República Popular China
La China[16], en chinu simplificáu 中国 y en pinyin Zhōngguó, (oficialmente República Popular China, en chinu simplificáu 中华人民共和国 y en pinyin Zhōnghuá Rénmín Gònghéguó) ye un país asitiáu nel este d'Asia, el cuartu más grande del mundiu en cuanto a estensión territorial. Llenda con 14 países (Afganistán, Bután, Myanmar, India, Kazakstán, Kirguistán, Laos, Mongolia, Nepal, Corea del Norte, Paquistán, Rusia, Taxiquistán y Vietnam) y ye, colos sos cuasi 1.350 millones d'habitantes, el país más pobláu del mundiu.
| República Popular China | |||||
|---|---|---|---|---|---|
| estáu soberanu | |||||
 | |||||
| |||||
| Himnu nacional |
Yiyongjun Jinxingqu | ||||
| Alministración | |||||
| Nome oficial | 中华人民共和国 (zh-hans) | ||||
| Capital | Beixín (dende 1r ochobre 1949) | ||||
| Forma de gobiernu |
unipartidismu centralismu democráticu República parllamentaria estáu unitariu república constitucional dictadura comunista (es)  República | ||||
| Presidente de la República Popular China | Xi Jinping (dende 14 marzu 2013) | ||||
| Premier chinu | Li Qiang (dende 11 marzu 2023) | ||||
| Llingües oficiales |
mandarín estándar chinu Llingües de China | ||||
| División |
ver
| ||||
| Rellaciones diplomátiques |
ver
| ||||
| Miembru de |
ver
| ||||
| Xeografía | |||||
| Coordenaes | 35°50′41″N 103°27′07″E / 35.8447°N 103.4519°E | ||||
 | |||||
| Superficie | 9596961 km² | ||||
| Llenda con | Mongolia, Kazakstán, Kirguistán, Taxiquistán, Paquistán, India, Nepal, Bután, Myanmar, Laos, Vietnam, Rusia, Corea del Norte, Afganistán, Corea del Sur y Xapón | ||||
| Puntu más altu | Everest | ||||
| Puntu más baxu |
Lago Aiding (es) | ||||
| Demografía | |||||
| Población | 1 442 965 000 hab. (2021) | ||||
| Densidá | 150,36 hab/km² | ||||
| Xentiliciu |
chinu (masculín singular) china (femenín singular) | ||||
| Esperanza de vida | 76,252 años | ||||
| IDH | 0,768 (2021) | ||||
| Tasa de fertilidá | 1,6 (2021) | ||||
| Economía | |||||
| Moneda | Renminbi | ||||
| PIB nominal | 17 820 459 342 451 $ (2021) | ||||
| Bancu central | Banco Popular de China | ||||
| Más información | |||||
| Dominiu d'Internet | .cn, .中国, .中國 y .公司 | ||||
| Códigu telefónicu | +86 | ||||
| Códigu ISO | 156 / CHN / CN | ||||
| Estaya horaria |
estaya horaria de China, UTC+08:00, Asia/Shanghai (en) y Asia/Urumqi (en) | ||||
| gov.cn, english.www.gov.cn y gov.cn | |||||
 | |||||
Tocántenes a la so organización política, ye un réxime de partíu únicu (el Partíu Comunista de China, PCCh) con capital en Beixín. La so organización territorial abarca 22 provincies, cinco rexones autónomes, cuatro municipalidaes (Beixín, Tianjin, Shanghai y Chongqing) y dos rexones con un réxime alministrativu especial y dalgunes capacidaes d'autogobiernu (Ḥong Kong y Macáu). La República Popular China reclama que Taiwán ye la so vixésimutercer provincia, magar qu'anguaño esta islla forma una entidá política separada, la República de China.
Colos sos 9,6 millones de km² d'estensión, China ye'l segundu mayor país del mundu, y abarca bien de paisaxes distintos desde zones boscoses hasta los desiertos de Gobi y Taklamakan, nel norte y noroeste del país o les biesques subtropicales de la so fastera meridional. El oeste del país ye permontañosu, con cordilleres como l'Himalaya, el Karakoram, el Pamir o el Tian Shan, formaes por dalgunos de los montes más altos del mundiu. Los ríos Yangtze y Mariellu, terceru y sestu más llargos del mundu, nacen na meseta del Tíbet y van desembocar a la zona oriental del país, la más poblada. China tien una llinia costera de 14.500 km², na que llenda con dellos de los mares nos que se sodivide l'oceanu Pacíficu: Bohai, Mariellu, del Este de China y del sur de China.
L'antigua civilización china, una de les más vieyes del mundu, floreció na cuenca del ríu Mariellu, na llanada del norte de China. Demientres dellos milenios, el sistema políticu chinu basábase en monarquíes hereditaries, nomaes dinastíes, a partir del rei semimitolóxicu Xia (2.000 e.C.). Dende l'añu 221 e.C., cuando la dinastía Qin conquistó varios estaos, entamando asina l'imperiu chinu. El país foi espandiéndose, frañéndose y reconstruyéndose bien de veces. En 1911 la República de China echó del país a la cabera dinastía, y dirixió'l país hasta 1949. Dempués de la derrota de Xapón na Segunda Guerra Mundial el Partíu Comunista de China derrotó al Kuomintang, d'ideoloxía nacionaliega, na China continental, y estableció nella la República Popular China. Esta proclamose en Beixín el 1 d'ochobre de 1949. El gobiernu de la República de China coló pa la islla de Taiwan, que controla xunto con dellos isllotes como los de Penghu, Kinmen o Matsu. El so estatus ye problemáticu, pues ye reconocíu como un estáu dixebráu de China por perpocos países. La República Popular, amás, tien amenazao con ocupar la islla si los sos gobernantes declaren la so independencia, pues considérenla como parte inalienable del territoriu chinu.
Dende la introducción de reformes económiques en 1978 l'espoxigue económicu de China tien sío pergrande. Nel 2013 yá ye la segunda mayor economía pol so PIB, y ye tamién el mayor esportador ya importador de bienes del mundiu. Tien armes nucleares y el mayor exércitu del mundu, al que dedica'l segundu mayor presupuestu de defensa del planeta. Ye miembru de les Naciones Xuníes dende 1971, cuando-y quitó'l sitiu a la República de China como miembru permanente del so Conseyu de Seguridá. Ye tamién miembru de munches organizaciones internacionales multillaterales: OMC, APEC, Organización de Cooperación de Shanghai. G-20...
Xeografía
editar
El país ye'l terceru más grande en superficie terrestre. Pola so estensión, tien una gran variedá de paisaxes y fasteres climátiques. Nel este, a lo llargo de la costa del mar Mariellu y del mar de China Oriental, hai llanures aluviales densamente poblaes. La fastera costera del mar de China Meridional ye más montesa y nel sur de China tien una orografía de pandes y pequeños cordales. Na fastera centro del este tan los deltes de los dos mayores ríos: el ríu Mariellu y el Yangtze. Otros ríos importantes son el Ríu de les Perlles, el Mekong, Brahmaputra, Amur, Huai He y el Xi Jiang.
Demografía
editarEconomía
editarPolítica
editarLa Constitución china establez que la República Popular China "ye un estáu socialista gobernáu por una dictadura democrática del pueblu dirixida pola clase obrera y basada nuna alianza d'obreros y campesinos", y que les instituciones del estáu "tienen de practicar el principiu del centralismu democráticu"[17]. La República Popular China ye ún de los pocos estaos socialistes del mundu que tán gobernaos por un partíu comunista. El gobiernu chinu tien sío descrito como comunista y socialista, pero tamién como autoritariu[18] y corporativu[19], y ye ún de los más restrictivos de les llibertaes del mundu, especialmente no que cinca al accesu llibre a Internet, la llibertá de prensa, la llibertá de reunión, los derechos reproductivos, la formación d'organizaciones sociales y la llibertá de cultu[20].
Magar que'l Partíu Comunista de China describe el país como una "democracia consultiva socialista"[21], el país ye comúnmente descritu como un réxime autoritariu de partíu únicu y como una dictadura[22][23]. Los cabezaleros del país, por embargu, tienen definío'l réxime políticu del país, en términos políticos, como una "dictadura democrática del pueblu", basada ideolóxicamente nún "socialismu con característiques chines" (esto ye, cola adaptación del marxismu a les característiques del país) y con un sistema económicu de "economía de mercáu socialista"[24][25].
Magar qu'ente les principales preocupaciones de la población tean cuestiones como la brecha creciente ente probes y ricos y la corrupción gubernamental[26], los niveles de sofitu de la población al gobiernu y a la so forma de llevar el país ye altu; una encuesta de la Universidá de Harvard de 2011 amosó que'l 80-95% de los chinos taben contentos col gobiernu central[27]. Otra encuesta de 2020, fecha pol Instituto Canadiense d'Investigaciones sobre la Salú (Canadian Institutes of Health Research), concluyó que la mayoría de los ciudadanos d'esi país taben satisfechos col gobiernu no que cinca a la difusión de la información y la satisfacción de les necesidaes cotidianes demientres la pandemia de COVID-19[28][29].Finalmente, otra encuesta de la Universidá de Harvard, espublizada en xunetu de 2020, amosó que los niveles de satisfacción de los ciudadanos col so gobiernu crecieran de magar 2003, y qu'estos consideraben que'l gobiernu del país yera efectivu nún porcentaxe superior al de toles encuestes similares feches n'años precedentes[30].
El Partíu Comunista de China
editar
La Constitución china establez que "l'elementu definitoriu del socialismu con característiques chines ye'l lliderazgu del Partíu Comunista de China (PCC)"[31]. China ye un estáu marxista-leninista de partíu únicu[32], nel que'l secretariu xeneral del PCC concentra'l poder y l'autoridá sobre l'estáu y el gobiernu, y fae les veces de cabezaleru supremu. L'actual secretariu xeneral ye Xi Jinping, que llegó al cargu el 15 de payares de 2012 y foi reelexíu'l 25 d'ochobre de 2017[33]. Acordies cola constitución del PCC, el so órganu cimeru de gobiernu ye'l Congresu Nacional, qu'aconceya cada cinco años[34]. Esti Congresu escueye al so Comité Central, que ye'l qu'elixe al Buró Políticu (Politburo), al comité permanente d'esti y al secretariu xeneral, cabezaleru supremu del país[34]. A nivel subnacional el secretariu del comité del PCC d'un territoriu supera en poder a la persona encargada del gobiernu d'elli: el secretariu del comité provincial del PCC ta perriba del gobernador, y el secretariu del comité d'una ciudá perriba del alcalde[35].
Como tanto nel PCC como nel Exércitu Popular de Lliberación la promoción nos cargos faese por edá, ye posible estremar delles xeneraciones de cabezaleros nel gobiernu del país[36]. Nel discursu oficial cada grupu de líderes identifícase con un matiz diferente de la ideoloxía del partíu. Los historiadores estremen dellos periodos nel desarrollu del gobiernu de la República Popular, venceyándolos a eses "xeneraciones" venceyaos a eses "xeneraciones".
| Xeneración | Cabezaleru supremu | Entamu | Fin | Ideoloxía |
|---|---|---|---|---|
| Primera | Mao ZedongHua Guofeng | 1949 | 1978 | Maoísmu |
| Segunda | Deng Xiaoping | 1978 | 1989 | Teoría de Deng Xiaoping |
| Tercera | Jiang Zemin | 1989 | 2002 | Triple representatividá |
| Cuarta | Hu Jintao | 2002 | 2012 | Perspectiva científica del desarrollu |
| Quinta | Xi Jinping | 2012 | Pensamientu de Xi Jinping |
División alministrativa
editarLa Constitución de la República Popular de China establez que'l país ta organizáu en trés niveles d'organización territorial: provincial, de distritu y de cantón. A nivel provincial hai en China 23 provincies, 5 rexones autónomes, 4 municipalidaes y dos rexones alministratives especiales. A nivel de distritu, cada provincia ta estremada en prefeutures autónomes, distritos, distritos autónomos y ciudaes. Y a nivel de cantón los distritos y distritos autónomos tán sodividíos en cantones, cantones de minoríes étniques y poblaos. Amás d'estos niveles, el país presenta, de facto, otros dos niveles más d'organización territorial: les prefeutures, dientro de les provincies; y los pueblos, dientro de los distritos. Un sestu nivel organizativu perbaxu del de los condaos ta conformáu poles oficines públiques de distritu, que tán desapaeciendo dafechu.
La tabla que vien darréu resume les divisiones alministratives alministraes pola República Popular de China el 31 d'avientu de 2005.
| Nivel | Nomee | Tipos | Pinyin | Númberu | |
| 1 | Nivel provincial 省级行政区 |
Provincies (* China reclama como provincia Taiwán) |
省 | shěng | 22 (23*) |
| Rexones Autónomes | 自治区 | zìzhìqū | 5 | ||
| Municipalidaes | 直辖市 | zhíxiáshì | 4 | ||
| Rexones alministratives especiales | 特别行政区 | tèbié xíngzhèngqū | 2 | ||
| 2 | Nivel prefeutural (de facto) 地级行政区 |
Prefeutures | 地区 | dìqū | 17 |
| Prefeutures autónomes | 自治州 | zìzhìzhōu | 30 | ||
| Ciudaes-prefeutures | 地级市 | dìjíshì | 283 | ||
| Ligues (Unidaes alministratives menores de la rexón autónoma de Mongolia Interior) | 盟 | méng | 3 | ||
| 3 | Nivel distrital (o de condáu) 县级行政区 |
Condaos | 县 | xiàn | 1.464 |
| Condaos autónomos | 自治县 | zìzhìxiàn | 117 | ||
| Ciudaes-condáu | 县级市 | xiànjíshì | 374 | ||
| Distritos | 市辖区 | shìxiáqū | 852 | ||
| Banderes (Unidaes alministratives menores de la rexón autónoma de Mongolia Interior) | 旗 | qí | 49 | ||
| Banderes autónomes | 自治旗 | zìzhìqí | 3 | ||
| Áreas forestales | 林区 | línqū | 1 | ||
| Distritos especiales | 特区 | tèqū | 2 | ||
| 4 | Nivel cantonal 乡级行政区 |
Cantones | 乡 | xiāng) | 14.677 |
| Cantones étnicos | 民族乡 | mínzúxiāng | 1.092 | ||
| Municipios | 镇 | zhèn | 19.522 | ||
| Sodistritos | 街道办事处 | jiēdàobànshìchù | 6.152 | ||
| Oficines Públiques de Distritu | 区公所 | qūgōngsuǒ | 11 | ||
| Sumu | 苏木 | sūmù | 181 | ||
| Sumu étnicos | 民族苏木 | mínzúsūmù | 1 | ||
| 5 | Nivel municipal (de facto) 村级自治组织 |
Comunidaes * (社区) |
社区居民委员会 | jūmínwěiyuánhùi | 80.717[37] |
| Pueblos | 村民委员会 | cūnmínwěiyuánhùi | 623.669[38] |
Historia
editarReferencies
editar- ↑ Afirmao en: Resolución 2758 de la Asamblea General de las Naciones Unidas. Data d'espublización: 25 ochobre 1971.
- ↑ «China Joins W.T.O. Ranks» (inglés). The New York Times (12 avientu 2001). Consultáu'l 22 febreru 2015.
- ↑ URL de la referencia: http://eng.sectsco.org/about_sco/. Editorial: Organización de Cooperación de Shanghái. Data de consulta: 8 avientu 2017.
- ↑ Texto fundacional: Resolución 2758 de la Asamblea General de las Naciones Unidas.
- ↑ URL de la referencia: https://www.interpol.int/Member-countries/World. Editorial: Interpol. Data de consulta: 7 avientu 2017.
- ↑ URL de la referencia: http://www.nuclearsuppliersgroup.org/en/participants1. Editorial: Grupu d'abastecedores nucleares. Data de consulta: 7 avientu 2017.
- ↑ URL de la referencia: https://www.opcw.org/about-opcw/member-states/. Editorial: Organización pa la Prohibición d'Armes Químiques. Data de consulta: 7 avientu 2017.
- ↑ URL de la referencia: https://www.iho.int/srv1/index.php?option=com_wrapper&view=wrapper&Itemid=452&lang=en. Editorial: Organización Hidrográfica Internacional. Data de consulta: 8 avientu 2017.
- ↑ URL de la referencia: http://www.unesco.org/eri/cp/ListeMS_Indicators.asp.
- ↑ URL de la referencia: http://www.upu.int/en/the-upu/member-countries.html. Data de consulta: 4 mayu 2019.
- ↑ URL de la referencia: https://www.itu.int/online/mm/scripts/gensel8. Data de consulta: 4 mayu 2019.
- ↑ URL de la referencia: https://public.wmo.int/en/members/china. Data de consulta: 26 mayu 2020.
- ↑ URL de la referencia: https://www.who.int/choice/demography/by_country/en/. Data de consulta: 21 xunetu 2020.
- ↑ URL de la referencia: https://www.ats.aq/devAS/Parties?lang=e.
- ↑ URL de la referencia: https://www.wcoomd.org/-/media/wco/public/global/pdf/about-us/wco-members/list-of-members-with-membership-date.pdf. Data de consulta: 16 marzu 2024. Páxina: 9. Supports qualifier: data de principiu.
- ↑ (2010) Cartafueyos Normativos. Nomes de los países del mundu y de les sos capitales y xentilicios. Uviéu: Academia de la Llingua Asturiana. ISBN 978-84-8168-500-8.
- ↑ «Constitution of the People's Republic of China» (20 November 2019). Archiváu dende l'orixinal, el 2023-07-02. Consultáu'l 20 March 2021.
- ↑ «CCP's use of courts to silence peaceful dissent is hallmark of authoritarian regimes: US». Archiváu dende l'orixinal, el 2023-01-29. Consultáu'l 9 December 2020.
- ↑ «China, Corporatism, and the East Asian Model». The Australian Journal of Chinese Affairs 33 (33): páxs. 29–53. January 1995. doi:.
- ↑ Freedom in the World 2011: China. 2011. Archivado del original el 2023-01-28. https://web.archive.org/web/20230128080257/https://www.refworld.org/docid/4f6b2106c.html. Consultáu'l 19 June 2013.
- ↑ «The Development of Socialist Consultative Democracy in China». Archiváu dende l'orixinal, el 9 March 2017. Consultáu'l 13 May 2018.
- ↑ Ringen, Stein (2016). The Perfect Dictatorship: China in the 21st Century, páx. 3. ISBN 978-9-888-20893-7.
- ↑ «Four Takeaways From a Times Investigation Into China's Expanding Surveillance State». The New York Times. 21 June 2022. Archivado del original el 2023-01-16. https://web.archive.org/web/20230116110333/https://www.nytimes.com/2022/06/21/world/asia/china-surveillance-investigation.html. Consultáu'l 23 July 2022.
- ↑ «Full Text: China: Democracy That Works». State Council Information Office (4 December 2021). Archiváu dende l'orixinal, el 2023-06-04. Consultáu'l 2022-12-20.
- ↑ Xi reiterates adherence to socialism with Chinese characteristics. 5 January 2013. Archivado del original el 2016-02-01. https://web.archive.org/web/20160201174945/http://news.xinhuanet.com/english/china/2013-01/05/c_132082389.htm. Consultáu'l 14 January 2020.
- ↑ China sounds alarm over fast growing gap between rich and poor. 11 May 2002. Archivado del original el 2014-06-10. https://web.archive.org/web/20140610060248/http://www.highbeam.com/doc/1P1-52919430.html. Consultáu'l 1 February 2013.
- ↑ A Point of View: Is China more legitimate than the West?. 2 November 2012. Archivado del original el 2023-01-29. https://web.archive.org/web/20230129141054/https://www.bbc.co.uk/news/magazine-20178655. Consultáu'l 14 January 2020.
- ↑ Cary Wu (4 June 2020). «How Chinese citizens view their government's coronavirus response» (inglés). Archiváu dende l'orixinal, el March 2021.
- ↑ «Chinese Citizen Satisfaction with Government Performance during COVID-19». Journal of Contemporary China 30 (132): páxs. 930–944. 17 March 2021. doi:. https://www.researchgate.net/publication/350140842.
- ↑ Zhao, Suisheng (2023). The dragon roars back : transformational leaders and dynamics of Chinese foreign policy, páx. 163. ISBN 978-1-5036-3088-8.
- ↑ Wei, Changhao (11 March 2018). «Annotated Translation: 2018 Amendment to the P.R.C. Constitution (Version 2.0)». Archiváu dende l'orixinal, el 2018-12-22. Consultáu'l 22 August 2019.
- ↑ "Xi Jinping is making great attempts to 'Sinicize' Marxist–Leninist Thought 'with Chinese characteristics' in the political sphere," states Lutgard Lams, "Examining Strategic Narratives in Chinese Official Discourse under Xi Jinping" Journal of Chinese Political Science (2018) volume 23, pp. 387–411 at p. 395
- ↑ Phillips, Tom (24 October 2017). «Xi Jinping becomes most powerful leader since Mao with China's change to constitution». The Guardian. ISSN 0261-3077. Archivado del original el 2017-10-24. https://web.archive.org/web/20171024053607/https://www.theguardian.com/world/2017/oct/24/xi-jinping-mao-thought-on-socialism-china-constitution. Consultáu'l 24 October 2017.
- ↑ 34,0 34,1 Ruwitch, John (2022-10-13). «China's major party congress is set to grant Xi Jinping a 3rd term. And that's not all» (n'inglés). NPR. Archivado del original el 2022-10-14. https://web.archive.org/web/20221014193045/https://www.npr.org/2022/10/13/1124553497/china-communist-party-congress-xi-jinping. Consultáu'l 2022-10-15.
- ↑ «China's Political System in Charts: A Snapshot Before the 20th Party Congress» (24 November 2021). Archiváu dende l'orixinal, el 2022-06-16. Consultáu'l 20 December 2022.
- ↑ The landmark study of military generations and factions is William Whitson's The Chinese High Command, Praeger, 1973
- ↑ China Statistical Yearbook 2007, Ch. 23-28 Basic Conditions of Civil Affairs Agencies"
- ↑ China Statistical Yearbook 2007, Ch. 23-28, op.cit.
Enllaces esternos
editar
Wikimedia Commons acueye conteníu multimedia sobre República Popular China.
Sitiu web oficial - Sitiu web oficial (n'inglés)
- Sitiu web oficial (en chinu, inglés)
| Países d'Asia | ||
| Afganistán | Arabia Saudita | Armenia | Azerbaixán | Baḥréin | Bangladex | Brunéi | Bután | Camboya | China | Corea del Norte | Corea del Sur | Emiratos Árabes Xuníos | Filipines | India | Indonesia | Iraq | Irán | Israel | Kazakstán | Kirguistán | Kuwait | Laos | El Líbanu | Malasia | Maldives | Mongolia | Myanmar | Nepal | Omán | Paquistán | Qatar | Rusia | Singapur | Siria | Sri Lanka | Tailandia | Taxiquistán | Timor Oriental | Turkmenistán | Uzbequistán | Vietnam | Xapón | Xeorxa | Xordania | Yeme | ||
