Leeukop

Leeukop
	Leeukop (links) en Seinheuwel (regs) met Robbeneiland op die agtergrond, soos vanaf Tafelberg gesien
Ligging	Wes-Kaap, Suid-Afrika
Hoogte	669 meter bo seevlak
Koördinate	33°56′S 18°23′O / 33.933°S 18.383°O
	; Leeukop

Leeukop is 'n kop in Kaapstad, Suid-Afrika, wat tussen Tafelberg en Seinheuwel geleë is. Die kop is 669 meter (2 195 voet) bo seevlak. Die piek skep 'n dramatiese agtergrond vir Kaapstad en is deel van die Tafelberg Nasionale Park.

Omgewing

Seinheuwel (links) en Leeukop (regs), gesien vanaf Tafelbaai, met Tafelberg op die agtergrond

Kaapstad se voorstede omring die kop aan bykans alle kante, maar streng beheer deur die munisipaliteit het voorkom dat huise teen die hoër hange gebou word. Die gebied is van besondere belang vir die Kaapse Maleiergemeenskap, wat histories in die Bo-Kaap naby Leeukop gewoon het. 'n Aantal geskiedkundige grafte en tempels (kramats) van Maleise leiers is op die laer hange geleë.

Geskiedenis

In die 17de eeu het die Nederlanders die kop Leeuwen Kop gedoop, terwyl Seinheuwel as die Leeuwen Staart (die Leeu se stert) bekend was. Die Engelse het in die 17de eeu na die kop as Sugar Loaf verwys.^[1]^[2]

Aktiwiteite

Leeukop is bekend vir sy skouspelagtige uitsig oor die stad, en die uur lange klim na die kruin is veral gewild tydens volmaan.^[1] Die hange is ook gewilde afspringpunte vir hangswewers.

Geologie, flora en fauna

Die boonste deel van die piek bestaan uit platliggende Tafelberg-sandsteen en die laer hange is gevorm deur die Kaapse graniet en die Malmesbury-formasie, wat ouer prekambriese rotse is. Leeukop is bedek met Fynbos (inheemse Kaapse plantegroei) met 'n buitengewoon ryk biodiversiteit wat 'n verskeidenheid van kleiner diere ondersteun.

Sien ook

Verwysings

↑ ^1,0 ^1,1 "Lion's Head: Full Moon Hike" (in Engels). Cape Town Magazine. Geargiveer vanaf die oorspronklike op 26 Februarie 2010. Besoek op 24 Desember 2006.
↑ Burman, Jose (1991). The Table Mountain Book. Human & Rousseau.

Eksterne skakels

Wikimedia Commons het meer media in die kategorie Leeukop.

[capetownmagazine-1] 1,0 ^1,1 "Lion's Head: Full Moon Hike" (in Engels). Cape Town Magazine. Geargiveer vanaf die oorspronklike op 26 Februarie 2010. Besoek op 24 Desember 2006.

[joseburman-2] Burman, Jose (1991). The Table Mountain Book. Human & Rousseau.

[1]

[2]