Wikipedia:Bildlizänz-Hilf
Jedes Bild un jedi Zeichnig in dr Wikipedia muess gmeinfrei oder mit ere giltige Lizänz versähne sii. Wänn des nit dr Fall isch, wäre villicht Rächt vu Dritte verletzt. Des muess üsgschlosse wäre oder aber s Medium wird glescht.
Im Text, wu jetz kunnt, findsch Informatione un Lizänzvorlage fir wänn dr Bilder uf d Alemannisch Bilderlischte witt lade oder wänn dr Bilder, wu Lizänzagabe fähle, witt legalisiäre.
Wu kumme Bilder ani?
[Quälltäxt bearbeite]Bilder oder Zeichnige, wu Dü in d Wikipedia ladesch, sotte normalerwiis uf d Allmänd (= Commons). Derte wird no dr Lizänz gfrogt; Bilder, wu keini hän oder nit gmeinfrei sin, wäre gschnäll glescht. D Bilder üs dr Allmänd kenne alli Wikipedia-Sprochgruppe nutze; Di Bild het do d Schangs, uf dr ganze Wält Beachtig z finde. Zuedäm kasch Dü do fir d Alemannisch Wikipedia werbe, wänn dr dr Dateinamme un d Bildbschriibig uf Alemannisch machsch, am Beschte zämme mit ere änglische Ibersetzig.
Bilder oder Zeichnige, wu nit fir d Allmänd intressant sin oder üs andere Grind nit dert ani ghere oder nit dert ani derfe, kumme uf d Bilderlischte vu dr Alemannische Wikipedia. Si kenne do nufglade wäre. Aber gib Obacht! Was Dü do nuf ladesch, muess gmeinfrei sii oder e giltigi Lizänz ha oder suscht e akzeptabli Erklärig zum Urheberrächt. Suscht wirds wider glescht.
Vu dr alemannische Bilderlischte gits aü e Galerii-Version.
Wär derf e Bild lizänziäre?
[Quälltäxt bearbeite]E Bild ka numme vu sinem Urheber lizänziärt wäre. Des heisst: Dü kasch fir di eige Bild e Lizänz vergä, aber nit fir des vu eberem anderem. Wänn eber ander Dir erlaübt, e Bild, wu är dr Urheber drvu isch, in d Wikipedia z stelle, muess er des schriftlig mache. Text wiä "He doch, Schorsch, Dü kasch des Bild fir d Wikipedia nämme ..." sin do aber nit giltig; dr Urheber muess si Bild üsdricklig unter e Lizänz stelle, wu in dr Wikipedia zuelessig isch. Doderzue muess er si känne - zum Biispiil wisse, ass si Bild ka witterverbreitet, veränderet un/oder kommerziäll gnutzt wäre. D schriftlig Erlaübnis vum främde Urheber muess vum Nutzer, wu nufladet, bereit ghalte wäre.
E Urheber (un niäme ander) ka sinere erschte Lizänz noch e zweiti drzuestelle - des het e Sinn bi dr GNU-FDL. Wämmer zu däre drzue no e CC-Lizänz vergit, ka s Bild besser gnutzt wäre. D erscht Lizänz verlescht wäge däm aber nit un derf nit usichtbar gmacht wäre.
Gmeinfreiji Wärk
[Quälltäxt bearbeite]E gmeinfreis Wärk ka ohni Iischränkig gnutzt wäre, nit emol nit dr Namme vum Urheber muess gnännt wäre.
- E Bild oder e Text wird 70 Johr noch en Dot vum Urheber gmeinfrei un brücht kei Lizänz. S ka drno frei verwändet wäre. S isch aber aständig un/oder steigeret dr Wärt vu dr Bildinformation, wänn Agabe zum Urheber oder zu dr Quälle gmacht wäre. Eigini Bilder kenne z Ditschland, z Eschtrich un in dr Schwiz nit gmeinfrei gstellt wäre, si miän unter eini vu dr Lizänze do unte oder d Bild-frei-Vorlag verwände (lueg witter unte).
- E Bild, wu ke Rächtsinhaber drvu z finde isch, wird in dr ditsche un in dr alemannische Wikipedia no 100 Johr as gmeinfrei agsähne. Uf dr Allmänd nit, derte wirds glescht. Des heisst, Bilder vu 1908 un elter, wu dr Urheber drvu nit ka gfunde wäre, derfe bi uns nufglade wäre.
- E gmeinfreis Bild, wu im e Buech reproduziärt isch, isch nit gschitzt un derf gscannt un verbreitet wäre. Üsnahm: Z Ditschland ka e gmeinfrei Bild, wu zum erschte Mol im e Buech vereffentligt wird, 25 Johr gschitzt sii.
Setz diä Vorlag zum Bild, wänns gmeinfrei isch: {{Bild-PD}}. Schriib witteri Erklärige uf d Bildsitte, wänns notwändig isch.
|
Selligs Bild isch gmeinfrei („public domain“) un zur uniigschränkte Nutzig freiggeeh.
Uniigschränkti Nutzig bedüütet, dass s Bild beliebig, au ohn Namesnennig, verbreitet, kommerziell gnutzt und veränderet werde dörf, i dem Umfang, wo i dr jewiilige nationale Rechtsordnig möglich isch. |
Diä Vorlag kasch mit däm Boistei iifiäge: {{Bild-PD-alt}}
|
D Schutzduur für s Wärk, wo vo dere Datei zeigt wird, isch noch de Massstäb vom dütsche, östriichische und schwiizerische Urheberrächt abglofe. Es isch dorum gemeinfrei. | 
|
| Wenn e triviali Wiidergob vorliit, so erreicht die weder die nötigi Schöpfungshöchi für e urheberrächtlige Schutz as Foti, no wiist si e „Mindestmass an persönliger Leistig“ uf (Vgl. Eugen Ulmer, Urheber- und Verlagsrecht, 3. neubearb. Auflage, Berlin 1980), für zum z Dütschland Leistigsschutz as Foti chönne z gniesse. |
|
|
D Richtlinie über Bilder vo de alemannische Wikipedia und Wikimedia Commons sind möglicherwiis in Bezug uf die Datei nöd glich. Sie sötti drum ned uf d Commons verschobe werde.
Do not move this file to Wikimedia Commons! |
E Urheber ka si Bild im ditsche Sprochrüüm üs rächtlige Grind nit fir gmeinfrei erkläre. Dr ka aber e Erklärig abgä, wu uf s glich nüslaüft, numme dr Begriff Gmeinfreiheit wird vermiide.
Setz diä Vorlag zu Diinem Bild, wänn dr des eso witt ha: {{Bild-frei}}
|
Selligs Bild isch vo siim Urheber zur uniigschränkte Nutzig freiggeeh. Uniigschränkti Nutzig bedüütet, dass s Bild beliebig, au ohn Namesnennig, verbreitet, kommerziell gnutzt und veränderet werde dörf – un des zu allene Zitte un an allene Ort. E Widerruef isch nöt möglich. Dodermit isch des Bild quasi gmeinfrei, s cha im dütsche Sprachruum aber nöt eso gnännt wärde. |
Bilder mit Lizänze
[Quälltäxt bearbeite]E Autor (Urheber), wu e Bild unter ere Lizänz vereffentligt, erlaübt im Nutzer (Lizänznämmer) bstimmti Arte, s Bild z verwände. Dr Lizänzhiiwiis muess e Link uf dr Lizänztext ha, suscht isch er witzlos.
GNU-FDL
[Quälltäxt bearbeite]D GNU-Lizenz für freii Dokumentation (oft au GNU Freii Dokumentationslizenz gnännt, englischi Originalbezeichnig GNU Free Documentation License, Abchürzige: GNU-FDL, GFDL) gschtattet d Vervielfältigung, Verbreitig und Veränderig vom Werch, au zu kommerzielle Zwecke. Im Gegezug verpflichtet sich dr Lizenznehmer zur Iihaltig vo de Lizenzbedingige. Die gsehnd under anderem d Pflicht zur Nennig vom Autor bzw. vo de Autore vor und verpflichted de Lizenznehmer dezue, abgeleiteti Werch under die gliich Lizenz z schtelle (Copyleft-Prinzip).
Dr Nochdeil vu dr GNU-Lizänz isch, ass bin ere Ibernahm vum e Bild in e Druckwärk dr Lizänztext, wu sittelang isch, muess ibernumme wäre - des ka mer fascht nit mache. Wäge däm ischs z empfähle, eigini Bilder, wu bishär unter GNU-FDL stehn, mit ere zweite Lizänz z versähne, wu lichter z verwände isch - e CC-Lizänz (lueg witter unte).
Bin ere Ibernahm vum e Bild mit GNU-Lizänz uf e Websitte längts, e Link zu dr Orginalsitte un zum GNU-Lizänztext z lege. Dodermit ka jede Nutzer s Bild bis uf d Allmänd oder uf d Bilderlischte vu dr Alemannische Wikipedia zruckverfolge un findet derte d Nämme vu dr Autore. In däm Fall wird aü Werbig fir d Wikipedia gmacht.
Setz diä Vorlag zu Diinem Bild, wänn dr diä Lizens vergää witt: {{Bild-GFDL}}
 |
Des Bild stoht unter dr GNU Freie Dokumentationslizenz, Version 1.2 oder e speteri Version, wu vu der "Free Software Foundation" vereffentligt isch. S het keini unveränderlige Abschnitt, kei vordere un kei hintere Umschlagtext. Dodermit isch s Kopiäre, s Verbreite un/oder s Verändere erlaübt unter dr Bedingige vu däre Lizäns. Des heisst unter anderem, ass dr Namme vum Urheber/vu dr Urheber vum Bild miän gnännt wäre un ass dr Orginallizänstext muess mit abdruckt wäre oder ass e Gleich (Link) muess druf glegt wäre. |
CC-Lizänze
[Quälltäxt bearbeite]D Creative-Commons-Lizänze (neijschti Version: 3.0) exischtiäre in verschiidene Variante. Si sin in dr Wikipedia erlaübt, wänn si nit "schlächter" sin, wiä d GNU-FDL. Diäjenige CC-Lizänze, wu ke kommerziälli Nutzig un/oder ke Veränderig vum Bild erlaübe, sin in dr Wikipedia nit brüchbar.
E Lizänz, wu eidittig un grosszigig isch, isch d cc-by-sa-3.0 - e Medium unter däre Lizänz derf frei verbreitet un/oder veränderet (bearbeitet) wäre. Bedingig: Wär s Orginal verbreitet oder e Bearbeitig macht un verbreitet, muess esach unter diä gliche Lizensbedingige stelle. Dr Namme vum Autor muess gnännt wäre, un zwar in dr Form, wiä ne dr Autor vorgää het. Wänn Dü as Autor as Namme zum Biispiil Pfiffedeckel/Alemannischi Wikipedia agisch, muess dr Namme eso gnännt wäre.
Setz diä Vorlag zu Diinem Bild, wänn dr diä Lizens vergää witt: {{Bild-CC-by-sa-3.0}}
  
|
Diä Bilddatei isch mit dr Creative-Commons-Lizänz CC-by-sa-3.0 versähne. Diä Datei derf frei verbreitet un bearbeitet wäre. Bedingig: Dr Namme vum Urheber/vu dr Urheber muess gnännt wäre, un zwar in däre Form, wiä ne sälle vorgää het. Bin ere Verbreitig vu dr unveränderete oder vu dr veränderete Datei miän aü d Lizänzbedingige mitteilt wäre oder s muess e Gleich (Link) uf d Lizänzbedingige glegt sii. |
E Lizänz numme mit Nammenännig
[Quälltäxt bearbeite]Diä Lizänz isch uf dr Allmänd nit erlaübt, si isch aber uf dr alemannische un uf dr ditsche Wikipedia z finde. Si verlangt nit, ass bin ere Nutzig vum Bild des wider unter d glich Lizänz gstellt wird, numme dr Namme vum Urheber muess gnännt wäre. Friili ka des Bild drno vum e Dritte villicht nit gnutzt wäre, wel er unter Umständ numme s Bild un dr Namme siiht, aber nit weißt, ass des Bild verbreitet un veränderet wäre derf.
Diä Vorlag kasch mit däm Boistei iifiäge: {{Bild-by}}
|
|
Diä Datei isch urheberrächtlig gschitzt. Dr Inhaber vum Urheberrächt erlaübt in allene (aü üsserhalb un vollständig unabhängig vu dr Wikipedia) jedi Art vu Nutzig, un zwar eso witt, wiäs gsetzlig meglig isch - unter anderem d Verwändig fir jede Zwäck, Uffiährig, Witterverbreitig, kommerziälli Nutzig un Bearbeitig. Des gildet fir alli Zitte un wältwitt unter dr Bedingig, ass si Urheberschaft agmässe gnännt wird (zum Biispiil in dr Bildunterschrift). |
Erklärige zum Urheberrächt
[Quälltäxt bearbeite]Bi Wappe un bi Logo wäre bsunderi Erklärige agwändet.
Diä Vorlag kasch mit däm Boistei iifiäge: {{Wappenrecht}}
| Achtig: Ds Biud steut ä Flagge, es Wappe, es Sigu oder es angers Hoheitszeiche dar. Die hier zeigti Darsteuig isch zwar gmeinfrei (oder unger dr GNU-FDL freigäh), d Verwendig ungerligt aber unger Umständ zusätzliche gsetzliche Beschränkige. Insbsungeri sy d Bestimmige für d Verwendig vo Hoheitszeiche z beachte. |
Diä Vorlag kasch mit däm Boistei iifiäge: {{logo}}
|
Die Datei zeigt es Logo, wo em Markerecht und/oder em Namensrecht unterlit. Es isch gsetzlich verbote, die Recht z verletze. Verwend das Logo i de Wikipedia usschliesslich zu enzyklopädische Zwäcke und usschliesslich i Artikel mit emene Thema, wo mit dem Logo imene Zämmehang stoht. Stell sicher, dass Du debi ken Rechtsverstoß begosch und beacht, dass nebem Marke- und Namensrecht au no witeri Recht bestoh chönd, a die muesch Du Dich au halte. |
|
|
D Richtlinie über Bilder vo de alemannische Wikipedia und Wikimedia Commons sind möglicherwiis in Bezug uf die Datei nöd glich. Sie sötti drum ned uf d Commons verschobe werde.
Do not move this file to Wikimedia Commons! |
Gwüssi Dateie dürfe im Raame vum Bildzitaträcht gnutzt werde, wänn im Artikel au druff yygange wird (also nit numme zur Illustrierig vumene Thema, sundern numme wänn zum Byspil s Buech au im Artikel bhandlet wird).
Esonigi Erklärige wäre bi Zitschrifte- un Buechtitelsitte, CD-Cover un bi Filmplakat agwändet.
Diä Vorlag kasch mit däm Boistei iifiäge: {{Album cover}}
|
Des Bild isch s Cover vun eme Musik Album oder vun ere Single, un s Copyright druf leit meischtens bi dr Künschtler, wu d Musik gmacht hen, oder bi däm, wu s Album veröffentlicht het . E Bild vum Cover derf in de Alemannische Wikipedia nume als Bildzitat no § 51 UrhG zum illuschtriere vum e Artikel iber des Album oder die Single oder fir e kritischi Analys vum Cover brücht werre. E anderi Verwendig vun dem Bild, in dr Wikipedia odr sunscht neime, isch villicht Urhebrrechtverletzung. Lueg Copyrights fir meh Informatione.
|
Diä Vorlag kasch mit däm Boistei iifiäge: {{Book cover}}
|
Des Bild isch e Buechumschlag oder e Zytschrifteumschlag, un de Copyright Status leit wahrschinlich bim Kinschtler, wu de Umschlag gmacht het, oder bi dem, wu s Buech/d Zytschrift vereffentlicht het. E Bild vum Buech derf in de Alemannische Wikipedia nume als Bildzitat no § 51 UrhG zum illuschtriere vum e Artikel iber des Buech oder die Zytschrift oder fir e kritischi Analys vum Cover brücht werre. E onderi Verwendung vun dem Bild, uf de Wikipedia oder sunsch neime, isch villicht Urhebrrechtverletzung. Lueg Copyrights fir meh Informatione.
|
Diä Vorlag kasch mit däm Boistei iifiäge: {{Movie poster}}
|
Des isch e Filmplakat. S Copyright fir des leit sicher bi dem, wu de Film rüsgää het, oder bim Studio, wu de Film produziert het. E Bild vum Werbeplakat derf in de Alemannische Wikipedia nume als Bildzitat no § 51 UrhG zum illuschtriere vum e Artikel iber dä Film oder fir e kritischi Analys vum Plakat oder Kunstwerk brücht werre. E onderi Verwendung vun dem Bild, uf de Wikipedia oder sunsch neime, isch villicht Urhebrrechtverletzung. Lueg Copyrights fir meh Informatione.
|
Nit gnue Agabe zu dr Lizänz oder Gmeinfreiheit
[Quälltäxt bearbeite]Diä Vorlag kasch mit däm Boistei iifiäge: {{Bild-Lizenz-unbekannt}}
!
|
Des Bild het nit gnue oder gar keini Agabe
Wänn Dü meh do driber weisch, no drag bittschen diä Informatione no. Lueg aü in dr Bildlizänz-Hilf. |