فیفا دونیا کاپی
| یارادیلمیش | ۱۹۳۰ |
|---|---|
| منطقه | بین‌الخلق (فیفا) |
| تیم‌لرساییسی | ۳۲ (فینال) ۲۱۱ (سئچیلماق) |
| مربوط موسابیقه‌لر | فیفا کونفدراسیونونون کاپی |
| ایندیکی شامپیون |  فرانسه (۲) |
| ان‌شامپیون |  برزیل (۵) |
| تیلویزیونی | یایمجیلارینین سیاهی‌سی |
| وئب‌سایتی | www |
 فیفا دونیا کاپی ۲۰۱۸ | |
 فیفا دونیا کاپی ۲۰۱۴ ده آچیلیش مراسیمی | |
| موسابیقه‌لر | |
|---|---|
فیفا دۆنیا کاپی (اینگیلیسجه: FIFA World Cup) فۇتبول اۆزره ان اهمیت‌لی تورنمنت. ۱۹۳۰-جو ایلدن بری هر دؤرد ایلدن بیر تشکیل اوْلونور. (ایکینجی دونیا ساواشی ایله علاقه دار ۱۹۴۲ و ۱۹۴۶-جی ایللر استثنا اوْلماقلا.)
تاریخی
[دَییشدیر]دۆنیانین بیرینجی کاپی و یا اوْ واخت رسمی اوْلا‌راق آدلاندیریلدیغی کیمی، "ژول ریمه اؤدولو" اۇغروندا یاریشلار ۱۹۳۰-جو ایلین جۇلایوندا مونتویدودا کئچیریلمیش‌دیر. لاکین دۆنیا بیرینجی‌لیگی یاریشلارینین پرینسیپی داها اوّل، ۱۹۲۰-جی ایلین آوریلینده فیفا-نین آنتورپنده‌کی کوْنقره سینده راضیلاشدیریلمیش‌دی. بۇ یاریشین تشکیلات‌چی‌سی، اوْنون ادّعالارینین مؤلفی فرانسه فوتبول فدراسیاسینین رئیسی، و ده اوْ زامان آنتورپنده فیفا رئیسی سئچیلمیش ژول ریمه ایدی. تورنمنته اوْنون آدی وئریلمیش‌دی.
فۇتبول اۆزره دۆنیانین بیرینجی چمپیوناتین ین کئچیریلمه‌سی حاقیندا سوْن قرار ۱۹۲۸-جی ایلده فیفا-نین آمستردامداکی کوْنقره سینده قبول ائدیلمیش‌دی. اولمپیک اوْیونلاریندا، دمک اوْلار کی، بۆتون تاخیملار گیزلی حرفه ایلیق نۆماییش اتدیردیین‌دن دۆنیانین بۆتون ییغما تاخیملارینین آماتور دۇروم تام فورمال کاراکتر داشیماغا باشلامیش‌دی. حرفه ایلارین و آماتورلارین برابر اوْلدوقلاری مۆنتظم دۆنیا چمپیوناتلارینین کچیریلمه‌سی بۇ پروبلمی حل ائتدی. اوْ واخت‌دان میلّی آسسوسیاسیلارینین رهبرلری داها یۆکسک یاریش‌دا – دۆنیا چمپیوناتیندا چیخیش ائتمک‌ده ماراقلی اوْلدولار و حرفه ای اوْیون‌چولاری ییغما اولمپیک تاخیملارینا "ایتلمه‌دیلر". حرفه ای و آماتور فۇتبول‌چولار اۆچون آچیق اوْلان بئله چمپیوناتلارین تشکی‌لی اوْ واختلار ریسک‌لی ایش ایدی. هم ده فیفا ائله بیر اؤلکه آختاریردی کی، بۇ ایشه تاماهکارلیق آماچ ایله گیریشمه‌سین. اولمپیک تورنمنتلری اوْنا، دمک اوْلار کی، گلیر گتیرمیردی. دۆنیا چمپیونتلارینین کچیریلمه‌سینه اداره ائتمک‌له اۇلوسلار آرا‌سی فۇتبول فدراسییاسی گلیرین بؤلوشدورولمه‌سینده ایشتیراک ائده بیلردی و بورجا دوشمزدی.