Efengyliaeth
 Paentiad o'r Pedwar Efengylydd gan Jacob Jordaens (tua 1620). | |
| Enghraifft o'r canlynol | gweithgaredd  |
|---|---|
| Math | addysgu, Proselytiaeth |
| Rhan o | Cristnogaeth |
Y gwaith o gyhoeddi'r efengyl—y newyddion da am deyrnas Dduw ac iachawdwriaeth Gristnogol—yw efengyliaeth.[1] Efengylir gyda'r nod o broselyteiddio, atgyfnerthu ac adfywio'r ffydd mewn cymunedau Cristnogol, a chyhoeddi a hyrwyddo hanes a dysgeidiaeth Iesu Grist. Caiff ei ystyried yn gyfrifoldeb pwysig gan nifer o Gristnogion.
Gall y Cristion efengylu drwy sawl dull, gan gynnwys tystio'n bersonol i'r ffydd a rhannu ei brofiad ysbrydol ei hun; addysgu drwy gyfrwng pregethau, darlithoedd, ac astudiaethau Beiblaidd, yn yr eglwys, y capel, neu fannau cyfarfod eraill; cenhadaeth, gwaith cymunedol a chymorth dyngarol; lledaenu llyfrau, pamffledi, a deunyddiau ysgrifenedig eraill; a defnyddio'r cyfryngau torfol a thechnoleg i gyhoeddi'r efengyl i wylwyr, gwrandawyr, a darllenwyr ar draws y byd.
Cyfeiriadau
[golygu | golygu cod]- ↑ efengyliaeth. Geiriadur Prifysgol Cymru. Adalwyd ar 21 Mai 2023.