香坊區

中華人民共和國 > 黑龍江省 > 哈爾濱市 > 香坊區

香坊區（粵拼：hoeng1 fong1 keoi1）係中華人民共和國黑龍江省哈爾濱市嘅市轄區。面積339.55km²，市區面積96.06km²，人口92萬（2013年）。郵編好多個，有150030、150036、150038、150039、150040、150046、150049、150069。區府駐三合路229號。2006年8月15號，國務院批准舊嘅香坊區同動力區合併成新嘅香坊區。

史

• 香坊地方，原先係遊牧民族領地，後來漢人闖關東移民來呢度，有咗啲村。「香坊」嘅意思係「整香嘅作坊」，緣起嘉慶十年（1805年），河北樂亭縣人李氏（唔知名）移民來呢處耕田，而佢識整香，啲人大時大節要祭祖拜神，就搵着佢出來整拜神啲香。12年後，移民越來越多，週邊啲人都搵佢買香，李家就開咗作坊，作坊門牌就叫「香坊」，啲人就將作坊所在條村嗌做「香坊屯」，後來「香坊」呢個地名成為區名。
• 清末時呢度屬阿城縣。1898年中東鐵路喺香坊西部設咗哈爾濱站，成為鐵路附屬地。民國成立後，鐵路沿綫歸東省哈爾濱市政管理局。
• 1933年7月1號，呢度納入哈爾濱特別市；1938年7月1號設香坊區。
• 1950年2月，香坊區擴大咗，新增王家店、莫力街、朝陽、平房、新香坊、平新等等，共計25條行政村。
• 2006年8月15號，動力區併入香坊區。（動力區原本係香坊一部分）

政區

香坊區轄20條街道、3個鎮、1個鄉、2個單位。

• 街道：香坊大街街道、安埠街道、通天街道、新香坊街道、鐵東街道、新成街道、紅旗街道、六順街道、建築街道、哈平路街道、安樂街道、建康路街道、大慶路街道、進鄉街道、通鄉街道、和平路街道、民生路街道、文政街道、王兆街道、黎明街道
• 鎮：成高子鎮、幸福鎮、朝陽鎮
• 鄉：向陽鄉
• 單位：香坊實驗農場、香坊區農墾

攷

• 香坊區府