Ieithoedd Affro-Asiaidd

Tiriogaethau lle siaredir Ieithoedd Afro-Asiatig mewn melyn

Mae'r Ieithoedd Affro-Asiaidd yn deulu ieithyddol a siaredir dros ran helaeth o ran gogleddol a chanolbarth Affrica a de-orllewin Asia. Mae'n cynnwys tua 375 o ieithoedd, gyda dros 300 miliwn o siaradwyr. Arabeg yw'r iaith gyda'r mwyaf o siaradwyr, gyda dros 200 miliwn. Wethiau cyfeirir at y teulu yma fel yr Ieithoedd Hamito-Semitig.

Mae'r teulu yn cynnwys yr is-deuluoedd isod:

• Ieithoedd Berberaidd
• Ieithoedd Tsiadaidd
• Eiffteg
  • Copteg
• Ieithoedd Semitig
• Ieithoedd Cwshitig
• Beja (weithiau'n cael ei hystyried fel un o'r Ieithoedd Cwshitig)
• Ieithoedd Omotig (weithiau'n cael eu hystyried fel rhan o'r Ieithoedd Cwshitig)

Yr Ieithoedd Semitig yw'r unig is-deulu a siaredir y tu allan i Affrica.