天水圍公園

天水圍公園（英文：Tin Shui Wai Park），舊時叫天水圍市鎮公園，係香港一公園同遊樂場，喺天水圍天瑞路六號，係天水圍新市鎮中間大公園，佔地十四公頃八。公園周圍都係大型屋邨，例如嘉湖山莊、嘉湖銀座、天瑞邨同埋天耀邨等等。個公園由康樂及文化事務署管。

天水圍公園呈西北同東南向。西便有人工湖，東便有運動場，中間有噴水池。中間偏東地勢稍高。

設施有公園、硬地球場、網球場、籃球場、排球場、門球場、滑板場、模型車場、模型船池。以及五人足球場、籃球場暨排球場。

史

天水圍公園舊時叫天水圍市鎮公園。個公園原本係嘉湖山莊發展項目之一，由長江實業斥資1億1千幾萬港元起嘅。公園分兩期落成，第一期喺1993年 3月26號開放，第二期喺1997年 1月16號全面開放畀居民使用。公園落成初期，係預留咗大塊草地畀居民用。不過到咗1998年，原有草皮種晒樹，所以唔畀人踩。此外，公園嘅人工湖喺落成初期大受歡迎，可以扒艇，不過之後唔知點解，2003年唔畀扒艇^[1]。