Seleskjørt i Dale babyull

Garn: Dale babyull
Pinne nr. 3.

Oppskrifta er tatt utgangspunkt i oppskrift nr. 20 i SandnesGarn sitt mix barn hefte 0902, men med personlege endringar og annen garnsort.
Som Dale garn tilhengar valgde eg Dale babyull.
Ideen fekk eg i Trådsnella sitt forum hos Anne Grete. Ho strikkar mykje fint !

Kom mai du skjønne ... kalde

Er igjen blitt inspirert av G - Anette sin blogg: http://g-anette.blogspot.com
Der fann eg oppskrift på mjuk hals. Med snøbyger i dag 6. mai (!) blir nok ein av desse tatt i bruk på tur i terrenget.

Garn: 2 nøster Drops Nepal
Pinnenr. 5
Kjempeenkelt mønster !

Hekla korg

Garn: Eskimo frå Drops
Heklenål 6

Oppskrifta fann eg i den fine, inspirerande bloggen til Gry-Anette frå Tromsø !

http://g-anette.blogspot.com


Snuppesnella

"Glade" vaskeklutar

Det skal ikkje stå på at ikkje utstyret er i orden, hvis
eg skulle få reingjeringsdilla..

Tok klutane med ut i solskinnet i dag.

Oppskrift

Garn: 1 nøste Drops Paris
Pinnenr. 4.

Legg opp 45 m.
1. omg.: 1 vrang *3 rett 1 vrang*. Gjenta frå *til*. Avslutt med 1 vrang.
2. omg.: 2 rett *1 vrang 3 rett*. Gjenta frå *til*. Avslutt med 2 rett.
Gjenta desse omg. vekselvis til nøstet er brukt opp.

Gode pulsvarmarar

Desse mjuke og gode pulsvarmarane vart ein del av julegåvene sist jul.
Garn: Alpa frå Trysilgarn.
Pinnenr. 4

Oppskrifta fann eg i den fine bloggen til Smått & Stort.
Dei er strikka i det kjende "vaffelmønsteret".

Hekla og tova ballerinatøfler

Garn: 2 nøster Fritidsgarn.
Heklenål 6.
Fann den kjekke oppskrifta i bloggen til Mirrevirre.

Brukte 1 nøste pr. tøffel. Tova dei i vaskemaskina på 40 gr. - vanlig vask med Milo.
Forma dei våte på foten. Oppskrifta passar til str. 37-39.

Hals- og pulsvarmer

Garn: Drops Extra Merino Fine
Pinnenr. 6.
Oppskrifta fann eg i bloggen til Smått & Stort.

Hekla brikker

I bloggen: olavas.blogspot.com fann eg oppskrifta til desse kjekke brikkene.

Eg hekla dei i Solberg Fiol, heklenål 2,5, og brukar dei som underlag til ein kaffikopp eller eit vinglas. Mønsteret blir kalla "Japanske blomster".

Eple etui

I bloggen til Strikkemor(o) såg eg slike kjekke eple etui.

Eg la alt anna halvferdig handarbeid til side og hekla desse på ein - to - tre.

Dei er kjappe å hekle i fastmasker.

Oppskrifta fann eg i bloggen til pepperkakehusetmitt.blogspot.com

Garn: Bomull Sport

Heklenål 3,5

Hekleduken veks i sommarvarmen. ;)

Om sommaren fristar det lite å strikke med ullgarn, difor fann eg fram hekleduken som vart påbegynt for over 5 år sidan !

Det går frykteleg sakte med heklenål nr. 1,00 og Solberg bomullsgarn 12/3.

Tok den med meg på ein liten ferietur og hekla og hekla. Brått vart det slutt på garnet ! Fekk nesten abstinenser, hehe..

Men no er eg i gong igjen. Sommarbiletet er frå Fjærland.

Sommarhekling

Om sommaren er det ekstra kjekt å hekle.

Her held eg på med laaange remser. Skulle opprinneleg vera som blonde til ein duk, men mykje endrar seg med tida..

Trur det heller blir ei hyllebord i et gammalt skap som er arva.

Garn vekt

Dette er ein uunnværleg "duppeditt", som eg har fått hos mi snille dotter.
Kjekk sak når eg lurer på om eg har nok garn til et nytt strikkeprosjekt.

Trekantsjal

Strikkar sjal for første gong etter engelsk oppskrift. Var litt skeptisk, men fann fort ut at den er bedre enn mange norske oppskrifter ! Følte eg omtrent knekte ein kode !

Oppskrifta står på Ravelry og heiter LaLa's Simple Shawl. Skal eigentleg strikkast i Mirasol, men som Dalegarn tilhengar strikkar eg det i Dale babyull farge nr. 5245. Pinne nr. 3,5. Mjukt og godt.

Mønsteret er veldig enkelt og går omtrent av seg sjøl. Ei anna sak er kor tid det blir ferdig ? Men det hastar ikkje, hausten er eit godt stykke unna enno. Heldigvis. ;)

Pinnestopper frå Husfliden

På Husfliden i Bergen fekk eg fatt i desse kjekke pinnestopperane. Dei består av 2 dreia dingsar med ein strikk i mellom.

Genialt når ein har strikketøyet med på strikkekafe, hyttetur og på reise. Sjå, dei kledde jammen pinnane og sokkebråtet og. Hehe

Skrinet med det rare i ...

Sånn, då har eg endeleg fått desse fantastisk gode strikkepinnane i hus ! Symfonie Rose.

Dei blir av mange kalla luksuspinnar ! Størrelsen er frå 3,5 - 8,0. Vaiere til å skru på i fleire lengder. Pinnestopparer og ei flott sjalnål følgjer med i det vakre skrinet.

Kjøpte dei under Bergens strikketreffet på Hifa/Hillesvåg Ullvarefabrikk. Fekk ei ny strikkeverd !

Babyjakke i havskum mønster

Babyjakke strikka i BabySilk.
Oppskrifta er å finna i heftet Strikk til baby. Nr. 0 Frå Du Store Alpakka.

Har sydd meg strikkepinneetui

Likar å ha orden i strikkepinnane mine.

Til strømpepinnane kjøpte eg ei brikke på KID, bretta den og lagde rom til kvar størrelse. Rulla den sammen og festa band til knyting.

Til rundpinnane kjøpte eg i samme stoff ein lang løpar på KID, bretta den og sydde litt breiare lommer. Rullar også den sammen, og tvinna ei snor/hekla ein dings til pynt. Sette på små klisterlappar med str. 2, 2 1/2, 3, 3 1/2.. o.s.v.

Enkelt og praktisk !

Sengeteppe.... ?

Begynte på desse remsene for 3-4 år sidan ! Var vel tenkt til eit sengeteppe.. men det går tregt ! Har fundert på om det heller kan bli løpar..

Remsene blir hekla i Solberg bomullsgarn 12/4. Heklenål 1,50.

Vottar i populært vaffelmønster

Vottar strikka i Lanett på p.nr. 2 1/2.

La opp 60 m og strikka fram og tilbake 6 pinnar rett (riller).
Fortsette å strikka rundt *2 omg. r og 2 omg. 2 r og 2 vr*.
Gjentok frå *til* til votten målte 10 cm.
Sette av 12 m til tommel og la opp 12 m over på neste omgang.
Når votten målte 21 cm begynte eg å fella 1 m på kvar side på kvar omgang.

Tommel: Strikka 24 m i glattstrikk 6 cm og felte.

Strikka nålepute frå folkeskulen på 1950 talet

For oss som vaks opp på 1950 talet, var det obligatorisk å strikka nåleputer i handarbeidstimen i folkeskulen.

Det var slik vi lærte å strikka !

Eg var så heldig å få repetert oppskrifta hos ei tidlegare handarbeidslærarinne for nokre år sidan.





Oppskrift:
Strikk 3 lappar i forskj. fargar.
Legg opp 9 m og strikk alle pinnar rett = riller
Ein lapp = 5 cm
Ein lapp = 7,5 cm
Ein lapp = 10 cm

Sy sammen kvar lapp til ein ring. Dei kortaste sidene sys sammen.
Brett alle lappane dobbelt og sett dei sammen med den minste innerst, så den mellomste og til slutt den største.

Åååå nei - no kan eg ikkje strikka !

Ja, slik gjekk det på glatten nylig, med handleddet !

For ei "strikkoman" dame som meg, var første tanken denne:
Kva skal eg no finna på ? Eit ordtak heiter: Nød lærer naken kvinne å spinne.
Får lese nokre av alle dei uleste bøkene då ?
Som tenkt, så gjort.

Men duuu, som eg gleder meg til å få av gibsen og strikke som normalt igjen !

Mi sokkeoppskrift - lært av mor

Sidan mange påstår dei ikkje kan strikke sokkar, deler eg
her:

Mi sokkeoppskrift - lært av mor

Den er ekstra detaljert, slik at den er lett å forstå.

Garn med ca. strikkefasthet: 22 m = 10 cm.
Strømpepinnar nr. 3 og 3 1/2
Sko størrelse: 37 - 39

Legg opp 48 m på p.nr. 3 (12 m på kvar pinne) og strikk 2 r og 2 vr 12-15 cm.
Skift til pinne nr. 3 1/2 og strikk 3-4 omg. glattstrikk.

Hæl: Strikk ca. 7 cm glattstrikk fram og tilbake over 24 m midt bak.

Hælfelling: (Bandhæl)
Strikk 16 r, 2 vridd r smn. Snu.
Ta første m laus av, 8 vr, 2 vr smn. Snu.
Ta første m laus av, 8 r, 2 vridd r smn. Snu.
Ta første m laus av, 8 vr, 2 vr smn. Snu.
Ta første m laus av, 8 r, 2 vridd r smn. Snu.
Ta første m laus av, 8 vr, 2 vr smn. Snu.
Ta første m laus av, 8 r, 2 vridd r smn. Snu.
Ta første m laus av, 8 vr, 2 vr smn. Snu.
Ta første m laus av, 8 r, 2 vridd r smn. Snu.
Ta første m laus av, 8 vr, 2 vr smn. Snu.
Ta første m laus av, 8 r, 2 vridd r smn. Snu.
Ta første m laus av, 8 vr, 2 vr smn. Snu.
Ta første m laus av, 8 r, 2 vridd r smn. Snu.
Ta første m laus av, 8 vr, 2 vr smn. Snu.

Du har no 10 m igjen på pinnen. Fordel desse på 2 pinnar. (5 m på kvar)
Plukk opp ca. 12 m langs begge sider av hælkappen, og strikk så 1 omg. rett over alle pinnane.
No skal du felle slik:
*Strikk dei 2 siste m på 1. pinne vridd r smn, og dei 2 første m på 4. pinne r smn.
Strikk 1 omg. uten å felle.* Gjenta frå *til* til du har 48 m,
som var antalet før hælen.
Strikk vidare til sokken når toppen av lilletåa.

Tåfelling: (rund tå)
Strikk 4 r, 2 r smn vekselvis ut pinnen.
4 omg. utan å felle.
Strikk 3 r, 2 r smn vekselvis ut pinnen.
3 omg. utan å felle.
Strikk 2 r, 2 r smn vekselvis ut pinnen.
2 omg. utan å felle.
Strikk 1 r, 2 r smn vekselvis ut pinnen.
1 omg. utan å felle.
Strikk tilslutt 2 og 2 m smn, og træ tråden gjennom
dei siste m. Fest godt.

Lukke til då !

Tova vottar

Endeleg kan eg leggja ut vottane som var ein del av julegåvene dette året.

Dei er strikka i Rauma finull.
Oppskrifta på dei med striper fann eg i Familien nr. 19/2003.

Dei einsfarga er vinnarbidraget i Romsdalsmuseets håndplaggkonkurranse i 2009.
Designa av Reidun Solberg frå Midsund.