，得3cm長，重4mg，雖然出芽率比較低，但生得好快，2年內可以生到8dm咁高。
北美巨杉可以抗腐蝕、防蟲害同防火，但材質比較脆，尤其樹心好易爛。
呢種植物嘅莖可以做細木器同高級建築用材。而建築用材大多數用喺木板或欄杆。
雖然巨杉從7000幾萬年前喺全球各地都搵到，但受到第四紀冰川嘅侵襲，好多樹都死嗮，得返美國加州內華達山脈西邊一帶先至有。
 植株 | 植株 |
 習性 | 習性 |
 體積第二大嘅存活北美巨杉—格蘭特將軍樹 | 體積第二大嘅存活北美巨杉—格蘭特將軍樹 |
|
 完全形態 | 完全形態 |
 啱生出2個禮拜 | 啱生出2個禮拜 |
 出世之後9個月 | 出世之後9個月 |
 樹皮 | 樹皮 |
 葉 | 葉 |
 果 | 果 |
 北美巨杉群，佢嘅樹基都幾大下。 | 北美巨杉群，佢嘅樹基都幾大下。 |
 北美巨杉底出嘅大窿既可以畀人行過，又可以畀車行都得。 | 北美巨杉底出嘅大窿既可以畀人行過，又可以畀車行都得。 |
|
