A Place in the Sun

A Place in the Sun
	Irudi gehiago
Jatorria
Argitaratze-data	1951
Izenburua	A Place in the Sun
Jatorrizko hizkuntza	ingelesa
Jatorrizko herrialdea	Ameriketako Estatu Batuak
Banatze bidea	eskatu ahalako bideo
Ezaugarriak
Genero artistikoa	film dramatikoa, Zinema beltza, film erromantikoa eta lan literario batean oinarritutako filma
Iraupena	117 minutu
Kolorea	zuri-beltzekoa
Deskribapena
Oinarritua	An American Tragedy (en)
Honen parte da	National Film Registry (en)
Zuzendaritza eta gidoia
Zuzendaria(k)	George Stevens
Gidoigilea(k)	Michael Wilson (en) ; Harry Brown; Theodore Dreiser
Antzezlea(k)
	Montgomery Clift ; Elizabeth Taylor ; Shelley Winters ; Anne Revere ; Fred Clark ; Raymond Burr ; Ted de Corsia ; Ian Wolfe ; Douglas Spencer ; Frieda Inescort (en) ; Herbert Heyes ; John Ridgely ; Kathleen Freeman ; Keefe Brasselle ; Paul Frees ; Shepperd Strudwick ; Walter Sande ; Kasey Rogers ; Bess Flowers ; Harold Miller (en) ; Frank Mills ; Franklyn Farnum ; Frank O'Connor ; Al Ferguson ; Hank Mann ; Kathryn Givney
Ekoizpena
Ekoizlea	George Stevens
Konpainia ekoizlea	Paramount Pictures
Edizioa	William Hornbeck (en)
Ekoizpen-diseinatzailea	Hans Dreier (mul)
Bestelako lanak
Musikagilea	Franz Waxman (en)
Argazki-zuzendaria	William C. Mellor (en)
Jantzi-diseinatzailea	Edith Head
Historia
Jasotako sariak	National Board of Review Award for Best Film (en) ; National Board of Review: Top Ten Films (en) ; Academy Award for Best Costume Design, Black-and-White (en) ; 24th Academy Awards (en) ; Academy Award for Best Original Dramatic or Comedy Score (en) ; 24th Academy Awards (en) ; Egokitutako gidoi onenaren Oscar Saria ; 24th Academy Awards (en) ; Academy Award for Best Cinematography, Black-and-White (en) ; 24th Academy Awards (en) ; Muntatze onenaren Oscar Saria ; 24th Academy Awards (en) ; Zuzendari onenaren Oscar Saria ; 24th Academy Awards (en)
Nominazioak	Gizonezko aktore onenaren Oscar Saria ; 24th Academy Awards (en) ; Montgomery Clift; Egokitutako gidoi onenaren Oscar Saria ; 24th Academy Awards (en) ; Michael Wilson (en) , Harry Brown; Academy Award for Best Costume Design, Black-and-White (en) ; 24th Academy Awards (en) ; Edith Head; Film onenaren Oscar Saria ; 24th Academy Awards (en) ; George Stevens; Muntatze onenaren Oscar Saria ; 24th Academy Awards (en) ; William Hornbeck (en) ; Zuzendari onenaren Oscar Saria ; 24th Academy Awards (en) ; George Stevens; Academy Award for Best Cinematography, Black-and-White (en) ; 24th Academy Awards (en) ; William C. Mellor (en) ; Emakumezko aktore onenaren Oscar Saria ; 24th Academy Awards (en) ; Shelley Winters; Academy Award for Best Original Dramatic or Comedy Score (en) ; 24th Academy Awards (en) ; Franz Waxman (en)

A Place in the Sun 1951an George Stevensek zuzendutako filma da, Theodore Dreiserren An American Tragedy eleberrian oinarrituta.

Argumentua

Oharra: Atal honek istorio osoa edo amaiera argitzen du.

George Eastman (Montgomery Clift) familia apaleko semea da, ikasketarik gabekoa. Osaba aberats baten lan-eskaintza onartu eta bere familia eta herria uzten du. Osabaren lantegian lan egiten hasi eta -enpresaren barne-arautegia hautsiz- harreman sentimentala hasten du Alice izeneko neska batekin (Shelley Winters), berarekin ekoizpen-kate batean lan egiten duena. Handik gutxira, Alice haurdun geratzen da.

Aldi berean, George bere osabaren giro aberatsean lortzen du sartzen, eta bertan goi-gizarteko neska eder bat ezagutzen du, Angela Vickers (Elizabeth Taylor). Laster biak maitemintzen dira, baina Alice ohartzen da eta Georgeri exijitzen dio berarekin ezkontzeko, haurdun baita. Berarekin ezkondu ezean, bere osabari eta Vickers familiari haren egoera azalduko diela esaten dio Georgeri, mehatxu gisa. Horren aurrean, George Eastman, atsekabeturik, Aliceren heriotza bere arazoaren irtenbidea izan daitekeela hasi da pentsatzen.

Asteburua elkarrekin pasatuz, Georgek Aliceri proposatzen dio laku batera joateko eta txalupa batean elkarrekin paseatzeko. Neskak onartzen du. Txalupan daudenean, Georgek -hasieran Alice lakuan itotzeko asmoa zuena- barne gatazka bortitza bizi du, bere gogoa eta bere senaren artean. Zalantza horretan dagoenean, Alice zutitzen da baldarki eta txalupa irauli egiten da, neska itota suertatuz.

George atxilotzen dute, heriotzaren egilea izateko akusaziopean. Epaiketan errudun deklaratzen dute eta aulki elektrikora kondenatu. Pelikulak anbiguotasunarekin jokatzen du, ez baita argi ikusten Aliceren heriotza nola gertatzen den eta Georgeren jarrera une horretan zein den. Georgek berak uste du errudun dela gogoan, Aliceren heriotza nahi zuelako, nahiz eta heriotza horren egile zuzena ez izan. Honenbestez, bere hiltzeko epaia etsipenez onartzen du.

Beste datu batzuk

Pelikula 1949ko bukaeran eta 1950eko hasieran filmatu zen. Bertan Nevadako Lake Tahoe-ko inguruak agertzen dira. Pelikula hau egin zuenean, Elizabeth Taylor-ek 17 urte besterik ez zituen, eta Montgomery Clift-ek 30. Taylor Metro-Goldwyn-Mayer-ko izarra zen, eta pelikula honekin ume izatetik gazte izatera igaro zen. Montgomery Clift bere karrera distiratsua sendotzen ari zen, hau bere bosgarren filma izanik.

Paramount Pictures ekoizleak bikote horren xarma eta magnetismoari etekina atera nahi zion, eta bi antzezle horien arteko ustezko amodio-kontua lau haizetara zabaldu zuen. Maitasun-harremanik ez, baina Taylor eta Clift lagun minak bihurtu ziren pelikula honetan, eta urte luzeetan harreman estua mantendu zuten.

Pelikulak laudorio bikainak lortu zituen kritikoen aldetik, eta arrakasta handia txarteldegietan. Sei Oscar irabazi zituen.

Charles Chaplinek "Hollywoodeko inoizko pelikularik onena"-tzat jo zuen ^[1] , eta AEBetako Kongresuko liburutegiak 1991ean film hau betiko gordetzeko hautatu zuen.

Pertsonai nagusiak

Montgomery Clift : George Eastman
Elizabeth Taylor : Angela Vicker
Shelley Winters : Alice Tripp
Anne Revere : Hannah Eastman
Raymond Burr : Marlowe
Keefe Brasselle : Earl Eastman
Herbert Heyes : Charles Eastman
Shepperd Strudwick : Anthony Vickers
Frieda Inescort : Vickers andrea
Kathryn Givney : Louise Eastman

Sariak

Oscar Sarietan sei sariak lortu zituen, baina ez zuen film onenarena lortu:

Erreferentziak

↑ Andrew, Geoff. "A Place in the Sun." "Cinematheque".

Kanpo estekak

imdb.com

Datuak: Q733627
Multimedia: A Place in the Sun (film) / Q733627

[1] Andrew, Geoff. "A Place in the Sun." "Cinematheque".

[1]