Connee Boswell
Connee Boswell | |
|---|---|
 | |
| Vida | |
| Nacimientu | Kansas City, 3 d'avientu de 1907[1] |
| Nacionalidá |
 Estaos Xuníos |
| Muerte | Manhattan, 11 d'ochobre de 1976[1] (68 años) |
| Sepultura |
Cementerio Ferncliff (es)  [2] |
| Causa de la muerte | cáncanu d'estómagu |
| Familia | |
| Hermanos/es | |
| Oficiu | cantante, violonchelista, música de jazz, arreglista, actriz de teatru |
| Miembru de | Boswell Sisters |
| Xéneru artísticu | Jazz |
| Instrumentu musical | voz |
| Discográfica |
Apollo Records Capitol Records Decca Records |
| IMDb | nm0098333 |
 | |
Connee Boswell (3 d'avientu de 1907, Kansas City – 11 d'ochobre de 1976, Manhattan) foi una cantante d'Estaos Xuníos. Al pie de les sos hermanes, Martha y Helvetia "Vet" Boswell, formó parte na década de 1930 del grupu The Boswell Sisters, una formación pródiga en grabaciones y actuaciones radiofóniques. Connee ye considerada como una de les más importantes vocalistas de jazz, siendo una influencia pa Ella Fitzgerald.[3]
En 1936 retiráronse les sos hermanes y Connee siguió la so carrera en solitariu, anque nos sos años nel grupu yá grabara material fora de la formación.
Biografía
[editar | editar la fonte]El so nome completu yera Constance Foore Boswell, y nació en Kansas City, Missouri, anque se crio en Nueva Orleans, Louisiana. Les hermanes Boswell fixéronse conocíes a nivel llocal siendo inda adolescentes, actuando en teatros y emisores radiofóniques de Nueva Orleans. Les sos primeres grabaciones, para Victor Records, tuvieron llugar en 1925, siendo una de les temes grabaes "Cryin' Blues", cantando Connee nel estilu de la so primer cantante d'influencia, la afroamericana Mamie Smith. Les Boswell Sisters fixéronse profesionales esi mesmu añu, actuando nel Teatru Orpheum de Nueva Orleans. En 1928 fueron convidaes a dir a Chicago, actuando nel Circuitu Occidental del Vodevil (Western Vaudeville Circuit). Cuando la xira remató, viaxaron a San Francisco (California), onde Boswell conoció a Harry Leedy, el que sería axente del tríu y más palantre casaríase con ella.
Les Boswell Sisters actuaron na radio en Los Angeles, y fixeron interpretaciones de complementu pa delles producciones de cine sonoru, como'l títulu de 1930 "Under Montana Skies." Nun consiguieron la fama en tol país, sicasí, hasta que se treslladaron a Nueva York en 1930 y empezaron a actuar en programes radiofónicos d'emisión nacional. Tres unes poques grabaciones con Okeh Records, trabayaron para Brunswick Records dende 1931 a 1935, y en 1935 el tríu llogró un númberu 1 col cantar "The Object of My Affection".
En 1936 les hermanes roblaron contratu con Decca Records y, en faciendo tres discos, el grupu eslleióse. Sicasí, Connee Boswell siguió como cantante en solitariu trabayando pa Decca. Connee Boswell fuera arreglista (los arreglos harmónicos yeren de toes elles) y compositora del tríu.
Anque a lo llargo de la so trayeutoria con The Boswell Sisters, y bien entrada la década de 1940, el so nome solletrárase "Connie", ella camudar por Connee pa facilitar la firma d'autógrafos, enzancada polos sos problemes físicos. Connee cantó dende una siella de ruedes – o en posición sentada – a lo llargo de tola so carrera, por cuenta d'una poliomielitis o a un accidente asocedíos na infancia (les fontes difieren). Anque Boswell nun caltuvo de callao la so situación física, el públicu nun alvertía la so situación. Mientres la Segunda Guerra Mundial ella intentó viaxar nes xires de la United Service Organizations, pero nun consiguió permisu porque l'Exércitu consideraba qu'una cantante en siella de ruedes nun yera apoderada pa llevantar la moral de la tropa.
Connee Boswell foi una de los collaboradores favorites de Bing Crosby, cantando dambos con frecuencia a dúu na radio y grabando xuntos dellos ésitos nes décades de 1930 y 1940. Boswell, Crosby, y Eddie Cantor grabaron una versión de Alexander's Ragtime Band que llegó al númberu 1 en 1938. En 1939 Crosby y Boswell grabaron trés duetos qu'algamaron el top 12 de la revista Billboard. "An Apple For The Teacher" llegó al númberu 2.
Boswell tamién consiguió delles docenes d'ésitos en solitariu, ente ellos "Moonlight Moon" en 1942. La carrera de Boswell tornó nos años cincuenta, pero inda grabó dacuando y apaeció en distintos programes televisivos, incluyendo una actuación como regular de la serie de 1959 "Pete Kelly's Blues".
Connee Boswell finó por causa de un cáncer d'estómagu en 1976 na ciudá de Nueva York. Tenía 68 años d'edá. Foi soterrada nel Campusantu Ferncliff de Hartsdale, Nueva York.
Singles (solo)
[editar | editar la fonte]| Añu | Single | Posición en llistes |
|---|---|---|
| Billboard Hot 100 | ||
| 1932 | "Say It Isn't So" | 10 |
| 1934 | "Isn't It a Shame" | 19 |
| 1935 | "Moon Over Miami" | 19 |
| 1936 | "On the Beach At Bali Bali" | 3 |
| 1937 | "Whispers In the Dark" | 9 |
| "Bob White (Whatcha Gonna Swing Tonight?)"(con Bing Crosby) | 1 | |
| "Basin Street Blues"(con Bing Crosby) | 12 | |
| 1938 | "Fare Thee, Honey, Fare Thee Well" | 11 |
| "I Let a Song Go Out of My Heart" | 5 | |
| "Alexander's Ragtime Band"(con Bing Crosby) | 1 | |
| "Simple and Sweet" | 12 | |
| 1939 | "An Apple For Teacher"(con Bing Crosby) | 2 |
| "Start the Day Right"(con Bing Crosby) | 12 | |
| "At Least You Could Say Hello" | 14 | |
| 1940 | "Between 18th & 19th On Chestnut Street"(con Bing Crosby) | 12 |
| "On the Isle of May" | 3 | |
| "Let's Be Buddies" | 25 | |
| 1941 | "Sand In My Shoes" | 24 |
| "I'll Keep On Loving You" | 22 | |
| 1942 | "South Wind" | 21 |
| "Moonlight Mood" | 22 | |
| "Why Don't You Fall In Love With Me" | 21 | |
| 1946 | "Let It Snow! Let It Snow! Let It Snow!" | 9 |
| "Who Told You That Lie?" | 22 | |
| "Ole Buttermilk Sky" | 14 | |
| 1948 | "You Were Meant For Me" | 19 |
| 1952 | "My Little Nest of Heavenly Blue" | 25 |
| 1953 | "Singin' the Blues" | 27 |
| "Main Street On Saturday Night" | 29 | |
| "I'm Gonna Sit Right Down and Write Myself a Letter" | 29 | |
| 1954 | "The Philadelphia Waltz" | 30 |
| "If I Give My Heart To You" | 10 |
Discos compactos
[editar | editar la fonte]- Connee Boswell (1995)
- Deep in a Dream (1996)
- Connee Boswell Sings Irving Berlin (1997)
- Heart and Soul (1997)
- Connee Boswell and the Original Memphis Five in Hi-Fi (1998)
- They Can't Take These Songs (2004)
- Moonlight and Roses (2004)
- With All My Heart (2005)
- Singing the Blues (2006)
Referencies
[editar | editar la fonte]- ↑ 1,0 1,1 Afirmao en: Gemeinsame Normdatei. Data de consulta: 3 mayu 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Find a Grave. Data de consulta: 18 xunu 2024. Llingua de la obra o nome: inglés.
- ↑ Stephen Holden (16 de xunu de 1996). Ella Fitzgerald, the Voice of Jazz, Dies at 79. The New York Times. http://query.nytimes.com/gst/fullpage.html?res=9A00Y4DC1Y39F935A25755C0A960958260. Consultáu'l 6 d'abril de 2008.
Enllaces esternos
[editar | editar la fonte]- Boswell Sisters website Bozzies.com
- The Boswell Sisters sound clips and CDs
- The Boswell Sisters Vocal Group Hall of Fame Page
- Connee Boswell na Internet Movie Database (n'inglés)
- «Connee Boswell». en Find a Grave. (n'inglés)
Datos: Q547132
Multimedia: Connee Boswell