Gaan na inhoud

Leflunomied

in Wikipedia, die vrye ensiklopedie

 Vrywaring: Die mediese inligting verskaf op Wikipedia dien slegs as 'n riglyn en dra geen waarborg van feitelike korrektheid nie.
Enige vrae of klagtes oor u persoonlike gesondheid behoort na 'n dokter verwys te word.
Leflunomied
Leflunomied se chemiese struktuur
Leflunomied se 3D-struktuur
CAS nommer 75706-12-6
Kliniese data
Handelsnaam Arava, Lefumide, Rhuemalef, ander
Toedieningsroetes Orale toediening (tablette)
Swangerskap gebruik Nie toegelaat nie
Farmakokinetika
Biobeskikbaarheid 80%[1]
Proteïenbinding >99%[1]
Metabolisme Gastrointestinale mukosa en lewer[1]
Eliminasie halfleeftyd 14-18 dae[1]
Uitskeiding Ontlasting (48%) en urine (43%)[1]
Chemiese data
IUSTC-naam 5-metiel-N-[4-(trifluorometiel)feniel]

-isoksasool-4-karboksamied

Verpakking van Rheumalef-tablette

Leflunomied is 'n immuunonderdrukkende siekte-modifiserende antirumatiese middel,[2] wat gebruik word in aktiewe matige tot ernstige rumatoïede artritis en psoriatiese artritis. Dit is 'n pirimidiensintese-inhibeerder wat werk deur dihidrorotaatdehidrogenase[Nota 1] te inhibeer.[3]

Newe-effekte

[wysig | wysig bron]

Die dosisbeperkende newe-effekte is lewerskade, longsiekte en immuunonderdrukking.[4] Die mees algemene newe-effekte (kom voor by >1% van diegene wat daarmee behandel word) is, in ongeveer dalende volgorde van frekwensie:[1][5][6][7][8][9][10] diarree, respiratoriese kanaalinfeksies, haarverlies, hoë bloeddruk, veluitslag, naarheid, brongitis, hoofpyn, buikpyn, abnormale lewerfunksietoetse, rugpyn, swak spysvertering, urienweginfeksie, duiseligheid, infeksie, gewrigsversteuring, jeuk, gewigsverlies, verlies aan eetlus, hoes, gastro-enteritis, faringitis, stomatitis, tenosinovitis, braking, swakheid, allergiese reaksie, borspyn, droë vel, ekseem, parestesie, longontsteking, rinitis, sinovitis, kolelitiasis en kortasem.

Ongewone newe-effekte (wat voorkom by 0,1-1% van diegene wat met die middel behandel word) sluit in:[5] hardlywigheid, stomatitis, smaakversteuring, trombositopenie en veluitslag. Selde (by 0,1% van diegene wat daarmee behandel word) kom die volgende voor:[5] anafilakse, angioedeem, anemie, agranulositose, eosinofilie, leukopenie, pansitopenie, vaskulitis, toksiese epidermale nekrolise, Stevens-Johnson-sindroom, lupus-infeksie van die vel, ernstige infeksie, interstisiële longsiekte, sirrose en lewerversaking.

Teenaanduidings

[wysig | wysig bron]

Gebruik van Leflunomied is teenaangedui vir:[1]

  • Swangerskap, vroue van vrugbare potensiaal (tensy 'n voorbehoedmiddel gebruik word)
  • Lewersiekte, hepatitis B/C seropositief
  • Aktiewe ernstige infeksies
  • Hipersensitiwiteit

Mediese gebruike

[wysig | wysig bron]

Leflunomied is deur Sanofi Aventis ontwikkel. Kliniese studies met betrekking tot die volgende siektes is uitgevoer:[11]

Interaksies

[wysig | wysig bron]

Ander immunomodulerende behandelings moet vermy word weens die potensiaal vir bykomende immuunonderdrukkende effekte, of in die geval van immunostimulante soos echinacea of astragalus, verminderde terapeutiese effekte.[1] Net so moet lewende entstowwe (soos haemophilus influenzae tipe b-entstof en geelkoors-entstowwe) vermy word weens die potensiaal vir ernstige infeksie as gevolg van die immuunonderdrukkende aard van die behandeling.[1]

Veral die gelyktydige gebruik van metotreksaat kan tot ernstige of selfs dodelike lewerskade of hepatotoksisiteit lei. Sommige studies het egter getoon dat die kombinasie van metotreksaat en leflunomied by pasiënte met rumatoïede artritis beter resultate gegee het as enige enkele middel.[25]

Werkingsmeganisme

[wysig | wysig bron]

Leflunomied is 'n immunomodulerende middel wat sy effekte bereik deur die mitochondriale ensiem dihidrorotaatdehidrogenase (DHODH) te inhibeer, wat 'n sleutelrol speel in die de novo-sintese van uridienmonofosfaat (rUMP), wat benodig word vir die sintese van DNS en RNS. Leflunomied inhibeer dus die voortplanting van selle wat vinnig deel, veral limfosiete.[4]

Die inhibisie van menslike DHODH deur teriflunomied, die aktiewe metaboliet van leflunomied, vind plaas op vlakke (ongeveer 600 nM) wat bereik word tydens behandeling van rumatoïede artritis.[26] Teriflunomied inhibeer ook verskeie tirosienkinase.[4] Teriflunomied verhoed die uitbreiding van geaktiveerde en outo-immuun limfosiete deur met hul selsiklusprogressie in te meng, terwyl nie-limfoïede selle in staat is om 'n ander pad te gebruik om hul ribonukleotiede te maak deur die gebruik van 'n reddingspirimidien-weg, wat hulle minder afhanklik maak van die de novo-sintese.[26] Teriflunomied het ook antivirale effekte teen talle virusse, insluitend sitomegalovirus, herpes simpleks virus 1 en die BK-virus,[Nota 2] ook deur virale replikasie te inhibeer deur inmenging met nukleokapsied-tegumentasie en dus virionsamestelling.[4]

Aantekeninge

[wysig | wysig bron]
  1. ↑ Dihidrorotaatdehidrogenase (DHODH) is 'n ensiem wat by mense deur die DHODH-geen op chromosoom-16 gekodeer word.
  2. ↑ Die BK-virus is 'n lid van die poliomavirusfamilie en hoewel beduidende gevolge van infeksie ongewoon is, is infeksie in die immuunonderdrukte 'n uitsondering. BK-virus is 'n afkorting van die naam van die eerste pasiënt, van wie die virus in 1971 geïsoleer is.

Verwysings

[wysig | wysig bron]
  1. ↑ 1,0 1,1 1,2 1,3 1,4 1,5 1,6 1,7 1,8 "Arava (leflunomide) dosing, indications, interactions, adverse effects, and more". Medscape Reference (in Engels). WebMD. Besoek op 2 November 2021.
  2. ↑ Dougados M, Emery P, Lemmel EM, Zerbini CA, Brin S, van Riel P (Januarie 2005). "When a DMARD fails, should patients switch to sulfasalazine or add sulfasalazine to continuing leflunomide?". Annals of the Rheumatic Diseases (in Engels). 64 (1): 44–51. doi:10.1136/ard.2003.016709. PMC 1755199. PMID 15271770.
  3. ↑ Pinto, P; Dougados, M (2006). "Leflunomide in clinical practice" (pdf). Acta Reumatologica Portuguesa (in Engels). 31 (3): 215–24. PMID 17094333.
  4. ↑ 4,0 4,1 4,2 4,3 4,4 Teschner S, Burst V (September 2010). "Leflunomide: a drug with a potential beyond rheumatology". Immunotherapy (in Engels). 2 (5): 637–50. doi:10.2217/imt.10.52. PMID 20874647.
  5. ↑ 5,0 5,1 5,2 Rossi, S (2013). Australian Medicines Handbook (in Engels). Adelaide: The Australian Medicines Handbook Unit Trust. ISBN 978-0-9805790-9-3.
  6. ↑ "PRODUCT INFORMATION ARAVA" (PDF). TGA eBusiness Services (in Engels). sanofi-aventis australia pty ltd. 7 Augustus 2012. Besoek op 1 November 2021.
  7. ↑ "Arava : EPAR - Product Information" (PDF). European Medicines Agency (in Engels). Sanofi-Aventis Deutschland GmbH. 21 November 2013. Geargiveer vanaf die oorspronklike (PDF) op 11 Maart 2014. Besoek op 2 November 2021.
  8. ↑ "Data Sheet Arava" (PDF). Medsafe (in Engels). sanofi-aventis new zealand limited. 29 Junie 2012. Besoek op 2 November 2021.
  9. ↑ "ARAVA (leflunomide) tablet, film coated [sanofi-aventis U.S. LLC]". DailyMed (in Engels). sanofi-aventis U.S. LLC. November 2012. Besoek op 2 November 2021.
  10. ↑ "Arava 10mg Tablets". electronic Medicines Compendium (in Engels). SANOFI. 21 Februarie 2014. Besoek op 2 November 2021.
  11. ↑ "Leflunomide Search". ClinicalTrials.gov (in Engels). U.S. National Library of Medicine.
  12. ↑ Blanckaert K, De Vriese AS (Desember 2006). "Current recommendations for diagnosis and management of polyoma BK virus nephropathy in renal transplant recipients". Nephrology, Dialysis, Transplantation (in Engels). 21 (12): 3364–7. doi:10.1093/ndt/gfl404. PMID 16998219.
  13. ↑ Dai L, Wei XN, Zheng DH, Mo YQ, Pessler F, Zhang BY (Junie 2011). "Effective treatment of Kimura's disease with leflunomide in combination with glucocorticoids". Clinical Rheumatology (in Engels). 30 (6): 859–65. doi:10.1007/s10067-011-1689-2. PMID 21286771. S2CID 1914281.
  14. ↑ Wu GC, Xu XD, Huang Q, Wu H (Februarie 2013). "Leflunomide: friend or foe for systemic lupus erythematosus?". Rheumatology International (in Engels). 33 (2): 273–6. doi:10.1007/s00296-012-2508-z. PMID 22961090. S2CID 7202069.
  15. ↑ 15,0 15,1 Sanders S, Harisdangkul V (April 2002). "Leflunomide for the treatment of rheumatoid arthritis and autoimmunity". The American Journal of the Medical Sciences (in Engels). 323 (4): 190–3. doi:10.1097/00000441-200204000-00004. PMID 12003373. S2CID 28479334.
  16. ↑ Unizony S, Stone JH, Stone JR (Januarie 2013). "New treatment strategies in large-vessel vasculitis". Current Opinion in Rheumatology (in Engels). 25 (1): 3–9. doi:10.1097/BOR.0b013e32835b133a. PMID 23114585. S2CID 21101525.
  17. ↑ Haibel H, Rudwaleit M, Braun J, Sieper J (Januarie 2005). "Six months open label trial of leflunomide in active ankylosing spondylitis". Annals of the Rheumatic Diseases (in Engels). 64 (1): 124–6. doi:10.1136/ard.2003.019174. PMC 1755172. PMID 15608310.
  18. ↑ Prajapati DN, Knox JF, Emmons J, Saeian K, Csuka ME, Binion DG (Augustus 2003). "Leflunomide treatment of Crohn's disease patients intolerant to standard immunomodulator therapy". Journal of Clinical Gastroenterology (in Engels). 37 (2): 125–8. doi:10.1097/00004836-200308000-00006. PMID 12869881. S2CID 21212960.
  19. ↑ Holtmann MH, Gerts AL, Weinman A, Galle PR, Neurath MF (April 2008). "Treatment of Crohn's disease with leflunomide as second-line immunosuppression : a phase 1 open-label trial on efficacy, tolerability and safety". Digestive Diseases and Sciences (in Engels). 53 (4): 1025–32. doi:10.1007/s10620-007-9953-7. PMID 17934840. S2CID 29918308.
  20. ↑ Panselinas E, Judson MA (Oktober 2012). "Acute pulmonary exacerbations of sarcoidosis". Chest (in Engels). 142 (4): 827–836. doi:10.1378/chest.12-1060. PMID 23032450.
  21. ↑ Roy M (Augustus 2007). "Early clinical experience with leflunomide in uveitis". Canadian Journal of Ophthalmology (in Engels). 42 (4): 634. doi:10.3129/can.j.ophthalmol.i07-085. PMID 17641721.
  22. ↑ Pirildar T (Mei 2003). "Treatment of adult-onset Still's disease with leflunomide and chloroquine combination in two patients". Clinical Rheumatology (in Engels). 22 (2): 157. doi:10.1007/s10067-002-0667-0. PMID 12740686. S2CID 41656726.
  23. ↑ "Mitoxantrone and Prednisone With or Without Leflunomide in Treating Patients With Stage IV Prostate Cancer". ClinicalTrials.gov (in Engels). Besoek op 2 November 2021.
  24. ↑ "Leflunomide Associated With Topical Corticosteroids for Bullous Pemphigoid - Full Text View". ClinicalTrials.gov (in Engels). 4 Desember 2008. Besoek op 2 November 2021.
  25. ↑ Lee SS, Park YW, Park JJ, Kang YM, Nam EJ, Kim SI, Lee JH, Yoo WH, Lee SI (2009). "Combination treatment with leflunomide and methotrexate for patients with active rheumatoid arthritis". Scandinavian Journal of Rheumatology (in Engels). 38 (1): 11–4. doi:10.1080/03009740802360632. PMID 19191187. S2CID 205543918.
  26. ↑ 26,0 26,1 Fox RI, Herrmann ML, Frangou CG, Wahl GM, Morris RE, Strand V, Kirschbaum BJ (Desember 1999). "Mechanism of action for leflunomide in rheumatoid arthritis". Clinical Immunology (in Engels). 93 (3): 198–208. doi:10.1006/clim.1999.4777. PMID 10600330.
Ontsluit van "https://af.wikipedia.org/w/index.php?title=Leflunomied&oldid=2638705"