Ernest Hemingway

Ernest Hemingway
Vida
Nacimientu	Oak Park (es) , 21 de xunetu de 1899
Nacionalidá	Estaos Xuníos
Residencia	Cayo Hueso (es) ; París; Ketchum (es) ; Ernest Hemingway House (en)
Llingua materna	inglés
Muerte	Ketchum (es) , 2 de xunetu de 1961 (61 años)
Sepultura	Ketchum (es)
Causa de la muerte	mancada por arma de fueu
Familia
Padre	Clarence Hemingway
Madre	Grace Hall Hemingway
Casáu con	Hadley Richardson (1921 – 1927); Pauline Pfeiffer (1927 – 1940); Martha Gellhorn (1940 – 1945); Mary Welsh Hemingway (es) (1946 – 1961)
Fíos/es	Jack Hemingway; Patrick Hemingway; Gloria Hemingway
Hermanos/es	Leicester Hemingway; Marcelline Hemingway Sanford; Madelaine Hemingway Miller; Carol Hemingway (en) ; Ursula Hemingway (en)
Estudios
Estudios	Oak Park and River Forest High School (en) ; James F. Byrnes High School (en)
Llingües falaes	inglés; francés; castellanu
Oficiu	corresponsal de guerra, guionista, novelista, periodista, dramaturgu, poeta, escritor, escritor de cuentos, prosista
Llugares de trabayu	Alassio (es)
Trabayos destacaos	Hills Like White Elephants (en) ; Las nieves del Kilimanjaro (es) ; The Old Man and the Sea; The Short Happy Life of Francis Macomber (en) ; Adiós a las armas (es) ; Fiesta (es)
Premios	ver Commemorative Medal for the Italo-Austrian War 1915-1918 ; Medaya al Valor Militar (1917) ; Estrella de Bronce (1947) ; Premio Pulitzer de Ficción (1953) : The Old Man and the Sea; Orden de Carlos Manuel de Céspedes (1954) ; Premiu Nobel de Lliteratura (1954) ; Salón de la Fama de los Artistas de Florida (1987) ;
Nominaciones	ver Premiu Nobel de Lliteratura ; (1947); Premiu Nobel de Lliteratura ; (1950); Premiu Nobel de Lliteratura ; (1953); Premiu Nobel de Lliteratura ; (1954);
Influyencies	Robert Louis Stevenson y Mario Berrino
Xéneru artísticu	Prosa; periodismu d'opinión; memorias (es)
Serviciu militar
Lluchó en	Primer Guerra Mundial; Segunda Guerra Mundial; Guerra Civil Española
IMDb	nm0002133

Ernest Hemingway (21 de xunetu de 1899, Oak Park ^(es) – 2 de xunetu de 1961, Ketchum ^(es) ) foi un escritor y periodista d'Estaos Xuníos amás de ser ún de los principales novelistes y cuentistes del sieglu XX. Ganó'l Premiu Nobel de Lliteratura en 1951 pola so obra completa.

Biografía

Nació'l 21 de xunetu de 1899 n'Oak Park, un suburbiu de Chicago. Yera'l segundu fíu d'una familia de trés. So pa, Clarence Edmond Hemingway, yera médicu y gustába-y la caza y la pesca. So ma, Grace Hall Hemingway, estudiare música y fízolu interesase por ella. El pa d'Ernest poseía una casina con terrenu nel Llagu Bear. Ellí Ernest deprendió a pescar y a cazar. Estudió nel Institutu de Secundaria d'Oak Park y River Forest, onde deprendió a tocar el violonchelu y formó parte de la orquesta. Yera capitán del equipu de waterpolo y xugaba al rugby. Interesábase tamién pol boxéu y peliábase colos sos compañeros nos descampaos. Nos estudios destacó na llingua, pero sentía apatía poles otres asignatures. Mostró les sos aptitudes lliteraries nel diariu escolar, usando'l nomatu de Ring Lardner, Jr. Al acabar los sos estudios en 1917, nun quixo dir a la universidá, como quería so pa, nin quixo perfeccionar los sos estudios de violonchelo, como so ma quería. Treslladóse a Kansas y n'ochobre de 1917 entamó a trabayar de reporteru nel Kansas City Star.

Primer Guerra Mundial

Los Estaos Xuníos d'América entraron na guerra'l 6 d'abril de 1917, y Ernest nun quería perdese la ocasión de siguir nel Cuerpu d'Espedición Americanu, como ficieron John Dos Passos, William Faulker o F. Scott Fitzgerald. Por mor d'un defectu nel güeyu esquierdu foi excluyíu como combatiente. Consiguió facese llamar como conductor d'ambulancies de la Cruz Bermeya y desembarcó en Burdeos a finales de mayu de 1918, pa marchar a Italia. El 8 de xunetu de 1918 foi firíu de gravedá por artillería austriaca. Coles piernes firíes y una rodiella rota, foi quien a cargar a recostines a un soldáu italianu pa ponelu a salvu. Caminó 40 metros hasta que se desmayó. La heroicidá valió-y el reconocimientu del gobiernu italianu cola Medaya de Plata al Valor. Na so recuperación nel hospital de Milán enamoróse d'una xoven enfermera, Agnes von Kurowsky, quien más tarde lu abandonaría por un oficial napolitanu. Regresó a Estaos Xuníos en xineru de 1919, entamando'l so trabayu como periodista nel Toronto Star y como redactor del mensual Cooperative Commonwealth. Casóse con Elizabeth Hadley Richardson, 8 años mayor qu'él, el 3 de setiembre de 1920. La pareya treslladóse a París en 1922.

Enteguerres: París y la Xeneración Perdida

En 1923, al pocu tiempu de llegar a París, nació'l so primer fíu, John Hadley Nicanor Hemingway, al que llamaba "Bumby". En París conoció los ambientes lliterarios de vanguardia y rellaciónase colos miembros de la llamada Xeneración Perdida: Gertrude Stein, Ezra Pound y F. Scott Fitzgerald ente otros. La familia Hemingway vivía nun pisu austeru, pero cuando Ernest escribía a la so familia, ésti contaba-yos que vivía na meyor zona del Barriu Llatín. Los sos comienzos lliterarios nun fueron nada fáciles. Los sos primeros trabayos: Three Stories and Ten Poems (1923) y in our time (1925; ensin mayúscules) pasaron inalvertidos. Ernest ganábase la vida como corresponsal y viaxó per toa Europa. Tamién s'empleó como sparring pa boxeadores y "cazaba" palombes nos Xardinos de Luxemburgu cuando sacaba a pasiar al so fíu, pues los aforros menguaben y nun ganaba muncho.

Nueva etapa

Nel añu 1925 supunxo'l descubrimientu de Hemingway pa los editores americanos, y l'añu nel qu'escribió la so primera novela, The sun also rises. L'estilu nuevu que mostró nesti llibru, retratu del París bohemiu de los años venti y buena parte d'inspiración biográfica, dexó atrás una lliteratura más esperimental y oscura, resultando más impautante y exitosa. Tamién en Death in the Afternoon, rellata les sos esperiencias en Pamplona, España, país que ya entamaba a adorar, y nel que tovía güei queden testimonios de la so presencia.

En 1929, edita A Farewell to Arms, novela de conteníu autobiográficu, yá que ta basada nel so pasu pela guerra y les sos esperiencies nel frente de batalla. Síguen-y dos ediciones más optimistes, que traten de dos temes que-y apasionaben: las corrides de toros, en Death in the Afternoon, y África, Green Hills of Africa (1935). En 1928 regresa a los Estaos Xuníos cola so segunda esposa, pero pronto parte hacia Cuba. A partir d'esi momentu, entama nél una curiosa y definitiva tresformación. Allóñase del indiviualismu, como pue alvertise en To Have and Have Not (1937), que describe'l fracasu d'una rebelión individual, y comprométese cola llucha humanitaria y cola unión de les persones. Compromete la so escritura nesta nueva etapa colos republicanos españoles durante la Guerra Civil Española, compromisu del que da testimoniu nel guión del filme documental The Spanish Earth, na obra de teatru The fifth column (1938) y por supuestu en For Whom the Bell Tolls, obra maestra de la lliteratura universal.

Segunda Guerra Mundial

Estalla la Segunda Guerra Mundial. El so destín yera'l mar de Les Antilles y la so misión, yera patrullar col fin de capturar dellos barcos de bandera nazi. En 1944 viaxa a Europa como corresponsal de guerra, participa en misiones aérees de reconocimientu n'Alemaña y forma parte del desembarcu en Normandía, siendo ún de los primeros soldaos n'entrar en París. Hasta 1950 nun vuelve a escribir. Across the River and into the Trees, ye la so primera publicación dempués d'aquellos turbulentos años de guerra.

The Old Man and the Sea

En 1952 sorprende con un breve rellatu encargáu pola revista Life, The Old Man and the Sea, pol que recibe'l Premiu Pulitzer en 1953. La historia narra la esperiencia d'un vieyu pescador cubanu tuviera una mala racha y sal de pesca decidíu a terminala. Un añu más sero consiguirá'l Premiu Nobel de Lliteratura pol conxuntu de la so obra.

Últimos años

A partir d'esi momentu intenta escribir una novela sobre la Segunda Guerra Mundial, que finalmente nunca concluiría. Y vuelve en Nuevos Rellatos, a aquellos años de xuventú en París y España, llugares nos cuales foi mui probe, pero mui feliz, añorando la sensación que-y provocaba ser un xoven soñador, valiente y arriesgáu, que nun sólo escribía sobre acontecimientos qu'un día pasaríen a ser parte de la historia, sinón qu'amás yera parte d'ella. El 2 de xunetu de 1961, quiciás decidió que nun podía escribir más, y disparóse a si mesmu con una escopeta. Dada l'asuencia d'una nota de suicidiu y l'ángulu de disparu, ye difícil de determinar si realmente la so muerte fue autoinflinxida o fue un accidente. Presúmese qu'una posible causa fue un alzheimer que se-y detectara poco anantes, asina como'l so carácter depresivu.

Obra

Hemingway destaca polos sos rellatos y les sos noveles.

Rellatos

Three Stories and Ten Poems (1923)
In Our Time (1925)
Men Without Women (1927)
Winner Take Nothing (1933)
The Fifth Column and the First Forty-Nine Stories (1038)

Novela

The Torrents of Spring (1926)
The Sun Also Rises (1926)
A Farewell to Arms (1929)
Green Hills of Africa (1935)
To Have and Have Not (1937)
For Whom the Bell Tolls (1940)
Across the River and into the Trees (1950)
The Old Man and the Sea (1952) Premiu Pulitzer en 1953.

Otres obres

Men at War: The Best War Stories of All Time (1942)
Death in the Afternoon (1932)

Obres publicaes póstumamente

Hemingway, The Wild Years (1962)
A Moveable Feast (1964)
By-Line: Ernest Hemingway (1967)
Islands in the Stream (1970)
The Nick Adams Stories (1972)
88 Poems (1979)
Ernest Hemingway Selected Letters 1917–1961 (1981)
True at First Light (1999)

Bibliografía

Castillo-Puche, José Luis (1968). Hemingway, entre la vida y la muerte. Ediciones Destino. ISBN 978-84-233-0058-7.
Stanton, Edward F. (1989). Hemingway en España. Editorial Castalia. ISBN 978-84-7039-526-0.

Wikimedia Commons tien conteníu multimedia tocante a Ernest Hemingway.

Referencies

↑ Afirmao en: Gemeinsame Normdatei. Data de consulta: 10 avientu 2014. Llingua de la obra o nome: alemán. Autor: Biblioteca Nacional d'Alemaña.
↑ ^2,0 ^2,1 Afirmao en: autoridaes BNF. Identificador BnF: 11907208v. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
↑ URL de la referencia: https://www.ocregister.com/2015/08/12/ernest-hemingways-idaho-house-listed-on-national-register-of-historic-places/.
↑ URL de la referencia: https://www.forbes.com/sites/jimclash/2016/09/02/homage-visit-to-ernest-hemingways-idaho-grave-unsettles/.
↑ Afirmao en: Ficheru d'Autoridaes Virtual Internacional. Llingua de la obra o nome: distintes llingües. Editorial: Online Computer Library Center.
↑ Afirmao en: OPAC SBN. Identificador SBN: TO0V300425. Apaez como: Sanford, Marcelline Hemingway. Data de consulta: 8 xunetu 2022. Llingua de la obra o nome: italianu.
↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
↑ URL de la referencia: https://www.oakpark.com/2017/06/01/hemingway-awarded-medal-of-military-valor/. Data de consulta: 13 abril 2022.
↑ URL de la referencia: https://www.archives.gov/publications/prologue/2006/spring/hemingway.html. Data de consulta: 13 abril 2022.
↑ URL de la referencia: https://www.pulitzer.org/prize-winners-by-category/219. Data de consulta: 13 abril 2022.
↑ URL de la referencia: https://www.nobelprize.org/nobel_prizes/literature/laureates/1954/.
↑ URL de la referencia: https://dos.myflorida.com/cultural/programs/florida-artists-hall-of-fame/ernest-hemingway/. Data de consulta: 13 abril 2022.
↑ ^13,0 ^13,1 ^13,2 ^13,3 Afirmao en: nobelprize.org. Identificador de nominación de persona al Premio Nobel: 4037. Editorial: Fundación Nobel. Llingua de la obra o nome: inglés.

Enllaces esternos

Ernest Hemingway na Internet Movie Database (n'inglés)
Ernest Hemingway na Internet Broadway Database (n'inglés)
Ernest Hemingway n'AllMovie (n'inglés)
«Ernest Hemingway». en Find a Grave. (n'inglés)
Obres d'Ernest Hemingway nel Proyeutu Gutenberg

[205eabda4a2cf7d4f8ede558f514fc289fb74afd-1] Afirmao en: Gemeinsame Normdatei. Data de consulta: 10 avientu 2014. Llingua de la obra o nome: alemán. Autor: Biblioteca Nacional d'Alemaña.

[c2edffaa0d1a6972d0a42ad980b044144d39313a-2] 2,0 ^2,1 Afirmao en: autoridaes BNF. Identificador BnF: 11907208v. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.

[b4c295961d5ca2d6f4b9fc71d1567a2bc1e36eb8-3] URL de la referencia: https://www.ocregister.com/2015/08/12/ernest-hemingways-idaho-house-listed-on-national-register-of-historic-places/.

[cde17bdbb0c116758b17228bf10e4a2baee0c34d-4] URL de la referencia: https://www.forbes.com/sites/jimclash/2016/09/02/homage-visit-to-ernest-hemingways-idaho-grave-unsettles/.

[63309730314f4c20bf6b1008fe8ffd2b155272b3-5] Afirmao en: Ficheru d'Autoridaes Virtual Internacional. Llingua de la obra o nome: distintes llingües. Editorial: Online Computer Library Center.

[ea49c861e23c524cb818ec1db0ea0af3e212f95a-6] Afirmao en: OPAC SBN. Identificador SBN: TO0V300425. Apaez como: Sanford, Marcelline Hemingway. Data de consulta: 8 xunetu 2022. Llingua de la obra o nome: italianu.

[40072b4da909125d88ad2af66716ee2c0b7fb3e3-7] Biblioteca Nacional de Francia. «autoridaes BNF» (francés). Consultáu'l 10 ochobre 2015.

[bdc14f6e349908f322114498b05c1278bd1db082-8] URL de la referencia: https://www.oakpark.com/2017/06/01/hemingway-awarded-medal-of-military-valor/. Data de consulta: 13 abril 2022.

[0ffdef253dbf802899a1db899e36df430f908972-9] URL de la referencia: https://www.archives.gov/publications/prologue/2006/spring/hemingway.html. Data de consulta: 13 abril 2022.

[773bf2f055b461ff8e4b1533026106c441a7029f-10] URL de la referencia: https://www.pulitzer.org/prize-winners-by-category/219. Data de consulta: 13 abril 2022.

[32b84baebbf754b327bfe33f30c2ce84ea5be77c-11] URL de la referencia: https://www.nobelprize.org/nobel_prizes/literature/laureates/1954/.

[554c46ae30635f53c55fbee84eeb51a9a010c3f3-12] URL de la referencia: https://dos.myflorida.com/cultural/programs/florida-artists-hall-of-fame/ernest-hemingway/. Data de consulta: 13 abril 2022.

[6a04e47bf6fdc86551a1438253b46f856490f6ef-13] 13,0 ^13,1 ^13,2 ^13,3 Afirmao en: nobelprize.org. Identificador de nominación de persona al Premio Nobel: 4037. Editorial: Fundación Nobel. Llingua de la obra o nome: inglés.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]