Huw Tudor
| Huw Tudor | |
|---|---|
 | |
| Ganwyd | Norman Owain Williams 1939 Llanfachraeth, Ynys Môn |
| Dinasyddiaeth |  Cymru |
| Galwedigaeth | actor Cymreig |
Actor a llenor o Gymru oedd Huw Tudor (ganwyd 1939), a anwyd yn Llanfachreth, Sir Fôn.[1] Roedd o'n wyneb a llais cyfarwydd ar y llwyfan, teledu a ffilmiau Cymraeg am dros 30 mlynedd, rhwng 1960 a 1999.[2] Cyfranodd tuag at sawl cynhyrchiad gan Gwmni Theatr Cymru. Roedd o'n adnabyddus am ei lais dramatig ac am ei berfformiadau cofiadwy mewn cynyrchiadau fel Barbarossa (1989) a Rhandir Mwyn (1973).
Ei enw bedydd oedd Norman Owain Williams.
Gyrfa
[golygu | golygu cod]Derbyniodd ei addysg yn Ysgol Llanfachraeth ac Ysgol Uwchradd Caergybi. Dechreuodd ei yrfa darlledu pan yn 16 oed, cyn derbyn ysgoloriaeth i fynychu coleg RADA yn Llundain.[1][2]
Portreadodd y cymeriad Thomas Holme yn y Rhandir Mwyn, addasiad teledu o nofel Marion Eames, i BBC Cymru. Arweiniodd hyn at ei ddiddordeb yn hanes William Penn, gan mai Holme oedd y gŵr benododd Penn yn brif oruchwyliwr ac asiant ei stad ym Mhennsylvania. Bu ar sawl ymweliad â'r Amerig.[3]
Roedd hefyd yn aelod o'r Seiri Rhyddion.[1]
Cafodd ei anrhydeddu ym 1984 fel Cymrawd Oes o'r International Biographical Association am ei wasanaeth i ddiwylliant Cymraeg.[2]
Un o'i ymddangosiadau olaf ar S4C oedd mewn addasiad Harri Pritchard Jones o ddrama Saunders Lewis, Brad ym 1994. Ni fu'n gweithio yn ystod ei flynyddoedd olaf, oherwydd gwaeledd.[3]
Gwaith
[golygu | golygu cod]Ffilmiau
[golygu | golygu cod]- Brad (1994)
Teledu
[golygu | golygu cod]- Gwanwyn Diweddar (1964) BBC Cymru [4]
- Gwalia (1965) BBC Cymru
- Y Rhandir Mwyn (1973)
- Y Graith (1980)[5]
- The Life And Times Of David Lloyd George (1981)
- Diar Diar Doctor (1983)[6]
- Cysgodion G'dansk (1987)
- Barbarossa (1989)
- The Old Devils (1992)
- A Mind To Kill (1994)[7]
Llwyfan
[golygu | golygu cod]- The Provok'd Wife (1968)[8] Wales Theatre Company
- Tair drama fer gan Eugène Ionesco : Y Tenant Newydd, Merthyron Dyletswydd a Pedwarawd (1968) Cwmni Theatr Cymru
- Cymod Cadarn (1973) Cwmni Theatr Cymru
- Yr Achos (1974) Cwmni Theatr Cymru[9]
- Drama Ddifyfyr yr Alma (1974) Cwmni Theatr Cymru[9]
- Camelion y Bugail (1974) Cwmni Theatr Cymru
- Dychweledigion (1974) Cwmni Theatr Cymru
- Byd O Amser (1975) Cwmni Theatr Cymru
- Enoc Huws (1989) Cwmni Theatr Gwynedd
- The Druid's Rest (1992) Cwmni Theatr Gwynedd
Radio
[golygu | golygu cod]- The Corn Is Green (1965)
Cyfeiriadau
[golygu | golygu cod]- ↑ 1.0 1.1 1.2 "Archifau Huw Tudor".
- ↑ 2.0 2.1 2.2 Cwmni Theatr Gwynedd (1992). Rhaglen The Druid's Rest.
- ↑ 3.0 3.1 "BBC - Gogledd Orllewin - Huw Tudor - ar drywydd Cymry America". www.bbc.co.uk. Cyrchwyd 2024-08-28.
- ↑ "BBC Television". www.78rpm.co.uk. Cyrchwyd 2024-10-06.
- ↑ "Y Graith (1980)". Wici Y Cyfryngau Cymraeg. Cyrchwyd 2024-08-28.
- ↑ "Diar Diar Doctor". Wici Y Cyfryngau Cymraeg. Cyrchwyd 2024-08-28.
- ↑ "Huw Tudor | Actor". IMDb (yn Saesneg). Cyrchwyd 2024-08-28.
- ↑ "Rhagorol online catalogue". diogel.gwynedd.llyw.cymru. Cyrchwyd 2024-08-28.
- ↑ 9.0 9.1 "Rhagorol online catalogue". diogel.gwynedd.llyw.cymru. Cyrchwyd 2024-08-28.