Erwin Strittmatter

Erwin Strittmatter w lěśe 1992

Erwin Strittmatter (roź. 14. awgusta 1912 w Grodku; wum. 31. januara 1994 w Schulzenhofje) jo był serbsko-nimski spisowaśel, kótaryž jo w nimskej rěcy pisał.

Žywjenje

Wón jo se naroźił ako jadno z pěśo źiśi pjakarja Heinricha Strittmattera a jogo žeńskeje Pauliny Heleny, roź. Kulka. Swójo źiśetstwo jo wón w dolnołužyskich jsach Syjk (wót 1914) a Bóšojce pla Grodka (wót 1919) póbył. W lětach 1924-1930 jo wón źěłał ako wucabnik na Grodkowskim realnym gymnaziumje, kótaryž teke wót lěta 1996 njaso jogo mě. W 1933 jo zastupił do SPD. Jo se wóženił w 1937 a wót 1941 jo był ako wójak w policajskim regimenśe w Drugej swětowej wójnje. W 1943 jo Heinrich Himmler pósćił wšyknym policajskim regimentam cłonkstwo w SS, stakim jo se Strittmatter awtomatiski SS-ak stał.

Gaž wójna jo se skóńcyła, Strittmatter nejpjerwjej jo źěłał ako pjakaŕ, pón ako redaktor źenika Märkische Volksstimme w Złym Komorowje. 1950 jo wózjawił swójo prědne literariske źěło Der Ochsenkutscher. W lětach 1959-1961 jo wón był prědny sekretaŕ Nimskego zwězka spisowaśelow.

We Łužycy znata jo jogo trilogija Loda (Der Laden), w kótarejž jo wón wopisał swóju dwójorěcnu domownju. Strittatter ale teke cesto jo wobspominał wó swójich dožywjenjach a serbskich korjenjach, na pś. we wulicowańku Sulamith Mingedö, der Doktor und die Laus pišo wón wó swójoj swajźbje; ryśarje toś togo źěła su mj. dr. jogo starki Gottfried Jurischka a starka Dorothea, jogo nan Heinrich, maś a wujk Stefan, kótaryž jo do Ameryki wudrogował.

Strittmatterowe knigły su se pśestajali do wokoło 40 rěcow.

Publikacije

1950: Ochsenkutscher 1953: Eine Mauer fällt 1953: Katzgraben 1954: Tinko 1956: Paul und die Dame Daniel 1957: Der Wundertäter (1973, 1980) 1958: Katzgraben – Szenen aus dem Bauernleben Mit einem Nachspiel 1959: Die Holländerbraut 1959: Pony Pedro 1963: Ole Bienkopp 1966: Schulzenhofer Kramkalender 1967: Die Holländerbraut – Schauspiel in fünf Akten 1969: Ein Dienstag im Dezember 1970: Ein Dienstag im September 1971: 3/4hundert Kleingeschichten 1972 Die Nachtigall-Geschichten (1977, 1985) 1976: Die blaue Nachtigall oder Der Anfang von etwas 1977: Sulamith Mingedö, der Doktor und die Laus 1977: Meine Freundin Tina Babe

1979: Die alte Hofpumpe 1981: Selbstermunterungen 1982: Wahre Geschichten aller Ard(t) 1983: Der Laden (1987, 1992) 1984: Ponyweihnacht 1985: Grüner Juni 1987: Lebenszeit 1990: Die Lage in den Lüften 2003: Der Weihnachtsmann in der Lumpenkiste 1992: Flikka 1995: Vor der Verwandlung (wudała Eva Strittmatter) 2002: Geschichten ohne Heimat 2002: Wie der Regen mit dem See redet 2003: Kalender ohne Anfang und Ende – Notizen aus Piestany (wudała Eva Strittmatter) 2005: Todesangst – Eine Nacht (wuběrk Helga Pankoke) 2012: Nachrichten aus meinem Leben – Aus den Tagebüchern 1954–1973 (wudała Almut Giesecke) 2014: Der Zustand meiner Welt – Aus den Tagebüchern 1974–1994 (wudała Almut Giesecke)

Wótkaze

 Commons: Erwin Strittmatter – Zběrka wobrazow, widejow a audio-datajow

• Erwin Strittmatter - Literatura w katalogu Nimskeje narodneje biblioteki
• Strittmatterowe towaristwo w Bóšojcach (nim.)