Renault

Renault
Renault
Ümumi məlumatlar
Tipi	Açıq Səhmdar Cəmiyyət
Sənaye	avtomobil sənayesi
Məhsulları	Minik avtomobili, Yüngül kommersiya nəqliyyat vasitəsi
Təsis tarixi	1898
Baş qərargahın yeri	Fransa: Bulon-Biyankur
İqtisadi göstəriciləri
Ümumi kapital	€30.63 mlrd (2023)
Ümumi aktivlər	€121.91 mlrd (2023)
Ümumi gəliri	€52.37 mlrd (2023)
Xalis mənfəəti	€2.31 mlrd (2023)
Əməliyyat mənfəəti	€2.48 mlrd (2023)
Struktur
İşçi sayı	170,000
Tərəfdaşlar	Alpine; Dacia;
Rəhbərlik
Təsisçi	Louis Renault; Marcel Renault; Fernand Renault;
	renaultgroup.com/en/
	Vikianbarda əlaqəli mediafayllar

Renault (fr. Renault) və ya Reno — fransız avtomobil istehsalçısı. Avtomobil, yük maşını, traktor, tank, qatar, təyyarə, motosiklet, velosiped, avtobus kimi bir çox fərqli ölçüdə vasitələr istehsal edir.

Tarixi

Lui Reno 1877-ci ildə Parisdə doğulan bir bəyzadə idi. Atası yaxşı qazanan bir yun taciri idi. Lui maşın xəstəsi idi və hələ 5 yaşında yoldaşlarından eşitdiyi lokomotivi görmək üçün stansiyaya qaçardı. Buxar qazanını, porşenlərin, bacaları, necə düzəldiyini bilməyə çalışardı. 15 yaşında bir şagirdkən matorlu vasitələrə maraq salır, hətta xərcliyindən yığdığı pullarla 0.75 at gücündə De Dion bouton markalı bir avtomobil alır.

Hələ 21 yaşında ikən (1898) qardaşları Fernand və Marsellə birlikdə "Reno Freres" şirkətini qurur.

1899-cu ildə Paris-Trouville arasında 170 kilometri aşan bir yarış hazırlanır. Renolar etdikləri xüsusi avtomobillə yarışı rahat qazanırlar. Bu zəfər üzərinə qapısını çalanlar artır, yağış kimi sifariş yağır. Ataları onlara 8 min İngilis sterlini sərmayə verir. Bu pul ilk təkan üçün yetərli olur. Artıq (1914) "Société des Automobiles Renault" 4 min 400 işçisiylə bir sənaye nəhəngi olur, bundan dörd il sonra isə (1918) işçilərin sayı 22 mini keçir.