K wobsahej skočić

Erwin Strittmatter

Z Wikipedije, swobodneje encyklopedije
Erwin Strittmatter w lěće 1992

Erwin Strittmatter (* 14. awgusta 1912 w Grodku; † 31. januara 1994 w Schulzenhofu) bě serbsko-němski spisowaćel, kiž pisaše w němskej rěči. Wón płaći jako jedyn z najznaćišich awtorow za čas Němskeje demokratiskeje republiki.

Žiwjenje

[wobdźěłać | žórłowy tekst wobdźěłać]

Strittmatter narosće w delnjołužiskich Bóšojcach pola Grodka, hdźež měještaj jeho staršej wobchod a pjekarnju. Wot 1924 do 1930 běše šuler na Grodkowskim realnym gymnaziju, kotryž nosy wot lěta 1996 jeho mjeno. Po pjekarskej wučbje dźěłaše jako pjekarski napomocnik, pinčnik, pomocny dźěłaćer a hladar zwěrjatow. Hišće do 1933 zastupi do SPD. W lěće 1937 so woženi a wot 1941 bě jako wojak w policajskim regimenće w Druhej swětowej wójnje. 1943 spožči Heinrich Himmler wšěm policajskim regimentam čłonstwo w SS, tak zo so Strittmatter awtomatisce z esesowcom sta.

Po Druhej swětowej wójnje dźěłaše najprjedy znowa jako pjekar a potom jako redaktor za nowinu Märkische Volksstimme w Złym Komorowje. 1950 wozjewi swoju prěničku Der Ochsenkutscher. Wot 1954 bydleše w Schulzenhofu w Ruppinskim kraju. Wot 1959 do 1961 bě prěni sekretar Němskeho zwjazka spisowaćelow. 1963 wuńdźe roman Ole Bienkopp, za kotryž spožči so jemu lěto na to Narodne myto NDR.

Z trilogiju Der Laden staji swojej dwurěčnej domiznje, zhromadnemu žiwjenju Serbow a Němcow kaž tež městu Grodkej literarny pomnik. Strittmatterowe knihi přełožichu so do někak 40 rěčow.

Wot 1956 bě w třećim mandźelstwje z Evu Strittmatter woženjeny a měješe z njej třoch zhromadnych synow.

Spisy

[wobdźěłać | žórłowy tekst wobdźěłać]
  • Ochsenkutscher (1950)
  • Eine Mauer fällt (1953)
  • Katzgraben (1953)
  • Tinko (1954)
  • Paul und die Dame Daniel (1956)
  • Katzgraben – Szenen aus dem Bauernleben Mit einem Nachspiel (1958)
  • Der Wundertäter (1957, 1973, 1980)
  • Die Holländerbraut (1959)
  • Pony Pedro (1959)
  • Ole Bienkopp (1963)
  • Schulzenhofer Kramkalender (1966)
  • Die Holländerbraut – Schauspiel in fünf Akten (1967)
  • Ein Dienstag im Dezember (1969)
  • Ein Dienstag im September (1970)
  • 3/4hundert Kleingeschichten (1971)
  • Die blaue Nachtigall (abo Der Anfang von etwas) (1976)
  • Sulamith Mingedö, der Doktor und die Laus (1977)
  • Meine Freundin Tina Babe (1977)
  • Die Nachtigall-Geschichten (1972, 1977, 1985)
  • Die alte Hofpumpe (1979)
  • Selbstermunterungen (1981)
  • Wahre Geschichten aller Ard(t) (1982)
  • Der Laden (1983, 1987, 1992)
  • Ponyweihnacht (1984)
  • Grüner Juni (1985)
  • Lebenszeit (1987)
  • Die Lage in den Lüften (1990)
  • Der Weihnachtsmann in der Lumpenkiste (2003)
  • Flikka (1992)
  • Wie ich meinen Großvater kennenlernte
  • Vor der Verwandlung (wudała Eva Strittmatter, 1995)
  • Geschichten ohne Heimat (2002)
  • Wie der Regen mit dem See redet (2002)
  • Kalender ohne Anfang und Ende – Notizen aus Piestany (wudała Eva Strittmatter, 2003)
  • Todesangst – Eine Nacht (Ausgewählt von Helga Pankoke, 2005)
  • Nachrichten aus meinem Leben – Aus den Tagebüchern 1954–1973 (wudała Almut Giesecke, 2012)
  • Der Zustand meiner Welt – Aus den Tagebüchern 1974–1994 (wudała Almut Giesecke, 2014)

Wotkazy

[wobdźěłać | žórłowy tekst wobdźěłać]
 Commons: Erwin Strittmatter – Zběrka wobrazow, widejow a awdiodatajow
Z Wikipedije, swobodneje encyklopedije