Ngo Dinh Diem
Da Ngô Đình Diệm (Hán Nôm 吳廷, eigandle Jean-Baptiste Ngô Đình Diệm[1]; (* 3. Jenna 1901 z Huế; † 2. Novemba 1963 z Ho-Chi-Minh-Stod domois no Saigon) is vo 1955-1963 da easchde Bresident vo Sidvietnam gwen.
Gschicht
[Werkeln | Am Gwëntext werkeln]Da Diệm is in da Stod Hue afd Wejd kumma, ea hodzan katolischn Adl vo Vietnam kead. Da Diệm isa gliarada Nazionoist und Anti-Kommunist gwen. Ois junga Mo isa Beamta ba da franzesischn Koloniovawoitung gwen.
1933 isa Innaminista untam Kaisa Bao Dai woan, hod se owa mid de Franzosn weng Kombetenzn zgriagt kobt und is glei wida odren.[2]
No da Augustrewoluzion vo 1945 woita se ned an Ho Chi Minh oschliassn und is af Amerika okaut.Duat hoda oi eiflussreiche Bolitika droffa und se ois antikomunistischa und antikoloniala vietnamäsischa Nazionalist brofiliad.[3] De hom eam dano koifa, dasa nom End voum Indochinagriag 1954 und wiad Franzosn weg gwen san, zan Bremjeminisda gmochd woan is.
1955 hod se da Diệm zan Bresidentn wejn lossn und d Monachie ogschafft kobt. D Woi is manipuliad gwen. Dano isa graisle geng Komunistn und bolidische Gegna fiaganga. Aloa zwischn 1955 und 1957 hoda 12000 Leid umbringa lossn.[4]
In da amerikanischn Effadlichkeit hoda owa no owei ois de bessare Oitanatif zan Ho Chi Minh goitn kobt. Owa ba de Vietnamäsn isa boid unt duach gwen und fui san diaggad ind Oam vo da NLF grennt gwen. De Buddhistenkrisn hod no an John F. Kennedy iwazeigt kobt, das da Diem fiad Regiearungspitz z Siadvietnam ned da richdige gwen is. Wia ma heid woas, is da amerikanische Geheimdeanst fian Putsch und d Eamoadung voum Ngô Đình Diệm mid voandwoadle gwen.[5]
Am 1. Novemba 1963 is zan Militäaputsch kumma gwen, da Diem und sei jingara Bruada san no gflicht, schbada hod mas gfundn und umbrochd.[6]
De Hoffnunga vo da US-Regiarung, das se nom Putsch a bessara Nofoiga gfindn losst homse ned eafuit kobt. Nom Doud voum Diem hods z Siadvietnam koa schdabile Regiarung mea gem.
Literatur
[Werkeln | Am Gwëntext werkeln]- Frances Fitzgerald: Fire in the Lake: The Vietnamese and Americans in Vietnam. Boston 1972, ISBN 0-316-15919-0, ISBN 0-679-72394-3, ISBN 0-316-28423-8.
- Marc Frey: Geschichte des Vietnamkriegs: Die Tragödie in Asien und das Ende des amerikanischen Traums. München, 8. Auflage 2006, ISBN 978-3-406-45978-8.
- Seth Jacobs. Cold War Mandarin: Ngo Dinh Diem and the Origins of America’s War in Vietnam, 1950-1963. Lanham 2006, ISBN 978-0-7425-4448-2.
- Robert Mann: A Grand Delusion: America’s Descent into Vietnam. New York 2001; ISBN 0-465-04370-4, ISBN 0-465-04369-0.
Im Netz
[Werkeln | Am Gwëntext werkeln]
Commons: Ngô Đình Diệm – Sammlung vo Buidl, Videos und AudiodateienBeleg
[Werkeln | Am Gwëntext werkeln]- ↑ Bernard B. Fall: The Two Vietnams: A Political and Military Analysis Greenwood Publishing Group, Second Revised Edition 1967, ISBN 978-0-9991417-9-3 S. 235
- ↑ Marc Frey; Geschichte des Vietnamkrieges; Beck, München 2000, ISBN 3-406-45978-1, S. 47
- ↑ Frey (2000), S. 48
- ↑ Frey (2000), S. 60
- ↑ U. a. die Pentagon Papers (Volltext (Memento des Originals [1] vom 9. August 2014 im Internet Archive)
Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.)
- ↑ Frey (2000), S. 97 f.
| → Dea Artikl basiad auf ara frein Ibasetzung vom säim Artike in da Wikipedia af deitsch in da Version vom 29.Mai 2014. |